المساعد الشخصي الرقمي

مشاهدة النسخة كاملة : سلطان الهاجري ومستور العصيمي طاروقين في طاروق

سلطان نايف العضياني
01-Dec-2009, 05:52 PM
محاوره جرت بين سلطان الهاجري ومستور العصيمي

في المغتره 1419هـ


سلطان الهاجري


ياسلامي على حضرت سمو الامير+فيصل معزب الشعار ومعزبي

كان مستور ماهو من حشو زمهرير+ياطويل العمر والله لقص شنبي



مستور العصيمي



مرحبا مرحبا ياجعل فالامر خير+كان عندك علومن هاتها ياصبي

أنت يالهاجري مثل الرحى تستدير+مار بسم الله الرحمن ياصاحبي



سلطان الهاجري



لك ثلاثين عام ولك ثلاثين غير+تحسبني غبي لكن ماني غبي

العرب يحزمون الحمل فوق البعير+كان ماقام بالحمله يروح يحبي



مستور العصيمي




لو تكابرت عمرك في عيوني صغير+إقربي وابعدي يالضاميه واشربي

أنت يالهاجري بيحت سد الضمير+أطلبك مير مالبيت لي مطلبي



سلطان الهاجري


يامير لو تسمح لنا يامير+القافيه نبا نغيرها

حنا ليا منا دهنا السير+بعض الدعاوي من يفسرها


مستور العصيمي



الله يغير من يبا التغيير+اللي يوردها يصدرها

يالهاجري مالك جناح إتطير+ من أول الدنيا لياخرها



سلطان الهاجري



الله لايجزيك مني خير+ياللي من البارح تدورها

الهاجري يهدر هدير بعير+والقوم فتاحن مناخرها



مستور العصيمي



دعواك دعوى القاصر إم عمير+اللي عديماتن بصايرها

أنا لقيتك في علو سدير+امولع الشيشه معمرها



سلطان الهاجري




ياصاحبي مستور ماانت صغير+سندتها وانته تحدرها

الاوله والجم جوف البير+والثانيه ترطن بواخرها




مستور العصيمي



إنشد عتيبه والرجال مطير+ماامشي بساير غير سايرها

ماني براضي منك بالتقصير+لكن بعض الناس عاذرها




سلطان الهاجري




نشدت نفسي مانشدت الغير+دعواك يامستور خابرها

اليا نسيت القدر والتقدير+زرت الجنايز في مقابرها




مستور العصيمي




كل الخبر في كاميرت التصوير+خذ فلمها وانشد مصورها

تبا تسير علم كيف يسير+تبرك لها ماانته بقادرها





سلطان الهاجري




نبا نستر وضعها تستير+لكنها ماالله بساترها

حقك على اللي يطبخ الخنزير+واللي يعبرها يعبرها




مستور العصيمي




لاتحسبنك يوم جيت امغير+الملعبه ماانته بشاعرها

تعال وقع لي على التقرير+بالطيب والا الغصب أقررها
ابو فيصل الشمري
01-Dec-2009, 06:48 PM
شعار كبار وطاروقين مميزه
محمد الشامان الحشيبري
02-Dec-2009, 01:50 AM
بارك الله بك , شكراً أخي الكريم
رعد الروقي
02-Dec-2009, 02:23 AM
طواريق على مستوى


صح لسان مستور وسلطان


وبيض الله وجهك
الشاعر فهد رحيم النفيعي
02-Dec-2009, 04:08 AM
بارك الله فيك اخوي على النقل المميز
الباااسل
02-Dec-2009, 10:20 PM
نقل رائع لاهنت ياسلطان
خيال الأصيله
03-Dec-2009, 07:43 AM
الله الله محاوره رائعه لاهنت على النقل
نواف العصيمي
03-Dec-2009, 07:44 AM
يعطيك العافيه وبارك الله فيك

..
سلطان طلحة
03-Dec-2009, 01:49 PM
اخوي

العضياني


صحت السنت


الشاعرين الكبيرين

مشكور

يعطيك العافية

لاهنت
خالد بن مورق
05-Dec-2009, 06:21 PM
محاوره رائعه لاهنت على النقل