الشحذه كثرت هالايام بشكل غير طبيعي .....!

[ابو طلال العتيبي]

السلالالام عليكم ورحمة الله وبركاته
مساااااااااكم الله بااااالخير
الايام هذي يااخوان كثروا الشحاذين ماجلس في مجلس الا كم واحد داخل علينا
واذا جلست في مجلسنا نفس الشي
وانا ادور الاجر , هل فيهم اجر ؟ والله ماعاد عرفت الصادق منهم والكاذب
هل هي تجاره؟ انا جاني كم مره شحاذ بعمر 27 ولا فيه الا العافيه ويسولف بقضايا الامه ومابه لاهم ولا مشكله
حاولت اقوله رح كد عافيتك وخل الشحذه انت شباب معافيهم الله ومعك سياره
مادري يااخوان كيف التعامل الصحيح مع هالعينات ؟



مع تحيات
ابو طلال العتيبي

[حمود بن خيشوم العصيمي]

ترجع لتقدير الحاله والواجب عدم زجر السائل والتأثير على كرامته
امتثالا للايه (وأما السائل فلا تنهر)

[ابو فيصل العطاوي]

والله انا اقول
انك اذا كنت تبحث عن فعل الخير
اسأل اين المستحق عن طريق ألأهل والجيران وألأصدقاء

او على اقل تقدير
الجمعيات الخيرية

[ابو طلال العتيبي]

ترجع لتقدير الحاله والواجب عدم زجر السائل والتأثير على كرامته
امتثالا للايه (وأما السائل فلا تنهر)

الله يعينا على هالعينات الفاسسده اللي مخاذينها تجاره وعاده سنويه
جاملنا كثير والمجامل احيانا مافيه خير
والمصيبه انه شباب متعافي ويسولف ويضحك ويتكلم في مصر وايران وقضايا الامه ولا كنه جاي يشحذ !!
ما في وجهه حيا ونفسه ماتشوم عن الخساسه
شاكر تواجدك

[ابو طلال العتيبي]

والله انا اقول
انك اذا كنت تبحث عن فعل الخير
اسأل اين المستحق عن طريق ألأهل والجيران وألأصدقاء

او على اقل تقدير
الجمعيات الخيرية
هذا الصحيح يالعطاوي
شرفت يالحر
لكن بعض الناس ماينعطى وجه وماودك بمثله يعرف بيتك لانه مايستحق
والله يصلح حالهم