اقرب شاعر يقرب حياه

[احمد حامد الزايدي]

سلامي عليكم عـد مـاهبت الـنـود=وعـداد السيول وعـد وبل النشيه


يعيش البنادم بين حاسد ومحسود=ويقضي حياته بين حسنه وسئيه

[منصور الثبيتي]

صح السانك يااحمد ...!
في أنتظارقبيلك

تحياتي لك ..!

[احمد حامد الزايدي]

وضح وين الخطاء يامنصور

[منصور الثبيتي]

النطق أختلف عندي ...!

مير سامحنا على الازعاج ...!

في صفك يازايدي

تحياتي

[عبدالله الازوري]

استلم يالذيب

[احمد حامد الزايدي]

منصور الثبيتي


والله انك ازعجتني ولكن مسموح


واتشرف بوجود مثلك وشرواك في صفي


لك جزيل شكري وتقديري

[عبدالله الازوري]

هلا مرحبا والعلم صادر ومورود
بقبل ارمضان وقبل عيد الضحيه
يعيش البنادم بين ناقد ومنقود
عسى الله يجنبنا العلوم الرديه

[سعيد مرزوق العبد]

صحة السنتكم يالربع

[ثامر القثامي]

هلا مرحبا ترحيبة مالها حدود = ومن عادة الطيب يدور خويه

يا طيب الذي يدري عن النقص والزود = ولكن تهرج دامت النار حيه

[احمد حامد الزايدي]

يدوم البقا والبيض ماهي كما السود=وتمر الحساء يفرق عن الابرحيه

محد سالم النمام والنقص والزود=وطبعه ينم بكل صبح (ا) وعشيه

[ثامر القثامي]

يالربع انا دخلت بالغلط


لكن متااابع لكم

وصح لساااااااااانكم

[احمد حامد الزايدي]

صح بدنك يابن مرزوق وحياك الله

[احمد حامد الزايدي]

ثامر القثامي


ماحصل منك الا الزين


وصح بدنك وقلبك يالغالي

[عبدالله الازوري]

تـــخــف العلوم اللي لها حج وشــــهود
وامــد الـكـتــاب الــلــي يـمـينه نــــديه
تعرف ابسباء ماجهلت ابصمت هدهود
ولــكــن عــطــاهــا عــلــم سكتت شويه

[سنجار المري]

صحت الاسنه متاااابع الابداااااع

[احمد حامد الزايدي]

شهد زور واللي يشهد الزور مقرود=وكتاب الله المعبود مافيه زيه

ونبي الله سليمان في حماه موجود=ملك كل شيء بحكمه ومقدريه

[احمد حامد الزايدي]

سنجار المري


صح بدنك وحياك الله يالقرم

[عبدالله الازوري]

عطيت العلي حاسن مياسيم وزنود
نـشـاهـد جـنـوب اجـروح تـحتاج كيه
دخيلك تقول الصدق والوقت محدود
من اللــــي يحد النفس بالسرمديه

[احمد حامد الزايدي]

ابا ايسم ردي الحظ وعرفه ملهود=ويبشر بكيه من يدي عالميه

وصدق من يقول الصدق والصدق محمود=ويصير اله فالجنه منازل عليه

[عبدالله الازوري]

صح الله السانك يالزايدي وانا اتشرف باللعب معك مير حصل علي ظرف ولازم اطلع ولنا لقاء ثاني

[احمد حامد الزايدي]

عبدالله الازوري


صح بدنك والله يسلمك والله يشرف مقدارك والله يساعدك يالغالي ومع السلامه

[فهد الحصيني]

صح السانك يالزايدي وبيض الله وجهك

وصح السانك يالازوري