الطارف الله يحييه

[عبدالله الفهد الاسعدي]

سلام مني للرجال الي لهم قدر كبير = سلام حسب الشرع والملعب لها فرسانها

الي يبا يلعب معي يامرحبابه من يصير = يقلط وقدامه ملاعب زايه ميدانها

[الأسد44]

صح لسانك راع الزلفي


وصح لسان قبيلك مقدما


وننتظر الفارس الثاني


متابعين ،،،،،

[الناضم]

الله الله

صح لسانك يالذيب

[عبدالله الفهد الاسعدي]

صح بدنك اخوي الاسد 44

شكراً لحضورك

[عبدالله الفهد الاسعدي]

صح بدنك اخوي الناضم

لاهنت على الحضور الطيب

[فهد علي العازمي]

يا مرحبا ترحيبةٍ تاصلك في وقتٍ قصير=والملعبة يا صاحبي ما يختلف ميزانها
أنا وقفت بماقفي والسيف فاليمنى شطير=وانته ياولد الزلفي إحذر والمقابر عانها

[عبدالله الفهد الاسعدي]

دام البقى يالعازمي والعلم من سلك الحرير = والطيبه تكسب بها واحرص على نيشانها

قم رد سيفك في غمادك كان تبغى له جفير = الذل مايدخل قلوب(ن) مرجهن ايمانها

[فهد علي العازمي]

هات السوالف هاتها فالدرب واشوف المسير=واعطيك وزنة هرجتك فالسوق من دكانها
إن كان إبه عندك جفير أطيع شوري واستخير=والكلمة اللي قلتها محتاجٍ لبرهانها

[عبدالله الفهد الاسعدي]

السالفه ناس تخطط والعرب تشخر شخير = ياطول سبات الرجال الي تصم اذانها

الحشو يرغي مضطهد والرحل تسمع له هدير= والبندقيه يوم شيلت ماقدح صوانها

[الناضم]

الله الله

إبداع

متابع للأخير

[عبدالله الفهد الاسعدي]

حياك ربي يالناضم

اسعد بحضور امثالك

[فهد علي العازمي]

الله يسترنا بستره وأنت رجلٍ فيك خير=مثلك ليا منه وقف ضد العداء واهانها
تلقى لها تال الليالي من يلف ويستدير=الذمة الذمة تراها فرقبة رعيانها

اسف على التاخير رحت اتعشى

[عبدالله الفهد الاسعدي]

اكرب حزامك يابن عاصي والرحى لك تستدير = اما طحنت الحب قلنا لك عليك اوزانها

الجيل قدامه تحدي كيف تحديد المصير = يوم الشريعه تنتخي بالفارس الي صانها

[عبدالله الفهد الاسعدي]

لعل مهابيطه العوافي

[فهد علي العازمي]

لوهي على كربة حزامي كان قلت أمرٍ صغير=يبغى لها نارٍ يوصّل للسماء دخانها
الجيل ناعم مايبي غير البطاطس والعصير=والفارس اللي تنتخي به ظني إنه خانها

[فهد علي العازمي]

خلووووووووها


صح لسانك ولا هنت وبيض الله وجهك على الطاروق وتشرفت بالعب معك
ولنا لقاء
بإذن الله

[عبدالله الفهد الاسعدي]

المسئلة ذمة وكل يتقي حر السعير = وبعض المطايا من جهلها يستدير ابطانها

كل وجهده والحمول الكايده حمل البعير = والباخره في ذمة القبطان مع ربانها

[عبدالله الفهد الاسعدي]

خلووووووووها


صح لسانك ولا هنت وبيض الله وجهك على الطاروق وتشرفت بالعب معك
ولنا لقاء
بإذن الله

صح بدنك وطاب معدنك

الله يشرف مقدارك ويرفع من شانك وشان جارك

كلي شرف باللعب مع امثالك

لنا لقاء بحول الله

تصبح على خير