السلام عليكم ورحمة الله وبركاته ..
ديوان الشاعر الكبير / ذياب بن عبود بن ريمان العصيمي
شاعر كبير ينحت من صخر فعلاً ..
شاعرنا بحثت له عن قصايد في النت لم اجد له الا بعض الابيات ومرسلات مع شعراء كبّار في قامته ..
اترككم مع هذه الدّرر ..
قصيدة للشاعر
اللــــــه من شــي ٍ لـــجى بـالـــســـراجـــيــــف =خلااا صـــنــــــاديــق ألضمـاير تهـــــــــــاوى
ولــــع بصـــــــدري ولـعة ألنــار بالـلــــيـــــــف =وبالصــــدر مـال ألسـد ياعـبـيـد مــــــــــاوى
قــلـــبـي هـجـوسـه مقبلااات ٍ مـــــنـــاكـــيــف =بــن ألـهـجـوس وبـين قـلبـــــي مـخــــــــاوى
قــامــــة تــلــوف ألـقـلـب لـوف ألعـواصـيـــف =أقــوى بــشـي وشـــــــــــــي مـايـنـتــــــقــاوى
مـاهـيب من جــــــــور ألـهـــوى وألــمـواليف =مـاهـيـب مـن جــور ألهـوى وألمـهـــــــــــاوى
مـــر ٍ مـــرض وأمـــرار بـعــض ألـصـواديــف =أمــرض أمــرار ومــرتـيـن أتشــــــــــــــــاوى
ياللـــه يـامنـــشي ألمــــــــزون ألــــــمـــراديـف =يـــامن ومــرنا بالهـــدى وألــــــــــمــســـــــاوى
مــــنـــــك ألـــفـــرج يـامـنـبـت ألنـبت بالـــــريـف=ومــــنـــــك ألدواى وألداء ومـنـك ألــمـــــداوى
قصيدة اخرى .. لشاعرنا ..
مـــــاهـــــمـنـــي يـاعـبـيـد تـيـش ٍ ولـد تـيـش =حتـــى أيـــش لـو يـجـمـع جــرود وعـتـــادي
ربـــعـــي هـل ألـعـادات وألـخـيـل وألـجـيـــش =وعـــوق ألـخـصـيـم إن كـــان نـادى ألـمـنـادي
عــقـــال فـي حــال ٍ وحــــــال ٍ مـــداغــــيش =ـــقــم ألـمـعـادي فـي نـــهـــار ألــطــــــــرادي
الاٌد عـــــــــــــــاصــم مـبـعـدين ألـمـناويــــش =رجــالــهـم قـــرم ٍ بـروحـــــــــه يــفــــــــــــادي
حــنااا هـــزمــناااا لابــسـيـن ألــطـرابـيــش =ـطـو ثـــم أنـفـضــــو من ألـضـلع غــــــــــادي
وخــيــامـــــنــا بـنيت بـديـرة جـبل بــيــــــش =فــي مــاقــع ٍ حـــامة عـلـيـــه ألــحـــنــــــــادي
أنـطـيـب للـطيـب ونـكـمـع هـــــــل ألطـــيش =حـــــــــنا عــــــمى عـين ألـعدو ألمــعــــــــادي
ولـــيــا تــــحــلـــو ألـنـوم خـطـو ألـدراويش =نـمــشـــي عـلـى أللي يـقـطـعـن ألــــبــــيــــادي
يـــامــا مــشــيـــنــا في حـتـون ألـمـغـابـيش=يـــــــــــــامـا قـــطــعـــنـــا وادي ٍ عـقـب وادي
وإن جـــت قــضـــيه مـانـسـوق ألبخـاشيش =نــلــجــــــــا لــــبو ســــــلطــــان قـرمٍ عــمــادي
ألشـــيــخ أبـو مـــانــع لـــيا بـان تـشـويـش =حـــنـــا لـيا صـــــــــار فـــيــهــا نـــكــــــــادي
وبـعـض ألـعـرب ضـار ٍ بـهـوش وتـباويش=ويــطـــعـــن رفـيـقـه لـو لـيـا جــــــاه بـــــــادي
مساجلة بينه وبين الشاعر / كديميس العصيمي
قصيدة الشاعر كديميس العصيمي
ياذياب سلم لـي علـى الربـع ياذيـاب=اسلم وسلـم لـي علـى مـن تواجـه
انـا بـدارٍ كـل سكانـهـا اجـنـاب=والقلـب هاجـوس الغرابيـل داجــه
خيلت بـرقٍ فـي دجـا الليـل شبـاب=يشـوق مكـوي الضميـر التعـاجـه
من عقـب مـا خلتـه غدالـي تقـلاب=من ضيقـة الخاطـر تقـول بزجاجـه
البارحه ياذيـاب عقـب القمـر غـاب=الدمـع مـن عينـي سريـع اندلاجـه
علـى وليـفٍ تـل قلـبـي بـكـلاب=عليـه قلبـي سايـر الـهـم سـاجـه
عليـه قلبـي تقـول يكـوى بمشهـاب=مشهـاب لـحـامٍ فـتـح زر تـاجـه
ماني من يركض على الدبـك نصـاب=طرد القفـا للرجـل عيـب وسماجـه
مشفوح انا في حـب تلعـات الارقـاب=واشرب قراح المـي واتـرك هماجـه
وادري عن الطرف الخفي حدر الاسلاب=رمز الهوى ماهـوب هـرج ولجاجـه
الصاحب اللي صافـيٍ لـي بالالبـاب=اعرف مـواري غايتـه مـن حجاجـه
واتعب وراه ولـو تعرضـت الانشـاب=وارجيه مثـل الـي يحسـب لخراجـه
كني سجيـنٍ مقعـده مـن ورى البـاب=ولحدن سمع فـي حجتـه واحتجاجـه
مصوبـن منـي وانـا منـه منصـاب=والكل منـا مـا حصـل لـه علاجـه
الكـل منـا مـن مشاكيـه مـا طـاب=جـداه تلـت ونتـه مــن خـلاجـه
ياراكـب اللـي للعباعـيـب جــذاب=فرتٍ علـى اول طلعتـه مـن كراجـه
لانحنـا الخـط التـوى كنـه الــداب=واسبق من الصاروخ وقـت انزعاجـه
فوقـه غــلامٍ للمهـمـات لــولاب=معايشـن بقـعـا بـعـدل وعـواجـه
يلفـي لـقـرمٍ للمواجـيـب قـضـاب=يفهـم طريـق المرجلـه وانـدراجـه
لا شاف وجه قـال حيـه ومـا جـاب=يقـوم بالواجـب علـى كـل حـاجـه
رد شاعرنا / ذياب العصيمي
ياراكب اللي يصفط الميـل بحسـاب=مـن وارد السبعـه وشـد الخواجـه
يلحق ولا يِلحـق ويطلـب وطـلاب=ما احسن مـع العبلـه دوي انزلاجـه
واليا عطا مع رقرق الحـزم ينسـاب=تقـول حـرٍ كاسـرٍ مـن رواجــه
سواقه اللي يقطع الـدرب مـا هـاب=داس ابنـصـه وبيـديـه مـاجــه
مافوقـه الا عـدة الـدرب وكـتـاب=حيث ان كتب الخط نصف المواجـه
مني كتبـت كتـاب لخيـار الاقـراب=كتاب مثل المسك في وسـط عاجـه
ياللي تودي الخـط فكـاك الانشـاب=بلـغ سلامـي لـه نهـار التواجـه
قوله اليا جيتـه هـلا مـع ترحـاب=يفرح اليا جيتـه ويضحـك حجاجـه
يقوم بالواجـب لـو انـه بمطـلاب=نشريه لو يغلـي المحـرج حراجـه
كديميس يشكـر ويذكـر ولـو غـاب=قرمٍ مـن اللـي يقطعـون الزراجـه
وبعض العرب لا جاء نها ر ام غصاب=يصيـر كنـه نعجـةٍ مـن نعـاجـه
ياعنك ما تـلام فـي حـب الاحبـاب=والود شـرع النـاس تمشـا فجاجـه
راع الهوى مايترك الـود لـو تـاب=يشيـل شيـل مرحـلات الحـداجـه
وراع الهوى قلبه كما الباب بضبـاب=والود باقصى القلـب ساجـه ولاجـه
الصبر زين وراعي الصبـر ماخـاب=والضيق من عقبـه تصيـر انفراجـه
وكم واحدٍ يرمي الهدف مار ماصـاب=هذاك ضيـع صيدتـه فـي عجاجـه
((قصيده لـ ذياب بن عبود بن ريمان عندما قرأ ديوان شاعر هوازن الاول ))
ديوان شعر(ن) جزل ياوي ديوان=معنى جزل والقاف صافي وضافي
ديوان يجمع بين در(ن) ومرجان=للي يعشق الشعر شافي وكافي
تملك يابو نواف تصريف الالحان=وكن الذهب يصرف بصرف القوافي
فيها صعيب القاف لدحيم قد لان=ويقدم على فعل الوفى مايفافي
وفيها يبوح فلان بالسر لفلان=فيها السنافي يشتكي للسنافي
فيها شكو لدحيم خدرات الاعيان=نجل العيون مبيحات الخوافي
وياماشكو من قبل ذربين الايمان=وقد لوع الحب العفيف النصافي
حب(ن) على وضح النقا مثل ماكان=معشوقة(ن) توفي لمعشوق وافي
حب(ن) على ماقيل من قلب ولسان=وتصدق ويصدق مثل (شيمه ووافي)
ويامى حوى الديوان من كل الالوان =كم جال في روض المعاني وطافي
وليا قراه اللي للأشعار نشطان=كن العسل ينساب بين الاشافي
سلام(ن) احلى من هماليل الامزان=واحلى طعم من در حم الشعافي
ياللي وزنت القاف كنه بميزان=حاشا يجي بين البيوت اختلافي
ومن ساهموا باشعارهم شانهم شان=يلفون ميدان المعاني تلافي
كل ابلج(ن) للجود والمجد شفقان=اهل العوايد بالسنين العجافي
وان جات شدات الدهر والقسى بان=يرسون مثل السفن فوق المرافي
قلته وانا يشهد بها رب الاكوان=مالي هدف مقصود بين وخافي
إلا اني المعجب وبالحيل فرحان=وديوان ابو نواف غاية مطافي
رد شاعر هوازن:
ياذياب تعبيرك لخافيك عنوان =بنات فكر(ن) ماعليهن غلافي
أهلا هلا ياذياب ترحيب وجدان =قلب لراعين الوفى مايفافي
شهادتك نفخر بها ياكحيلان=من حيث مافيها غموز وجنافي
ياذياب جتني من تعابيرك افنان = شعر(ن) سما معناه وزنه يوافي
والشعر ياذياب الوفى علم وكدان=إن ما اكتمل معناه لو تم هافي
والشعر له عند اهل الافكار ديدان=ومثلي عيوف(ن) مايداني العذافي
واللي سمك سبع(ن) على غير عمدان=ان الشعر بلغه وسرد وخرافي
مثل النسا بعض القوافي والاوزان=يفرق بفرق العاهره والعفافي
اسمه شعر لكن معانيه شتان=ذوب(ن) مصفى ذا والاخر زعافي
اما رفع راعيه والعقل سلطان =والا هبط بين الثرى والخفافي
هذا ويامن قاد الاصعاب بإرسان= حتى مشن له طايعات(ن) خفافي
ان كان ما للقول بالفعل برهان = والا الحميد بغير فعل اطفافي
ترى الردي يبغى المخاليق رديان =ولو صفيت لخايب(ن) مايصافي
وراع الوفى ياذياب اعرفه قهيدان =مثلك ومثل مربحين السلافي
واسلم ودم بالعز ياخير الاخوان = وتحيه الوله الشفوق المكافي
يامن جعلني بالتماثيل نشوان = طربن تلاعب بالقرايح شفافي
ارسل الشاعر / ذياب بن عبود هذه القصيدة إلى الشاعر كديميس ..
الله من قلبٍ همومه تلاطم = مسيل سيلٍ سال من عقب ديمه
تقفي وتقبل به تفرق وتلتم = تفرحه مره ومره تضيمه
موجٍ تدافع فوق مع غبة اليم = عوجٍ تولج القلب مع مستديمه
اصبر على الحسرات ياكم وياكم = واللي يكن الصدر ربي عليمه
واليا بدر مني خطاي اتندم = ومن خلقتي والله مااحب النميمه
ولا امدح الممدوح وابعد عن الذم = واربوا بنفسي عن دروب الذميمه
واليا دعاني داعيٍ قلت له سم = احب هقوات النفوس العظيمه
احب سمح الطبع والراي الاسلم = احب سمحين النوايا السليمه
ولا اقول للي يمشي التايعه تم = ولا صغير رايٍ من عقولٍ سقيمه
ولا بان لي بعض الجفاء من ولد عم = ادمح له الزلات واذكر قديمه
والشمل لابده كما قيل يلتم = مدام حانن والليالي مقيمه
مني لابو سلطان اللي تقدم = فالماقف الغصاب وارغم خصيمه
شعره كما البلسم ومره كما السم = وياقف مواقيف الرجاال العديمه
من الصخر ينحت ويجذب من الجم = وبالصدق تبين له فعولٍ قديمه
بين العرب مفهوم ماقال قد عم = ويشهد على ماقاله الكل قيمه
والنور بان وساج بالليل الاظلم = والصدق يقهر كل راعي ظليمه
وماكنه الخاطر يبين من الفم = ويبين لك نوا الفتى من نديمه
ويضيع معنى العلم في مجمع اللم = وتبين بارقاب البكار الوسيمه
وسلم على من شيف للقرم واسلم = سلامي ياللي توصل العلم تيمه
رد الشاعر / كديميس العصيمي
ياذياب جاني منك خطٍ منظم = وقصيدةٍ فالوقت هاذا يتيمه
خطٍ على شتى القوافي مترجم = ومعناه ينبي عن شهامه وشيمه
فيه الكلام اللي على اهداف ومهم = واعز واشرف من كلامه زعيمه
اللي بجزلات القوافي تكلم = واعوج من عسرات القوافي يقيمه
مهيب بدعه لك بالاعلام مسهم = وانته حفيد اللي يجندل غريمه
ياذياب جدك راعي الغوج الادهم = اللي لاركبه يفك الزعيمه
اللي لا حثه على الخيل واسهم = مايسنح الكردوس يضرب صميمه
بشلفاٍ مضريها على نثرة الدم = دمٍ عزيز من صدورٍ حشيمه
من الآد عاصم فاللقا والمهاجم = يرخون لأرقاب المهار الشكيمه
لا جاء النهار اللي جموعه تلاكم = حريبهم يصبح تناعا حريمه
قومٍ لهم عادات وسلوم وشيــم = ويلوذ بحماهم كبير الجريمه
ركنٍ من الهيلا هل الصيت الافخم = اللي بنوا في منبر المجد خيمه
يوم القبايل والقبايل تزاحم = حريبهم يصبر بغبن الهزيمه
حريبهم باحلى المنام يتحلم = يشوفهم بالقلب والعين نيمه
مركاضهم فيه الفقير يتغنم = لاحضر تقسيمهم للغنيمه
ويشبعبها السرحان والطير الازقم = كلٍ ينادي صاحبه للوليمه
يا ما نحوا عن نجد من جمعٍ ارخم = وتجرع الذله وكبر الثليمه
وياما انكسر من دونها سيفٍ اعسم = عقب علج بمتون خطو الصتيمه
وعندك خبر يوم الثلاثه تحاشم = والكل منهم ضربوه الخريمه
عسى السحاب اللي قنوفه تهاشم = يضفي على مثناة نجدٍ هديمه
جعله على مثناة نجد يترزم = وتسيل وديانه ويحيي هشيمه
من ظلم لأطراف البلاد الموشم = ومن المخامر للصراديح ديمه
يسقي الديار اللي بها الجار يحشم = ولا طالت ايامه يزود اتحشيمه
ولا هوب لا يظلم ولاهوب يهضم = ويقلط على راس وفقار العزيمه
والضيف في لوذات الاسعار يكرم = لامن كلٍ قام يكرب بريمه
لا من بعض المجتمع قال له قم = نصا الديار اللي بااهلها كريمه
دارٍ بها الهيلا تحكم وتنعم= بالامان والايمان يالله تديمه
مدحتني ياذياب عقب المساوم = وعقب انتهى صبر العقول الحليمه
عندي خبر كشف المغطى محرم = ولاني بحلل حرمته وتحريمه
لكن بعض الناس قام يتطشم = وصلت مكاتيبه وشفت اتعميمه
كتبت له مكتوب قبل الملغم = وعلمت من لا سر فيه اتعليمه
قال ادخل الميدان والبادي اظلم = ومن مات يذبح له وليه تميمه
ويومن مقباس المشاكل تضخم = وصارت علاقات قصارنا وخيمه
حطيت لي في منبر الحذف مرجم = وشاركت في نسف الهدف واتحطيمه
الرجل لا نابه من النايبه هم = يضرب على سيم المحاله بسيمه
والبيت له بيبان والثوب له كم = والسيل منبع قوته من يديمه
وانا ورثت الشايب الذيب الاسحم = مودع معاشير الدعاوي عقيمه
دحيم لا قامت ركبهم تداحم = مثل الجمال اللي على الماء محيمه
يدحم بجنبٍ لا تزعزع ولا اهتم = جنبه متين وحجته مستقيمه
لو كان حبل الخصم مبرم ومحكم = لدحيم حجه فالمحاكم حكيمه
وان جاه محتاجٍ جداه يتهضم = وهذي فالوقت الاشهم جسيمه
كم واحدٍ لاضامه الوقت ينضم = لدحيم حيث انه يزيل الهضيمه
ماني مثل دحيم مار اتعلم = اخذت لي من بحر عرفه قسيمه
اليا طرالي ماقفٍ فالمخاصم = يزود عندي فالعزيمه عزيمه
هذا الجواب وبالتحية مختم = مسك الختام ازكى السلام اتختيمه
اتمنى ان ينال على اعجابكم ..
آخر تعديل وافي الخماش يوم 13-Nov-2008 في 07:44 PM.
« آخـــر الـــمـــشـــاركــــات »
13-Nov-2008, 07:37 PM
الشاعر الكبير / ذيّـاب بـن عـبّـود الـعـصـيـمـي [[ ديـوآن ]]
العرض العادي
