سلام والترحيب ينصا المعازيب

[*النجـــــم*]

السلام عليكم ورحمة الله وبركاته


أحبتي في الله هذي أول محاولة لي في شعر المحاورة

والله يجملني معكم



دقيت باب العرف وإنفك بابه=سلام والترحيب ينصا المعازيب
ياأهل الشعر بالله سووا نقابه=النا على الجمهور بعض المطاليب

[سعد حميد الثبيتي]

من دق باب المعرفه مرحبابه= حييت بالمنطق وحسن الاساليب


حنا رجانا في ممثل عتابه= حلال فتال الامور المصاعيب

[*النجـــــم*]

اللي يشيل السم داخل جرابه=لا تأمنه لو كان يبدي لك الطيب
واللي يخالف للنبي والصحابه=ما حقه الا نرضخه بالمشاعيب

[رائد الكيرعاني القحطاني]

الله الله يالنجم

ما ظنتي ان ذي اول محاورة لك .......

بيض الله وجهك جزل

وصحت السنكم جميعا

[سعد حميد الثبيتي]

ولد الردى تعجبك سكبة ثيابه= لكن ما فقد ولا يعرف العيب


لكن بعض الناس ماينغزابه= يفضحك مابين الملا والاجانيب

[*النجـــــم*]

رائد


شرفني حضورك وشكرا لإطرائك


لك تحيتي

[*النجـــــم*]

ياذيب لا تصاحب يكود الذيابه=احذر تخاوي مصدقين الأكاذيب
الديك يذن لو علاه الجنابه=قاله بديوي والليالي تجاريب

[حسن إبراهيم الدجيماء]

الله اكبر ..

محاورة حكمااء . .

صحت الالسن والقلوب ..

مبدعين يالذيابة ..

متااابع ...!!

[سعد حميد الثبيتي]

هذا كلام الصدق مابه غرابه= وحنا توكلنا على عالم الغيب


البوم وكره في بيوت الخرابه= والصقر عانه في علو المراقيب

[فهد الشيباني]

الله الله

صحت الالسن

[سعد حميد الثبيتي]

الله يحيي من تابع هذه المحاوره وشرفنا بحضوره تقبلوا تحياتنا بكل ود واحترام

[*النجـــــم*]

ترى الحنش سمه على راس نابه=احذر من ام جنيب تمشي على جنيب
خل الشواوي ينشغل بالربابه=اشرب رها لا تنشغل بالغثاريب

[علي الشهراني]

طيب طيب


الله اكبر يا النجم اشهد بالله انك جبتها


الديك يذن لو عليه الجنابه


و صح لسانك يا الثبيتي


متاااابع و بقوووه للابدااع

[قنوع النفس]

عشتم ولاهنتم

[سعد حميد الثبيتي]

دواه عندي بالقدم ينوطا به= والحيه اللي ملبده داخل السيب

بيني وبينك لاتطول الحرابه= انا سعد معروف ومورد الهيب

[*النجـــــم*]

الله الله

الله يخارج منك يالثبيتي



المتهم مطلوب عند النيابه=تبا تدقق بصمته والمكاتيب
وليا ثبت جرمه تقرر عذابه=اما سجن والا غرامة وتغريب

[الكنق 2011]

صحت السنتكم

[سعد حميد الثبيتي]

عسى سوالي يلتقي له اجابه= تكفى ياكبتن لي علاكم مواجيب

من طاوله سقمه غدابه غدابه= لكن برهنها عن الشك والريب

[*النجـــــم*]

ليا شبت النيران بين القرابه=هذي تراها من كبار العذاريب
ومن لا يحسب للنقد والمهابه=ما ينفعه يا صاح فتل الأشانيب

[سعد حميد الثبيتي]

دام الدوى موجود عند الطبابه= يبري عطيب الجرح لو جرحه صعيب


الله يكافينا شرور الزلابه= اللي يود ي العلم يالشيخ ويجيب

[*النجـــــم*]

اقول صح لسانك وبيض الله وجهك


غط البيت ولنا لقاء ان شاء الله


واستر ما واجهت



ذيب السرا في كل ريع عوا به=من حرقة جوفه يجر الأقانيب
اللي سرح به ياعرب ما ضوى به=مثل البعير اللي تعتبه تعتيب

[فايز بن سرحان الثبيتي]

لله الله


النجم \ سعد بن حميد "



صحت قلوبكم والسنتكم

[قنوع النفس]

يعطيكم العافية