يــــــاصبـــاح الـخـيـر......اقرب شاعر

[متعب المقاطي العتيبي]

اشوفلي خيمه ولاكن مالها ظلً ظليل=والضاهر ان المشكلة ياصحابنا ف/اطنابها
الطير يكفخ بالجناح ولا يحصله مقيل=والوقت عيا يجلب الحاجه على طلابها

[فهد الحصيني]

الخيمه اللي ظلها معدوم والا مستحيل=عسى الهبوب اللي تهب اتشيلها تسعابها

والوقت زادت شدته مابين عدل وبين ميل=دنيا الشقى ياصاحبي كلٍ ترى يشقابها

[عيد بن مرضي]

يا سلام يا سلام


نداوي تخصص صباحي ( الشعر هذا الصباح )


ومره أخرى مع الذيب النفيعي ... شعراء جزليين


صحت الالسن ... متابع للآبداااع :)

[فهد الحصيني]

عيد بن مرضي

00

الله يسلمك ويغليك يالقرم

وصح بدنك وقلبك

[متعب المقاطي العتيبي]

الحل هذا يالنفيعي مايبردلي غليل=السم يمكن ينتشر بديارها واشعابها
صادق ولاكن الزمن ياصاحبي شفته بخيل=والي يمد الطيبة ف/الوقت مايجزابها

[متعب المقاطي العتيبي]

يا سلام يا سلام


نداوي تخصص صباحي ( الشعر هذا الصباح )


ومره أخرى مع الذيب النفيعي ... شعراء جزليين


صحت الالسن ... متابع للآبداااع :)





صح بدنك

والله لايهينك عــ الحضور الجميل


عسى الله يبيض وجهك

[فهد الحصيني]

الحل من عند الله المعبود والرب الجليل=قادر يحل المشكله دامه يعرف اسبابها

والبخل فينا والزمن شماعة أتشيل الثقيل=راحو حلحيل الرجال اللي كسبت اعجابها

[شاعر القلطه]

ياسلام عليكم والله فن وابداع وصلو

[فهد الحصيني]

وين رحت يالنداوي طال الانتظار

[فهد الحصيني]

شاعر القلطه


،،

حياك الله يالقرم

والفن حضور الرائع

[متعب المقاطي العتيبي]

الدلة الي نصفها مسمار مدري زنجبيل=لو هي تفور احذر تقلطها على شرابها
الحملة الي شلتها ي/اشعيل حذرا لاتميل=والي يدّورها ترا ياصاحبي يشقابها

[متعب المقاطي العتيبي]

ياسلام عليكم والله فن وابداع وصلو

حياك الله

والابداع حضورك المشرف

[فهد الحصيني]

نبا حصيلك يالندوي دام يعرف لك حصيل=القوم نعرفها مانجهل فعلها وانسابها

سمحان يركي للحمول الكايده دامه دليل=واللي يذم الناس ماضر الرجال وعابها

[متعب المقاطي العتيبي]

قدّمت لاكن مالقيت الي يردون الجميل=يالي تعرف القوم ..حذرا لاتجي مشهابها
الي يشيل الكايدة يصبر على الخط الطويل=من قبل بقعاء يلعتيبي ينهشه مخلابها


صح لسانك وبيض الله وجهك


ومسك الختام عندك

[فهد الحصيني]

النداوي

اشوفلي خيمه ولاكن مالهـا ظـلً ظليـل=والضاهر ان المشكلة ياصحابنا ف/اطنابها

الطير يكفخ بالجناح ولا يحصلـه مقيـل=والوقت عيا يجلب الحاجه علـى طلابهـا



الذيب النفيعي


الخيمه اللي ظلها معـدوم والا مستحيـل=عسى الهبوب اللي تهب اتشيلها تسعابها
والوقت زادت شدته مابين عدل وبين ميل =دنيا الشقى ياصاحبي كلٍ ترى يشقابهـا

النداوي


الحل هـذا يالنفيعـي مايبردلـي غليـل=السم يمكن ينتشـر بديارهـا واشعابهـا

صادق ولاكن الزمن ياصاحبي شفته بخيل=والي يمد الطيبة ف/الوقـت مايجزابهـا


الذيب النفيعي


الحل من عند الله المعبود والرب الجليل=قادر يحل المشكله دامه يعرف اسبابهـا
والبخل فينا والزمن شماعة أتشيل الثقيل=راحو حلحيل الرجال اللي كسبت اعجابها


النداوي


الدلة الي نصفها مسمار مدري زنجبيل=لو هي تفور احذر تقلطها على شرابها

الحملة الي شلتها ي/اشعيل حذرا لاتميل=والي يدّورها ترا ياصاحبـي يشقابهـا

الذيب النفيعي


نبا حصيلك يالندوي دام يعرف لك حصيل=القوم نعرفها مانجهل فعلهـا وانسابهـا
سمحان يركي للحمول الكايده دامه دليـل=واللي يذم الناس ماضر الرجال وعابهـا

[فهد الحصيني]

الواجب أنك ماتمن اللي عطيته مد كيل=واللي ماسرحها يقولون البدو ماجابها


الصبر مفتاح الفرج ياطول صبرك يالنخيل=وسم الحنش في وسط نابه وحذر احذر نابها



صح بدنك يالنداوي وصح السانك يالقرم