عتيبه محزمي والعود جوف العين (اقرب شاعر)

[اصمعي عتيبه]

سلامي ياعتابه قلتها تضمين=واضمنها علي اللي يعرفون العيب
عتيبه محزمي والعود جوف العين=خذيناها غصب والذيب ياكل ذيب

[جزل المعاني]

تردون السلام ..ومرحباء واهلين=نرددها على نهج الوفاء والطيب
عتيبة محزمك وانته تحزم زين=على جنح الظلام الي يشق الريب

[اصمعي عتيبه]

الله الله

ياسلام

مبداك كايف وتوني اشوف الرد

اسف مانتبهت


يدوم لك البقى دامت مع الذربين=وياجزل المعاني ماهقيت إتخيب
عدوي فالحسد كنه عدو الدين=علينا حملت الصهيون والتكذيب

[جزل المعاني]

ترانا نحتري علمك الين الحين=تهرج والسوالف ماتبي ترتيب
عدوك في نحاكم مايجي برلين=ويبديلك مع الايام سد الغيب

[اصمعي عتيبه]

طعون الغدر ماهي ملت الوافين=عدون في عكاض السوق منك إقريب
في وسط السوق له ياصاحبي عامين=نويت ابرهمك يالابرهي تعطيب

[جزل المعاني]

نشوف الي حدث كله قبل يومين=رصاصة والرصاصه مالها تجنيب
الا يلي ذخرت السيف ابو حدين=علامك تذخرة والشيب لز الشيب

[اصمعي عتيبه]

نشب النار نار اهل الكرم صلفين=حطبت إلها جذع ذيك الشجر تحطيب
ترا كل البشر ياصاحبي حزبين=حزب ربي وحزب إبليس ربع ذنيب

[جزل المعاني]

صح لسانك .....

[اصمعي عتيبه]

صح بدنك

جزل المعاني جزل المعاني

تشرفت في محاورتك

مشكور

[برررق الحيا]

صح السانك يالاصمعي وصح السان جزل المعاني طاروق كايف وزين

لكن تبقون إخوان ومهما حدث وحصل يالأصمعي أنت واخوك ؟؟؟؟

والنوايا صافية

لاهنت وتقبل مروري

[ابوهــندي]

طاروق جميل وكااااااااااايف

[حمد بن مسفرالحبابي]

صح السنتكم شعرانا ابداع ابداع