المساعد الشخصي الرقمي

مشاهدة النسخة كاملة : يا بــوش ماعمرت يابـوش هديت


مطر
23-Jul-2006, 04:49 AM
قصيده تنقل الواقع المؤلم اللي يعيشه كل مواطن عربي

ومن اجمل القصايد السياسيه اللي سمعتها

اخليكم مع القصيد


لاضاق صدري فالليالي وغنيت=قدت القوافي مثل تركي وراكان
وإليا فتلت القاف وابديت مااخفيت=صغت المعاني قاف مسحوب الالحان
ماقول انا فارس للارقاب قصّيت=ولااقول أنا كفّيت للناس بلسان
لاشك أنا شاعر وللشعر حبيّت=والشاعر يغنّي إليا صار طربان
وإليا غضب صل القنابل ابتوقيت=حربٍ على الانذال تمطر بالاطنان
وإليا مدح يمدح هل المجد والصيت=اهل الوفا والجود خطلان الايمان
عن رفقة الخايب والانذال صديّت=الحاسد اللي رفقته زود خسران
وفي دربها شبيّت قازٍ وكبريت=لوكان ماتسوا مشاخيط دخّان
ولاهل الكرم والجود والطيب خاويت= ربع مشو للدين فسلوم جدّان
هذا زمانٍ شتّت الناس تشتيت=واطيب عربنا يشجب ارهاب ماكان
ياغرب ياللّي بالحضارة تغنيّت=وش فيك تهضم لأبسط حقوق الانسان
شارون يقصف وامنٍ قاصي البيت=وانته شريكه ياغشيم المريكان
يابوش ماعمرّت يابوش هدّيت=هدّيت لكيانك بتكوين عدوان
يمكن تشاركنا مصالح على الزيت=وابعيد عن شاربك تهديد الاوطان
ثنتين مافيها امساوم ولوجيت=هاذي حقائق قالها لك اكحيلان
ادياننا وأوطاننا لوتماديت=من دونها ترخص للأرواح شجعان
والقدس عايد للعرب لوتعزويت=واسلامنا خاتم وناسخ للاديان
والنصر للمسلم لو أنك تحدّيت=هاذي حقائق ثابته من الازمان
واستغفر الله كل ماذنبت واخطيت=ربٍّ وعد عبده بجنه وغفران



الشيخ حشر عبدالمحسن بن حميد

فهيد مقعد الرويس
23-Jul-2006, 05:23 AM
مطر

سلمت يداك على خط هذه الرائعه ونعم الاختيار

وصح السان الشيخ حشر

تقبل تحياتي

الغبيـــوي
23-Jul-2006, 07:12 AM
لاهنت ياأخ مطر على النقل قصيده تستاهل

أأيد أنها تثبت

تحياتي...

فيصل القثامي
23-Jul-2006, 09:45 AM
الف شكر اخوي .

وصح لسانك .......

ابن الاجواد
23-Jul-2006, 01:46 PM
مطر


لاهنت

وصح السان الشيخ حشر عبدالمحسن بن حميد

مطر
23-Jul-2006, 06:41 PM
المبتدي

الله يسلمك ومشكور على المشاركه

الغبيـــوي

مشكور وماقصرت وتستاهل التثبيت

فيصل القثامي

مشكور على المرور والمشاركه وصح لسان الشاعر

شرس

الله يسلمك وماقصرت على المشاركه اخوي

ابـن نـعـيـس
24-Jul-2006, 02:32 AM
صح لسانك ولسان ابن حميد


وعزالله انها كايفه


لاهنت يالغالي


تحياااااااااااااااااااااااااااااتي

مطر
24-Jul-2006, 05:22 PM
ابـن نـعـيـس

الله يسلمك ومشكور على المشاركه

ابن حميد
09-Aug-2006, 03:46 AM
قصيده رائعه!
شكرا على النقل يا مطر

و صح لسانك يا ابو عمر

مطر
18-Aug-2006, 01:53 PM
مشكور مرورك الرائع ياابن حميد!

عقاب بن طوقه
18-Aug-2006, 03:08 PM
للك مني جزيل الشكر على هذا النقل الرائع ودمتم.

الحاير
18-Aug-2006, 05:27 PM
سلمت يمينك على النقل
وصح لسان الشاعر

مطر
23-Aug-2006, 11:03 PM
عقاب بن طوقه

الحاير

مشكورين على المرور والمشاركه

يوسف عبيد
24-Aug-2006, 01:05 AM
صح لسان القائل والناقل

مطر
24-Aug-2006, 11:14 PM
يوسف


مشكور على المرور والرد