اقرب شاعر يتفضل مشكور

[رفيع المنزل]

سلام بعد اسبوع مدري فوق الاسبوع بليال=مير المهم اني عقب ماغبت راجع بالسلام
دخلت ابقرا فالقصيد وفي معانيه الجزال =ولادريت الا القريحه طيرها فالراس حام

[محب الهيلا]

ماحولك شعار

[مرجح الميزان]

يامرحبا واللي حضر ما قالت العربان طال=مير المهم بمرحبا ياصاحبي نبدا الكلام
الكنز من صرف الذهب ..والكيف في خشم الدلال=واللي تهيض خاطره يرقب لعينه لا تنام

[مرجح الميزان]

رفيع

المنزل

لي

الشرف

[دريد ابن الصمة]

رفيع المنزل ..

صح لسانك وبدع رااائع من شااعر اروع ..


مرجح الموازين .. حي هالاسم ورااعيه ..


صح لساااانك .. ومتابعين للمتعه والفائده ..

[رفيع المنزل]

المعذرة طلعت البارح لان الرد تاخر علي لكن استلم


دام البقا واهرج معي هرج ٍ ماهو قيل ٍ وقال=انا حشيم وجيت لي ربع ٍ يعزون الحشام
نسكن على القمه بحمد الله وفيها لانزال=واللي يعاندنا يبي يذعن ولاياصل المرام

[مرجح الميزان]

مرحبا اخوي رفيع المنزل وحييت مليون..


اهرج وأنا أهرج والوفا لأهل الوفا سلم الرجال=اللي لها بين النجوم المرقبه قدر ومقام
وكانك تبيها بالمثل قال المثل وأضرب مثال=المحترم لو هو عدو يفرض عليك الاحترام

[مرجح الميزان]

أخوي

دريد

ومن قال يحيا وصح بدنك

ومتابعتك لا شك انها شرف لأخوانك

[الاصمعي]

تسلمون ياشعار
ابدااااع رااااائع جداا
متااااااااااااااااااااااااابع

[مرجح الميزان]

أخوي الأصمعي

يامرحبا يامرحبا

ويسلم راسك.. والابداع والله

مرووووورك ومتااااااابعتك

[رفيع المنزل]

عز الله اني مانويت امشي على غير العدال=هذي سلوم اهل الوفا واهل المعزة والكرام
لكن يحدوني بعض ربع ٍ يحبون الجدال = وانا على العايل سواة السيف قصاص العظام

[رفيع المنزل]

دريد بن الصمة مشكور على تواجدك

واشكرك الجميع كذلك واقول

متابعتكم شرف

[مرجح الميزان]

اللي سواتك منزله دايم على روس الطوال=ماهمه اللي منزله يحسب تحت كوم الحطام
ياشعيل يابعير البدو ياللي تنوخ للثقال=لا أحدن يحدك للعلوم اللي تلحقك الملام

[نايف بن ملحق الثعلي]

صحت السنتكم يشعار
مبدعين

[رفيع المنزل]

يامرجح الميزان تسلم وانت وافي باي حال=لكن ترى الجاهل يبي ربعه تعلمه النظام
ترى العرب قالوا سفيه القوم لاحل المجال=ان كان ماكفوه شوه شكلهم بين الانام

[مرجح الميزان]

ومن قال يسلم وأنت رجل جامع كل الخصال=الطيبه حتى غدى للطيب في صدرك وسام
بعطيك كلمه وحده للشك مافيها احتمال=( ماينفع اللي طامع فالكايده كثر الحلام )

[مرجح الميزان]

ومن قال يسلم وانت رجل جامع كل الخصال=الطيبه حتى غدى للطيب في صدرك وسام
بعطيك كلمه وحده للشك مافيها احتمال=( لا تحسبن ان الليال المقبله برد وسلام )

[مرجح الميزان]

رفيع المنزل صح لسانك

استفدت منك الكثير والأخير عندك

[مرجح الميزان]

نايف الروقي صح بدنك

ومرورك منور

[رفيع المنزل]

مامن عليكم زود ياهل الطيب ياكرام السبال=واللي تعب للطيب يشكر والجزيلات اغتنام
والكلمه اللي قلت عندي مثلها والشك زال=عليك مردور النقا لاثار للهيجا عسام



تشرفت باللعب معك واشكرك من الاعماق على اريحيتك

واشكر جميع المتابعين

[علي فلاح العضياني]

ومن قال يسلم وانت رجل جامع كل الخصال
الطيبه حتى غدى للطيب في صدرك وسـام
بعطيك كلمه وحده للشك مافيهـا احتمـال
( لا تحسبن ان الليال المقبله برد وسلام )

صح لسانك يا رفيع المنزل


وصح لسان مرجح الميزان وسجل اعجابي

تحياتي

[مرجح الميزان]

مرحبا بك يالفالح ومرحبا بمرورك

وصح بدنك

شهادتك وسام

ولك مردود التحيه