₪۩۞…§۞۩₪»معجزة بلقيس «₪۩۞§…۞۩₪

[راعي الشلفا]

ياسلام الله سلامٍ فيه مر وفيه حالي=لو ثقيف اصحابنا فالوقت ماترخي علمها
مايجيب المعجزه غير الولي في كل حالي=مير طاحت معجزة بلقيس وانشافت قدمها

[ابو لمار]

مرحبا ترحيبة(ن) ماتبخس احقوق الرجالي = مير عان الذيب يعوي والبدو ترعى غنمها

ماستر حال البن آدم غير ستّار الحوالي = وانت لو حصلت فرصه طيع شوري واغتنمها

[راعي الشلفا]

الله الله


البقا والطيب فيه الطيب والناموس غالي=سامري هارون ببقرته غزى القوم وذممها

صوروها واعبدوها وارفعوها راس عالي=ابقره من طين والها خوار مايوكل لحمه

[عبدالله الجـــذع]

يالله صبآح خير

صبحكم الله بالخير

بدآيه تجبرك على المتآبعه

صحت السنتكم شعرآآئنا المبدعين

محبكم

,’

[راعي الشلفا]

عبدالله الجذع صح بدنك والمنتدى مايسكر

دايم فاتح ومعطن العالم جوها:)

[ابو لمار]

اعبد الله واترك اللي ماوراهم راس مالي = انت مسلم لاتعاين في اليهود ولا صنمها

لاتهور يالعتيبي خل مشيك بالعدالي = ثم نفسك بعدها تندم ولاينفع ندمها

[ابو لمار]

صح بدنك يالجذع

وشرفتنا بمرورك يالغالي



تحياااتي لك

[راعي الشلفا]

علم الهندوس عباد البقر شرق وشمالي=لاتعلم مسلمٍ طايع ونفسه محترمها

من يقول الحق يالثقفان والله مايبالي=في مخاليقٍ تحب الظلم والله ماظلمها

[مشهـور]

ياسلام الله سلامٍ فيه مر وفيه حالي=لو ثقيف اصحابنا فالوقت ماترخي علمها
مايجيب المعجزه غير الولي في كل حالي=مير طاحت معجزة بلقيس وانشافت قدمها



صح السانك ياغريب الدار

وصح السان ابو لمار

[/عبد العزيز الجذع/]

صحت السنتكم..



تحياتي..

[قادح شرار]

الله الله


البقا والطيب فيه الطيب والناموس غالي=سامري هارون ببقرته غزى القوم وذممها

صوروها واعبدوها وارفعوها راس عالي=ابقره من طين والها خوار مايوكل لحمها

يا سلاااااااام يا بعيد الدار .

صح لسانك , ما شاء الله تبارك الله عليك .


شاعر ثقيف : صح لسانك وردك على هالبيتين وافي وافي .