خمس القبايل ياولّد مضيم مبّناها علي ساس| فلاح القحطاني

[خلف المطيري]

يامرحبا يافلاح وكلمة الطرقي لها راس = لكنّك انته تكابر ماتبا قول الحقيقه

خمس القبايل ياولّد مضيم مبّناها علي ساس= واللي حكم مايغر الحق | ويّميّز طريقه

[فلاح القحطاني]

دام البقا يا عميل جيت يم الدار عساس =والظاهر انك تبيها تالع الليلة حريقة
الشاهد الله ما ندري بانك موكل عن الناس = ما اصدقك لين تظهر يا ابيض الشارب وثيقة

[اصمعي عتيبه]

صح السنتكم طاروق جدا جميل وانا متابع لكم

واصلو ابداعكم

كفو ياشعار

بيض الله وجيهكم

[خلف المطيري]

طيب طيب

دقايق

[فلاح القحطاني]

صح بدنك يا أصمعي


ولا هنت على المتابعه

[خلف المطيري]

ارحب يافلاح


انا ذكرت الحقيقه وان حصل مكروه لاباس = اصبر علي النار محّسب للثواني والدقيقه


تبا تشوف الوثيقه لاكبسنا فوقك الداس = اثر البنادم مايقنع لين يابس كل ريقه

[خلف المطيري]

صح السنتكم طاروق جدا جميل وانا متابع لكم

واصلو ابداعكم

كفو ياشعار

بيض الله وجيهكم

صح بدنك وماعليك زود

ومتابعتك مكسب ونوماس


لاهنت يالاصمعي

[فلاح القحطاني]

من بعد ما شفت زولي صايبك ضيقة وهوجاس = االله يفرج عنك ما حل بك هم وضيقة

لا شفت لك واحد في غبة الامواج غطاس = نصيحتي لا توقف يا غليم في طريقه

[خلف المطيري]

الله الله



لاتقطع الشوط واصل كان ودك تاخذ الكاس =اللفلفه ماتجيب الكاس وتّعيش ابريقه

وقفتك قدمي تراها تعتبر مكسب ونوماس = تعلم امن الجبل وتّشيل حملن ماتطيقه

[خلف المطيري]

صح السانك يافلاح

ومشكور علي تلبية الدعوه

لاهنت يالقرم

وتصبح علي خير

[فلاح القحطاني]

اخذ القلم يا جبل صايد وسجل فوق قرطاس = السيل لو تاقف النملة بدربه ما تعيقه
ثوب الستر يا صحيبي لا تحسب ان مثله لباس = تلحفه يا عسى يخفي جروح بك عميقة

[فلاح القحطاني]

صح بدنك

وتشرفت باللعب معك

[ابن صبحي الشاطري]

صحة السنتكم على ما قدمتو