السلام عليكم ... اقرب شاعر

[محمد عوض الشاطري المطيري]

ياسلامي سلام ٍ فيه سمن وسمين ......... ردة ٍ تاصـل عتيبـه وشعارهـا

النجـوم ان بـدى نـور القمـر ماتبيـن ......... بس لاغاب نوره بانت انوارها

[سويلم الشيباني]

مرحبا يالمسلم جعل قلبك فطين=عند ذباحة الحايل لخطارها
القمر ماتغير من طوال السنين=والنجوم الخلوي فصل اخبارها

[محمد عوض الشاطري المطيري]

البقـاء والمطيــه لاتجــر الحنيـــن ........ قودها لاتبركها على زارها

فيه شاعر بليد وفيه شاعر ذهين ........ والعلوم الوفيه مانبا غارها

[خلف المطيري]

صحت الالسن والقلوب جميع

والصف صعيبي

[سويلم الشيباني]

المطيه عليها الحمل والطبع زين=وان عدت فالحمادة ثارت غبارها
اطلب الله جعل الله لحالك يعين=والخطايا ماغير الله غفارها

[محمد عوض الشاطري المطيري]

والله انا نشب النار للطيبين=يوم بعض البوادي طافيه نارها
ليت ربي خلق مابين خشم ٍ وعين=شامة ٍ نعرف الاغراب واحرارها

[سويلم الشيباني]

جعلك بجوفها واهل الوفا سالمين=العرب يالمطيري نعرف اذكارها
منطق الرجل ميزانه وعلمه يبين=يايمن النشما ياعلى يسارها

[محمد عوض الشاطري المطيري]

ياعتيبه نصيحه صحو النايمين=مركبتكم تبا تقلع بطيارها
نوب يمشي يسار ونوب يمشي يمين=كلمتين ٍ وجاتك طب واختارها

[ابن بشيّر]

صحت الالسن والقلوب

[سويلم الشيباني]

يامحمد تبا تنصح والا اوفيت دين=لاتوصي رجال(ن) تحتمي دارها
كيف تنظر بعين وكيف تغمض بعين=لد كل العيان ان كنت سبارها

[سويلم الشيباني]

صح بدن كل من مر الطاروق

[محمد عوض الشاطري المطيري]

الديار امحميه كلكم عارفين=ولاغدالي ديون ٍ واطلب بثارها
ياسويلم نعرف الذيب وابا الحصين=مير ددسنك شوف الزيت بعيارها

[محمد عوض الشاطري المطيري]

صحت ابدان الجميع

[سويلم الشيباني]

تدعي والدعاوي تلزمك شاهدين=مايصفون جنبك غير زوارها
لازهر الذيل عندي وارد المارتين=زهر الاذيل نطلعها من اجحارها

[محمد عوض الشاطري المطيري]

لاهنت ياسلويلم والمعذره على التأخير واشكر كل من تابع