الفهيدي مطلوب هنا ,,,مرحبا يا ولد حرب

[مطلق الثبيتي+]

يا مرحبا ترحيبة ن عـــــندها مبــــدا وقانون=تبقى عـــــلى مر الزمن ضـــــاوية مثل النــــجومي
الليلة المعنى على اللي يكدس مال قارون=ويحط قرش ابيض على اسود عسى حظه يقومي

[هداي الفهيدي]

عسى فيك البقا واخذ الحذر من جمرة الغليون
وسولف مع *وسيع المعرفه واحذر من القومي
أنا ماني شبابي مير اباكل تمرة العرجون
خنادف من يعاديها يجيه الوقت بضيومي

[مطلق الثبيتي+]

متأكد انك على لحنها ؟
طيب جرب على لحن صياف و بن جرشان

[الهااوى]

صحت الالسنه لو اللحون مختلفه

[مطلق الثبيتي+]

شكرا الهااوي على الملاحظة
اتمنى من الشاعر يعدل بيوته

[هداي الفهيدي]

المعذره لاهنت والله إني متعلق برموشي من الاشغال لكن استلم
عسى البقا من هاجسن بيتها مبني و موزون
عند الرجال اللي تمد الوفا وقت اللزومي
تحذروا من جمرتن كيفها في راس غليون
هات العلوم اللي جزيله واخذ مني علومي

[مطلق الثبيتي+]

الله يبارك بالفهيدي ليا غسّل بصابون=يدّه وجاب العلم الاول قبل فرك الخشومي
اللي يجر الذيل لابد ما يبلاه طاعون=والنار معيار الذهب والذهب ما هو بثومي

[الهااوى]

الله الله متابع

[مطلق الثبيتي+]

شكرا على متابعتك يا الهاوي و نتمنى نشوف مشاركاتاك ايضا

[هداي الفهيدي]

نبا نعديكم جبلنا وتاخذ نص مليون
من مال رديان تدس الجنيه اللي مختومي
أنا عامودن لنشاما على سيسان وأركون
يامل قلبي من رجالن ضعيفين العزومي

[مطلق الثبيتي+]

يا الحربي تدري والعرب دارية من عهد هارون=لو الجبل من كحل يا صاحبي صار معدومي
قيد كلامك قبل لا نلحقك بالوغد شارون=لا تستفز الناس و تقول مالي فالهجومي

[هداي الفهيدي]

ماني بعزوه لشبابي وخل أبليس ملعون
موجات بقا تلطم الرجل لطمن بالسمومي
في ديرة الاجناب سقنا المواتر بالدركسون
صيد الخلا صدناه بمذلقاتن من سهومي

[هداي الفهيدي]

موجات بقعا

[مطلق الثبيتي+]

وابليس لو يسمع بهرجك يروح بلاد غابون=وان شاف صورتك الجميلة تخبا في كمومي

لا تخلفون الدرب يا اصحابنا وامشوا على الهون=وان جاكم اهداي الحريبي لا تعطوه الهدومي

النهاية من عندك صح الله ليانك يا اخي

[مطلق الثبيتي+]

انا اصلا قريتها بقعا ههههه لا ا تخاف

[هداي الفهيدي]

بديت في عال الحجى والعرب اتشوف بعيون
بديت فالمرقب اللي طويلن من الرجومي
منته ردي الخال لك شجرتن بظلال واغصون
لقيت مارية رجالن جزيله بالوسومي

[مطلق الثبيتي+]

والنعم بيك
وبحالك

[مطلق الثبيتي+]

اشوف المنتدى فاضي