المساعد الشخصي الرقمي

مشاهدة النسخة كاملة : الوسم


ضاوي العصيمي
22-Dec-2006, 01:17 AM
بشـّرُوا بالوسم قنـّاية الناقه =والديار المبطيه في تحرِّيها
جابه اللي يكرم الخلق بارزاقه =ويحيي الديره بعَد موت افاعيها
أرسله رحمه لبدوٍ على فاقه =بالدعا ترفع يدَيها لواليها
جاهزٍ سَرَّا بتدبير خلاقه= ليلته من عصر للفجر محييها
بالبروق اللي على ساق لهّاقه =في مقاديم المزون ومثانيها
تنتهب نوم المولع من احداقه =والقلوب تتلـّها من عروايها
صبح غدرانه تطارخ وصَفـّاقه =والطيور مغرّده في شواطيها
يصبحون البدو للطرش سوّاقه =والمزارع ما لهم لدّةٍ فيها
في مجاكر والمغاتير سَبّاقه =كنـّها تطوي البسيطه بأياديها
للبيد وشيلة الصوت لحاقه =ما تغث بسَوقها كبد راعيها
قدمها السندا الشناح امّ خنـّاقه =فوق ورك الركبي ارخت لواحيها
أشهد ان الوضح بالدلّ فرّاقه =وفوق زين طبوعها الرب حاليها
ومن تمكن حُبّها داخل اعماقه =يرخص الغالي على شان يرضيها
من غلاها لو يطق التعَب ساقه =ما وقف في نحورها عن مناويها
من طلوع النور لين ادرق اشفاقه =مَرّ يسبقها ومَرٍ يباريها
لين نبت الوسم تقطف من اوراقه =فى الرياض اللي تداحم مراعيها
والتعَب ينساه ويضيّع ارهاقه =حين ترخي رُوسها في مفاليها
ويلتفت للبيت ويشيّد اشناقه =في رفاع الارض ماهوب واطيها
ولا استوى مبناه ثم دوكر ارواقه =وربعته رتب صبيّه مراكيها
شبّ ناره والحطب عجّل احراقه =والمعاميل النظيفه مدنـِّيها
وزيّن الدلـّه وفنجالها ذاقه =دلةٍ عَلى مزاجه مسوِّيها
لا اختلط حاذق طعَمها بترياقه =سجّ عن حاضر همومه وماضيها
واشترى اللي ما لها فى الشحَم طاقه =قطعةٍ من عند شاوىٍ مربِّيها
حطـّها في الشبك ثم رزّ معلاقه =في حَرا رَبع ٍ تعزه ويغليها
أو طروشٍ للمعازيب توّاقه =الطراقي يبشرون بنقاويها
عند من لا جَوه ما تقفل اخلاقه =يبتهل واهل الريَا ما يراييها
يذبح ويمنح ولا قلـّت اوفاقه =وحِلـّته ما دبّر الضيف شانيها
متبع منهاج حَمّاية الساقه =الرجَال اللي بعيده مغازيها
مثلهم رجم النقا بالقدَم واقه =ومن مكاسب كفه الروح مرهيها
والعمر فاني والاقدار تفـّاقه =والحياة الله عليم بتواليها
ضاوي العصيمي

عمرالروقي
22-Dec-2006, 01:22 AM
ضاوي العصيمي
0
0
0
صح لسانك يالجزل
قصيده وصف
في غاية الروعه
0000
شكرا لإمتاعنا
بالجديد
000000000000
سجل اعجابي وتقبل تحياتي 000000

أبو نجر النفيعي
22-Dec-2006, 01:31 AM
.

الله الله يابو زيااد

قصيده رائعه وجزله بمعنى الكلمه..

وكل بيت اجزل من الثاني..

فأهنئك عليها يابو زياد..

وصح الساانك مدد بلا عدد.


.
اخووك



..

فيصل الحويماني
22-Dec-2006, 06:10 AM
ضاوي العصيمي

0
0
0
صح لسانك يالجزل


قصيده وصف


وفي غاية الروعه




اسجل اعجابي بكل تقدير واحترام



تحياتي



0000

مرزوق حمدان العتيبي
22-Dec-2006, 07:19 AM
..
.

الله عليك ياشاعر القنص
ابداع غير مستغرب .... ومن خلال مدحك للوضح
والله الظاهر انك نويت تحط الذود ياضاوي :)
.. بيض الله وجهك وانا اخوك على ابداعك المعتاد
....
.

السميــــــري
22-Dec-2006, 09:44 PM
شبّ ناره والحطب عجّـل احراقـه والمعامـيـل النظيـفـه مدنِّيـهـا
وزيّـن الدلّـه وفنجالـهـا ذاقــه دلـةٍ عَلـى مـزاجـه مسوِّيـهـا
لا اختلط حـاذق طعَمهـا بترياقـه سجّ عن حاضر همومـه وماضيهـا



صح لسانك ياضاوي
شاعر عملاق
شاعر الوصف .
مبدع بمعاني الابداع ..

دمت للهيلا ..

صعاط الجن
23-Dec-2006, 09:38 PM
صح لسانك يالجزل


وبيض الله وجهك وجه من يقراء يابو زياد

عيضه الثبيتي
24-Dec-2006, 03:02 AM
ضاوي العصيمي


علمً على رأسه نار


وقصيده عصماء حركت مشاعرنا


وهيضتنا


وشوقتنا للمطر والربيع



لله درك


تحياتي

مشاري
18-Jan-2007, 12:30 PM
ضاااوي صح لساانك ملايين ولاهنت

اخوك مشاري..

الفراهيدي
19-Jan-2007, 05:32 AM
ضاوي العصيمي

صح لسانك

قصيده رائعه وجزله بمعنى الكلمه..

وكل بيت اجزل من الثاني..


وننتظر ابداعك

يوسف عبيد
19-Jan-2007, 07:39 AM
صح لسانك يا ضاوي العصيمي قصيدة رائعه

نواف العصيمي
19-Jan-2007, 06:18 PM
الشاعر ضاوي العصيمي

قصيدة رائعة فيها من المعاني والجزاله

أسعدتنا بإبداعك وتألقك الدائم

لك التقدير والإحترام

نياف العتيبي
20-Jan-2007, 12:08 AM
ابوعاااايض


شاعر لاتحتاج لاشادتي ..

حضوري للاستفاده منك والنهل من منهلك العذب


لاخلينا منك


الناااااايف

خالد اوصاهب
21-Jan-2007, 12:06 AM
صح لسانك ياضاوي

قصيده تهيض كل من هوجس

يازين السيل ليا هدم كل جحر ومسح الارض

بادي الرجم
21-Jan-2007, 01:18 AM
صح لساتك وبيض الله وجهك على القصيده الرائعه

وهذا الابداع مهو بغريب على مثلك وشرواك من الرجال الطيبين

خلف بن مرزوق
22-Jan-2007, 12:39 AM
...
..

جزززله يبو زياد

صح لسااااااااانك وسلم فكر

شاعر بحجمك نحتفل بحضوره دائما

مووووودتي

.