يارجال المعرفه نادو ا الكيرعاني

[ذياب منير العصيمي]

مساك الله بالخير يالكيرعاني

والله يحييك على طاروق ناري


ابتدا الطرق والشاعر يحكم ضميره=يارجال المعرفه نادوا الكيرعاني
آخر الوقت سويت إلك دارٍ وديره=وأنت وقتٍ مضالك من مكان إل مكاني

[سيف الجعدة]

مساك الله بالخير يالكيرعاني

والله يحييك على طاروق ناري


ابتدا الطرق والشاعر يحكم ضميره=يارجال المعرفه نادوا الكيرعاني
آخر الوقت سويت إلك دارٍ وديره=وأنت وقتٍ مضالك من مكان إل مكاني

صح لسانك ياذياب والصف صفك يابن عاصم والطارووق ناري لايبرد

[حسن إبراهيم الدجيماء]

في صفك يالعصيمي .. والله يعين الكيرعاني ..

لكن الظاهر اني ابسريه يمك الحين ..!!!

صح لسانك .. وبدعة كايفة وتوحي بالعنف ..!!!

[ذياب منير العصيمي]

صح بدنك ياسيف الجعدة وبيض الله وجهك ولاهنت على كل حال.

[سيف الجعدة]

ولاانت ماجاء الكيرعاني نادوه متشوقين لسماع الطارووق

[مرزوق حمدان العتيبي]

..
ارحب ارحب يابو منير ...
:)
مبدع بنمره واستماره ... هههه
صح لسانك ...
وننتظر الرائع رايد وصح لسانه مقدماً ...
..
واصلوا ....

[رائد الكيرعاني القحطاني]

ارحب ارحب

ثواااااني ارد على ابو سعد وجااااايك

[سيف الجعدة]

الليل ياالكيرعاني الصفوف تعبت وهي تشيل بيت العصيمي

[رائد الكيرعاني القحطاني]

ابتدا الطرق يالله جعل فالأمر خيره=هات ما في ضميرك يا عريب المجاني
كان هذا العصيمي كلّ شيّ يثيره=ليت ربّي لمثله يا عرب ما حداني

[سيف الجعدة]

الليل يالعصيمي لايسري

[ذياب منير العصيمي]

نعرف الروس روس امن السيوف الشطيره=وأنت يالكيرعاني نعرفك راس ثاني
العصيمي يعرف إن الرحى مستديره=ولا يقول الصحيح ألا فصيح اللساني

[فرج القحطاني]

ابتدا الطرق يالله جعل فالأمر خيره=هات ما في ضميرك يا عريب المجاني
كان هذا العصيمي كلّ شيّ يثيره=ليت ربّي لمثله يا عرب ما حداني


الله الله


صح لساااااااااااااانك على البيوت الي من ذهب


والصف صفك علي الحرام يا عقب البيتين هاذي ان ما عاد لي عذر


اليييييييييييل

[رائد الكيرعاني القحطاني]

كانك تعرف راسي يا نظيف السريره = بلغ عتيبه الهيلا كبار الصواني
بارد الراس ما يجبر عظام كسيره= آه يا وجد حالي يا فلان الفلاني

[رائد الكيرعاني القحطاني]

الله الله


صح لساااااااااااااانك على البيوت الي من ذهب


والصف صفك علي الحرام يا عقب البيتين هاذي ان ما عاد لي عذر


اليييييييييييل

اررررررحب يا وسمي

مرورك عطر

لاااااهنت يالوافي

تقديري

[رائد الكيرعاني القحطاني]

سيف الجعده
الدجيماء
مرزوق ابن حمدان

لااااااهنتو على المرور الرائع

تحياتي

[سيف الجعدة]

مشكور يارايد

ياذياب عتابه في صفك والليل ليلك

[ذياب منير العصيمي]

أنته الكيرعاني ماش عندك بصيره=قمت تومي براسك ياطويل الاذاني
ليش نجبر عظامك وأنت سيرتك سيره=يايماني سعودي ياسعودي يماني

[ذياب منير العصيمي]

بيض الله وجيهكم ياعتابه ولاهنتوا على التواجد.

[رائد الكيرعاني القحطاني]

ذياب

صح لسانك

والله اني باكون غير متواجد

واعتذر عن الاكمال

تحياتي

[ذياب منير العصيمي]

صح بدنك يالكيرعاني وعذرك مقبول وخيرها بغيرها..

[مرزوق حمدان العتيبي]

..
.
يايماني سعودي ياسعـودي يمانـي
يايماني سعودي ياسعـودي يمانـي

:) مايحد عليك حظٍ طيّب يابو منير
صح لسانكـــ شاعر شهادتي فيك مجروحه ...
وعليك مني عتب كبير في قلة تواجدكـــ
..
رايد الكيرعاني صح لسانكـــ
..

[عقاب العنزي]

نعرف الروس روس امن السيوف الشطيره وأنـت يالكيرعانـي نعرفـك راس ثانـي


ههههه


صح لسانك ياذياب مبدع


وصح لسان المبدع ايضا رايد


متابع

[سيف الجعدة]

ذياب كفيت ووفيت
شهاده فيك مجروحه

[محمد النخيش]

الله واكبر عليك ياذياب



عزالله مبدع




صح لسان الكيرعاني ولاهان

[ذياب منير العصيمي]

أشكر الجميع على التواجد وبيض الله وجيهكم وصحت أبدانكم

والشكر موصول للمشرف العام وعتبه في محله وأعوضكم

في الأيام القادمة ودمتم ودام تواجدكم....