هب ياسعود النفيعي ماحدٍ سوى سواته...ابو فهد

[حاكم الغنامي]

هب ياسعود النفيعي ماحدٍ سوى سواته =كل ماوافق جنازه فالبلد صلى علاها
يقتل الرجال ويعزي عياله في وفاته =وان بغينا الحق ماغيره من عتيبه لقاها

[سعود البرقاوي]

وانت ياحاكم سواة ابليس ياكثر حركاته = تِبلش الرجّال بالعلة ولا تعرف دواها
مابغيت اضحك عليك اليوم يابايع عباته = في عتيبة ماذكر من سامها والا اشتراها

[حاكم الغنامي]

عن كلام سعود بعض احيان يامزين سكاته =وانت ست ايام ترمي والرمي ياقع وراها
كل طير وله مقيض وكل ليث وله سباته =والبلا فاللي ثلاث اعوام مانور سماها

[سعود البرقاوي]

ياحليل الروقي اللي فيه عادة من خواته = قام يبحثها كما ام قرين لين انه لقاها
البعير الهرش لامنه هدر ينفخ لهاته = كل حاجة تعترض له من تحت خفه وطاها

[أخو جوزا]

نيران صديقة:)


صحت السنتكم

[عبد المحسن الحلحلي]

لا إله إلا الله

العرب مداومين والنار والبارود مثور فالمنتدى


حريقة عسى الله يكافينا شرها


واصلوا متابعين إلى آخر رمق



وازهلوا الصفين




مودتي لكما



عبدالمحسن

[سعود البرقاوي]

اخو جواز
صح بدنك وماقلت الا الحقيقة

لاهنت يامدير

[سعود البرقاوي]

عبدالمحسن
هلا والله وغلا ومسهلا بك مليون
شرفت قسم المحاورة وهالمتصفح بالتحديد

العلوم مصلّحة والامور بخير

لاهنت وصح بدنك

[وحي العقل]

,,

لله دركم ,, متابع بكل ماأوتيت من تركيز :)

[سعود البرقاوي]

مش معقول ،، وحي العقل هُنا
أهلا وسهلا

[حاكم الغنامي]

ان بغيت اردها واحذف على الحاذف حصاته =قلت طبعي من طبوعه مير قلبي مانواها
قرّبت نكبة سعود وقرّبت ساعة مماته =عقب خلاها كذيا وجهها يشبه قفاها

[حاكم الغنامي]

ههههه


أخو جوزا صح بدنكـــ

[حاكم الغنامي]

عبدالمحسن

ارحب وصح بدنكـــــ

[حسن إبراهيم الدجيماء]

الله الله ...

حاكم الجميع + سعود العنيد

صحت الالسن والقلوووب ..

الايام هذي كاثرةٍ المصامخات مار عسى الله يستر ...

متاااابع بكل ما أوتيت من قوة ..!!!

[حاكم الغنامي]

وحي العقل

ارررحب ارررحب


منور

[حاكم الغنامي]

الدجيماء

ياهلا ونوورتنااا


وصح بدنكــــ

لاهنت

[سعود البرقاوي]

لاتلف ولاتدور وكان عندك شيء هاته = من نوى نية خبيثة عندنا ياخذ جزاها
ابتلش حاكم بها يوم المصيبة دوب جاته = عادة المخطي يحصّلها لو انه مايباها

[سعود البرقاوي]

الدجيماء
هلا ومرحبا مليون
وانتبه لايلحقك شيء من هالمصامخ

تحياتي

[حسن إبراهيم الدجيماء]

ابتلش حاكم بها يوم المصيبة دوب جاته
عـادة المخطـي يحصّلهـا لــو انــه مايبـاهـا

ههههه ... وانا اشهد بعد ...

صح لسانك ياسعود ... وافي ياوافي .. وبيض الله وجهك ..

وصح لسان حاكم ... وفي انتظاره .. وبيض الله وجهه ..!!!

متاااااااااااااااااااابع .. وبقوة ..!!!

[حسن إبراهيم الدجيماء]

الدجيماء
هلا ومرحبا مليون
وانتبه لايلحقك شيء من هالمصامخ

تحياتي



ههههه .. لاتوصي ... تلميذك ..!!!

[سعود البرقاوي]

ههههههههههه ماشاء الله عليك حريص دايم

[حاكم الغنامي]

ههههههههههههه طيب طيب


يوم اميز في ذنوب سعود واعد احسناته =الذنوب كبار يارجال نفسك وش خطاها؟
مع جمال عقيل منشد عن طريقٍ ماشياته=ياعساها في طريقي ماتوقف ياعساها

[سعود البرقاوي]

لاتلغوى الاجنبي يالربع مانفهم لغاته = والصراحة كثروا الاجناب وازعجنا لغاها
ماعلى الجمّال شرهة زال ماكسّر عصاته = والسحابة فوق راسه دوب قام يهل ماها

[حسن إبراهيم الدجيماء]

ههههههههههههه طيب طيب


يوم اميز في ذنوب سعود واعد احسناته =الذنوب كبار يارجال نفسك وش خطاها؟
مع جمال عقيل منشد عن طريقٍ ماشياته=ياعساها في طريقي ماتوقف ياعساها

كلام كلام .. صح لسانك ولاهنت .. يالحاكم ..!!!


لاتلغوى الاجنبي يالربع مانفهم لغاته = والصراحة كثروا الاجناب وازعجنا لغاها
ماعلى الجمّال شرهة زال ماكسّر عصاته = والسحابة فوق راسه دوب قام يهل ماها

تباني اترجم ؟.؟؟؟ هههه

صح لسانك .. ولاهنت .. متاااابع وبشغف ..!!!

[سعود البرقاوي]

تباني اترجم ؟.؟؟؟ هههه


ماشاء الله عليك يا هالولد
وخبير فالترجمه بعد ؟؟؟

[حسن إبراهيم الدجيماء]

ماشاء الله عليك يا هالولد
وخبير فالترجمه بعد ؟؟؟


العذر والسموحة .. مالقيت لها قاموس .. ولا والله ودي .. << لاتورطه ..!! :mad:

[عبدالله الجـــذع]

ابو فهد وابو عيد صحت الالسنه

واصلوا تو القاف :)

متابعين

محبكم

[حاكم الغنامي]

ابرك الاموال في سعر الذهب ولا زكاته ؟ =جاوب بقدر السؤال بكلمةٍ حلوٍ نباها
لاتسمع في كلام العود وتغرك وصاته =استلمها كاش وادفعها بقوه في سراها

[حاكم الغنامي]

الدجيماء

ههههههههه

اثركــ قاموس اكسفورد ماشاء الله علاكــ ههههه

منور بمروركــــ

[حاكم الغنامي]

عبدالله الجذع

ارررررررحب ارررررررحب


منورنااااااااا

[فايز بن سرحان الثبيتي]

بيض الله وجيهكم "



ابو عيد :" وابو فهد :"



صحت السنتكم وقلوبكم على الابداع "


متابعين لكمـ "

[حاكم الغنامي]

ابو ريان

ارررررررحب ارررررررررحب


منورنا

[حسن إبراهيم الدجيماء]

صحت الالسن والقلوووب ..!!

اسمحولي ياعمالقة انتهت المتابعة ولاهوب ودي والله .. لكن الظروف تحكم ..!!!

لكن لي رجعة ان شاء الله بعد ساعة من الان ان شاء الله ...!!!!

سسلالالالالالالام ..!!!

[حاكم الغنامي]

ماتشووف شر ماتشوف شرر


يالدجيماء


ننتظركـــ

[سعود البرقاوي]

السؤال اللي كذا يحتاج وقفة والتفاته = والاجابة للاسف ما انته بفاهم محتواها
والله ان العود لو زوجك وحده من بناته = كان ماتقرب من الجمّه ولاتلمس غطاها

[سعود البرقاوي]

عبدالله الجذع
ماعاد قصرنا مير الله يستر

شرفتنا يالذيب بمرورك

[سعود البرقاوي]

ابن سرحان الثبيتي
اسفرت وانورت واستهلت وامطرت

[منتظم]

صح الالسن والقلوب مشاءلله عليكم مصامخ
في هاالقوااايل الصف عطاااوي ولا يهون ابو فهد

[سعود البرقاوي]

الدجيماء
يامرحبابك كان رحت وكان جيت
ترحيبةٍ لاجلك نويت اقولها

[سعود البرقاوي]

منتظم
الصف واحد هنا والا هناك
اهم شيء تواجدك في هالمتصفح ياحبيب الكل

تحياتي

[علي الشهراني]

ايه ايه


يا زين طواريق الصباح


لها نكهه غير


صحت السنتكم جميع

[سعود البرقاوي]

الراي السديد
ويازين مرور اللي مثلك وشرواك

حياك الله مليون

[حاكم الغنامي]

مانزود من مقام اللي علومه منقصاته =عدها زلة لسان ان كان ماتلحق مداها
بايعن قربه علاك وروح عدل في صفاته=مايعدل في الرجال وطبعها غير انسباها

[حاكم الغنامي]

منتظم

نورتنااااااااااا وصح بدنكــ

والصف يزهابكـــ


لاهنت

[حاكم الغنامي]

الراي السديد


صح بدنكــ ونورتناااااااا

[سعود البرقاوي]

كل تاجر يشتغل ويزيد ميراد اشركاته = الخسارة ماتجيه ولاتضره كان جاها
لاتهرب عقب ماربتّك ياحاكم حماته = العجوز اللي نشوفك صرت تمشي في ذراها

[حاكم الغنامي]

ههههههههههه


الله الله الله الله


عليكــــــــــــــــــــــــ


صح لسانكــ يابو فهد وهذا اعتبره دررس مجاني من استاذ مثلكــــ



صح لسانكــ وخير ختاااااااااااام



تقبل تحياتي

[علي الشهراني]

بيض الله وجيهكم


اشهد بالله انكم اساتذه


لاهنتو و مشكووورين

[أسير القوافي]

تسجيل إعجاب دراماتيكي ياعمالقه :)



صحت ألسنتكم ودمت بخير !




قفزه :)

[حاكم الغنامي]

الراي السديد


اسير القوافي


صحت ابدانكم

لاهنتم على المرور

[سعود العصيمي]

يقتل الرجال ويعزي عياله فـي وفاتـه
وان بغينا الحق ماغيره من عتيبه لقاها


الله الله


ايه تراااه مجرم يابوعيد



صح لساااانك

[سعود العصيمي]

مابغيت اضحك عليك اليوم يابايع عباته
في عتيبة ماذكر من سامها والا اشتراها


هههههههه


اهب اهب


صدق انك مجرم يابوفهد



صح لساااانك

ومحاورة رااائعه

[سعود العصيمي]

حاكم الغنامي=

هب ياسعود النفيعي ماحدٍ سوى سواته=كل ماوافق جنازه فالبلد صلـى علاهـا
يقتل الرجال ويعزي عياله فـي وفاتـه=وان بغينا الحق ماغيره من عتيبه لقاها







سعود البرقاوي=

وانت ياحاكم سواة ابليس ياكثر حركاته=تِبلش الرجّال بالعلة ولا تعرف دواهـا
مابغيت اضحك عليك اليوم يابايع عباته=في عتيبة ماذكر من سامها والا اشتراها








حاكم الغنامي=

عن كلام سعود بعض احيان يامزين سكاته=وانت ست ايام ترمي والرمي ياقع وراهـا
كل طير وله مقيض وكل ليث وله سباتـه=والبلا فاللي ثلاث اعوام مانـور سماهـا









سعود البرقاوي=

ياحليل الروقي اللي فيه عادة من خواتـه=قام يبحثها كما ام قرين لين انـه لقاهـا
البعير الهرش لامنه هـدر ينفـخ لهاتـه=كل حاجة تعترض له من تحت خفه وطاها









حاكم الغنامي=

ان بغيت اردها واحذف على الحاذف حصاته=قلت طبعي من طبوعه مير قلبي مانواهـا
قرّبت نكبة سعود وقرّبـت ساعـة مماتـه=عقب خلاها كذيـا وجههـا يشبـه قفاهـا







سعود البرقاوي=

لاتلف ولاتدور وكان عندك شيء هاتـه=من نوى نية خبيثة عندنا ياخذ جزاهـا
ابتلش حاكم بها يوم المصيبة دوب جاته=عادة المخطي يحصّلها لو انه مايباهـا









حاكم الغنامي=

يوم اميز في ذنوب سعود واعد احسناته=الذنوب كبار يارجال نفسك وش خطاها؟
مع جمال عقيل منشد عن طريقٍ ماشياته=ياعساها في طريقي ماتوقف ياعساهـا








سعود البرقاوي=

لاتلغوى الاجنبي يالربع مانفهـم لغاتـه=والصراحة كثروا الاجناب وازعجنا لغاها
ماعلى الجمّال شرهة زال ماكسّر عصاته=والسحابة فوق راسه دوب قام يهل ماها






حاكم الغنامي=

ابرك الاموال في سعر الذهب ولا زكاته ؟=جاوب بقدر السؤال بكلمةٍ حلـوٍ نباهـا
لاتسمع في كلام العود وتغـرك وصاتـه=استلمها كاش وادفعها بقوه في سراهـا








سعود البرقاوي=

السؤال اللي كذا يحتاج وقفة والتفاتـه=والاجابة للاسف ما انته بفاهم محتواها
والله ان العود لو زوجك وحده من بناته=كان ماتقرب من الجمّه ولاتلمس غطاها








حاكم الغنامي=

مانزود من مقام اللي علومه منقصاتـه=عدها زلة لسان ان كان ماتلحق مداهـا
بايعن قربه علاك وروح عدل في صفاته=مايعدل في الرجال وطبعها غير انسباها






سعود البرقاوي=

كل تاجر يشتغل ويزيـد ميـراد اشركاتـه=الخسارة ماتجيه ولاتضـره كـان جاهـا
لاتهرب عقـب ماربتّـك ياحاكـم حماتـه=العجوز اللي نشوفك صرت تمشي في ذراها

[سلطان بن دحيم]

طاروق عمالقه


صحة السنتكم


تحياتي لكم

[حاكم الغنامي]

الله لايهينكــ يابو طايل


وصح بدنكـــ



منورناااااا

[حاكم الغنامي]

ابن دحيم

يالله حيه

وووصح بدنكــــــــــــ

[سعود البرقاوي]

كل الشكر الجزيل
للاخوان اللي شرفونا في هالمتصفح

لاهنتو
لاهنتو
لاهنتو

[رعد الروقي]

حاكم الغنامي // سعود البرقاوي


هذي مصارعة



صحت السنتكم