سلام الله وانا شاعر وبشعل من زنادي نار .. اللــــيل يا نمر المقاطي

[الصميدع المقاطي]

سلام الله وانا شاعر وبشعل من زنادي نار= ولابه نار يا الاصحاب تشعل دون دخاني
الا ياصاحبي يا نمر والاحرار لـ الاحرار=ترا الي يترك الميقاف لا جيته ولا جاني

[حاكم الغنامي]

طيب طيب


صح لسانكــ

ولسان نمــــر



متابع

[:: محمد النفيعي ::]

طيب طيب طيب طيب



صح لسانك متابعين

[علي الشهراني]

صحت السنتكم جميعا


متاااابع للابداااع

[الصميدع المقاطي]

صحت ابدانكم ولا هنتوا

[نمرً المقآطي ] ’]

هلا يامرحبابك يابدر والدار لأهل الدآر ،، وانا اعرف نيرتك ياصاحبي في روس ضلعاني
تهرج والسوالف بيني وبينك تبا شعار ،، عن الميقاف مانبغا رجال رخوم من دانــــــــــي


..

[الصميدع المقاطي]

ترا النيران من فوقك ولا يا نمر لا تحتـار= وانا بشبها من فوق راس الي تحداني
لزوم انك ما بين الشر ولا الخير تا تختار= ولا منك نويت الشر دورنــــي وتلقاني

[نمرً المقآطي ] ’]

انا تراني محتم َ الشعار واحفظ الأســــــرار ،، عساك اتشب نارك فوق راسك وانت غلطاني
لزوم اني على الخيره وكل الشر فيه اخطآر ،، ليا منّي نويت الشر ثم ألقآك فسقآنـــــــــــي


^^

[الصميدع المقاطي]

تقوله وانت في وسط الحجاز موقعن بشهار=وكنك يا طويل العمر تاخذ دور مجاني
انا عيني على ضلعن سواتك يا ضلع سنجار= وانا ما لد فيك العين يا ولد العريباني

[سطام الشجعاني]

بيض الله وجيهكم

[الصميدع المقاطي]

ووجهك ابيض ولاهنت

[معجب العتيبي]

بدر ونمر



المقاطي



صحة السنتكم

[نمرً المقآطي ] ’]

عسى ربي يشيل الهم عنك ياصحيب وجآر ،، ويشفى اخواننا العميا ويشفى كل مرضآني
والا يابدر شكلك ماتذوق الطعم بالآمــــرآر ،، عساك تذوقها وتشوف وش حاصلك من ثآني



^^

[الصميدع المقاطي]

الا يا صاحبي راحت عليك وكل شين طار=ولكن ويش جاب العلم هذا وسط ميداني
انا ما اقول فيك قصور وانته فارسن مغوار=ولا به علم يا الاصحاب يصدق دون برهاني

[نمرً المقآطي ] ’]

تفهّم والمعاني هاطله من فوق كـالأمطآر ،، ترا قافك على كيفك وهذا السر مابآني
ختام الملعبه يااصحابنا يلفت بنا الانظـــــآر ،، تشرفنا تشرفنا على دعوتك يافلانـــــي



.

[الصميدع المقاطي]

صح لسانك يا نمر

واستمتعنا معك ..

[نمرً المقآطي ] ’]

صح بدنك .. وانا كذآلك ~

دمت بـ ود ,,

[عايض القوبع]

صحة الألسنة