ديوان الشاعر منديل بن فهيد الأسعدي

[فرهودي]

منديل بن محمد بن منديل آل فهيد الأسعدي العتيبي

هذا الشاعر الكبير وهذا الراوي العملاق..
ألف العديد والعديد من الكتب لعل ابرزها (من آدابنا الشعبية في الجزيرة العربية) والذي صدر منه عدة أجزاء..

لعل أافتتح ديوان الشاعر.. في المنتدى ببعض القصائد..
واتمنى من الجميع المشاركة ..

ابدأ بهذه القصيد التي يمدح بها القبيلة.. والاساعدة خاصة

يقول من بعض الأمور حداه = على القيل باسباب يطول مداه
لو اذكر الاسباب طولت شرحها = أو زادها هذا لذاك رواه
ماعد نفسي شاعر مع هل العدد = احفظ المثل وافهم بعض معناه
ماقلتها وافد ولاهي تغزل=ولا اعيل والمخطي نعد خطاه
أرى كل شاعر يمدح قبيلته=أيضا يصادم بالجواب عداه
وانا من الهيلا هل الفعل والظفر=لو عد عشر أفعالهم كفاه
تشهد لهم سكانة البر والبحر= ومعارك غطا الجبال سناه
من أولا روق اللي عريب ساسهم=وبرقا هم جسم كمل أعضاه
هيلا تهايل بالفعايل والعداد= برقا وروق من أوله لاتلاه
لزمهم سوى بالجار والوجه والخوي=من له لزم مع الجميع أداه
سكنا رهاط وبه تركنا غروسنا=رهاط المسمى بالحجاز رباه
أساعدة جينا مع عيال عمنا = حفاة وسميرى وماوالاه
تفرقوا في نجد حضر وبادية=وكثيرهم بأرض العراق نصاه
أساعدة بأرض الحويقة وغيرها=خذوها بفعل ماعطوها مداه
أساعدة ياسعد منهم ربعه = اقطع من الهندي بحد سناه
جنوبنا الزلفي شهير مع الملا = واللي يعاندهم يضيع جداه
ومنا سكن بقعاء هي أول بلادنا=بنوا بها مجد وطال بناه
والاسياح كله من نسل الجد صالح = وراشد بظني هو كبير ضناه
اللي يريد الطيب دربه واضح = واهل الردى عسر لهم مرقاه
أساعده هذي مواقع ديارهم=واللي نشد عن طيبهم يلقاه
شجعان كرمان يعزون جارهم =مداهيل ذا خاطر وذا يقفاه
الصدق مثل النور ماينتغطى=مايقدر المغرض يفل غطاه
اللي يريد الصدق ينشد هل البخت= يعدون شي مابعد قلناه
والناس كلن له فعول قديمه= وان عدها الهراج صدقناه
واليوم من فضل الولي كلن اغتنى = الفرق بالحاجة لعى مبداه
ماني بحال اللي يعارض وينتقد=قصده نغر والا حداه هواه
ان كان هو كفو من الراس اقابله= وان صح الغلط نمحاه
وان كان هو لاش دوى اللاش تركه= ولاني مطول للطقاق عصاه
قبل الختام استغفر الله عن الزلل =رب كريم كلنا برجاه
الدين راس مال والعمر فاني= واللي عمل خير وشر بيلقاه
هذا وصلى الله على صفوة الملا=عداد ما هل السحاب بماه

وهذه القصيدة كذلك في الحكمة:

من لايثمن مطلعه مع مباديه=ويصون منطوقه ويدى الخيانه
ويستسمح الطلاب لاجا يحاكيه=وبالمنطق الطيب بلطف وليانه
لابد مايكثر خطاه وتخطريه=ويهفيه مع زود التسرع لسانه
كل يحاذر عملته من سمع فيه= والدين مطبوق عليه بضمانه
واللي يعامل كان ماخاف واليه= زود وغش وخان فيه الامانه
لابد والي العرش باكر يجازيه=يوم الجزا بالفوز والا الاهانه

نصيحة للشاعر قالها عندما
وجد احد الطلاب رسب في الدراسة وأخذ يندب حظه

فقال له هذه الابيات:

الراي لاتندم على فايت فات=وتعطل الأسباب بالانجظاع
لا انصك باب فالمسالك كثيرات=بيبانها من الخلايق وساع
أما بيع ومشترى في صفقات=وصل من الله ماتخاف انقطاع
أو مهنة بها مصالح ونفعات=حلال من كد التعب والذراع
حظك وظلك تابعاتك مطيعات=وانت من الخير في طمان ورفاع

لي عودة في الموضوع قريباً

فرهودي

[فرهودي]

ومن قصائد شاعرنا في لزوم ما يلزم
(وهو ماكن على ثلاث قوافي، ينظم على سبيل الاعجاز ، وربما يوضع عليها جوائز)

اخترت لكم هذه القصيدة

دنياك لو زادت قريب نقوصة=نرج الهدى فيما بقى والخلاصي
لافكرت بطباع الرجال مخصوصة=ولا احد مقر للنصف والقصاصي
العشرة اللي كاملات نصوصه= عشرة غلا ماهيب عشرة الهاصي
من طاوع الجاهل تبين نقوصة= ومن رافق العاصي طبع بالمعاصي

وهذه كذلك من الاعجازيات

لاشفت راعي الطيش متهور جمش = جنب وهو يبلى بدهان كتره
من لايعلمه الولي ماتعلمش=ماهوب يفرق بين ذراعه ومتره
لاجنبك شر الملا جنبه وامش= لابد للموتور ياخذ بوتره
اذنيك لاتصغي للانقاش والهمش=وان شفت ذنب الغير واجبك ستره
راع العيون الحور تشقى بها الطمش= وياقل من يسلم من المستهترة

وإليكم هذه الرائعة

ياحلو شوف البر بالمنزل الدمث = الى اختلط عشب الوسامي وفقعه
كثر الدبش والدر ماصار به لمث= يطربك مرواح السحايب وصقعه
بارض مساس حمضها خالطه رمث= والجار ماطالب قصيره بقعه

وأبيت إلا أن اضع هذه الرائعة كذلك |1|

شاقني برق سرى ليل وضا =سيل الوديان لرعوده نزيز
في ديار نبتها رمث وغضا=كل وادي في مضيقة له حزيز
مسكن العتبان في عصر مضى=يسعتز المال والبادي عزيز
عايشين بالفيافي والغضى=فوق خيل والاسنة له هزيز
لاحسد فيهم ولا بغضا=ماسعى الشيطان فيهم له وزيز
معتبين للعدا خيل ونضى=عزهم بظهور عجلات الفزيز
هم سهوم الموت لاتم القضا= مكرمين الضيف حاضين البريز
بالتعاون كنهم وصف العضا= من نخاهم جوه في وقت وجيز
شيخهم لو قال طبو في لظى=الهدف واحد نوادر اللزيز
للمشاكل عندهم حل وقضا= حجتهم بالصدق ماعنها نحيز

ونعدكم بالمزيد من القصائد..

جمع واعداد وتنسيق وكتابة فرهودي منتدى الهيلا
المصدر : من آدابنا الشعبية في الجزيرة العربية 3

[الســــــكب]

تسلم يا ابن العم فرهودي
ومشكور على ديوان الشاعر والراوي الكبير منديل بن فهيد الاسعدي العتيبي

والذي يعتبر من اشهر الرواة في الشعر الشعبي

[داهية عتيبة]

تسلم أخوي فرهودي على هذا الأنجاز


وصح لسان الشاعر في كل بيت قالة


شاعر كبير وراوي مخضرم


تحياتي ..

[فرهودي]

السكب
لاشكر على واجب



داهية عتيبة
الله يسلمك..
مرورك.. اسعدني

----------------------------------


انتظروا..

|548| معارضة الشاعر منديل الفهيد على (حائية) ابن احمد |548|
قصيدة ولا اروع |596|

[الوليد الاسعدي]

جميل ورائع يافرهودي جهد كبير ونتمنى الاستمرار ... وهل لك نية ان تجمع شعره من كتبه يبدو ان هذا مشروع كبير ونشكره لك .

اطال الله بعمر الشيخ في الخير والسلامة فقد اثرى المكتبة الشعبية بشكل مذهل وحفظ اشعارا كادت ان تضيع ايام قلة التدوين والكتابة .

شكرا لك مرة اخرى يابن العم .

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[فرهودي]

الوليد..

تسلم على هالطلة..
وابشر باالقصائد



لي عودة قريباً ان شاء الله

[فرهودي]

كما وعدتكم هذه معارضة الشاعر منديل الاسعدي على (حائية بن احمد)

(ابن احمد هو راعي القرينه .. صاغ قصيدة يتقصد فيها حرف الحاء
وذات طابع غريب.. وهي على الوزن الطويل )
يقول بأولها :

يقول بن أحمد لاحمد ياحالتي حالت المجروح=ويا احوالهم لاحت ولاح الوقت ونحت وناح
أنا ان حنيت ماحنيت وان حِنيت شلت النوح= كما حنة حيام من حماد ناحرين رماح

وهي حوالي خمسة عشر بيت بهذا الشكل
وعارضه شاعرنا منديل بن فهيد بهذه القصيدة (ووضع بآخر القصيدة خمسة ألغاز )

لمحت برق حدر وادي سدير وشاقني له ضوح=محن يفرح الفلاح بحلول الشقا يرتاح
محل اهل الندى للضيف حلو الحالي النقروح=حلا حيل تحلالي بمدح حاشه المداح
تحاليت الحروف الواضحة من حاير مجروح=واحاذر من بحور حذروها يبحل بها السباح
مشيح محرج حاله بحيلات تحس الروح= حزين الحال محروم حياته حالة الفلاح
صحيح أن المحبة بالحشا جاحت حليفة جوح=توحوح لو توحوح يالمحايل بك حزن وافراح
تحزم واحذر المنحى تنح وترك المملوح=حصيل محايل المقفيحصيل مطرد الضحضاح
تنزح وانتزح ونزح تحوش الربح والمصلوح= نصح بالنصح نصاح يصحح حاصل الصحصاح
حصيل محايل الأحباب غير الصلح دعوة نوح=يزيحزح حب محبوب يغير حبهم بطماح
حلول الحل لحلول الملامح في حروف اللوح=تحر حباية الحباي واحب حبيايته ياصاح
حريبك لاحدث بحث ولو حبه وزين الروح=يحدك حدك لصحيب احذر بحالك لاتجي بياح
حرى من استحى يمدح ومحروم الحيا مفضوح=وحى من أكثر الردة لخله لان به ملواح
من امرح في مراح الجرب حل بها الجرب مفضوح=تحكك واحترم مرح الصحاح وللبياح يزاح
تسمح وانسمح وادمح اتحب ومن دمح ممدوح=وحاسب واحتسب واحسب حلول الحول للارياح
تحفظ واحتفظ واحفظ محبة خير ممدوح=زحازيح الرجال من احتفظ فيها ينام سطاح
أنا بانشدك عن رجل وهو في حالته درموح = وهو شر على الوالد يحربه فارس نطاح (1)
وأنا بانشدك عن رجل سرق بيض لهن شبوح= وهن حمل لغيره كيف ياطاهن وهن لقاح (2)
وأنا بانشدك عن ورع صغير وبرطمه مفلوح= وهو مفتاح خير وشر ويق بجرته لاراح (3)
أنا بانشدك عن رجل على ذريته ذابوح=يبقى ثلث والثلثين ملكتهم تروح سفاح(4)
أنا بانشدك عن رجل حمل واضنا وهو بالدوح = وبغير الدوح مايعرس ولا له خاطر ينساح(5)
حمام ناح مرتاح بدوح لاحهن سارنوح=سنحهن وحوحى لاانتحى وماانحى بوجه راح
تحمل للحباري يوم رحرح بالمراح تفوح= تلحلح يوم حام الحر واحرت بالمراح ذباح

حلول الالغاز:
1- هيم الحديد
2- الميل بالعيون
3-القلم (وبرطمه الريشه)
4- لقاح النخل
5- صميل اللين والزبدة


ونعدكم بالمزيد من القصائد..


فرهودي
المصدر : من آدابنا الشعبية في الجزيرة العربية

[ابن مشيب]

صح السانك ولسان الشاعر والمؤالف الكبير منديل الفهيد , امد الله في عمرة.....


بيض الله وجهك يافرهودي على هذا المجهود الجبار لتجميع بعض قصائد الشاعر والمؤالف الاستاذ منديل الفهيد........



تحياتي.....

[وصل العطياني؟؟؟]

ما شاء الله عليك "فرهودي"

موضوع جدير باقراءة والمتابعة ...

لشاعر وراوية معروف ومشهور ...

لاهنت وبيض الله وجهك ملايين...




تحيااااااااااتي

التوقيع

na111na@hotmail.com