عبدالله بن شايق وراشد السحيمي ( وين المحللين)

[أحمد المويعزي]

ابن شايق


ياسلامي على بيت الكرم والضيافه = والكرامه لاهلها والضيافه لاهلها

من سمع صوت راشد تالي الوقت شافه = والحمول الثقيله مالها الا جملها

راشد


مرحبا عد ما سرتو لنا من مسافه = من يقدم علوم جزال ياخد بدلها

ذاك قصر الامير وذاك قصر الخلافه = كل واحد يبرك فاطره ويعقلها

ابن شايق


عقب لعب الهوايه جاك لعب الحرافه = الحصاه الكبيره باقيه في جبلها

المجاعه ترى مابعدها الا المخافه = ماضلمنا الرجال وكلمة الحق قلها


راشد


واضح انك معك هقوه وعندك ثقافه = كلمة مالها تبرير ما نحتملها

لا يجي فيك لوطال الطريق انحرافه = ما يسمي بيده الرجل لين يغسلها


ابن شايق


المخرف مخرف ويش طب الخرافه = يالله انك عقب ميل الزمان تعدلها
لعنبو من رضا بالمهزله والضعافه = ناس ما عاد نعرف علمها من جهلها

راشد


المخرف كبر والعيب شغل اللقافه = ليش يابن الحلال تلمها وتعقلها

لعنبو من يخرب حجته باعترافه = ما تعرف الكواكب وانت عدك تصلها

ابن شايق


نام أبوزيد بفراشه وكثر لحافه = وكل نفس نهار الحشر تلقى عملها

جبت الاسم الرباعي قال ابي زود وافه = تمرة أهل المدينه ناشبه في نخلها

راشد


انشد اللي ترك كل المشاكل عيافه = ماينوش الخليه لين يسرح نحلها

عاقل المره اللي تخبره في كتافه = مابقي قرية مطوره ما نزلها


ابن شايق


انشد اللي لقينا صورته بالصحافه = كل ما جيب ابرد لقمتي جا واكلها

لا اقفت المقفيه مالي عليها حسافه = والله اللي تكفل بالعباد وكفلها

راشد


لا يصيبك على لقمه بسيطه كسافه = ابشر انه ورط بالعمله اللي عملها

مايطلع بياض الثوب غير النظافه = خلها كلمة تمشي وتطلع قبلها

ابن شايق


بشر اللي مايعرف جمرته من طوافه = جعلها ما تكبت ضدنا من حللها

[الـحـنـشـ]

مشكووووووووور ونننظر المحللين

[شمروخ ابن عايد]

المعنى ذو أوجه .


استطيع أن أقول يكون المعنى برمزية ( قصرالأمير , قصر الخلافة ) ورغم أنها وردت من الشاعر الناقض ( السحيمي ) وليس من البادع ( ابن شايق ) , ولأن بدع ابن شايق في أول بيتين له كان خالي من أي رمزية قوية للمعنى وتخليه عن أصل من أصول المحاورة الواجب عدم اهمالها وهي المبادرة بوضع رمز قوي يستطيع الشاعر الخصم مجاراته حتى يكتشفه ,


لكن قد تكون دخلة السحيمي بقصر الأمير وقصر الخلافة قد تكون وجدت أثر من ابن شايق لأخذ مسار آخر في معنى قريب منها , وهو شئ من ضمن أساليب الشعراء أذا لم يضعوا معنى قد يجدوا في رد خصمهم مدخل لمعنى جديد يبدعون عليه بقية المحاورة , وهذا من اساليب الشعراء كما قلت وهو شئ ليس غريب بل ممتاز ومطلوب وكثيراً مايعمله الشعراء الكبار .



كذلك هناك رموز تخص هذا المعنى منها لأبن شايق ( مجاعة , مخافة , الحصاة الكبيرة , المخرف , لقينا صورته بالصحافة , كل ماابرد لقمتي جاء واكلها , مايعرف جمرته من طوافه )





أتخذ السحيمي موقف الدفاع عن أصحاب المعنى ( كلمة مالهـا تبريـر مـا نحتملهـا , العيب شغل اللقافة , ماتعرف الكواكب وأنت عدك تصلها , تركت كل المشاكل عيافة ( أبعد عن الشر وغني له ) , لايصيبك على لقمة بسيطة حسافة ( الدنيا كلها لاشئ ) , أبشر أنه ورط بالعملة اللي عملها ( سيحاسب رب العالمين من يخون ويسرق ويختلس ويمنع المسلمين ارزاقهم فلاتلقي بال لهذه الامور وأتركها لرب العالمين ) .

[أحمد المويعزي]

شمروخ تفسيرك ينطبق عليه المثل الي يقول ( فسر الماء بعد جهد بالماء )

أنا ادري ان اللي ذكرتها رموز لاكن ابي المعنى

[شمروخ ابن عايد]

المعنى أخذه من الرموز ياطيب , وكذلك التلميحات .

وش ورى هذا التوضيح مني , اذا لم تفهمبع هذا التوضيح ........


قصر الأمير وقصر الخلافة كانت مدخل للمعنى , ورغم أن المدخل كان من السحيمي فإن ابن شايق بنى عليه بقية الطاروق , ويتحدث عن غبن وتقتير وعدم وجود عدل في توزيع الثروة , والسحيمي كان يدافع بمعانيه التي ذكرتها لك فأرجع لها .

[فلاح القحطاني]

مشكووور على المحاورة

وهذي بالصوت من تسجيلي

http://www.4shared.com/file/228260815/2e330151/_online.html

[أحمد المويعزي]

المعنى أخذه من الرموز ياطيب , وكذلك التلميحات .

وش ورى هذا التوضيح مني , اذا لم تفهمبع هذا التوضيح ........


قصر الأمير وقصر الخلافة كانت مدخل للمعنى , ورغم أن المدخل كان من السحيمي فإن ابن شايق بنى عليه بقية الطاروق , ويتحدث عن غبن وتقتير وعدم وجود عدل في توزيع الثروة , والسحيمي كان يدافع بمعانيه التي ذكرتها لك فأرجع لها .

هههههههههههههههههههههههههههههههههه

وين المعنى أنا أبي المعنى وأنت تعيد البيوت وتقول بنى عليها ودافع ومدري ويش أنا أعرف أن هذي هي الرموز بس ترمز ليش ماعرفت

[أحمد المويعزي]

مشكووور على المحاورة

وهذي بالصوت من تسجيلي

http://www.4shared.com/file/228260815/2e330151/_online.html

الله يعافيك يافلاح

[شمروخ ابن عايد]

هههههههههههههههههههههههههههههههههه

وين المعنى أنا أبي المعنى وأنت تعيد البيوت وتقول بنى عليها ودافع ومدري ويش أنا أعرف أن هذي هي الرموز بس ترمز ليش ماعرفت


ويتحدث عن غبن وتقتير وعدم وجود عدل في توزيع الثروة .

[البحر المتوسط]

الأخ/ أحمد المويعزي


يعطيك العافيه على نقل هذه المحاورة الرائعه


أرجو أن تذكر لنا تاريخ المحاورة إذا تعرفه .

[سلمان العزيزي]

شمروخ بن عايد ما شاء الله عليك محلل بارع

صدقت تحليل مقنع جدا


صحت السنتة الشعراء

[البحر المتوسط]

المعنى لم يتعدا (شعر المحاورة)

بن شايق :
(والحمول الثقيله مالها ألاّ جملها)

ما مثل صياف أحد في حرب .


راشد :
(ذاك قصر الآمير وذاك قصر الخلافه)

يقول مارحت بعيد صياف شاعر كبير وانا خليفته .



ثم أتجه المعنى إلى وضع شعر المحاورة حيث قال بن شايق :
(راح وقت الهوايه جاك وقت الحرافه)

الهوايه : قبل إنتشار مكاتب الشعر .

الحرافه : بعد إنتشار المكاتب واحتكار الشعراء مقابل الأموال الطائله .

[مصر]

لله درك يا البحر المتوسط هذا هو المعنى فيما يبدو لي .

[البحر المتوسط]

مصر



مشكور على هذه المشاركه