ديوان الشاعر عبيد بن سفر الكرشمي

[الـكـرشـمـي]

بسم الله الرحمن الرحيم
الحمدالله رب العالمين والصلاة والسلام على أشرف الانبياء والمرسلين نبينا محمد وعلى اله وصحبه أجمعين ...... أما بعد

يعتبر الشاعر عبيد بن سفر الكرشمي العتيبي رحمه الله من احد شعراء عتيبة نظم الكثير من القصائد ولكن لعدم معرفته القراءة والكتابة نسي الكثير مما نظمه من شعر وهذا الديوان قد تم جمعه والحمدالله وهو يجمع البعض من قصائده وبعض الابيات التى كتبها ولقد عمل له ديوان للحفاض على حقوقة الادبية في الشعر وحتى لا ينسا ما كتب هذا الرجل الذي افنا حياته في خدمة والدة رحمه الله وحتى لا تنسب بعض قصائده للغير سوف اضع امامكم ما تم جمعه في هذا الديوان وأسأل الله ان يتغمدة برحمته ويغفر له ويجعل مثواه الجنة


الشاعر عبيد بن سفر الكرشمي رحمة الله

[الـكـرشـمـي]

قصيدة1

هيض عليه كلمة الشايب الذيب=هرج صواب وكل هرج بدليله
أبو حنيف اللى علومه تعاجيب =أميرنا يــوم الـلـقـا ويـنـعـنـيله
بعد فعل اجدودنا في الاجانيب =يـوم الـردي يـنـسى فعايل قبيله
وحر شرى حر على مذهب الطيب= سيف معلق في يمينه يشيله
يبيه ضد للعدى والاصاحيب= يوم ان ميلات القبايل ثقيله
ما حسب الدنيا بكثر التحاسيب =أرضى الوصيقع لين نجي زبينه
مادح من اللى يكسبون المناجيب =مرك على كبد المعادي مليله
وحماد أخوه منجي الفطر الشيب =بعد ذبح ولد السميري زميله
بمرهف لخه على فرة الجيب =وخلا دمي الجوف تقنع شليله
دون الخوي وادخل الوجه ماهيب =وأبيض على اللى ما يخلي دخيله
وتم الكلام وكل هرج بترتيب =ومن لا خصم في الخصم ليش يحكيله

آخر تعديل الـكـرشـمـي يوم 26-Jan-2009 في 03:50 PM.

[الـكـرشـمـي]

قصيدة2

يا الله يا عالم خفيات الاسرار=يا عالم سر البني آدم وخافيه
تبرج لنا يارب من موقد النار=في موقف مال الفتى درب يعطيه
في موقف مافيه لفت بالانظار =وجميع ما يفعل بنادم نظر فيه
أحد من أهل الخير رابح وصبار=وفي جنة الفردوس ربي مقديه
واحد من أهل الشر خاسر ومحتار =ويا الله دخيلك يا الولي من بلاويه
وابرج لنا يارب من كل الاخطار =واللا البني آدم للخطا واقع فيه
وعود كبير واله حقوق يا ستار =والعود حقه فوق والده يراعيه
ومن لا رحم والداه يا بدر ينهار =تضحك به الدنيا ما حسب قوافيه
والوالدين برهم ربح واسرار =وعند الولي ربك عني ينجيه
اللى مضى يصبر على كل الاخطار =ومن شأن يصبر على ما يلاقيه
يركض لنا وحنا صغار وقصار =وجميع ما تملك يدينه يضويه
ويصبر على عسر الليالي والامرار =وتسهر عيونه لين قمنا نبا ريه
واليوم ويش عذر الولد عقب ما صار =ان كان ما يلطف لعوده ويهجيه
اليوم زي الورع يضحك به العار =ما كن له ماضي وقت فعل فيه
وما ضيه مع ربعه عزيزين واحرار =وافعولهم كل القبايل درت فيه
موفين حق الله والضيف والجار =ما هب بوقت اللى قريبه طمع فيه
أهل النمايم والحكي خلق الاشرار =مؤلفه اللكذب والصدق مخفيه
واقلوبهم نذله وللهرج بيطار =وان شفت جريه نذل ما ينوثق فيه
مخالف سنة نبيه والانصار =والفرض ما يركع لربه يصليه
محلقين دقونهم عندهم كار =يا كار أقشر يوم دقنه موطيه
لا خاف من ربه ولا سمع الشار =والنور من وجهه مطف شواربه
واختتم كلامي عد نبته والاثمار =على النبي عداد ذكره وطاريه

_
_
_

قصيدة3

يا ولد شامان فكو في الحلايب = يوم شافو مال رجلك مقدريه
قد تعبت من الشقا والراس شايب = دونهم يوم الليالي شقلبيه
تقتلب يوم ان يوجد جلايب = في ليال الضيق وقت المعسريه
وحقهم فوقك وفاء ما انته بخايب = ومن كسب درب الشجاعة ياهنيه
ذخركم موجود من رب الوهايب = ما كسبنا من بعيد لو بليه
كيف ما نتعب على راع الحبايب =كيف ما اتعب فوق من تعب عليه
جعل من يسقط حقوقه للهايب = في اللقا مثواه في نار وريه
كيف أبدي حق منسوع الذوايب = والسنين اللى ذوني في الفهيه
من نسى مفعولهم خايب وعايب = ما ذكر ربه وخاف من الزريه
يا الله أني مزتبنك من المصايب =يا ولي العرش لا تشره عليه
كان في قولي خطا للرب تايب = واطلب الغفران من رب البريه
يا بندر لا تسمع كل خايب = خل رجلك دون والدينك حفيه
والفروض الخمس عنها لا تغايب = واطلب التوفيق من رب البريه
والمراجل ما تهيء بالغصايب = غير بالحفظان واعزوم قويه
اجتهد في حفظها وابد النوايب = ثم حسن الخلق مع كل اللفيه
وعز جارك يا مورد كل هايب = والعلوم الطيبه عندك وصيه
تم قولي بالكلام اللى عجايب = واختمه بأسم النبي فوق التحيه

-
-
قصيده4

مختار وأبو عوض مثل الخلى الخالي=جيران واللى وحيد ما يخلونه
مفزاعهم للقريب ماله أمثالي =وان صار فيها كلوفه ما يوالونه
والا الاماره تغره بعض الاحوالي=ماهي بفزعه غنم يفزع لمزيونه
يا الله عقايلك با المعبود يا الوالي =وارزاقنا عند رب العرش مضمونه

-
-
-
قصيده5

الا يا الله يا منشي السحاب ومنبت الاثمار =تأمرنا على درب الهدى في طاعة الوالي
وتدخلنا الجنة وتكفينا عذاب النار =برحمة واحد كله لطيف بكل الاحوالي
وتجعل منزلتنا من اهل الجنة مع الابرار =برحمة ربنا اللى معتلي فوق السما العالي
بعد هذي نصيحة يا شباب وخلوا الاشرار=وصلى الخمس واحفظها وتجعلها على البالي
وبر الوالدين اللى على الواحد واجب واسرار=تراها من خيار البر وافهم كل الامثالي
وحفظ المرجله واجب وتسلم من كلام العار=وتقضي لك لزومك ما دور عند الانذالي
اليا جوك النشاما جاريين الليل والنهار=يبون الواجب اللى للنشاما قوم طوالي
وكثر من تراحيبك ولع بالحطب في النار =وقلط صفر رسلان وصب الكيف للغالي
وذيك اللى جزيله من عزيزات الغنم وخيار=اليا قلطتها ما صار عند الضيف ولوالي
اليا منه رحل تبا ترد علوم فيه اخبار =وبعض الخلق يسهى عن دروب مالها أمثالي

[الـكـرشـمـي]

قصيده6

يا بوهلي شفنا فعول غريبه = افعول ما اعرفها على طول الازمان
صار القريب للقريب مصيبه = أسود وجه يمشي على كل الالوان
ومراجله سم ذحاح يشيله = ويفرقه على خبيثين الالوان
وسوالفه جوف المجالس رهيبه = وبعض البشر يحط له لوح عنوان
الله يحطه جوف نار لهيبه = في جوف جهنم حفى وعريان
ادعو معي يا أهل الوجيه العجيبه = لعنة من الله فوق مجرم وشيطان

-
-
-
قصيده7

يا ذيب وألا أنتم تبون المراحي = تبون يم الفا وفي جنب زايد
تتبع ارض اللى يلبسن الطراحي = تتبع ارض اللى ينقش الوسايد
والضان والبل هي غناة المراحي = خليتها تبا تجيب الفوايد
وخضر الجريد اللى جريده ارماحي = وطلعه على كيفي جديد وجايد
ونمشي على درب الهدى والفلاحي =وتفرح اليا سير على البيت رايد
ونقوم بالماجوب ليل وصباحي = ولا ودنا نسقط اسلوم عوايد

-
-

قصيده8

العشاء من عند أبو سلطان جاني = كزها نايف على الشاذليه
كزها نايف ولا هب امتواني = حقة جزله وأبا حق وسويه
حقة ماهي لذرفين اليماني = ناشبه في الراس ماهي بالبغيه
البناخي حطها بالجد عاني = ما حسى عنه الحشود ولا الزريه

-
-
قصيده 9

سلام يا مصلح عسى عمرك طويل = يابو صويلح يازبون الموجفات
جينا مسايير ونمشي مع دليل = يوم ان عبدالله قصر في الموجبات
والمعرفة صار انت يازبن الدخيل = واليا نخيت الرجل حل المشكلات
بالمال والا الجاه لاتطلع بخيل = تراك مع ربع تحل المبهمات
وصلاة ربي عد ما خيل مخيل = على رسول سيس الحق الثبات

-
-
قصيدة10

انت يامسلط ماتعرف عن سلوم عتيبه =وسلمهم مفهوم واضح من لى الجداني
سلمهم عز القصير ويحتمون الهيبه =والدخل اربع طعش شهر على الظماني
ومن يواعد ما يخالف الوعد خوف يعيبه=وانت كيف تخلف الموعد على الجيراني

[الـكـرشـمـي]

لا والله الا نقل براك = بدلك يا طفيل بحبيني
خلاك تقعد على مرعاك =وهو لقا الراعي الزيني
الرفقة اللى نكد واحناك= يا شينها بين الاخويني
ولا فيه يمنى بلا يسراك = والله يخزى الشياطيني
واليوم صرتو كما الاتراك =يا الله دخيلك من الشيني

قصيده11

-
-
ابيات يقول فيها 12

يا شديد زتني يم القرودي =خطوة مكتوبة والامر جاري
قربهم يا بدر جعله ما يعودي =والله اكبر فوق شخص ما يداري
مسلمين وشغلهم شغل اليهودي =ما يعرف الرب مقطوع الطواري
عايروا بسلاحهم في وسط ذودي =واربع راحن علاهن الذواري
والحضيض بعيد عن قرب الحسودي =وارض ربي واسعه واعطي الصحاري

-
-
ابيات يقول فيها13

يا صقر يا زين مفزاعك على زيد=يبغى الفرج منك وامسيتوا تضيمونه
يبغاك للموجبات وسجنه الكايد=تحل بعض الدعاوي لين تنجونه
وأثر مفازيعكم مغير للقايد=القايد اللى كبار الربع يرجونه
مبنى بلا ساس لا مكسب ولا فايد=ينهار لو كان بعض الناس يبنونه
لوَن فارع جدي ما طاح عن عايد=ممدي أهل النيَه العوجى يديرونه

-
-
يقول الشاعر نايف بن فيحان الكرشمي

يا عبيد ويش تبغى بحفر المطقات = والبير هينة ويطلع نخلها
حفر المطق يا عبيد يبغاله اّلات = والبير هينة وهين عملها

-
-

رد الشاعر عبيد بن سفر الكرشمي 14

يابو جهير ما تفيد الدعايات= وكسب المراجل تتعب اللى أملها
حفرت ظلعان وجبال عسيرات = ونسخر العسره تساوي سهلها
والبير عليها الوداي المنيفات = خضر الجريد اللى ذخرته لهلها
وأنا ماتيع ولا نجازي بتيعات =ولا كل تايعة نسوي بدلها
وانته تسوي لك حروف عجيبات = نوج شنعها ونوج بجهلها

-
-

يقول نايف بن فيحان الكرشمي

عن فريق عبيد كفتنا مديره =عايدتنا بالنيابه عن عربها
يوم غاب الشيخ أبو لحيه كبيره =غيبته ما أعرف غيابه وش سببها
شغل ما أدري جاء التماس في الظفيره=ربعة ما أعرف رضاها من غضبها

-
-

رد الشاعر عبيد بن سفر الكرشمي15

هاضني قاف المغني في مسيره =بالحروف اللى تضحك من عجبها
فاز بأسم البنت قدام الذكيره=حاضر فايز وعدَه من حسبها
ولحيتي ماهي خداع ولا معيره =عايشه بالعز ما شخص هزبها
وانت في كبدك حراره مع سعيره=لو شربت الثلج ما يطفي لهبها
والسبايب واحد ينبي زبيره=وانت شارك في الخطا وانته سببها
وانت اعدك من رياجيل السريره=تنطح القاله اليا صعب طلبها
لا توحاء في الهروج اللى مثيره =مثل من قرب شخطها من حطبها

[الـكـرشـمـي]

ابيات يقول فيها16

فوز فازت فوقكن يالحاضرات = بالعيون اللى نظرها يقتلني
والجدايل فوق متنه مايلات = والخدود اللى سناها يجهرني
لونها نوار عشب في النبات =ولونك زرق وسمر تغلثني

-

-
ابيات يقول فيها 17

الزين كله على أم حمود = الله عطاه الحلى كله
فازت علاهن بزين العود = واشقر على المتن منهله
أشقر على وسطها مرجود = ينقال جمر على حله
والخد برق الحيا الماكود = والخشم سيف اليا سله
مربوعه الجسم يا مسعود = مثل الذهب ساسها كله
لعل ما يشوفها حسود = هرجه عسل حلو ما مله

-

ابيات يقول فيها رحمة الله18

يا وصايف ما لقانا لك وصايف =مع جميع الحضر واللى يرحلوني
وصفك اللى وان شهر طش الولايف=مايقارب بالحلى غير العيوني
وصفك الاخر مثل ريم خفايف = حايزات ما يدانن العفوني
يا غزال الريم يا جال الرهايف = جعل يفدنك كبيرات المتوني
والنحيف اللى مثل عود مهايف = فدوة اللى زاهي شقر القروني

-

-
ابيات قال فيها 19

يا حياة أنت مقر الزين كله =فايزه عن كل من لبس العباتي
بالقرون اللى على متنه يهله = أشقر ياصل لردفه ما يلاتي
والعيون اللى هدبهن مظله = عين حرً بادي في النايفاتي
خدها براق ندراً مستهله = صبت الماء فوق دار ممحلاتي
جسمها مربوع والحجان أهله = بالوصايف مثل ريم حايزاتي

قصيدة في والده رحمه الله بعد وفاته 20

مرحوم ياللى رحل مع درب من راحي =عساه في جنة الفردوس منزاله
مسيت عقبه مريض وفي الاجراحي =والناس ترقد هناء والعين سهرانه
ابوي ريف الضيوف ان جوه سراحي=سقم المعادي اليا وصل العلم حدانه
من صفته للشرف والجود فلاحي =صفة شرف ما مشت بسلوم تعبانه
الحي منهم على الطالات منزاحي=ومن مات منهم شهيد وراح في شانه
تجرح شعور البشر من غير الاصلاحي =بالكذب والنمة اللى مالها خانه
في ظل الاسلام لا هاجد ولا راحي=عايش تقول النعم ويلوخ بلسانه

[الـكـرشـمـي]

قصيدة رثاء قال فيها رحمه الله21

هيض على الزمن واطرى على بالي= بعض المواقف تذكرني بماضيها
عساك يا ديرة سكن بها الغالي = يسقيك وبل السحاب السيل يسقيها
ماهي بدار سكنها جاس الانذالي= لكن من شان شخص ساكن فيها
أبو وصايف عليه الدمع همالي = لو جيت ابنساه اذكر يوم أناديها
لكن والله علام بأحوالي = ومعاوضه ربنا عنده وانا ارجيها
والصبر راعيه عنه الهم ينزالي= ومن لا صبر حكمة المولي مقضيها
صابر تحت حكمة الله ربنا العالي = علام ما في الضماير لو ابا اخفيها
ويا الله يالي عليم بكل الاحوالي = والحكم بيدك والارزاق تعطيها
تهب لنا صالح مثله على بالي= يوم ان ذكراه في قلبي مخليها
استر به في حياتي جوف الازوالي= يلطف بحالي وسمعاته معليها
ومن قام في طاعة الله منزله عالي= والمؤمن اللى صلاة الله مصليها
ومن ضعف حظه تردي لو معه مالي=ومن ضعف دينه لزوم النفس يرخيها
غلب علاه اللعين وصار تمثالي=بأسباب شلات سهرات طبع فيها
ومن تاب وجنب عن طريق ابليس ماخابي=والله لطيف بخلقه حاكم فيها
تفكى يا بندر تخلي درب الانذالي=والحر مجناه في عالي مباديها
وانا جنيتك من اللى يفرح البالي=ما هب خبل دروب الحق مخطيها
والرجل يمشي مع اللى يحتمي التالي=ولا الهزالا تخيب من يماشيها
تلقاه جوف الطيور البرق ويلالي= وعن المواجب يجنب ما يلاقيها
والرجل معروف خلق وطاعه الوالي=واحقوق والداه واجب ما يخليها
مع الكرم والشجاعه كامل الحالي= سكر على اللى هروجه مسرع فيها
والدرب معروف للاول وللتالي = والرجل يعرف دروبه حيث يمشيها

-
هذه القصيدة قيلت أيام الغزو العراقي على دولة الكويت22

صدام حيرت العروبة بمجراك=بشعب العراق اللى جعلته دمارا
هذا سبب فعلك وهاذي نواياك=دمرك لشعبك يوم مالك وقارا
هذا سبب غدرك وفعلك بيمناك=غزوك لجارك يوم أخذته جهارا
لبست ثوب العار والعار يغشاك=عقب عصيت منفذين القرارا
جاك السعودي ما يفكك نواياك=يمشي على وضح النقا في النهارا
بأمر الفهد ذخر الفهد ويتحداك=ذخر الفهود اللى تقص العمارا
شجعان نجد اللى تضدك وتاطاك=بمدفع وصاروخ يهد الجدارا
من طائرات الجو تقصف سراياك=وراحت جنودك من محلك فرارا
اللى شرد واللى طريح وينخاك=واللى خذيناهم بيدنا يسارا
واللى زبنا يوم دورات الافلاك=ادخيلنا لازم انادي بثارا
حنا حمات البيت من كل الاشراك=ودون الوطن نمشي اجموع انتبارا
لازم يقص الراس من حف علباك=يا المجرم اللى تختفي في الجحارا
وندمر البصره وتقمح ضراياك= واصحابك اللى وقعولك خسارا
ويرجع كويت العز غصب بلا ارضاك=ونحرره غصب بفعل اجهارا
وانسلمه جابر بعد ما طردناك=وتصبح ضعيف من احساب الفقارا

-
-
قصيدة23

يوم ان غازي نخانا نودر احزابه=يا الله دخيلك من الفشله وراعيها
بنولهم بنية مير الله اسفابه = يوم ان زرقون ريسها وقاضيها
يبون رفعه وقومه غلقوا بابه = والخطه اللى بنوها طابع فيها
لا يحسب الظلايم تتعلابه= الظلم هد البيوت اللى يبنيها
واللى سعى بالظلايم ما شقا نابه= والحق ملحوق والرايه مبديها
ما له دخل مير معه ابليس يسعابه=والحق خلاه والذمه مهفيها
واللى يساوي على الطالات فزنابه=وحق القبيله علا الطيب يساويها
ومن لا يذري ذراه ويمشي احسابه=ما هب كفو الامور ولا ملاقيها
وقت سريع اللسان يشيل مشعابه=يبا يحكم القبايل من يناحيها
الحكم لله وفيصلنا تعلابه= مذخور عبدالعزيز اللى مصفيها
وأهل العلا في جبال وفي حجا لابه=ماهي بفرض سهل تبا تعديها
ريع يا غلطان كل حقه أولابه=ومن ضاع له حق حاض الحق ينهيها
وحقك الازرق يهوش ويفتل اشنابه=ويقطع الروس وهو ما يلاقيها
يجمع الهرج كبر طويق واشعابه=ولا تصلح الديره اللى ساكن فيها
في مثل يوم العريض احنس والوابه=والبينه في يدينه مير مغطيها
ثم الحماميد شال البيت باطنابه=يطرد سبايب افعوله مفسد فيها
هذاك فعله وانا ما اخطيت في جابه=يارب لاتكتب اللى مخطي فيها

-
-

قصيدة24

ربعنا اللى كل يوم مشاويرهم تزيد=ما عينا للمشاوير برهان وحصيل
كل يوم مشغلين السعو يم المزيد=والهدف كله نبا الزين منسوع الجديل
كل يوم من رداعه اليا وضحاء بعيد=ماربح من صار حط الوساطه للبخيل
صادها اللى صامل مثل مفراس الحديد=والحديث مقدمه ما يهس عن الدليل
أبو فالح نظرته من قريب اليا بعيد=والفلوس مقدمه ما يبا مد الذليل
ساقها في واحد كنه الظبي الفريد=والمناسب جيده ما يبا غيره خليل
ما توحا في كلام المهبل والوعيد=مهتويته واهتواها ويضرب به مثيل
عزتي للى جداه الحكي والا الوديد=صامل الزندين يبدي اليا رأس البتيل

-
-
قصيدة25

أنا عندي نصيحه للشباب اللى لهم علوان=نصيحه للشباب اللى يعرف الزين والشيني
ترى عز الرجوله بالصلاة وطاعة الرحمان=وحسن الخلق مشهور وطاعة كل الاثنيني
وبعد هذا تحفظ حقوقك اللى تقضي الاشوان=وترفع لك مقامك عند الاقصى ثم الادنيني
وترى من ضاع حقه يضحك به القرم والديقان=ولا كسب مراجل غير حزن ويعمي العيني
وصحبان الرخا ما ينفعون ولا لهم سيسان=ولا ينفك غير اللى شجيع ويقضي الديني
نصيحة للشباب اللى يعرف الزود والنقصان=يعدي في الطويله في العلا ما ينزل الليني
ولا يتبع ضعيف مرتحله ابليس والشيطان=علاه من الولي لعنه يوم انه ضيع الديني
عسى الله ما يخيب شايب يتعب من الشيبان=يحط اله الولي مسند وعنه يخفف الديني
يحط اله الولي حر شجيع ويحتمي الاضعان=الياجو في المحل يشجع اللى جو لافيني
واختام القول صلى الله على محمد ذخر عدنان=عدد من حج بيت الله وصام وكمل الديني

[الـكـرشـمـي]

قصيدة26

بديت بسم الله عزيز الجلالي=اللى على خلقه لطيف وترجيه
يارب تنجيني وتلطف بحالي =في موقف مال الفتى درب يعطيه
لابه رفيق ولا صديق موالي=الا برحمة ربنا ننتظر فيه
اليا ثبت الميزان مابه مجالي=كل يبي يقنع بوزنه ويرضيه
أحد موازينه ثقيله وعالي=واحد موازينه خفيفه وترخيه
واحد ينزل في جنان وعلالي=واحد ينزل في جحيم تصاليه
يا عبد لا ترضي عليك الخمالي=اركع لربك كل فرض تصليه
واليا حفظت الخمس حسن وكمالي=الوالدين احقوقهم لا تخليه
تم الكلام اللى حقيقه وحالي=ومرً على اللى ما يكمل معانيه
مر على اللى يتبعون الخمالي=اللى مجانب واجب الله مخليه
ويا الله يا منشي صدوق الخيالي=تبرجلنا من كل ذنب نسويه

-
-
قصيدة27

الوكيل الله حنا عباد مسلمين=يا ولي العرش يا الله لا تقطع من رجاه
اطلبك يارب في كل وقت وكل حين=اطلبك تمحي خطاياي والمشكي علاه
البني ادام معترض للخطا دايم مهين=كود من ربه برجله وهينة علاه
من حفظ خمس الفرائض وبر الوالدين=ثم حسن الخلق مذكور في كل الصفاه
ناجح يوم اللقا والجزاء فوق اللعين=اللعين اللى عصى الرب وابليس ابتلاه
والصفات الصالحه للعباد المتقين=الذي صلى الفرائض ويسعى في رضاه
ياشباب المملكة كيف خليت الثمين=الثمين الدين دين الولي فرض الصلاه
عايش زي النعم دايم بطنك بدين =ما تعرف العيب زي الطلي تبغي الذكاه
ما نخص الا الردي مانعم الطيبين=الشجيع اللى على الدين واثق ماعلاه
رافع راية بلاده على تقوي ودين=والقبيله واثقه يوم تسمع مستواه
يا الله انك لا تخيب رجى اللى مرتجين=الأبو يتعب على الهيس ويخيب رجاه
والمراجل بينه للعيال الفاهمين=والعمي مغرور مسكين دايم في عماه
تم قولي يالله انك توفق يامعين=وكان في قولي خطا لاحد يسكت علاه

-
-
قصيدة28

يا بندر امسك وصاتي يوم اوصيك=اوصيك في طاعة الله واجتهد فيها
كمل صلاتك عسى ربي ينجيك=ينجيك في موقف مالك حيل فيها
اليا اكملت فرض الصلاة وطعت واليك=احقوق والداك عندك لا تخليها
شايبك يتعب علاك وطامع فيك=ويبغاك للموجبات وتجتهد فيها
وربعك تراهم ذراك اللى يذريك=عزك اليا جاك ضدات تلاقيها
واحفظ حلالك عن العربان يغنيك=والمرجله للرجال اللى تواليها
المال يحيي مقامك في ملافيك=واذهن دروب الرذيله لا تجي فيها
امسك وصاتي عسى ربي يعافيك=وانه يوفق دروبك حيث تمشيها
الجار له حق وافهم في معانيك=اكمل حقوقه وتسلم من قوافيها
وصادق صديق على الشدات يشفيك=اللى اليا جاء لزومك ما يخليها
والا الردي ما يسر ولا ينجيك=كثر علومه وهرجاته يسويها

-
-
قصيدة29

يا خال يا ذخر الاجوادي = من ضاع طيره عوى ذيبه
ما فيه منقود في الغادي = واجب ونوفي مطاليبه
هو سرة القلب وافوادي= ولأحد يخلي مواجيبه
الناس للناس نقادي = تجرح وتشذب عراقيبه
وانته تسرعت وتنادي= نقول ابا حق ابا امشيبه
والصبر له فعل وامجادي=واصبر وتحمد عواقيبه
واثبت حقوقك بالاوكادي=وسلم العرب لازم أوفي به
جزعت من بد الافرادي = والحق ما أحد معيبه
يطلع على روس الاشهادي= وأن صار لك حق انا اجيبه

-
-
قصيدة30

يوم سعدى طلقت تبغى هواها=انطلق حبل السجين اللى سجيني
ما تبا شوق الفلس تبغى هواها=شفها الشيبان ريف الغانميني
عندكم يا صقر تبغي من ولاها=شفها اللى يذبح الكبش السميني
عينها عين اشقر كنه احلاها=والقمر ينقال ساطع في الجبيني
عنق ريم قادت الصيد وتلاها=ما تلوها اللى ضعوف خايبيني
وأهني اللى لوى حبله وراها=واهتنا بالزين مع طول السنيني

[الـكـرشـمـي]

قصيدة31

ما حلا المسيار والكيف في قصر ظليل=في محل يفتح النفس مسيار علاه
عند شخص في البشر ما لقينا له مثيل=في الأودام ماش مثله ولا شفنا حلاه
عينها عين اشقر بادي راس البتيل=ويتطلع للحباري يبا يطرح غداه
وأهني اللى ملكها وصار الها حليل=ما يبا غيره عطى يوم ربي قيد عطاه

-
-
قصيدة32

يا أهل المجمول يا اللى ترغمونه=خوفو الله كل نفس في هواها
ما تريد النفس غير اللى يبونه=كل نفس في الهوى تأخذ هواها
يأخذ المجمول شخص يرغبونه=تنظره بالعين قبل انه يراها
يوم لطف الروح كامله فنونه=ماتبي الا واحد في مستواها
مستواها عالي لا تظلمونه=والخطا والظلم لا يركب علاها
جعل كل البيض من فدوة عيونه=كلبوهن ما يسون عين علاها
وصفها صعب على اللى ياصفونه=من يوصف وصفها صعب احلاها
وصفها مثل القمر ما يلحقونه=والعذاري النجم والنور اغشاها
والبرد ينقال في مفرق سنونه=واعذاب اللى نظر وصف علاها
وعذاب القلب كاثرة شطونه=من وليف عذب العين وشقاها
ارحمو راع الهوى لا تقتلونه=ارحم اللى مات من سبة هواها
يالطيف الروح ليه تعذبونه=من رحم له مسلم يلقى جزاها
رحمة المسلم على المسلم معونه=والنفوس الها ولي مانساها
رحمة الله واسعه بأمره وعونه=كل شيء ابحكمته يمضي علاها
ويا الله اني طالب منك المعونه=والخطايا لا تحاسبني علاها

-
-
قصيدة33

نور بادي عسا كل البني من فداها=مثل نور اليا نور وبين شعاعه
الجدايل جميله والحلى في يداها=يوم يفصخ كموم الثوب يقتل ذراعه
عينها عين حر يوم أحلى احلاها=صيرمي اليا اهو فوق نزل وجاله
عودها عود ريحان على مستواها=ناعمة في حديق الصافي الماء متاعه
خدها بارق في مزنة هل ماءها=من نظرها من الزينات ينطل قناعه

-
-
قصيدة34

يا طير يا اللى ترفرف بالجناحيني=ردوا سلامي على راع النبا الغالي
لي مدة ما نظرت الزين بالعيني=أيام ما زرتها من كثر الاشغالي
أبو جديل على المتنين زافيني=والعين عين الوحش في المرقب العالي
ماهي بعبجه ولا وصف النحيفيني=مربوعه الجسم للعشاق قتالي
والخد يا بارق وسط الدكاكين=والعود موز اليا هب الهوى مالي
والموت رمش العيون مع الحجاجيني=واليا تبسم يفز القلب من حالي
علاه مبسم مثل صبر الرياليني=والبطن ملهوف وصفه كنه اهلالي
ماني بناسيه ألين الزين ناسيني=ما أنسى لطيف الحشي من بد الازوالي
واليا نساني نسيته لو سليني=حيث ان سلم الموده مالها تالي
سلم الموده تنوع بين نوعيني=حلو ومر ومنه الكبد تنزالي

-
-
قصيدة35

يغز قلبي اليا شفنا هو البالي=سبحان من صوره ماشفت له صوره
أبو جديل على المتنين ميالي=شقر تفرق على الارداف منثوره
عين الوحش وان بدى في المرقب العالي=والخد نور القمر اليا شع نوره
الها من الصيد حلياً بالخلا الخالي=ريميه قادت الغزلان في دوره
مشي الحمامه تخطى جسمها الغالي =وان قوله يا هلا بالخير مذكوره
مربوعة الجسم للعشاق قتالي=مربوعه تقهر العشاق مقهوره
مذخور شجيع ويحتمي التالي=يوم اللقا يقهر العدوان بنحوره
والحق تأمر علاهن دق واجلالي=وان قوله في العذاري ريس الشوره
مربوط مثل الوحش بقياد واحبالي=والله عطاها الجمال وزاد في نوره
ليته ولد عم ولا لي ولد خالي=يرتاح قلبي اليا سيرت أبا أزوره

[حاكم الغنامي]

الله الله


الله يرحمه

وشكرا على نقل الديوان


لشاعر علم اعجبتني قصايده بكل امانه


تحيتي

التوقيع

سبحــــان الله وبحمدهـ hakem81@live.com