تسجيل الدخول

مشاهدة النسخة كاملة : علموا مرزوق بالله كيف اغني وتسلا

^ بـ$ـاتـ$ـل ^
29-Dec-2005, 04:29 PM
كيف اغني واتسلا عبر الانتر ياجماعه= علموا مرزوق بالله كيف اغني وتسلا

عندي احساب ورصيد وعارف اوصاف البضاعه=مير اشوف احيان شيٍ يرفع الظغط ويعلا
مرزوق حمدان العتيبي
29-Dec-2005, 06:04 PM
ياسلامة قلبك اللي لاعه المكتوب لاعه = صدق من قال المجنب في طريقه مايخلا
كل رجل ٍ ماينال المجد من مكسب ذراعه = يمتلي قلبه من اهل المرجله غيره وذلاّ
^ بـ$ـاتـ$ـل ^
29-Dec-2005, 06:59 PM
احمدالله ربي اللي حط في قلبي شجاعه=ودوم عن درب الطمانه يارفيقي بتعلا

ضرسك اللي فيه سوسه تعرف ان طبه قلاعه=وان تركته كل ضرسٍ في جماك احسبه ولا
مرزوق حمدان العتيبي
29-Dec-2005, 07:29 PM
بعض خلق الله ياباتل مابقى عنده مناعه = مايفرق بين طعم الحنظله واللي محلا
والجبل ماغيرت لفح الهبايب بارتفاعه = ومن طلع راس الجبل زالت همومه واسفهلا
^ بـ$ـاتـ$ـل ^
29-Dec-2005, 07:59 PM
خلق ربي بين بذر الزرع واحصاد الزراعه=والغشيم اللي زرع شوكه يبيها ورد فلا

كل طير طار يرجع مرجعه في وسط قاعه=وعن دياري والله اني فالشدايد ماتخلا
مرزوق حمدان العتيبي
29-Dec-2005, 08:18 PM
كان قابلت السنافي ماتضايق من طباعه = ممتلي كله شهامه وان حكالك مايملا
وكان قابلت الردي يبدي لك بقل السناعه = ون نصحته لاتمادى بالخطيه... ردّه الاّ
أبو الوليد
29-Dec-2005, 08:24 PM
صح لسانك يا مرزوق
وصح لسان باتل ..
مرزوق حمدان العتيبي
29-Dec-2005, 08:28 PM
..
.
صح بدنك يابو الوليد.....
نورت الصفحه بحروفك ..
...

اخوك ِ
((الدلبحي))
29-Dec-2005, 08:53 PM
صح لسانك يا مرزوق
وصح لسان باتل

واصلوا
^ بـ$ـاتـ$ـل ^
29-Dec-2005, 09:43 PM
صحت ابدانكم
ابو الوليد والدلبحي

مرحبا ومسهلا


جبت طب العله اللي شيعوها بالاشاعه=والطبيب اللي يداوي بالاشاعه يستدلا

بس قلي عن ودعين وامرينه فالوداعه=السؤال اليا طرحته شوف يامرزوق حلا
مرزوق حمدان العتيبي
29-Dec-2005, 10:13 PM
الوداعه سلموها رجل مايبخل متاعه = يبذل المجهود فيها وانبداله ضيف هلا
وانت قلي ليه ضاق الكون من بعد اتساعه = بين سكان الحديده بين سكان المكلا
مرزوق حمدان العتيبي
29-Dec-2005, 10:14 PM
..
.
مراحب يابو حمود ..
نروت الصفحه ............. كل الود ..
^ بـ$ـاتـ$ـل ^
29-Dec-2005, 10:44 PM
المدرس مايداني طالبٍ راعي للكاعه= الحذر ياهيه طعني لانشدتك لاتغلا

المسافه من جلاجل يم مكه كم ساعه=عدها رسمٍ مخطط من محل اليا محلا
مرزوق حمدان العتيبي
29-Dec-2005, 11:01 PM
والله اني ماتلكع لايجي داخلك راعه = مير جاوبني على قد السؤال ..ولاتضلا!!
كان تحرجك الاجابه قول مامعي استطاعه = وانتبه ياطيّب المجنى تزيد الطين بلا
^ بـ$ـاتـ$ـل ^
29-Dec-2005, 11:32 PM
يكفي اللي فات يامرزوق هجران وقطاعه=كم وجهن بين مكه والمدينه مسفهلا

قبل ماعطيك البضاعه شفت رجلٍ فيه طاعه=قال لي هات العلوم وقلت له كلا وكلا
فيصل المسعودي
30-Dec-2005, 02:00 AM
ياعين ياعين


متاااااااااااااااااااااابعين يالغالين


تحياتي
مرزوق حمدان العتيبي
30-Dec-2005, 11:17 AM
انتها الموضوع ياباتل وقفلنا الاذاعه =والفهيم اللي يعرف الدرب لا يمكن يزلا
مايزل الدرب غير اللي معاند في ضياعه = والمعاند في ضياعه ودك انه مايدلا
مرزوق حمدان العتيبي
30-Dec-2005, 11:18 AM
..
.

صح لسانك ياباتل...
وبيض الله وجهك ...
والى اللقاء في ماضوع اخر :)
الايداء1
30-Dec-2005, 02:24 PM
,
بيض
الله وجيهكم
على هالطاروق الشيق ..
^ بـ$ـاتـ$ـل ^
30-Dec-2005, 03:21 PM
صح للسانك وبدنك
يامرزوق ويعطيك العافيه
تشرفت بالقاءك


الايداء نورت الصفحه
تحياتي لك