الغيبة ومرزوق والمسك والعنبرا !!!!!!!!

[ولد عوجان الجذع]

السلام عليكم
أبوالرزق يسعد أوقاتك

استلم


من عقب غيبة شهر مدري تنقص أو تزيد
................ سلام الله سلام(ن) فيه مسك وعنبرا
صاحبي مرزوق نبغى نفيد ونستفيد
.............. والمعاني كنها روض عشب(ن) أخضرا

[مرزوق حمدان العتيبي]

...

مرحبابك يالجذع واعتبرها يوم عيد= بس قلي وش جرى في غيابك وش جرى
كان ودك تستفيد ابذل الجهد الجهيد = يمكن انك تشتهر بين من باع وشرا

[ماجد الدغيلبي]

الله الله


ياسلام عليكم

مرحبابك يالجذع واعتبرهـا يـوم عيـدبس قلي وش جرى في غيابك وش جرى
كان ودك تستفيد ابـذل الجهـد الجهيـديمكن انك تشتهر بين من بـاع وشـرا




واصلو

[ولد عوجان الجذع]

البقا وأنته عتيبي وحبك في الوريد.......... خلها حلوة وزيد الحلى والسكرا
اعبد الله وأنت عبد(ن) ومن ضمن العبيد....... واستظل بالشجرة اللي لها في وذرا

[مرزوق حمدان العتيبي]

هلا وغلا ياماجد ... ارحب يابو نايف..
ابك انت تطلع ساعه ثم تختفي سنه :)

تحياتي

[مرزوق حمدان العتيبي]

وانت حبك كل مايطري الطاري يزيد = مير حاول لا يجي فيه زور ومنكرا
عبد .. لله واشتغل في عبادات الوحيد = يوم بعض الناس يعصا الوحيد ويكفرا

[ماجد الدغيلبي]

الله الله


اولا فرصه طيبه اني اتا بعكم من خلال هذ االمتصفح هنا

وثانيا شفتنا حضرنا يا مرزوق والله يبقيك

[ماجد الهذلي]

الله الله

ابداع في محاوره راااائعه

وصلووووا انا متابع و

جالس مع الجمهور أتيصد لي شاعر جالس يطالع من بعيد

[ولد عوجان الجذع]

أباك تنقل رسالة رسالة في البريد ......... للي جرحه من قديم الليالي ما برا
للشمالي للجنوبي والقريب البعيد............ لايظن السالفة بالكلام اللي قرا

[ولد عوجان الجذع]

ماجد الدغيلبي
الله مار يحييك يا ولد عم المراقب

[ولد عوجان الجذع]

الهذيلي ماجد
حياك الله يا شاعر هذيل
وأبرك الحزات

[بدر العبدلي]

صح السانك يا مرزوق...

وصح السانك يا ولد عوجان...

ولاهنتو

[ولد عوجان الجذع]

حياك الله يا بو مشعل
حضورك دافع للإبداع

وشكرااا

[ولد عوجان الجذع]

أبووووووووووووووووووووووو
منذرررررررررررررررررررررر
عسىىىىىىىىىىىىىىى
ما شررررررررررررررررررررررررررررررر
الله يردك علانا

[المسرّي]

ولد عوجان ومرزوق

واصلوا وتسلمووووووون


طاروق طيب

[ولد عوجان الجذع]

حياك الله يا المسري
ومسهلا