اقرب يامرزوق العتيبي

[عبدالعزيز بن جودان الرويس]

السلام عليكم ورحمة الله وبركاته
اسعد الله مساكم جميعا
اخوي مرزوق العتيبي اقرب ابيك في هرجة راس



سلام رديةٍ للطيب فيها سمات=رديةٍ تجعل المسلم تحت ضفها
اقول ياصاحبي مرزوق مافات مات=وليا لقيت الجنازه بالكفن لفها

[مرزوق حمدان العتيبي]

سلام رديةٍ للطيب فيهـا سمـات.......رديةٍ تجعل المسلم تحـت ضفهـا
اقول ياصاحبي مرزوق مافات مات .....وليا لقيت الجنازه بالكفـن لفهـا




الله الله
يابو ماجد ....
اللـــــــــــــــــــــــــــــــــه يخارجنا :)

[مرزوق حمدان العتيبي]

استلم يابو ماجد...

حييت ياللي تسلم عد نبت النبات = ابيوت ياثقلها وابيوت ياخفّها
ياصاحبي صاحبك ما يرتجي شي فات =واعلم ترى النفس ممشاها على شفّها

[عبدالعزيز بن جودان الرويس]

الله الله
استلم لاهنت


ابنشدك وش حصل في وضع هاك الخوات =ونار القشر ياعميلي طفها طفها
الذاهبه يوم وردت يم شط الفرات = هلكت وماتت ضما والما تحت خفها

[مرزوق حمدان العتيبي]

الله الله


اوضاعهن ياقوي المعرفه بيّنات = بشرى سعيده نقدمها الك ونزفّها
ام الحلا .. في حلاها مابه امجاملات = من زينها كل خلق الله في صفّها

[ابوسليمان]

ياسلام على هكذا ابداااع





واصلو يامبدعين ونحن متابعين




احترامي لكما

[إبن ثعلي]

ماشاء الله على الشاعرين الكبيرين مرزوق العتيبي وعبد العزيز لاهنتوا وواصلوا ترانا ماسكين الصفوف
تحيات بن ثعلي

[عبدالعزيز بن جودان الرويس]

ابو سليمان
تسلم على مرورك
لك مني جزيل الشكر

[عبدالعزيز بن جودان الرويس]

ابن ثعلي
ارحب يابن العم
حياك الله يابن ثعلي

[عبدالعزيز بن جودان الرويس]

الله الله يامرزوق




مكسورة الساق ماتطلع على السالمات=الا ان ابه واحدٍ ياصاحبي دفها
وانته ووصل العطياني رجالٍ ثقات= لكن غرتكم اللي خضبت كفها

[عايض الحبابي]

عبد العزيز ..... أبو محمد ...

محاوره وأبيات في غاية الروعه ... واصلوا ..

[مرزوق حمدان العتيبي]

...
ابو سليمان
هلابك ياغالي و اسعدني تواجدك..

[مرزوق حمدان العتيبي]

ابن ثعلي
هلابك ومرحبابك
حضورك هو المكسب لاعدمتك..

[مرزوق حمدان العتيبي]

..
الاخ والزميل
الشاعر المبدع
عايض الحبابي
ارحب يابو علي
شرفتنا بحضورك
وترى عبد العزيز
خوينا اللي قابلناه في الرياض يوم نحضر زواج الرجال اللي انت خابر
اربك عرفته ؟ :)

[مرزوق حمدان العتيبي]

الله الله ياعبد العزيز.

اللي يبا الكايده مايتبع الهينات = ونفسه عن اللي ينزّل قيمته عفها
حنّا ضمنا لكم ماجابها امخالفات = وامام كل البشر حطّت على رفها

[مرزوق حمدان العتيبي]

الله الله ياعبد العزيز.




اللي يبا الكايده مايتبـع الهينـات = ونفسه عن اللي ينزّل قيمته عفها
حنّا ضمنا لكم ماجابها امخالفات =وامام كل البشر حطّت على رفها

[عبدالعزيز بن جودان الرويس]

ارحب يالحبابي
حياك الله
شكرا لك

[عبدالعزيز بن جودان الرويس]

الله الله يامرزوق
استلم استلم



اشغلتو الناس يامرزوق بالواسطات=وبعض الملفات فيها نقص رح وفها
شفت الخطا ثم بلاك الله بكثر السكات = نيتك فيها بلا وان طعتني صفها

[مرزوق حمدان العتيبي]

ياسلام ياسلام..
.....

وضحت لك وانت هاوي تخلق المشكلات = تبغا تصيب الحقيقه لكن اتحفها
مايعلم الغيب غير اللي له المعجزات = والله ومر سيّتك بالطيبه قفها

[وصل العطياني؟؟؟]

هلا والله يا عبد العزيز ...

الساعة المباركة ...

ساع نوّر المنتدى بوجودك ...

ونتمنى ان تتواصل معنا "...

مع الشكر والتقدير على هذه المحاورة الرائعة بحق ..

بس واصل ترى ما جاك شيء هههههه


مرزوق /

إيوه خلك كذا ...

جحيد وأمرٍ بعيد هههههه

صراحة محاورة ممتعة ...

كل بيت يغار من الثاني :)




تحياااااااااااااتي

[عبدالعزيز بن جودان الرويس]

المهلي مايولي ياوصل
الله يبارك فيك
المنتدى منور بوجود اهله
والله يكفينا الشر المعازيب حطوني تحت المجهر هههههههههههه

لا هنت ياوصل
لك مني جزيل الشكر والتقدير وانت دورك مقبل انشاء الله

[عبدالعزيز بن جودان الرويس]

الله الله
استلم استلم

اللعب فتل ونقض والقول يبغا ثبات= ياللي بيوتك تحاول قدمي تصفها
مرزوق يلعب معي وعيونه امغمضات= صبيتله فالطويسه سم ثم تفها

[مرزوق حمدان العتيبي]

....
ارحب يابو مشهور
اسعدنا حضورك... وشهاده منك نفخر بها..

[مرزوق حمدان العتيبي]

الله عليك يامبدع
خلوووووووها

عبد العزيز العتيبي راعي امضاربات = لاشاف له راس مسلم بالعصا هفّها
بالله ياوصل قلي معه كيف السوات = اليا عطيته حلول المشكله لفها

صح لسانك يابو سعود
وبيض الله وجهك
ولا يكفينا منك هالحضور ..
اتمنى ان اراك في محاورات قادمه..
كل الود والتقدير ياغالي..

[عبدالعزيز بن جودان الرويس]

الله الله
صح بدنك يامرزوق
امتعتنا بهالطاروق الله يطول عمرك
لك مني جزيل الشكر

[مرزوق حمدان العتيبي]

....
العكس هو الصحيح
يا استاذي العزيز....

[عايض الحبابي]

الله لايهينكم ... ماقصرتوا...

شفت يابو محمد أنت ختمت وعبدالعزيز انهاها بشكر ... ماهو مثل بعض الناس أذا عنده ...بيت تاكله تسبده.:)!! لين يقوله...!!!!!!!!!!!هههههههه

[مرزوق حمدان العتيبي]

هههههههههههه
بعذره جنوبي يابعدي :)

[نياف العتيبي]

اشهد بالله انكم جزززززززلين يالثنين

لاهنتوااااااا

النااااااااااايف

[معقل المجانين]

الله ,,,,,,, الله
الشاعر/ عبدالعزيز ,,,,,,,,,,,,,,,,,,,,,,,, والشاعر/ مرزوق العتيبي

قمه وابداع ونقض وفتل
سجلو حضوري المتأخر ,,,,,,,,,,,,,,,,,,,,,,, وسجلواعجابي الشديد بكم

تــقــــبـــــــــــــــــــــــــــــلوتحياتي

[مرزوق حمدان العتيبي]

...
الشعراء
نياف العتيبي
ومعقل المجانين..
شكرا لكم على الحضور والاطراء
ولا عليكم زود.... وتشرفنا بوجودكم..

[الحر الأشقر]

عبد العزيز لا هنت وإبداع وأبيات متميزه والمعذرة توني أقرأ محاورتك وبكل صراحة محاورة لا يعلى عليها ولا عجب.
مرزوق لاهنت والمعونه والسلامه وبصراحة ما قصرت ولا هي غريبه عليك دائماً موفق طال عمرك وتوني والله أشوف ذا المحاورة لا كن كلام جزل

أخوكم الحر الأشقر

[عبدالعزيز بن جودان الرويس]

الاخ عايض الحبابي
شكرا لمرورك وتعطيرك لمتصفحي
تحياتي لك




نياف العتيبي
تسلم يابعد راسي وعزوتي والله
شكرا لك واجلزاله في راسك
صح بدنك يالغالي



اخوي معقل المجنن
صح بدنك ولاهنت
حظورك اسعدني كثيرا





الحر الاشقر
صح بدنك ياعزوتي
الجزاله في ذوقك العالي
سلمت ووجدك شرف لي
تحياتي لك

[((الدلبحي))]

عبدالعزيز صح السانك والسان مرزوق

تحيااااااااااااتي

[عبدالعزيز بن جودان الرويس]

الدلبحي
صح بدنك
شكرا لمرورك
نحياتي لك

[الفـــايز]

شعار كبار ومحاورات ماتنسا .

[عبدالعزيز بن جودان الرويس]

الفايز
تسلم على الاطراء الجميل
لا هنت