مسابقة شعرية فقط للي عمره 18-20

[^روقي عفيف^]

بسم الله الرحمن الرحيم

السلام عليكم ورحمة الله و بركاته وبعد............؟

اخواني بمنتدى الهيلا

اخباركم عساكم طيبين بشروني عنكم هع ...

انا اضع مسابقة شعرية للي عمره من ( 18 إلى 20 )

والغرض من هاذي المسابقة تعرف على شعر اشبال عتيبه في هاذا المنتدى وتجمع عدد كبير من شريحة ابنا القبيله في هاذي المسابقة

انا مارح اسوي المسابقة لين اخذ الموافقه من إدارة المنتدى فهي المسؤله الاول والاخير

وإن شاء الله توافق على طلبي

المسابقة تتكون من 4مجموعات

ويكون عدد الابيات في المرحله الاولى والثانية (10 ابيات )


كل مجموعة تتكون من (4 شعراء ) ويتاهل الاول والثاني من كل مجموعة

وبعد مايتاهلون إلى المرحله الثانية يتبقى (8 شعار ) من المتاهلين من المرجله الثانية ومزعين على مجموعتين ويتاهل الاول والثاني

ويتبقى ( اربع شعار ) إلى المرحله النهاية كل شاعر منهم يرد قصيده عدد الابيات 15 بيت


ويكون معنى القصيده واحد ويختار المعنى اللجنه ويكون فيه تصويت وللجنه لها 50% من درجة التصويت والباقية 50% الاعضاء يصوتيو لشاعرهم

وتكون مدة التصويت سبوع

للمعلومة التصويت فقط للمرحله النهائية وهم الربع شعار اما المرحله الاولية والثانية مافيه تصويت




وعدم التطرق إلى شي يمس الدوله او يمس دول الخليج او يمس شخص او قبيله مهما تكون

وتكون الابيات عفوية ونبطيه

وللقب هاذي المسابقة (شاعر القوافي)


والمسابقة تتكون من لجنة ويختار اللجنه إدراة المنتدى وتتكون من ثلاث اشخاص ويكونون

عندهم الفكر الكامل في الشعر ومعانيه

واللجنه عندها الاوامر الاوليه ولها الحق ان تخرج الشاعر من المسابقة يذا تطرق إلى المواضيع اللي ذكرتها

وتمنى من إدارة المنتدى الموافقة على هاذي المسابقة




ومني لكم جزيل الشكر

[سهيل العازمي]

فكره رائعه جداً وغير مسبوقه في المنتديات القبيليه ،،

وان صارت تراني اول المشاركين هع

الله يعطيك العافيه

[خالد@الدلبحي]

مشاء الله ناوي تغطي على شاعر المليون

:rolleyes:

:D

بالتوفيق ان شاء الله

[^روقي عفيف^]

مشاء الله ناوي تغطي على شاعر المليون

:rolleyes:

:d

بالتوفيق ان شاء الله



اي يالدلبحي ( والله ياخوك شاعر المليون مثل اللي يقول ماكل باضة شحمه )

هع

إن شاء الله تشارك

[علي الثبيتي]

بيض الله وجهك ياروقي عفيف فكره رائعه

وسجلوني عن 2من الشعار الشباب هههههههه

اتمنا من الاداره الموافقه على المسابقه

[صارم عتيبه]

موضوع يستحق الرفع والتقييم من قبل الاداره


فكره سديده ورائعه


اتمنى التوفيق للجميع

[حفيد القروم]

والله فكره حلوه ياروقي عفيف تستحق التعب فيها وبيض الله وجهك
وحطوني من ضمن الناس اللي يبا يشاركون

[^روقي عفيف^]

مشكووووووووووووووووورين على التفاعل

وإن شاء الله المنتدى يوافق على هاذي المسابقة


راح اوضح بعض النقاط المتعلقة بالمسابقة

اول شي المجموعات ( 4 مجموعات ) وكل مجموعة فيها ( اربع اشخاص ) وتاهل الاول والثاني من كل مجموعة

وجاني رسائل من أبناء القبيله بني اضع ( 8 مجموعات ) بدلاً من (4 مجموعات )

وتكون من المسابقة فقط من 18-25

وبما جتني هاذي الرسائل

راح افتح المسابقة من للي عمره (18-25 )

وراح تكون (8 مجموعات )

وتمنى من إدراة المنتدى تضع قسم خاص لهاذي المسابقة


اما بانسبة للقصيدة اللي راح يشارك فيها المتسابق

تكون على النحو التالي

اولاً : تكون القصيدة موزونه وعفوية

ثالنا: تكون القصيدة ( مهمله اكيد تعرفون معنى مهمله )

ثالثا: تختار اللجنه عنوان القصيده لكل مجموعة


الجوائز على النحو التالي



الفائز الاول :: 1000 ريال

الفائز الثاني ::: 500 ريال

الفائز الثالث ::: 300 ريال

الفائز الربع ::: بطاقة شحن 100





اتمنى ان إدراة المنتدى ان توافق على هاذي المسابقة


وهي اللي ارح تختار اللجنه وراح تشرف اكيد على المسابقة

[ابو فايح]

فكره رائعه سيتم مناقشتها مع الاخوان قبل الرد النهائي


وقبلها بيض الله وجهك وكثر الله من امثالك

[(مہودع دنہيأهہ)]

فكره ولا أروع فهيتضهر لنا المواهب المدفونه وتقوي الشعراء وتشعلفيهم روح التحدي والحماس وياليت الادراه توافق عليه ويصير أول مكان بدت فيه هذي الفكره منتدنا الشامخ وبرضه ياليت كل واحد يشارك يخش بئسم العتيبي على طول لايكتب إسم قبيله عشان المتعصبين بالحيل ما يصوت لولد عمهم الأقرب لهم ويصوتون للأفضل في نضرهم


روقي عفيف بيض الله وجهك يالقرم على الفكره ولاهنت والله يكثر من امثالك

[^روقي عفيف^]

يا أعضاء المنتدى وين التفاعل وين حقين الشعر

[سمي جدي]

أبد حنّآ متحمسسسين أكثر منك ’, مير ننتظر موآفقه الإدآره ,.
ويبيلهآ تخطيط أكثر وتحددون متى يكون التجمع بالمنتدى حتى تشوفون القصايد ,.
وعلى كم تقريبا راح تنتهي يعني خلال كم اسبوع ’, ولازم كل المشاركين يلتزمون بالوقت ومابوه تاخير ,.

وفكره جميله منك يً الروقي ,,

[عبدالمجيد النفيعي]

أنا مؤيد للفكره الرائعه وأقترح إن روقي عفيف عضو في اللجنة << عشان مايآخذ اللقب :)

[^روقي عفيف^]

أنا مؤيد للفكره الرائعه وأقترح إن روقي عفيف عضو في اللجنة << عشان مايآخذ اللقب :)



لا ياخوي عبد المجيد انا مراح اشارك في المسابقة

بس ابغى تفاعل من الاعضاء


يعني الازم 32 شاعر في هاذي المسابقة


يالله نبي تفاعل