تكفووووون ياربعي .. وهذي نتيجة التصويت الى الآن

[ابن عيضه]

اتصل علي واحد من الشباب من الأمارات اماراتي قابلته في حج 1427 تعرفت عليه

ومهتم في الموضوع عشاني وله علاقاته ...

قال اطلع للماسنجر ..

واعطاني النتائج ...

مقهووور ياعزوتي مقهووور

واللي قهرني اكثر انه متأكد وواثق تمام الثقه من كلامه
اليكم النتائج .. وقال الحين ابي اشوف الموضوع في عتيبه الهيلا

وان شاء الله يقلبون الطاوله في وجه الجميع ...

عبدالرحمن الشمري 13.95%
يوسف العصيمي العتيبي 26.19%
محمد بن فطيس المري 22.31%
محمد بن مريبد العازمي 10.26%
تركي الميزاني المطيري 27.29%

وش اللي مسهرني للحين الساعه 3 و 10 دقايق غير القلق والهوجاس اللي يدق راسي بشاكوش

تكفون لا تبخلون على يوسف ... والله الذي لا اله الا هو ان باقي فالبطاقه تقريبا 15 ريال

ابي انفض والديها تصويت واروح ارقد وبكره ابي ابيع كم سهم عندي لعيون يووووووووسف

الفرق مو كبير بس يبي له مهمه انتحاريه من العتبان في التصويت بدون عقل تعرفون كيف بدون عقل

يعني واحد من الشباب كنت ابي ابكي منه وهو مايدري ... من جلس معنا في الاستراحه الين سرى

وهو عيونه فالجوال يصوّت .. ياشيخ فديتك وفديت النار اللي بصدرك ولا ريّحتك بالجلسه

ارسلت له هالبيت فالجوال ...

ياعل صدري يحتمي زرقة الرمح .. عنك وعن اللي في حياتك توده

تحياتي

اخوكم

ابن عيضه

[ابو نادر]

نبي الليله قبل مايطلع النور نهجدهم هجاد نصبحهم وحنا محتلين المركز الاول بفارق كبير ياربع تكفووووووووووووووون
انا من عندي 300 رسالة محمله برؤس نوويه

[صقربرقا]

يعطيك العافيه


وانشاء الله الفوزليوسف


والتصويت مستمر

[تركي عايض]

نحن لا نعتمد على وكالة يقولون في اشاعة النتائج ولكن التصويت ولا غيره هو الذي سيفرحنا اليوم أن شاء الله

[الروسان فرسان]

بسيطه يا عتيبه الفرق نسبه + نسبتين للشكه يبيلها بس 1000 واحد يرسل متين صوت وتنقلب النتيجه وهذا الشي مؤكد لان بكره اخر يوم وكل واحد يتوعد بالتصويت القوي

[شاهين2004]

تذكروا ياشباب إن النتائج تتغير كل


ربع ساعه

وان شاء الله راح نقلب موازينهم


تفألوا بالخير تجدووووهـ

التصويت

قداااااااااااااااااااااااااااااام

[ابن عيضه]

ابو نادر
صقر برقا

لا عدمتكم يالغالين وان شاء الله نقلب النتائج ...

تركي عائض

صباح الليل يابو الشباب .. سلامات

ومين اللي يعتمد عليها ..

اللي جاب لي نتائج التصويت كلمني عن نتائج تصويت الاسبوع اللي راح وقال يوسف المركز الثالث

بس ما اعطاني النتائج كامله

وماخذيت للموضوع

اهميه وماصدقت الين شفت بعيني ان يوسف الثالث

عرفت انه يجيب العلم وانا خوك وماكتبت الموضوع فالاسبوع اللي راح لاني مو متأكد

لكن الحين هذا التصويت قدامك وهذا العلم

تحياتي لكم جميعا

ابن عيضه

[بــــ عون ــــن]

اركدو ياعتابة انشاء الله يوسف بيفوز ’’’’’’’’’’’’’ وانتبهو للتصويت ,,,,,,,,, ولا تضحكون الناس علينا

,,,,,,,,,,,,,,,,,,,,,,,, محبكم بن عون

[جمال النفيعي]

عتيبه راح تقلب الطاوله المره الثالثه على التوالي


والصقف مستمر على شاطي الراحة

والتصويت مستمر حتى علان النتائج


الفوز ليوسف انشاء الله

[ابن عيضه]

حيالله بن عون

حياك وانا خوك

يابن عون نار الحنايا تسوي اكثر ... الحميّا يابن عون والله ان نحتميه لو على

الرقبه يالقرم

تحياتي لك

ابن عيضه

[ابن عيضه]

الروسان فرسان
شاهين
بعيد الهقاوي

تكفون يالربع نبي نقلب الطاوله

ورب الكعبه اني ماقدرت اتوسد المخده لا ذكرت مايطري على البال

تحياتي لكم

اخوكم

[R7aL]

الراس شاااااااش وطااش يا مطيب الراااس ** ومن لا يشوش اليوم ماهوب رجااال
يوسف تأهل غصب عن كل الانجاااااااااس *** واصبح كما الكيه على كبد الانذااال
يوم المريخي نقص الكيل مقياسس ***برقا وروق مرجحت كل مكيااااال
من عاند الهيلاااا بالاقدام ينداااس ***عادتنا نلطم خشم كل من عال
ومن يوم للميقاف دقن الاجراس **** تكفووووون يالهيلاااا صناديد الابطال
تكفون صار العلم حازم وحساااس *** وانتم هل الوقفات ماضين الافعاااال
خمسين ضوت الرجل وان زاد لا بااااس ***تكفووووووون والدعوى رسايل وجوال


تكفووون يا عتاااابه ما عقب تكفى شي

[مـحـمـد النفيعى]

والله انه ما يمر يوم والا نصوت

وعيالي عمي كفو ابهم مو مقصرين معي

وان شالله نجيب النتيجه اللي تسر وتشرح الخاطر

0000

[فارس المورقي]

يبيله حزااااااام نااااااااااسف تكفووووون يااااعزووووووووتي اكلووووهم بالتصوووووويت قبل ياااكلوووووونا (((((((( التــــــــــــــــــــــــــــصــــــــــــــــــ ـويـــــــــــــــت لــــــــــــــيوســـــــــــــــف )))))))))))))

[*العصيمي*]

بيض الله وجه الجميع على التصويييت وماراح نوقف وانا سمعت ان المطران يسوون حركه نذاله في تركي ويصوتون ليوسف مطران اش الواحديقول وحنا عتيبه حنا لها يارجال

[ابوعمر العتيبي]

اتصل علي واحد من الشباب من الأمارات اماراتي قابلته في حج 1427 تعرفت عليه

ومهتم في الموضوع عشاني وله علاقاته ...

قال اطلع للماسنجر ..

واعطاني النتائج ...

مقهووور ياعزوتي مقهووور

واللي قهرني اكثر انه متأكد وواثق تمام الثقه من كلامه
اليكم النتائج .. وقال الحين ابي اشوف الموضوع في عتيبه الهيلا

وان شاء الله يقلبون الطاوله في وجه الجميع ...

عبدالرحمن الشمري 13.95%
يوسف العصيمي العتيبي 26.19%
محمد بن فطيس المري 22.31%
محمد بن مريبد العازمي 10.26%
تركي الميزاني المطيري 27.29%

وش اللي مسهرني للحين الساعه 3 و 10 دقايق غير القلق والهوجاس اللي يدق راسي بشاكوش

تكفون لا تبخلون على يوسف ... والله الذي لا اله الا هو ان باقي فالبطاقه تقريبا 15 ريال

ابي انفض والديها تصويت واروح ارقد وبكره ابي ابيع كم سهم عندي لعيون يووووووووسف

الفرق مو كبير بس يبي له مهمه انتحاريه من العتبان في التصويت بدون عقل تعرفون كيف بدون عقل

يعني واحد من الشباب كنت ابي ابكي منه وهو مايدري ... من جلس معنا في الاستراحه الين سرى

وهو عيونه فالجوال يصوّت .. ياشيخ فديتك وفديت النار اللي بصدرك ولا ريّحتك بالجلسه

ارسلت له هالبيت فالجوال ...

ياعل صدري يحتمي زرقة الرمح .. عنك وعن اللي في حياتك توده

تحياتي

اخوكم

ابن عيضه

البارحه 2000صوت واليوم بإذن الله لا وصلها الي 10000 صوت همتكم يالطامة العايل اكالت الخصي لايتعدونا

[##البروفسور##]

ماذكر الاخ عيضه تاكد لى 100/0 ولكن تكفون ثم تكفون شدو الهمه ياعتابه

[ابراهيم الزراقي]

يالربع الموضوع خطير ما باقي وقت كلها ساعات وتطلع النتايج

شدو حيلكم فالتصويت وحنا معكم

[سلطان الحمراني]

المشكله ياجماعه حنا مانبي الاول وبس نبي الفارق كبير

[ابوعمر العتيبي]

الهمام ياعتابه مرابطه لاتقفون الا وقت الصلاه بإذن الله ان الفوز ليوسف نبي ان شاء الله فارق كبير انتم عارفين انا ضد الشعار الاربعه ومعهم لجنة التحكيم اللي مايبون ليوسف الفوز تكفون يابرقا وياروق تكفون ياشبابه الوعد الليله ان شاء الله

[ابن عيضه]

تكفوووون لا توقفون التصويت

ساعات معدوده وييتم الإعلان

تكفووووون لا يوقف التصويت

ابن عيضه