السناني يحذر الالفين من حبيّب !!!!

[وحي العقل]

/
/
/
/
/

محمد السناني

تعال ياتركي عطا الله جعل بقعاء ماتجيك = بعلمك في كلمتينٍ كل ساع تعدها
الطلقة اللي ثارت من البندق اللي في يديك = نبه على حمر النواظر لايجيهم ردها

الالفين

انا ادري انك يالسناني تحتريني واحتريك = والكلمتين اللي على بالك لتركي بدها
كلمتك هذي طيبة والله يرحم والديك = والقوة اللي ضدنا فالارض نصنع ضدها

محمد السناني

توك عرفت الصاحب اللي لاتبيه ولايبيك = صحبة مصالح ليش لابوها ولاابو جدها
الحمد للفرد الصمد رب البشر ماله شريك = ان كان يوم انك تكلف للمهمه قدها

الالفين

اللي يبيعك يامحمد في سنه مايشتريك = هذي رسالة والرسالة عن صحيبك ودها
خلاصة الموضوع كله لاعليّ ولاعليك = واللي يلد العين بكره مايعرف يلدها

محمد السناني

المشكله من صاحبك يغريك شيكٍ سد شيك =خلك نبيه وكل ثغره فالمخطط سدها
اطلب من المولى يعرفك الحقيقه ويهديك = سلم عليهم بالنظر يمناك ليه تمدها

الالفين

لابد تلقى لك شبيه تبتليه ويبتليك = هذي طبيعه فيك تبنيها شهر وتهدها
انته تبا لاموضوع هيك وصاحبك يبغاه هيك = خل القلوب بسدها قدام يظهر سدها

محمد السناني

حاولت أدورك ك فدي مافيه راس يفتديك = مدري تباها مرجله والا تباها بالدها
نفذ ذراعك لاتجي في معمع الوضع الركيك =والسابق اللي قصرت وط المهند خدها

الالفين

انته تبا الموضوع والموضوع خارج من يديك = لكن قصر خطوتك واحذر تعدى حدها

.

[علي الثبيتي]

وبيض الله وجهك بياض كلاً بشوفه

نقل مميز وانت مميز دايماً

التوقيع

ماني بلا روقي ولا برقاوي = انا ثبيتي جد روق وبرقا

[ذيب الجهني]

عندي تحفظ

لكن مشكور

آخر تعديل ذيب الجهني يوم 22-Aug-2008 في 10:54 PM.

[ابن نميان]

الله الله

لاهنت لاهنت

واضح المعنى

كل التقدير

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[كاسر الحوم]

المحاورة فيه وضوح

ومشكور على الموضوع

[معجب العتيبي]

بصراحه

محاوره روعه


والنقل اروع


والناقل اروع الجميع

التوقيع

[صريح وحريص]

محاورة جرت في شهر 7 هذا الصيف في المدينة المنورة وبالتحديد في قصر الصالحية وقد حضرت هذه المحاورة وكانت

روعة بكل ماتحمله الكلمة من معنى وقد جمعت بين الشعراء التالية أسماءهم في حفل لقبيلة مطير

(بن طمحي -السناني محمد-تركي الميزاني-وسوار الذهب عبداللله الميزاني)

وفي النصف الساعة الأخير لعب تركي مع ابن طمحي ومحمد ضد سوار الذهب وقد أبدع الشعراء في الموال خاصة

تركي وابن طمحي

أتمنى منك أخي وحي العقل اذا كان باقي المحاورة وبدون أمر أو كلافه عليك موجود عندك أن تقوم بإنزالها لأنها كانت


ملعبة رائعة جدا

ولاهنت أخي وحي العقل على الطرح الجميل

آخر تعديل صريح وحريص يوم 22-Aug-2008 في 11:48 PM.

[الباااسل]

يعطيك العافيه على النقل الرائع

[مرزوق حمدان العتيبي]

..
.

محاوره جميله من ذوقك الاجمل ياوحي العقل .

..
والله يعطيك العافيه ......

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[المحتار]

يعطيك العافيه . لحظر السناني حظر الابداع


والمحاوره تتحدث عن مكتب القصير . والله اعلم