قبل تنسيق البيوت وقبل ترتيب المعاني

[سعود العصيمي]

السلام عليكم ورحمة الله وبركاته
ومساكم الله بالخير جميع

هذا محراف جرى بيني وبين الشاعر العملاق فهد الشهيب هذه الليله
وحبيت انقله لكم ولمنتدى الهيلا.


فهد الشهيب
[poem= font="simplified arabic,5,blue,bold,normal" bkcolor="white" bkimage="" border="double,3,skyblue" type=2 line=0 align=center use=ex num="0,black"]

[سعود العصيمي]

السلام عليكم ورحمة الله وبركاته
ومساكم الله بالخير جميع

هذا محراف جرى بيني وبين الشاعر العملاق فهد الشهيب هذه الليله
وحبيت انقله لكم ولمنتدى الهيلا.


فهد الشهيب

قبل تنسيق البيوت وقبل ترتيب المعاني=ياسلام الله بردة ٍ مايجوز الصد عنها.
العصيمي صاحبي تال الليالي مايداني=عقب ظلا في ميادين اللعب يامر وينهى



سعود العصيمي

بعد ماجيت وبعد ماجوك ذربين اليماني=مرحبا ترحيبة ٍ تلقا الكرامه في صحنها.
الثبيتي كان يسمعني ويوحي بالآذاني=لا يعارضني ويبلش له رجالآ في وطنها




فهد الشهيب

انت ياراعي سنام اتمر مع درب قحطاني=طرقتك عسره عسى الله الولي ياقاك منها
مار دور لك من اهل نساح والا الرين عاني=العرب ماتذبح الرجال لو انه زبنها.



سعود العصيمي

المراجل كايده واللي مايعشقها جباني=والديار الرجع كل الناس توصلها ضعنها
ماحسبت احساب قوم ٍ ماتعرف الجبخاني=وانت لو انك تحصّل طيبه تدفع ثمنها




فهد الشهيب

المراجل ما علاها لاصكوك ولا ضماني=لا تحسب المرجله بشت وعباة ٍ تحتضنها
لاتقول ان العرب مافيهم بعير وحصاني=اعرف حقوق العرب في شامها والا يمنها



سعود العصيمي

اشرب العد القراح وخل عنك الغثرباني=والجنازة يا ولد عواض يحفظها كفنها.
الحصان انسرّجه وانشد خشمه بالعناني=والجمال ايسدها جمالها والآ رسنها




فهد الشهيب

انت خلك مع بنات شعيل يالهرش العماني=لاتدور خلفة ٍ ماتشرب عتابه لبنها.
لن زعلت ولن رضيت اعطيك كلمة من لساني=كلمة ٍ قبلك رجال المعرفه قرّت ف اذنها.





سعود العصيمي

الذيابه يالثبيتي ماتشابه للحصاني=الذيابه كل مهنه لالقتها تمتهنها.
وانت قلي ويش قسمك بينهن يامودماني=صاحبك مايبخس الوزنه ليا منه وزنها




فهد الشهيب

فيه ذيب اشهب يحوف القوم وايضا ذيب ثاني=وان تعشا الذيب من لحم الذبيحه مادفنها
احمد الله واشكره قسمي مع القوم السماني=يوم بعض الناس مايدهن سباله من سمنها





سعود العصيمي

ماخبرنا جدي غير الجدي ياسهيل اليماني=والثبيتي لحيته من دهن ربي مادهنها
خاطري سالي ليامريتكم والعمر فاني =والديار ام العفن نفنا ولا نقرب عفنها.

[عبدالله الازوري]

صح الله السانك يا سعود العصيمي وصح الله السان فهد
شعار عمالقه بلا استثناء واشكرك على النقل

[بن ابنين]

صح الله السانك يا سعود العصيمي وصح الله السان فهد
وددمتم بخيررر

[غازي غالب]

صح لسااانك يابو طااايل ,,

وصح لسااان ابو عوااض ,, عمالقه .. ياليت طاروق مباشر ثاني ...

وعبر منتدانا منتدى الهيلاااا ,,

والصف اكيد ابقسمه بينكم يأثنين ,,


محراااف جميل لاهنتم وبيض الله وجيهكم ,,



مووودتي ,,,

[فهد الشهيب الثبيتي]

لاهنت يابو طايل على التنسيق وبيض الله وجهك ولاعليك زود

[فهد الشهيب الثبيتي]

حياك الله ياعبدالله الازوري

صح بدنك وماعليك زود

شرفتنا بمرورك

[فهد الشهيب الثبيتي]

حياك الله ياابن بنين

صح بدنك وشرفتنا بمرورك

[فهد الشهيب الثبيتي]

ارحب ارحب يابو غالب

يالله حيه

صح بدنك ووجهك ابيض ياطويل العمر