تسجيل الدخول

مشاهدة النسخة كاملة : المعتصم اقرب

الوليد الحافي
19-Apr-2008, 10:03 PM
الا يالمعتصم دوب زان القاف دوبه=نبا ناخذ علومك ونعطيك البياني
كثر امن العرب شب ناره جوف ثوبه=غشيم(ن) ساق رجله على درب الهواني
المعتصم بالله
19-Apr-2008, 11:16 PM
الا ياشاعرٍ جيت في شعرك عذوبه=تفضل يا ابيض الوجه يا طلق اليماني

ترى يا صاحبي كلٍ يحمل ذنوبه=وانا مالي ومال الغشيم اللي يعاني
الوليد الحافي
20-Apr-2008, 12:13 AM
ترى بعض العرب ياولد تقل مغصوبه = تحسب اليوم ساعه وتجهل فالثواني

وانا لاقلت اله هد ينفخلي ذروبه = مصيره يستمر ويصحيه الزماني
عيد العازمي
20-Apr-2008, 12:18 AM
شاعر الحفاه --- المعتصم بالله



صحت الالسن والابدان



متاااااااااااااااااابع
الوليد الحافي
20-Apr-2008, 12:26 AM
العازمي

ياهلابك


وصح بدنك متابعتك تشرف

تحيتي
المعتصم بالله
20-Apr-2008, 12:31 AM
تغني ياولد من طرب والا عجوبه=ترى من راقب الخلق مات من الجناني

كفيل الناس ربك وكلٍ له عقوبه=وكل انسان محسوب اله قول اللساني
الوليد الحافي
20-Apr-2008, 12:45 AM
نزلت السوق يالمعتصم وافهم سلوبه = ونفرق فالرخيصه ونفرق فالثماني

نبا نعطيك فرصه ولاهيب محجوبه = قريت اللوحه اللي على منفذ عماني
الوليد الحافي
20-Apr-2008, 12:56 AM
المعتصم بالله

صح لسانك

ونكمل بكره

ورانا دوام
المعتصم بالله
20-Apr-2008, 01:10 AM
نزلت السوق لكن احذر تصبح جلوبه=ومنك العشر يا صاحبي ترجع ثماني

تركد قبل ياخذك عاصوف بهبوبه=تركد يا غليم ترى عودك لياني
الوليد الحافي
20-Apr-2008, 06:13 PM
انا أحسب لك وكلمتك ماهيب محسوبه =ولاابغا ...أردها .. وانت واحد من خواني
ترى اللي يقترب للرحا تطحن حبوبه =وكلٍ يعرف الجدي وسهيل اليماني
الوليد الحافي
20-Apr-2008, 06:14 PM
المعتصم بالله شرفتنا يالغالي باللعب معك

والى لقاء أخر بمشيئة الله
معجب العتيبي
20-Apr-2008, 06:46 PM
شاعر الحفاه

المعتصم بالله

صحة السنتكم مبدعين