سالم تسليمٍ يزيد النور نور !!!

[أبو وافي العتيبي]

سالم تسليمٍ يزيد النور نور = وكتابتي تعرف على رسم قلمي
لا شفت لا نجدة ولا جندي مرور = لكن في دربي ورابط محزمي

[احمد الزايدي]

يامرحبا بااللي سبح جوف البحور=الشاعر الماهـر عـزيز ويكرمي


زمـن يـدور وفـيه ياكـثـر الشـرور=الله يعين اللي يـحـل ويحـرمي

[مشاري الشلاحي]

أبو وافي

صح لسانك وبيض الله وجهك على البداية الجزله

أحمد الزايدي

صح لسانك وبيض الله وجهك على الرد الوافي

والمعذرة والله ماشفت ردك ألا بعد مانزلت ردي

لكن واصلو وحنا متابعين

[مدقق القوافي]

ابو وافي صح لسانك بيت مليان
الزايدي صح لسانك رد وافي
متابعين

[أبو وافي العتيبي]

دام البقاء لكن ياكثر الصقور = ياحظ من هو للمواقف يحتمي
ماني بائر وأنت حذرى لا تبور = أنا أنتمي لطيب وأنته تنتمي

[احمد الزايدي]

الخير في أمة محمد من عصور=والدين يجعل كل مسلم يفهمي


أنـتـه عـريب الـجـد رجـال وقـور=مـن لابة شجـعـان ماهم هتمي

[أبو وافي العتيبي]

الخير خير الدين والدنيا عبـور = يالله أناطالبك ترفع بسهمي
والناس لو عاشت تعود للقبور = يالله يالمعبود ثبت لي قدمي

[احمد الزايدي]

العبد لن تاب وأناب يلقى القصور=في جنة الفردوس طيب المغنمي


وزوجاته من الحور عايش في سرور=فاالجنه ايخلد وعايش مغرمي

[أبو وافي العتيبي]

ماماتت الشجرة ليا أسقيت الجذور = واللي بناء بيته مايرجع يهدمي
تمت وبان العلم في بعض السطور = أحمد ختم علمه وحنا نختمي

[أبو وافي العتيبي]

أحمد

بيض الله وجهك تشرفت بالعب معك


لنا لقاء أخر

تحياتي

[احمد الزايدي]

ابو وافي العتيبي


سلام تسليـمٍ يزيـد النـور نـور=وكتابتي تعرف على رسم قلمي
لا شفت لا نجدة ولا جندي مرور=لكن في دربي ورابط محزمـي


احمد حامد الزايدي


يامرحبا بااللي سبح جوف البحور=الشاعر الماهر عزيـز ويكرمـي

زمن يدور وفيه ياكثر الشـرور=الله يعين اللـي يحـل ويحرمـي

ابو وافي العتيبي


دام البقاء لكن ياكثر الصقور=ياحظ من هو للمواقف يحتمي
ماني بائر وأنت حذرى لا تبور=أنا أنتمي لطيب وأنته تنتمـي

احمد حامد الزايدي


الخير في أمة محمد من عصور=والدين يجعل كل مسلم يفهمـي

أنته عريب الجد رجال وقـور=من لابة شجعان ماهـم هتمـي

ابو وافي العتيبي


الخير خير الدين والدنيا عبور=يالله أناطالبك ترفع بسهمـي
والناس لو عاشت تعود للقبور=يالله يالمعبود ثبت لي قدمـي

احمد حامد الزايدي


العبد لن تاب وأناب يلقـى القصـور=في جنة الفـردوس طيـب المغنمـي

وزوجاته من الحور عايش في سرور=فاالجنـه ايخلـد وعايـش مغرمـي

ابو وافي العتيبي


ماماتت الشجرة ليا أسقيت الجذور=واللي بناء بيته مايرجع يهدمـي
تمت وبان العلم في بعض السطور=أحمد ختم علمـه وحنـا نختمـي

[احمد الزايدي]

ابو وافي


أستمتعت هذه الليله بمجاراتك والله يسلمك ويغليك، تصبح على خير.


والى لقاء أخر يجمعنا على خير بأذن الله تعالى.