ابو فراس
13-Aug-2003, 04:37 PM
هذه مساجله جميله بين الهاجري وابن قضعان وقد ارسل الاول مندوبه على طائره ورد عليه الثاني بارسال ذلول
يقول سلطان الهاجري
راكب اللي حســـــها تسمعه من كل صوب
مثل زلزال الرعد في المزون المظلمه
كنها يوم اســــــتدارت وضــــاقن الدروب
فرخ شاهينٍ على الطلع ينهض مقدمه
تلها جوج الخواجـــه وعرضها الهبــــــوب
واعلنوا باطفاء السجاير وربط الاحزمه
من ســـلايل شــــــايبٍ ماجمع غير الذنوب
الديانه عكس الاسلام ماهي مسلمه
مايعرف يقول هذي شــــمال وذي جنوب
الدليه بوصله والحروف مترجمه
وهني اللي على رحلتـــــــه يلقى ركوب
ان رجع ولا توفي عسى الله يرحمه
ان نوى في مشرق الارض ولا في الغروب
المهم ينفذ اللازم اللي يلزمه
فاقدٍ لي شـــــــيخ قومٍ عزيزٍ ومحسوب
محزمٍ في الضيق ياسعد منهو محزمه
والجفا من بين الاصحاب عيب من العيوب
والصداقه من بنى بيتها لايهدمه
والغلا والكره ماتســـكن الا في القلوب
بس مابه قلب فيه الاثنين مخيمه
والرجل لا صار بيتٍ مذرا ومحجـــــــوب
استوى عند النشاما وجوده وعدمه
اتحمل مزح الاصحاب عذبين الســــلوب
واتخير واكل التمر وطش عجمه
واعرف الكذبه اليا جات من فم الكذوب
لاقعد يرفع لسانه ويرخي برطمه
واقفل الجوال عن راعي الغوج الهذوب
وافصل التعميم عن بيجري واعممه
زلة الطيب ماتجرح متينين الجنـــــــوب
عقب اللي زلةٍ من صحيبه تفحمه
ايه ياضيدان والناس حارب ومحــــروب
والاعادي كل واحد بحبره وقلمه
ورد ضيدان بن قضعان بقوله :ـ
راكب اللي كنها البرق في عرض النصوب
داربٍ مسرى الليالي عليه معلمه
بكرةٍ كن خف يدها على الــزور مغصـــوب
لاعقلها اللي عسيفه مهيب مخزمه
وان تساوت واســتعدت لها وصفٍ عجــوب
كنها تدي القسم عند قاضي المحكمه
وان جذب ركابها الصوت بأســـلوبٍ عذوب
ازجلت ماكنها الا هنوفٍ محرمه
وكنها قشعٍ تزبر على صدر الجـــــــــذوب
لاخذت في صحصح البيد سك ودرهمه
ماشـــــريناها من الســوق من جيز الجلوب
من سلايل جيش جدي ذلولٍ مكرمه
تنحـــــر اللي كــل ماتبـــت عيـــا لايتوب
صاحبٍ اغليه جدا واعزه واحشمه
صاحبٍ من لابةٍ مايهــــــابون الحــــــروب
بني هاجر فخر الامجاد كفو الملحمه
مثل ماتجمع شـــــــبابه عتيبـــه والحروب
بيننا حلف وعهود وعقودٍ مبرمه
كان ياســــلطان ناســـيه وصياحك طنوب
مرحبا بك وانتبه والدروب ملغمه
والجفا من بين الاصحاب يالصاحب مهوب
عيب لاكن غيره العيب ياللي تفهمه
والصداقه كنز ماهيب تســـمل سمل ثوب
والصديق ان صار ماصار ماذوق لحمه
له علي ان حده الوقت في الشدات انوب
ولي عليه ان كره صاحبه لايظلمه
وارجل لاصار بيته حجر والســـــور طوب
ماعليه من المنافق ليا رز علمه
عادني من دون روحي ليا شبت شــبوب
والا كم وكم دهاني رموز مبهمه
وكم نواني من الاصحاب دجال ولعـــوب
يبغى ياخذ خيرة ابلي وخذت غنمه
ومعرفة بعض الاصاحيب ذنب من الذنوب
علةٍ من علةٍ اوف ياما اثقل دمه
علة ماهيب تنشـــــــــاف بالميكرسكوب
ودك احياناً ليا طال صوته تكتمه
والرجل لاصار شيخٍ عزيزٍ ومحســـــــوب
استوت زلت لسانه وزلات قدمه
ايه ياســـــــلطان والناس غالب ومغلوب
والاعادي من تحاكا حثينا في فمه
وسلامتكم
يقول سلطان الهاجري
راكب اللي حســـــها تسمعه من كل صوب
مثل زلزال الرعد في المزون المظلمه
كنها يوم اســــــتدارت وضــــاقن الدروب
فرخ شاهينٍ على الطلع ينهض مقدمه
تلها جوج الخواجـــه وعرضها الهبــــــوب
واعلنوا باطفاء السجاير وربط الاحزمه
من ســـلايل شــــــايبٍ ماجمع غير الذنوب
الديانه عكس الاسلام ماهي مسلمه
مايعرف يقول هذي شــــمال وذي جنوب
الدليه بوصله والحروف مترجمه
وهني اللي على رحلتـــــــه يلقى ركوب
ان رجع ولا توفي عسى الله يرحمه
ان نوى في مشرق الارض ولا في الغروب
المهم ينفذ اللازم اللي يلزمه
فاقدٍ لي شـــــــيخ قومٍ عزيزٍ ومحسوب
محزمٍ في الضيق ياسعد منهو محزمه
والجفا من بين الاصحاب عيب من العيوب
والصداقه من بنى بيتها لايهدمه
والغلا والكره ماتســـكن الا في القلوب
بس مابه قلب فيه الاثنين مخيمه
والرجل لا صار بيتٍ مذرا ومحجـــــــوب
استوى عند النشاما وجوده وعدمه
اتحمل مزح الاصحاب عذبين الســــلوب
واتخير واكل التمر وطش عجمه
واعرف الكذبه اليا جات من فم الكذوب
لاقعد يرفع لسانه ويرخي برطمه
واقفل الجوال عن راعي الغوج الهذوب
وافصل التعميم عن بيجري واعممه
زلة الطيب ماتجرح متينين الجنـــــــوب
عقب اللي زلةٍ من صحيبه تفحمه
ايه ياضيدان والناس حارب ومحــــروب
والاعادي كل واحد بحبره وقلمه
ورد ضيدان بن قضعان بقوله :ـ
راكب اللي كنها البرق في عرض النصوب
داربٍ مسرى الليالي عليه معلمه
بكرةٍ كن خف يدها على الــزور مغصـــوب
لاعقلها اللي عسيفه مهيب مخزمه
وان تساوت واســتعدت لها وصفٍ عجــوب
كنها تدي القسم عند قاضي المحكمه
وان جذب ركابها الصوت بأســـلوبٍ عذوب
ازجلت ماكنها الا هنوفٍ محرمه
وكنها قشعٍ تزبر على صدر الجـــــــــذوب
لاخذت في صحصح البيد سك ودرهمه
ماشـــــريناها من الســوق من جيز الجلوب
من سلايل جيش جدي ذلولٍ مكرمه
تنحـــــر اللي كــل ماتبـــت عيـــا لايتوب
صاحبٍ اغليه جدا واعزه واحشمه
صاحبٍ من لابةٍ مايهــــــابون الحــــــروب
بني هاجر فخر الامجاد كفو الملحمه
مثل ماتجمع شـــــــبابه عتيبـــه والحروب
بيننا حلف وعهود وعقودٍ مبرمه
كان ياســــلطان ناســـيه وصياحك طنوب
مرحبا بك وانتبه والدروب ملغمه
والجفا من بين الاصحاب يالصاحب مهوب
عيب لاكن غيره العيب ياللي تفهمه
والصداقه كنز ماهيب تســـمل سمل ثوب
والصديق ان صار ماصار ماذوق لحمه
له علي ان حده الوقت في الشدات انوب
ولي عليه ان كره صاحبه لايظلمه
وارجل لاصار بيته حجر والســـــور طوب
ماعليه من المنافق ليا رز علمه
عادني من دون روحي ليا شبت شــبوب
والا كم وكم دهاني رموز مبهمه
وكم نواني من الاصحاب دجال ولعـــوب
يبغى ياخذ خيرة ابلي وخذت غنمه
ومعرفة بعض الاصاحيب ذنب من الذنوب
علةٍ من علةٍ اوف ياما اثقل دمه
علة ماهيب تنشـــــــــاف بالميكرسكوب
ودك احياناً ليا طال صوته تكتمه
والرجل لاصار شيخٍ عزيزٍ ومحســـــــوب
استوت زلت لسانه وزلات قدمه
ايه ياســـــــلطان والناس غالب ومغلوب
والاعادي من تحاكا حثينا في فمه
وسلامتكم