تقدم يالفالح ليلك ليل سرمدي

[أســ القاع ــد]

سلا م الله سلام (ن) يخلص الداين من المديون =على روس الرجال اللي تكمل في مواجبها
ولا يالفالح الليله نبا المعنى على القانون= كما ظرب الفرنج اللي عطيبات(ن)مظاربها

[علي فلاح العضياني]

هلا يا مرحبا ترحيبةٍ يعقل بها المجنون=تراحيب الرجال اللي معززتن مذاهبها
توكلنا على الله والعلوم الكايدات تهون=ترى قدمك رياجيلٍ تفتّل في شواربها

[نايف بن ملحق الثعلي]

اسد القاع صح لسانك

ولسان الفالح

[أســ القاع ــد]

يدوم لك البقاء يلي ترحب جعل مابك لون=وحنا نعرف النيات والجاهل يكذبها
يحوف الذيب فالمرحان والرعيان مايدرون=وكم شاةُ تعشاها وكم شاةُ مغببها

[أســ القاع ــد]

صح بدنك يانايف الروقي

ومشكوووور


على المروووووووووووور

ولك تحياتي

[راع العلطا]

يحوف الذيب فالمرحان والرعيان مايدرون=وكم شاةُ تعشاها وكم شاةُ مغببها


ابداع في ابداع
أســـــ الــقـــاع ـــــد & الفالح
صح الله السنتكم

أســـــ الــقـــاع ـــــد
صح لسانك لاهنت تقبل اعجابي بشاعريتك الفذه
تحــيــاتي ,,,

[أســ القاع ــد]

مشكور اخوي راعي العلطا ء

ومرورك يسعدني ويشرفني


واعجابك وسااااام على صدري



ولك تحياتي يالغالي

[علي فلاح العضياني]

الا ياللي تغنّي وانت ما ادري عنك ويش تكون=لزوم ادري من انته والديار اللي تعيش بها
هذا طبع الذيابه وانت ياذيبٍ بدون سنون=ابا ارمي وسط حنجورك حصاه ولا تغصّ بها

[$ الحــيــران $]

الفالح وأسد عزالله إبداع صحت ألسنتكم

[أســ القاع ــد]

انامعروف واقرا اسمي ترا اسمي مشتهر فالكون=وداري دار عزاُ تدحم القوم ابمناكبها
ولا ياراعي الزلة ترا راع الخطا ملعون= ولكن غلطة الجاهل على راسه عواقبها

[أســ القاع ــد]

مشكور على المرور

يالحيران

ولاهنت



ولك تحياتي

[علي فلاح العضياني]

ترى راع الاسم هذاه في وسط الثرى مدفون=وناسٍ تسرق الالقاب مدري وش نلقّبها
بعد ما حطّك الله في يديني تعتبر مرهون=ما افكّك لين كل الاسئله هذي تجاوبها

[أســ القاع ــد]

عسى الله يرحم الاموات واللي عقبوا يبقون= هذاه اسمي واسم جدي ولكن لا تغاربها
رسمتلك هدف واضح لكن انته بدون عيون= مادام انك من العميان والله لا تجنبها