بن عتقان وابن طمحي طاروق راااااااائع

[محمد الذيابـــي]

طاروق رائع بين الشاعرين عبد الله بن عتقان والشاعر محمد بن طمحي


اتمنى ان ينال الرضا،،،



عبد الله بن عتقان



ابن طمحي تقاعد عن سبب والناس مايدرون=ماهو عن كبر سنه فالحقيقه عن سبب ثاني
تقاعد لاجل ياخذ فرصته في شاعر المليون=وعيا يقبله سلطان والدكتور غساني

محمد بن طمحي



انا حاضر لكم بالمعرفه والشعر والقانون=وتكفي خدمتي ضمن الرجال طوال الايماني
يكفيكم تسابقكم عليها يابني ميمون=ولا جبتو عصا موسى ولا خاتم سليماني


عبد الله بن عتقان



صحيح انته معك خبرة طويله بس مامن لون=تعدتك القوافل وانت ماتقدر تعداني
اخذنا المركز الثاني وكان الاولي مضمون= لكن انتم فزعتو النتيجه رقم مجاني

محمد بن طمحي



تحسب انك تمشيها على هامان يافرعون=يابو ميزان متزعزع وانا معروف ميزاني
طفل منّا حصد مليون وانتم نصفكم يبكون=وعاقلكم يتمتم مثل تمتمة المريكاني


عبد الله بن عتقان



تعادل يامحمد جات والجمرة على الغليون=خلاص افرح يباشا وابسط الضحكه على شاني
أنا مستغرب تجيبون لو وعلٍ بدون قرون=كويس جبتو عراقي ولا جبتو بريطاني


محمد بن طمحي



ابن عتقان في هالقول لا صاحي ولا مجنون=لكنه شاعرٍ جاهل واعده ضمن ورعاني
مروعكم وفاجعكم وعاصركم كما الليمون=ولو انه عراقي منسبه من روس جداني


عبد الله بن عتقان



ابن عتقان فارس في نهار المعركه دندون=وانا ماني بورعك ولد ابوي وساس جداني
هرجتو حول عشر ايام مايعرف وش تقولون=عطيته وبك حنا لين رددها الحميداني

[ذعير العالي]

الله الله طاروق في قمت الروعه سبحان الله ابن طمحي دايم طواريقه مع السليم مجنونه وفكاهيه


ههههههههههه والله لايهينك يامحمد علي النقل الرائع وشكرن

[ابن عتيبه البار]

ابن عتقان حي لهالحين ؟؟

أحسب انه قد مات سبحان الله

[محمد الذيابـــي]

الله الله طاروق في قمت الروعه سبحان الله ابن طمحي دايم طواريقه مع السليم مجنونه وفكاهيه


ههههههههههه والله لايهينك يامحمد علي النقل الرائع وشكرن



مشكور ياذعير على مرورك المشرف

[محمد الذيابـــي]

ابن عتقان حي لهالحين ؟؟

أحسب انه قد مات سبحان الله




قل لاإله الا الله لاتذبح الرجال

[عبدالملك القاضي]

محاوره ممتعه من الطرفين

وانا الاحظ تطور مستوى ابن عتقان.

بيت بن طمحي سبق وانا قاله مطلق الثبيتي مع حبيب العازمي

لو أن الرجل يستاهل قناطير الذهب لاباس.....لكنه واحد جاهل واعده مثل ورعاني..

[محمد الذيابـــي]

أشكر مرورك ياعبد الملك

[فيصل بن فهد الجهني]

لا هنت يا محمد الذيابي


محاوره جميله .. و المعنى شبه سطحي


و لكن بعض الردود .. يسمعون بالاثاره .. و لكن ما يعرفونها ..!!

[أبن نافه العطاوي]

محـــــــــــــاوره رائعه وأبوطمحي شاعر لايحتاج تعريف أشكرك على النقل المميز

[محمد الذيابـــي]

لا هنت يا محمد الذيابي


محاوره جميله .. و المعنى شبه سطحي


و لكن بعض الردود .. يسمعون بالاثاره .. و لكن ما يعرفونها ..!!




لاهنت يالغالي

[محمد الذيابـــي]

محـــــــــــــاوره رائعه وأبوطمحي شاعر لايحتاج تعريف أشكرك على النقل المميز

اشكرك على المرور المشرّف

[ابو فايح]

محاوره سطحيه جدا ولا فيها إبداع خصوصا في تركيب الأبيات مجرد رص كلمات وقافيه


ربما هناك بعض النقض المكشوف وهذا يستطيعه حتى الغير شاعر



عبدالله ابن عتقان يكثر من ذلك في طواريقه التي يبدعها

يأتي بمعنى ولكن بطريقه مكشوفه ونقاش مكشوف لا أدري ما الهدف منه !!


الأستمرار في مثل ذلك يبعد الشعراء عنه كثيرا ويبعد المتذوق الفاهم للشعر عنه ولكن يكثر جمهوره من السذج والمحسوبين على جماهير الشعر .

[محمد الذيابـــي]

لاهنت يابو فايح

[قاسي العتيبي]

لا هنت يامحمد محاورة ممتعة بكل تأكيد رغم وضوحها

[محمد الذيابـــي]

اشكر مرورك ياقاسي

[الحسيب]

ابوفايح شكل ابن عتقان مسويلك قلق في حياتك

كل موضوع عن ابن عتقان لابد انك تنتقد وتخترع اشياء ماهي من الواقع

لكن ابن عتقان شاعر كبير وعلم والان من كبار الشعراء سواء رضيت او لا ..

بعدين انت مشرف والمشرف المفروض انه يتكلم بكل حياديه ويبعدعن ميوله

والي في خاطره من حقد وغبن ..

لكن مااقول الا (( مايرمى الا الشجر المثمر ))

[محمد الذيابـــي]

,’


أجل خذها مني انا

1- ابن عتقان شاعر كبير ومع ذلك محترم


2- شعراء عتيبه جميعاً يرتاحون للعب معه ومع صقر


3- ابو مشعاب + العمده الله يرحمه + ابن عتقان + صقر سليم يجيدون التلاعب بالمعنى


4- هذه الشهادة ليست لك ولا لاي واحد لكنها للأمانه


6- شكراً لمرورك.


,’