كعّام ياكعّام وينك ياترى؟؟!

[مخلف الهقاوي]

كعام تفضل والفايده لي


كعّام ياكعّام وينك ياترى=تومي لك يديني وعيني ترقبك
ليلي سرا ياصاحبي ليلي سرا=اما ترد الصوت ولا اجنبك

[مخلف الهقاوي]

ولد العم فرصه ثانيه الظاهر منت متواجد

مضطر اطلع ولنا لقاء

:)

[خالد المقاطي]

مخلف الهقاوي السموحه انا جهازي عطلان مدري علامه !! والتنسيق مايشتغل عندي لاكن استلم

عيني تشوفك وانت عينك لي ترى = وين التحيه يوم قافك يطربك
الملعبه مضمومها بيع وشرى = وانته وصلت السوق لازم نتعبك

[مخلف الهقاوي]

ولد العم ان كان ودك نكمل مابدأناه قبل يغلبنا النوم

والتنسيق ازهله عندي

كعام المعادي:


عيني تشوفك وانت عينك لي ترى = وين التحيه يوم قافك يطربك
الملعبه مضمومها بيع وشرى = وانته وصلت السوق لازم نتعبك

===========================


يامرحبا وهلين والطاري طرى=جيتك وحامي وابتدع سبك وحبك
الملعبه مضمونها ماينكرا=اما احتمي ماقفْك ولا ينكبك

[خالد المقاطي]

مرحبابك يابن العم اللي ودك توس بس

:)



يامرحبا واللي طرالك تذخرى = خلك كذا واللعب وفتل بشنبك
لاكن حذرى من سنون المنشرى = تاصلك ضربه وانت منها ترتبك

[مخلف الهقاوي]

الك البقى والباقي اسمع ماجرى=اللي تركّاله يشيله منكبك
يالله دخيلك من كلام(ن) مفترى=لو ماتميّل يارفيقي ملت بك

[راع العلطا]

مخلف الهقاوي ياسلااااام بدع كايف


لكن مايمنع اكون في صف المبدع

كـــــعـــــام

الــمعـــادي

[مخلف الهقاوي]

راع العلطا

مرحبابك ياولد العم

وجودك يكفي سوا في صفي او في صف كعام المعادي:)

[فارس الباديه]

كعام المعادي + مخاف الهقاوي صح السنتكم ولا هنتوا يا مبدعين وانا بصفكم

[مخلف الهقاوي]

يامرحبا يافارس الباديه

اجهرتنا بنورك يالذيب

:)

[خالد المقاطي]

:)


لاهنت ياراعي العلطا على المرور الكبير
والصف واحد

:)

مبدع يالمخلف الهقاوي والله طلعت



درب اليمين يمين غير الميسرى = لاكن قلي انت وشهو عذبك
وانته ولد عمي وغصب مقدرى = ماميل يمك وانت مثلي منسبك

[مخلف الهقاوي]

بعد الثريا عن مواقيع الثرى=لاتبتعد وانته قريب(ن) مشربك
انته ولد عمي وحقك محضرى=عيب على مثلي قريبٍ يعطبك

[خالد المقاطي]

صح السانك


يامخلف الهقاوي

وليــــــــك يوم :)

ووعد مني بطاروق ناري

ولافيه يمه ارحميني

:)

ويا انا يا انت :)

صح اللسانك يامبدع واسمحلي ارفع العلم الابيض

واحتزم من هالحيـــــــن ..

[مخلف الهقاوي]

لاهنت لاهنت ياولد العم

وصح لسانك وبدنك

يعلم الله تلعمت منك الليله الشي الكثير

والله يستر من مقبلات الايام ههههه

بيض الله وجهك على اتساع صدرك لي

ولنا لقاء في القريب العاجل بأذن الله