نجد وعاصمتها عفيف

[حمود العازمي]

نجد وعاصمتها عفيف

طبع الكرم ياضيف ماهو صواديف
في كل يوم ومثل شرواك ناعر
أرحب تراحيب المطر حزة الصيف
وأقلط على المجلس شعور ومشاعر
مجلس نشاما تعرف تسوي الكيف
منها سوالف شيخ وأحساس شاعر
يامرحبا ترحيبه تجمل الضيف
فنجال دله ثم حليب الأباعر
يوم الردي ماله طواري ولاشيف
في ديره تجمع قروم النواعر
فيه الرجال اللي على العز توصيف
من خشم ذاك النير لين الدواعر
في نجد والقلب الرئيسي عفيف
ماسيرت فيها السباع السواعر
بين المغاتير الزيان المراديف
والسكس واللكزس وبيت الشواعر
نمشي لها بالكيف شغل المحاريف
ونردد أشعار البدو والمشاعر
من دون قصر عن الرجال المواليف
ولا الديار أوصاف شعر وتشاعر



الشاعر حمود عبيد العازمي

[تركي السريح]

صح لسانك وقصيدة جزلة

[ولـد الـهـيـلا]

في نجد والقلب الرئيسي عفيف
ماسيرت فيها السباع السواعر
..
الله الله .. صح لسانك يـ حمود بن عبيد
يـ حمود .. وأنا أشهد إن ديرتي عآصمة نجد
يكفي إن أول طايره في الخليج أقلعت منهآ ..
ويكفي آن الملك فيصل كآن الربيع يجي في سجـا
..
عفيف مانسى حبها دامني حي = حتى ولو بعض العرب مابغوها

[سهيل العازمي]

عفيف مانسى حبها دامني حي = حتى ولو بعض العرب مابغوها


---

صح لسانك ياحمود ..

[فهد العازمي العتيبي]

صح لسانك ياحمود

ولاهنت.

[حمود العازمي]

صح لسانك وقصيدة جزلة

تركي السريح صح بدنك وتسلم

[حمود العازمي]

في نجد والقلب الرئيسي عفيف
ماسيرت فيها السباع السواعر
..
الله الله .. صح لسانك يـ حمود بن عبيد
يـ حمود .. وأنا أشهد إن ديرتي عآصمة نجد
يكفي إن أول طايره في الخليج أقلعت منهآ ..
ويكفي آن الملك فيصل كآن الربيع يجي في سجـا
..
عفيف مانسى حبها دامني حي = حتى ولو بعض العرب مابغوها

ولد الهيلا صح بدنك وتسلم على مشاعرك الحلوه فأنت شاعر وإعلامي معروف يعطيك العافيه

[حمود العازمي]

عفيف مانسى حبها دامني حي = حتى ولو بعض العرب مابغوها


---

صح لسانك ياحمود ..

صح بدنك ياسهيل العازمي وتحياتي لك من قلبي

[حمود العازمي]

صح لسانك ياحمود

ولاهنت.

فهد العازمي العتيبي صح بدنك ولاهنت وتسلم يمينك ويعطيك العافيه مرورك يكفيني فخر

[راعي القوافي]

صح لسانك مدد بلا عدد يالعازمي