زبن القاضي+سلطان المنصوري

[زبن القاضي]

زبن القاضي


من شافلي سلطان له مده ماندري وين راح=مدري غيابه من سبب ولا على كيفه يغيب

ياطير ياطير السعد ياللي ترفرف بالجنـاح=ارفع جناحك والامل طيب عسى فالك طيب
سلطان المنصوري


سلطان يقرا في القـرآن وفـي الاحاديـث الصحـاح=وليا دعى الداعي وقف وقفة صحيب ( ن ) مع صحيب

انا جناحـي مرتفـع واشـرب مـن الجـم القـراح=يوم ان غيـري مالهـم فـي وقتنـا حـظ ونصيـب زبن القاضي



تقـرا كتـاب الله ولاهـو عيـب تقـراء فالمـبـاح=وافرح ليا شفتك مع اهل العرف الك رايـن مصيـب

ترى صلاح الديـن ماجـاي ٍ مثـل شكلـه صـلاح=ولاكل مـن يطلـع علـى المنبـر يسمونـه خطيـب

سلطان المنصوري


جاني علوم انه محزمك القثامي بالسلاح=وليا نشدتك قلت مادري ياعجايب ياعجيب


العلم باقي في أمة محمد مداوين الجراح=اخذ الخبر من راسي ومن راس عواض الشهيب
زبن القاضي


أن ماحفظة العلم ياسلطان طار مع الريـاح=على ماقالو فالمثل مافيه حـق بـلا طليـب

الليل ظلماء والعرب تصحي على نور الصباح=وعواض يقرب منك وانته لابعيـد ولاقريـب
سلطان المنصوري

مايختلف طبع النشاما في مساء ولا صباح= واللي بدى راس الجبل يرقب على اللي في الشعيب




جاني خبر بانك مسجل في القصير والنجاح= واليا نشدتك قلت انا مابينهم مثل الغريب
زبن القاضي


مافيه قصر بدون ساس ولاحزام بلا شباح=فالماضيه والمقبلات الله واعلم وش تجيب

ماكثر علوم البدو ياسلطان والدنياء كفاح=مدري نغني مع خلف ولا نغني مع شبيب
سلطان المنصوري

دام الغنم تسرح مع الراعي وتضوي في المراح=انا احمد الله ماغدالي بين خلق الله ذهيب


ياليت شرع الله يطبق في عفيف وفي رماح=اهل عفيف اجواد واهل رماح شايبهم غضيب
زبن القاضي


ياليت راع البدو ياسلطان فاظـل استـراح=اليوم امن وامان لصحاب الدبش مافيه ذيب

الناس في عصر التطور والفرح ولانفتـاح=لو قلت هذا الرجل ميت قال ودوه الطبيـب
سلطان المنصوري



ماضيع البدوان في الخليان غير قرين ضاح=كبوا مراجلهم وضاع الدلو في وسط القليب

من يوم صار الجد يالعضيان يشبه للمزاح=عزي عن القالات والطالات والعقل اللبيب

[مرزوق حمدان العتيبي]

...
..
.
ارحب يا زبن نورت المنتدى ...
صح لسان سلطان ....
محاوره تستحق القراءه والتصفيق ...
...

[أبو نجر النفيعي]

..
الله الله ..

محاوره قل ان تجد مثلها ..

صحة السنتكم يا زبن .. ونتطلب المزيد منكم ..

.

أخوك..

[عبدالله الجـــذع]

جاني علوم انه محزمـك القثامـي بالسـلاح
وليا نشدتك قلت مـادري ياعجايـب ياعجيـب


والله محاوره قويـــه.. وصحــت السنتــكم ...




عبـد الله الجـــــذع...

[وصل العطياني؟؟؟]

صح لسانك يا ابو بشاير وصح لسان ابو هياف ...

محاورة ولا أجمل ...

ولا هي غريبة ...

تحيااااااااتي .

[fahad8088]

صح لسان الشعار

[وحي العقل]

ابيات فيها الجميل وفيها الاجمل

الجميل =كل الابيات

والاجمـــــــــــــــــــــل //

مايختلف طبع النشامـا فـي مسـاء ولا صبـاح
واللي بدى راس الجبل يرقب على اللي في الشعيب
جاني خبر بانك مسجـل فـي القصيـر والنجـاح
واليا نشدتك قلـت انـا مابينهـم مثـل الغريـب
**
مافيه قصر بدون ساس ولاحزام بلا شباح
فالماضيه والمقبلات الله واعلم وش تجيب
ماكثر علوم البدو ياسلطان والدنياء كفاح
مدري نغني مع خلف ولا نغني مع شبيب
**
ياليت شرع الله يطبق في عفيف وفي رمـاح
اهل عفيف اجواد واهل رماح شايبهم غضيـب
**
ماضيع البدوان في الخليان غير قرين ضاح
كبوا مراجلهم وضاع الدلو في وسط القليب
**



ياسلام ياسلام ..ابداع ليس مستغرب

[جمل زومان]

صح لسانكم محاروة قمة وجميله

يعطيكم العافيه

[زبن القاضي]

صحت ابدانكم

سعدة بمروركم

[احمد الملاح]

صح لسان الشعار والله يعطيهم العافيه انهم ونسونا باالابيات اللي تتستحق المتابعه والله يعطيكم العافيه

[الــوآفــي]

زبن

ترى صلاح الدين ماجاي ٍ مثـل شكلـه صـلاح
ولاكل من يطلع على المنبـر يسمونـه خطيـب


سلطان

العلم باقي في أمـة محمـد مداويـن الجـراح
اخذ الخبر من راسي ومن راس عواض الشهيب



الله الله


محاوره رائعه بكل حق


لا هنتوا


صحت السنتكم


اخووك

[صقر البهيته]

..
الله الله ..

محاوره قل ان تجد مثلها ..

صحة السنتكم يا زبن .. ونتطلب المزيد منكم ..

.

[الـــــصعب]

محاوره اتمنى من الاخوه الكرام التعلم منها والارتقاء بمستوى المحاوره في المنتدى وشكرا لك يازبن الف شكر

[نواف العصيمي]

يعطيك العافيه

..وإبداع وصح السنتكم



ولك التقدير والإحترام

[زبن القاضي]

مرحبا بالجميع كل ً باسمه

وصح الله ابدانكم


اشرق المتصفح بمروركم

[سعود الدماسي]

صح السانك ولاهنت يالشاعر
زبن ولا هان سلطان تقبلو تحياتي