السلام عليكم ورحمة الله وبركاته
مساكم الله بالخير جميع
أقدم لكم ديوان بعنوان ( غربيات 1 )
للشاعر / غربي بن غلاب بن حجي الدلبحي الروقي العتيبي
وهو أول ديوان ينزل للشاعر / غربي بن غلاب بن حجي الدلبحي الروقي العتيبي عبر شبكة الإنترنت
شاعر تعجز الكلمات عن وصفه
يمتلك شاعرية رهيبة سترون ذلك عند قرائتكم قصائده
والآن أترك لكم الإستمتاع بقراءة الإبداع في قصائد
الشاعر / غربي بن غلاب بن حجي الدلبحي الروقي العتيبي
القصيدة الأولى / مجاراة للشاعر المرحوم فيحان الرقاص
ذيب عوى و أتبعه قلبي عوويا = هيضني الرقاص قافه و مبناه
لآ واعشيري عقب ماهو هوويا = أقفى وخلاني وأنا البعد ماأقواه
نشدت عنه البدو وأيضا الشوويا = حتى الحضر نشدة له من لاقاه
أندبت تسع أبكار تطوي الطوويا = مع خمسه وخمسين لأجل أتلقاه
أربع يزورن الحرم و اللوويا = ويدورنه يمكن يحسب إخطاه
وأربع يسجن الرياض إسجوويا = في دار سلمان سعد من تنصاه
ريف الركاب اللي جرحها الكوويا = إبن السعود الفيصلي جود يمناه
و أربع يلجن الحفر و الجوويا = لعل نور العين تشمل رعاياه
وأربع مع جبال السراه إسروويا = ومشوارهن لعدن وصنعا و مكلاه
وأربع مع ضلع الجنوب إخطرويا = وأربع على نجران وجازان وإقراه
وأربع على ديار تشب الضوويا = بنجد العذيه دوروا واحد تاه
وأربع مع ينبع ورابغ نحويا = لعل من جنب البحر مر طرياه
وللعين أربع مثل سحب السمويا = تمر خميس وهادي اللي لهم جاه
وأربع على حيد الشمال إخطوويا = من حايل لعرعر لأدناه وأقصاه
يلفن أهل الجود وينشدويا = وإن ما لقوا رفحا تجهز مطاياه
وأربع على ديار القصيم إندبويا = وأربع مع وديان سبيع وإدعاه
وأربع تدير الشام ولا يلهوويا = العين شفقانه على شوف لاماه
وأربع يروحن النخل والدهويا = تبحث لريحانة حياتي على ماه
وأربع تدك عمان وأهل الرحويا = بالقيض يمكن في عواليه مرقاه
من ياجده يقبل و يلقى التحويا = وبشارةن ياكبرها بس كبراه
واللي عن أخباره ما جاب الحرويا = يقفي بمنجوبه عساها بعمياه
أنا سقيم الحب ويش الدوويا = غير الغضي ومقابله وأسمع إحكاه
أنا سقيم الحب ويش الدوويا = ألا أشرح الأحوال وأقول أهواه
عينه تلد الطرف فيها النقويا = أنا أشهد إنه عذب القلب وأذاه
غرو غرير له حياتي فدويا = مما حصل تليت آه على آه
أزريت لا أسلى عنه فكري غوويا = وجاوبت ذيب عاوي فوق مبداه
ياذيب ما عينت غاية شفويا = وأنته لك إسبوعين في عالي إحجاه
يا ذيب ما مرك غرامي ضحويا = إشارته دمع على الخد هلاه
ما عاشرت راع العلوم الردويا = عفيفة تصعب على كل مرماه
هرجه سحاب طش فوق الدوويا = وصدره مزاهير الغصون المحلاه
وعينه من الأحزان فيها الشقويا = وجديلها ليل على الجيد غطاه
معكم أمانه يالطروش إوصلويا = وقولوا لعيني ما حصل منه كفاه
ولو إن طير الحب حام الجوويا = ينصاه برساله على ختوم رجلاه
مكتوب لا يبدي علينا السوويا = لو إن عشيره سبة فراقكم باه
من لا يجيله في عشيره نخويا = يا عنك ماله فالمشاريه مدعاه
لآ واعشيري ليه هذا الجفويا = وأنا عليك ألهي الجاش (داداه)
والله أنا بالصد ماني قوويا = ألا أسابق دمعتي قولة الله
الله لا يجزى فريق العدويا = اللي أبعدوني عنه وأنا أتحراه
في ظل سدره فالمقيض إنكفويا = حالي تردى وأضرب الكف وش جاه
يا وجد حالي وجد عودن سحويا = إعياله أربع وإذبحوا ضيف مركاه
همل إدياره وإرتحل للبدويا = وسواد وجهه للقبايل مسماه
إليا ذبحهم زاد ناره صلويا = وإليا تركهم طاري الثار قزاه
عدوانه إعياله ياكبر البلويا = أنا أشهد إنه ذاق مر المعناه
ولو تدري الشعار بحالي بكويا = حتى المشايخ تلوا الصوت لآلآه
مدري ذكرني زين وألا نسويا = ياليت قافي ياصله و يتوحاه
أشب ناره من ضلوعي هدويا = وتموت ناره من دموعي بفرقاه
القصيدة الثانية / بعنوان ( قفا قف )
كانك من اللي ياكلون القـــفـا قـــف = مالـــي مع صحبتــــك مذهـــب ومله
وكــانك من اللـــي يبحثون الخـــفا خـــف = يــوم نحــاسب فيه والأمـــر للـــه
وكــانك من اللـــي يعشــقون الصـــفا صـــف = هــــاجــوس راسٍ مــــا يعـــــرف المـــــذلــه
وكــــانك من الــلي يستــطيـع الضـــفا ضــف = على علوم تــدبل الكـــبد علـــــــــــه
وكـــانك من اللــــي يرتجــون الوفــا وف = ديـــن على إرقبــتك إرقبــتك إتشـــله
وكــانك من اللـــي يطلــبون الشفـــا شـــف = من ضيـــع الـــدرب الســوي من يـــدلــه
وكـــانك من اللـــي يعرضون الجـــفا جـــف = حبــر القلم والوقت عيـــا سجـــله
وكـــانك من اللـــي يهتوون العــــفا عـــف = النـــاس واجــد وأقـــشر الوقــت مـــله
وكــانك من اللـــي مكتفي بالكـــفا كـــف = كـــفك وعيـــنك والقـــدم والأدلـــه
ياطـــير ياللـــي حــول ضلع الرفــا رف = افهم وأظنـــك فاهــم العـــلم كلـــه
قـــافٍ شطـــرته شطــر عن الهـــفــا هـــف = تنـــقد لـــه النـــقاد دقـــه وجـــــله
أرفـــعــه عن نـــاسٍ تجـــيب السفـــا ســـف = اللـــي كـــسرت بالشـــعر كفه ورجـــله
القصيدة الثالثة / مدح في الدلابحة
بــسم اللــه الــرحمـــن واحــــد بــلا نــــد= هـــــو مـــالك الأمــــــلاك رب القيــــــامه
واحـــد أحـــد مـــــاله شبـــيهِ ولا قـــــد = بــاعث عظـــــام الخــــــــلق لـــو هي رمـــــــامـه
ويـــا هـــاجســـي إكفــخ مـع الحـر لا هــد = خــــلــك مــــراوس للـــــــــقمــــر والغــــمـــامــــه
وإذا وصـــــل قـــافي إلــى الـــجد والعــد = هـــات الجـــــزالـــــه والســـــطر والشـــهامــه
ضــــلعٍِِِِِِِِِِِِِ مـــن عتـــــابه كمــا الضـلع لا صــد = حصـــن حصــــين فـــيه عـــــــز وكـــرامــه
حـــنــا دلابــحــةِ نضــد العــــدا ضــد = كـــم مـــن حــريــبِ راح راســـــه غـــرامه
دلابــــحه للــــــطيب جــدِ سقـى جــد = نــــورِ يــحالـــي للــــقمـــر فــــي تمــــامــه
لا ثــــارت الهيـــجـا وبــارودهـا شــد = نــــــــارِ حطـــبهـــا للــمعــارك قــــرامــه
دلابــــحـه لاســـــوُد الليـــل الأســود = مـــثــل النــجــوم الســــاريه فــي ظـــلامـــه
دلابــــحه للـــطيب والــمجــد الأمجــد = كنــهم كـــما بحــــرِ يــمـــوج إرتطـــــامــــه
دلابـــحــه للـــدين والمـــاقف الصـــلـد = والـــضيـــف والـــجيــــره لــها الـــعز هـــامــه
جبـــال تشــمـــخ من على نـجد الأنــجد = أهـــل الــظفــر وأهــل الــقـــدر والـــفخـــامـــه
دلابـــحه عـلــى القــشـــر تلــطــم الــخـد = وعــــلــى الـــــوفـــا كــلِ يــعرف إحــترامــه
صــبـاحهــم هيـــبــه ولاهـوب يــنــرد = وكــــفـــوفــهـم فــيــهـا الــخــشــونــه عــلامـــه
أهـــل المـــراجــل والــكرم للــندى مـــد = أهــــل الـــمــقــام الـــلــي عـــزيـــزِ مـــقـــــامــه
لــيــوثِ غـــاب لاتــــوافـــوا علــى ســـد = ربــعِ علـــى الــــطــالـه تــــفـــك الـــجهـــامــه
مثـــل المـــزوون اللــي قفـى بـــرقهــا رعــد = أهـــل النـــقـــا يـــــوم اللــــــقـــا والســــــلامـــه
لا عمــــســت الأريــا لــها رأي يســتد = وعـــنــد المــــواقــف للـــــمواقـــف زعـــــامــه
مـــــزبــان مـــن داكــــوك بــقعــا تــوســد = يـبشـــــر بهـــيل العـــــز يـــجـلــــي عــســامـــه
كــم مــن حبيــسِ هــد بالســيف أبـو حـــد = وكــم مــــن خــــويِ طـــاب حنـــــا حــزامــه
وكـــم مــن شــجيـــع رد للـــقــاع الأجــرد = فعـــلِ يســــجـــله القـــــلــم فــي نــظــامــه
مــنصــى و مــلفــى كـان وجــه الــزمـن لــد = والــلــي نــصــاهـــم مـــا تجـــيـه المــــــــــلامــه
ذخـــرِ علـــى الطـــولات والطيــب يعـمــد = تـــــاج الشــــرف نـلـــبـــسه لبــــس العـــمـــامـــه
أهـــل الشـــجــاعه لا حضـــروا كــل مشــهد = شـــرابـــة الفـــــــنجــــــال يـــوم الـــــزحــــامــه
آلاد دلبـــــح مـــــوج بـــــحــر تـــزابــــد = بـــحــرِ مـــــلاه الـــــــــطيــب تســعــيـن قــــامــه
مــــدهــــل مـــحـــل أجــــــواد للضــاميــه ورد = نـــــــــارِ تـــــشــــــاعـــم للــــــكــرامــه مــدامـــه
دلابـــــحه ســـــقــــم الـــــعــدا تــقــدح الــزنـــد = ريـــــف الــــــرفــــاقــــه والــــركــاب المــضــامـــه
عــــون الخـــــوي لا جـــاء حــنا إله عضـــد = ســـــتــر بعـــــد ربـــــي علـــــــى كــــل خـــــامــه
مـــــراجــــلِ نســعـــى لــها لــــو تجـــي كـــد = إليــــا إقصــــــروا عــــنهـــا إعـــيــال الـــــرخــــامــه
رمـــاح وسيــــــوف ونــــارِ تــواقــــد = غيـــــــث علــــــــى الأصـــــحـــاب وأهــل الفــهــامــه
نـــخـــوه وســــــطوه وللـــشكـــاله نـســنـد = مـــن فــــــــضــل ربـــــي مـــا نــــزلـــــنـا الحـــطــــامــه
ســـــــلايـل مــن روق علــم مــــؤكــد = إليــــا خــــبـص بالـــــقـــــول راعـــي النــــــدامـــــه
أحـــرار ذخــــر أحــــرار سيــفِ مهــنـد = روقِ وبـــرقــا أهــــــل الــــــــكـرم و الــــــكــعــامـــه
عـــتــــابه للــــبــــاروود والســـيف مجــنـد = لا طـــــاح مــــن كــــــف الضـــــعـيُف حـــســـامــــــه
قـــــومٍِِِِ لــــهــا الــعـلــيا وللـــطيــبه رصــد = والـــلاش مــن قـــــولـــه يعـــــيفــه كـــــلامــــه
وســـــلام يــــاربعٍ علــــى الطيــب تصــعد = ســـــــلام يــــــاربعٍ تفــــــك الـجهـــــــــامـــه
وأزكــــــى صــــلاتــــي لــخــاتم الرســل أحــمـد = شـــفـــيعـــنـا يــــــوم الحـــــشــر والقـــيـــامـــه
القصيدة الرابعة / بعنوان ( إستلم بنادقه )
كــل مــا نــاخـــت هــواجـــيســــي و أطـــريـــت الــــرحيـــــل = مــــا ذكـــرت مــــن الــــحياااه ألا صــــديـق إمـصااادقــــه
عـــااارفِ وقـــت الضـــــحى وعـــااارف اللــيل الــــطويـــل = تشـــــــبه قلــــــــووب الــرفـــاقـه ومــن حــفر خــنـــاااادقه
كـــمــ زميـــلٍ أحســـبـه بــالــــوفااا أطيـــــب زميـــــــــــل = وأثـــــره اللــــــي غشـــــــــــني وإستلــــــــم بنـــــاااادقـه
صـــرت لــه نيــشااان مــــدري صــرت لـه أكـبر هبيــــل = دمـــ قلبـــــــــه ســــــمــ عقـــــرب ســااكـــــنــه ســــرااادقـه
وكـــمــ زمــيــلٍ أحســــــبـــــه للــــرفــــاقــــه مستـحــيل = وأثـــــــره اللــــــي وســـــط قلبــــــــي زااهيــــه فنـــااادقـه
وكــمــ زميــــلٍ لا يهـــش و لا ينـــش ولا يشـــــيــــــل = شـــــــــاااة قــــــومـــٍ ميــــــته وإقفـــــــلواا صنـــااادقــه
وكــمــ زمـــيــــلٍ كــــنــه الــــجـرد والقــااع المــحيـل = بالمـــوااقف كـــنــه ديـــمـٍ لا شـــعــق لـــه وااادقـــــه
مـــاا يعــيــب الأرض تـحـتي ولا يعاااف القاااع سيـل = والكـــفـــووف الـــكريــــمــه بالــــكـراامه غــــــاااادقـه
ســــاكـــــــن قــمــة جبـــل والـوعــر دونـه سبـــيـل = و ديـــــــرة المــــنــدق لــأهلــــهااا وأهلــــهااا منــااادقــه
القصيدة الخامسة / بعنوان ( إصطدام الحضارات )
بيني وبينك وإصطدام الحضارات = حال تذكرني بحال العروبه
الحبر غلق في بياض السجلات = والدمعه ما سجت عن الخد توبه
واللي يبا زود البراهين وإثبات = يشوف بالعالم مواري إعجوبه
وأنته وانا عشنا مع الحب لحظات = وبنيت قصر الحب طوبه وطوبه
وأسقيت زرعك من عيوني بدمعات = تذكار من عيني وروحي غدوبه
فرقاك ترسلي مع الليل شرهات = وأثرك على الفرقا طلعتي مغصوبه
أهيم في حبك من الذات للذات = والجرح بين والعواذل حكوابه
حتى وصل بالهرج ناقد وشمات = وكلن يزيف في كلامه إكذوبه
مخاوي مغني من الوجد آهات = وأنا أتفكر وش ورا هالعقوبه
وآحش قلب إحصده فتك الآفات = في حبكم يا زين شبت شبوبه
تبكي وجرحك بالحشا كيف مامات = وأنا أحسب إن زود الغلا شق ثوبه
قريت عشر آيات مع عشر آيات = وقمت أتذكر وش جرى في دروبه
بيني وبينك شبت النار و إسكات = وسوالف تربط شماله جنوبه
بعطيك من هرج الليالي مسرات = وشعر الملوح في وصاف محبوبه
بوضح النقا ما فيه غلطه وزلات = ترفعني نفسي عن دروب المشوبه
وأنا غريب في عصور الحضارات = اللي تحضرهم سخافه وكوبه
وإلا ردى صدور تناست لشيمات = وإلا ضعيف قام يملي جيوبه
بس الله أكبر يا زمان التفاهات = بعض المشالح ما سترت من عيوبه
القصيدة السادسة / بعنوان ( سم حالي )
ســـم حــالــي وغــم بــالـــي وتــم غــــالي لــو يغــــيب = وضـــاق جــوه وعــــاق نـوه وبــاق ضـوه كــل شــوف
أثـــر مــزنــه كـــر حــزنـــه و غــــر وزنـــه فالحــبيب = وشــد ليـــلي وســد سيـــلي وهــــد حيــــــــلي مــا يروف
مــا درابــي مــا جــرابي يــوم ســـرابي فــالمغـــيب = قـــمـــت أغـــــنــي كـــنــي جـــــني دق فــــنــي بالــدفـوف
قــال وشــبك قـــلت حبـــــــك قـال طبــك يـا طبيــب = عــطــني عــزه كـــــل حــــــزه فـــــــيهـــا رزه وإمـــعــروف
قـــال بعـــدنـــا ثـــم نشــــدنــا ولـك وعــدنـا بالنــديب = ميــــر عشـــنـــا وإبتلشـــــــنــا فــي وحــشنــــا يـــا مخــلوف
قـــلت قــصـــدك قــــال حـــدك مـــــا نـــلدك للــعـطيب = قـــلت نــقـوى كـــل هــقــوى لـــــو سقــــــــوى بالـــــرشـوف
منـــك جــمــره كـــنــها عــمــره عـندي تمــره او زبيـب = بـــس وضـــح لا نــــروح و الـــــبـــلح فيـــــــــــه القـــطـــوف
قــــال شــــاكــي منـــه بـــاكــي ولــو أحــاكي فيـه عيــب = قـــلت غــــالـي قـــال ســــــالي عــنــه جـــالي ومــخطـوف
قـــلـــت منــهــو قــــال نســـــــهو أو نلــهـو يـالبيــب = لا إتــعبــــر مـــاا إنتــــذكـــر ولا إتــــــــحيـــــر بالـــــوقـوف
جـــاني عــاني فـــي مـــــكــاني ثـــم خــــذاني بالنصـيب = وأنـــت غــــايب وفــــكــري خــايب والــحبـايب وسط خوف
وأنـــت ســــتري وأنت فــــكـري وأنت عــمري والطــليب = وأنـــت شــــوقــي وأنت مـــوقــي وأنت روقـــــي ومـعروف
قــــلت بحــــري وسـط نــحــري شــق صـدري بالــلهيــب = وليـــت إغـــيـابي فـــيه إنصــابي قـــــد رمـــــابي بالـحتـوف
قـــال أضــــمــك قـــلت أهــمــك قــال ألمـــك دون ريــب = أنــت مــنـــايه وكــــل غـــــايه وأحــــلــى آيـــه مـــع طيــوف
فــيك نــــــــحـلم و انـــت تـعلـــم ولا تســـــلم مــن قـــريب = قـــلت نـــااري فــي وجــــااري و إعتـــبــااري بالســـيوف
قــال ولـــعــنـــا ثــــم دمــــعــنــا ولك رجــعــنــا بالمشــيب = مـــير ودي بـــــــــاح ســـــــدي وبـــــان هـــدي بالعـــزوف
قــــلـــت عــقــــلي زااد غــــلــي ودق طبـــــلــي لـه يـا ذيـب = وكـــن جـــنـه هـــاض ســكــنه و قـــال فنــه أووف أووف
إيــــــه أحـــــبـــه وصــــف طبـــــه شــوق لــبه للــحــــبيــب = وســــــم حــــــــالي و غـــم بــالي و تــم غــالي وسط جوف
القصيدة السابعة / بعنوان ( الهوى غرب )
هـب الهوا في مهجتي والهوا غرب = يـباري الأفـكــــار نســناس نــدهـ
ذيدان فـكري لو تـزاحـمـ علــى شرب = تـشرب ضما من خافقي بحر جـدهـ
قـمـ يالـدليله إخـذ من هـاجـسي درب = بـعـد الصـلاه اللعب ما منه صـدهـ
سنـــد مع العتـبان حــول مــع حـرب = والضـلع ثـابت و البلا من يهـدهـ
إخـذ على الطـرقه رجـال لهـم ضـرب = بـأرض الجـزيـره بيـدوا كل شـدهـ
كرام الـلحى دام الـرجوله لهمـ طرب = واليـوم يــا قـل اللـحى بـــالأشــدهـ
حتـى المـليحه عـودت تتبـع الـجرب = والـــقرمـ لا بـد لـه يــلـزمــه سـدهـ
والبوسنه جاها إنتفاضه على الصرب = في وقـت فـيه السيف مثـلوم حــدهـ
عـقب العجاج أمـطار واليسـر للكـرب = والــوادي المــمطور ســـيله يلــدهـ
وأرض السلام تـعاف من يطلب الحرب = والـحرب مـن دون الكـــرامه نـــــودهـ
اللي إنوخذ بالضرب يرجع لك بضرب = و الخـوف مـا يسـكن نفـوس مـحـــدهـ
و الـــموت ما يترك ولا واحد هــرب = والكــيف لـه شــراب و اللاش عــــدهـ
مــن لا يزعـزع في حـياته جبل ثـرب = هــــذاكـــ لا قــــدي ولانــــي بـ قـــــــدهـ
مانـــي حـــمامه هـايمه تتبع السـرب = الـــحـــر لا مــنــه كـــفــخ مـــن يــــــردهـ
والــطيب له عـنوان فالبعــد والقـرب = والـــلاش لاش لـــو تــبــيـنــــت ضــــدهـ
الــقــرش مخــبـاك يــا مدرهـــمه ذرب = لـيتــه يـــروح بـــطـيب لــو شـــان كــدهـ
الــمرجـله شـيمه و قيـــمه و يـا رب = ســترك إلـى وصــل العـــمر جــال حــــدهـ
القصيدة الثامنة / بعنوان ( بدون نقط )
أهلا هلا وإعداد ما هل هملول = على محادر دار أسماء وحوله
أمس العصر أحد للعلم مسلول = لا حام حر له صكوك معموله
همل مطرها والرعد حل لحلول = هلال واحد هل لهلال حوله
لا دك لرعاد السما كل مرحول = صار السهر و الهم أركى حموله
أطلال هم كامله رس و محول = و الدمع سال و صادر العلم طوله
دور الهوا دوره طمس ود مدهول = وآالله أعلم كم دمع إهملوا له
حال الدهر لا حال حكم له عمول = لحد الحسام و حد مرمى و دوله
والود لا صدر و ورد على طول = هد السدود و هد حلم إحكموا له
ولا سال دم الكحل لا حول لا حول = لو هو حدر حدر الرحى ما إرحموله
مره أعد الحال حاكم له أصول = وأمرار هم أحاول أدمح وصوله
وأمرار طعم المر هو أكمل حلول = لا حطوا حر الود مع ورد لوله
سحر الرساله والمدد لإسم أمول = ولأطلال أسماء مح دهرها سهوله
إسلم و كلم مع هل الود معسول = و ملح الموده هطل أحلى هطوله
سم سرى للدم ومطالع الحول = ما عدلوا روحه على مصر هوله
لاح الحمام ولاع وإحداه معلول = و دور الموده ما لأهلها هدوله
محموم و موادع و واهم ومسطول = والراس صد لراس الأعدا صموله
حال محلحل والحلا معه مدلول = والكار حامد للودك مس رحوله
والعمر مردود على عد مرسول = والله هو الله مرسل أحمد رسوله
القصيدة التاسعة / بعنوان ( قالت تحب )
قالت تحب و قلت الحـب بلـوى = أنا أشهد إنه مـن كبـار البـلاوآ
فيه السهر و الدمع للعيـن سلـوى = و فيه الصدور تكـن هـم يـلاوآ
يعطب لك الأحوال يا طير شلـوى = و تحط عتيبـه و الطنايـا شـلاوآ
منه جلى قلبي عن الصدر جلـوى = و عني ضعون الحب راحت جلاوآ
ما هو بحول بريه و لا حول علوى = و لا هو من العجمان و ألا فـلاوآ
و لا سكن بديـار أبهـا و قلـوى = نزله قريب من الحـلا و الحـلاوآ
وآآكن قلبي منـه بالنـار صلـوى = و على جنون العشق يقـرأ تـلاوآ
له تستيغ الروح مـرن و حلـوى = على شعاب أهل النقـا و الهـلاوآ
يا زين يا مزيـون ألفيـن هلـوى = لك مبسم فيه العسـل لـه طـلاوآ
أنا عشيرك لا أظلم الليـل دلـوى = إليا رقـد راع الهـروج المـلاوآ
طيفك يشاركني ليا عشـت خلـوى = وأجر صوتي مع لحـون العـلاوآ
يا زين أنـا أغليـك و الله غلـوى = و إستنقدوني أهل الأصل و الخلاوآ
القصيدة العاشرة / بعنوان ( أهل ريم )
تــكــفــوون يــأهـــل ريــــم مـــــاا فـــيــه دااعــــي = مـــا أقــوى عـــلى فــراق المــحبيــن مـــا أقـوى
أســهــر وقلــــبي يحــــــترق بإلــــتـــــيــــاااعــــي = والــجســم كـــنــــه صـــــاايبه منــه عــــقـــــوى
تكـــفــــوون يـــأهــــل ريــــم والعـــمــر ضـــاااعي = عــقــَبــــت للفــــــرقـــــاا بفـــــنـــجــااال سقـــوى
أجــــر صــــوتـــــي مــــع حـــــمـــااام يــــلااعــي = أليــــن بــح الصــــــوت والــــحــــاال شقــــــــوى
تـــكـــفــوون يــــأهــل ريـــــم نـــوري شــعـــااعـي = اللـــي أتــــحــرى مـــنــه مـــــوعـــد ولـقـــــــوى
يــــاا ليــــتــني رااعـــــي لــــهــــم ثـــم أرااعــــــي = وأنــــاا علــــى مـــلـــه و ديـــــنــــــــي و تــقــــوى
يـــــاا ورد يــــاا تــفــــااح يـــاا لــــول مـــــااعــــي = بـــين الشــــفــاه الــــحــــمـــر بأوصـــاف نقــــوى
عـــليــــك أشيـــــل الـــــجــــرح يـــااريـــم ســااعـي = أخيــــط و أفــــتــق وأهـــقي الـــــطــب هـــقـــوى
يـــاا ريــم يـــاا دعــج العــــيـــون الــــوســــــااعـي = اللـــه و أكـــبــــر بــالمــفـــــاارق أبى أقــــــوى
أنـــــا بـــــشــــر والـــقــــلـــب مــــاا هــــو صنـــااعـي = مـــنـــك أتـــحـــــمــــل شـــــي و أحيـــــان مـا أقـوى
و تــــكـــفـــون يـــــأهــــل ريــــــم والــعمـــر طــااعــي = روابـــــعـــــــي بالصـــــدر تـــــرقــــى بــــرقـــوى
إمـــــا إحـــــكــــمــــواا بالخـــــــيـــر صــدرٍٍ يــــدااعــي = و إلا إتــــركــــووه أســــــيـــــر وبــاليــــد ثقــوى
القصيدة الحادية عشر / بعنوان ( اختلاف الدمع )
تبـــكــي ضمــــاا يــااحب وأبكــي أنــا جــــوع = بــس إخـتـــلااف الدمــع اصبــح وســيـــــله
عيـــنـكـ مثــل بــااقـي البـشـــر هـلت دمـــــوع = وأنــا دمــوعـي فــي ضـــلوعـي قتـــــيـــلـه
دمــعـــكـ ونــزفــي بيــن أرمــااش وضـــــلوع = وأحـــااول أســتـر خــــاافــي الجـرح حيـــله
أصــبحــت لــي مــرغــوب و امســيت ممـنوع = كــلــه ســبب شـــــــــح النفـــوس البـخـيــله
وأنــا الــذي مـــديـــت قــلــبي لـكـمـ طـــــوع = و ســـلــمــت لـكـ قلـــبي أمـــاانـه ثــقـــيـلــه
عـــلى عـهـــد مـــحــفــوظ بالــحب متــــبـوع = درب الشــــرف مــــعــروف مــابه فــشـــيـله
كـمــ وااحـــد قبـــلـي مـــن الحــب مـجــــزوع = و كـمـــ واااحـــد قبــــلـي تــــوجــد خـليــــلـه
يـــااا وجــد حـــالي مــن ســراا ليتل مهـجوع = وحـــــده يـــشـــــيل الهــمـ وهــمــه يـشــيـله
مهـــاااجــر عـن ديــرتـه عـــــــاامـ واســبوع = يــمــــش دمــــــعِ مـــــااا بــقــى ألا قـــليــــله
يـــذكـــر ثـــرااه ومــوطنــه واقـــرب جـمــوع = ودمـٍ أخـــــذ ذنـــبــه و لا هـــــو عــــمـــــيلــه
بهــــتـه زورٍ صــــــــااحب فيـــه مــخــــــدوع = هـــــــذاا و هـــــو أقــــرب صـــديـق يـعــنـيـلـه
يــــتــل ونــــــااتٍ تــتـــل الحــشــــااا لـــــوع = بــلا ســبــب كبـــــــــووه أهــــل و قــبيـــلــــه
مـــظـــــلـوومـ ومــغــاادر طــفــوله ومقـــلـوع = عـــن ديـــــرة تــبـــكـــي فــــراااقـــــه عـليــــله
عــــــااامـ يــحــووف الارض ولا لـقـى سـنــوع = غيـــــر الــــدعـــى يــالــلـه هـــمـــي تــــزيـــلــه
ويـــجـــااذب لـــذيب الخـــلا فــــــوق طــاالــوع = يــــاا ذيــــــب صفــقـــااات الـــــليــاالي مـــهــــيـله
يــــاا ذيــب مـظــــلومـ بـكــى غـصــب مـفـــزوع = و جــــوف الــقبـــاايل لاحــــقـــتــنـي هـــــزيـــلــه
يـــااا ذيـــب مــن جــور الـــزمـن مــا بــقـا نـوع = ألا تـــــــوطــــن فــــي حــيــــااتي نــــــزيــــــلــه
يــااا ذيــب رااســـي مــن صــتـخـر بس مصـدوع = يشــــــكــي مـــن الــــحــــرمـــاان والا رحــــيــله
عــــقــب المــعــزهـ صــرت فــي ذل وخـــشـــوع = وعــقــب الــكـــرامـــه صـــرت مــــااالي جــــمـــيلـه
أبــحــــث عـن الافـــرااح يـجــي خــــــبـــر روع = أمـــي بــكــتــــني كـــــل يـــــومـ وليـــــــــــــلـــــه
يــااا ذيــــب نــومي لـــو تـرانـي عـــلى كـــــوع = أقــــــااومـ لــهــــااجــوس شـــــــــطــر صقــيــــلـــه
بـــين الحـــنـــاايا تــــردف جــــمــوع بــجـمـوع = وحــــــااطــت عــــلـى قلـــــــــبي بجيشــه وخـــيلـــه
يـــاااا ذيــب دااري مــــالي منـهـا علـمـ ورجـوع = و الـــــــذكــــرى خــــــلــــــتني جـــريـد بنـخـــيــــله
يـــاااا ذيــب دمـــعــي دمــ والـــــدرب مقـــطـــوع = وجــــرح المـــــفـااارق زااد مـــــا أقــــدر أعــــيـــله
أجــــي و أعــــدي ضــلـع لــــــــــديــارهـمـ زوع = وتـــكــــــســـرنـي الـــــدمــعـه و أطـــيــح أنـــتـخيـله
يـالله يـــاااارحمـــن قــــلــبي غــدى قــــــطـــــوع = بــين الفـــــــرااق وذل و زور ومــــــــــــليـــــــــلــــه
أبـــــــغــى أتــســـلى مــــير أصبــحـت مـفــجــوع = شـــــــر اللــــــيــــااالي غـــــربـة جــــاااات مــيــلـه
أقــــسـمـ لــــهــاا ونـــاات مــثـــولــث ومــربــوع = وتــــقـســمـ لــــي الــــــوحـــدهـ بـــــرااس الــطـويلـه
أمـــســيــت لا ميـــــت و لا حـــــي مـــــطمـــــوع = مــــــاا عــــــنــدي ألا الــــذيـب صــــــرت أشـــتـكــيلـه
أجــــــــذب مـــعــه لا مـن قـــنــب قلــب يـــفـــوع = ويــضـــــربنــي الهـــاااجــوس بــحـــــزنـي واجـــيــله
أشـــــكــي مــــن الحــرمــان والــقــوع والــجـوع = قـــــوع البــــحـــور اللــــي أغــــــــرقتــنـي قــتــيلـــه
سهــــــمـ تـــــوجــه لــــكـ ولــكـ وقـلــــبي دروع = إن صــــبــتـه هــــــــااض الـــــطــير وإســمــع هــديــله
هـــــــذاااكـ حــــااالــي مــثــل حــااله يــا مـردوع = جــــفــت عـــــــــروق القـــــلـب و أجـــــــــرد محـــيلـــه
القصيدة الثانية عشر / بعنوان ( القطاعة )
القطاعه موج في بحر المشاكل =
ودام ما به مشكله ليه القطاعه
الجفا والهجر بالرسمه هياكل = رسمة لاحت على فكرك و طاعه
يعني لو تموت لا أشرب لا آكل =
كلها يومين و تنساك الجماعه
يا بشر لو إن عظامك من نياكل =
ما فقدتك الناس حتى ربع ساعه
و الصدى ياكل حديدك ويتواكل = كيف في قبرك بلا كبر و شجاعه
كم مصيبه دونها هم و ثواكل = ما أنت ند قدمها فتل و براعه
تحسب الدنيا على شانك تراكل = غرتك بالحسن و وصوف اللكاعه
ما دريت إنها على دربك نواكل =
طامع فيها وفي راسك طماعه
تلبسك بالغم وهموم وشواكل = دربك أخضر مير محصود الزراعه
الزمان أقشر و تفكيرك كلاكل = في مهب الريح ما فاده شراعه
تجري الدنيا مثل جري السياكل = تجري الأيام و الناس الوداعه
يا زمان تضحك بروس الهياكل = ما لنا في الضحك يا سن إستطاعه
القصيدة الثالثة عشر / بعنوان ( ضعيف حيله )
يا ورع أنا من صرف الأيام مبلي = ضعيف حيله ما معي حيله أحتال
في وقت فيه اللاش ممدود حبلي =
والقرم تقصر به يمينه و ينهال
إن درت للفنجال للاش قبلي =
عرفت من باع المناعير بريال
عساك يا وقت الصناديد وبلي = في هالزمن ما ينفع الطيب رجال
يموت ذكر القرم و يعيش هبلي =
أهم شي يكون في جعبته مال
تقطعت كل الطرق وين سبلي = إذا بغيت آمال تنطحني جبال
بس البلا الفقران قد مات قبلي =
و أثره طلع مقتول و الفقر قتال
معانق الحرمان و الهم دبلي =
يذوق منه المر و بالجوف سلال
لو كان سيف قاطع صار خبلي = دام الرصيد الثوب وشماغ و عقال
العز أصبح عبد في يديه طبلي = يضرب مزاميره و يضحك ويختال
وأنا إن بغيت أضحك زماني ندبلي = همي وإلى منه ذلف شفت غربال
تقدم الحصني على كل شبلي =
قد قالها اللي قد سبقني لها قال
ناس رمت للطيبه كل نبلي = وناس تدس الحق عن بعض الأمثال
و إلا أنت يا تفاق لا طبت طبلي = مدام بيتك فوق من فوق ما طال
خلك مثل برق تلاعج شبب لي = وجهك سحاب هل و الكف همال
وش لي بناس كان بعدي و قبلي = لسانها مشرط و قلوبها شال
حط بالتراب إسمنت ثم نصبلي = تمثال حريه سقط وأسقط آمال
القصيدة الرابعة عشر / بعنوان ( بدون نقط 2 )
أهلا هلا وإعداد ما سمع رعاد =
وإعداد ما عاد الصدى كل دوحه
لواحد دله على الروح رداد =
دلوه كما دلو الحسا وسط صوحه
أهواه و أرسم كل ما صار سداد = ومعه كلام الود محصول روحه
حلو حكم للروح إحكام حداد =
لصم مصككها على رصد لوحه
وده عسل حلو طعامه مع كاد = عطر دلكه و داح للراس سوحه
عمار لأهل الود لا عاد أو هاد =
وهدام لأهل الود لا راح روحه
لا لد صاده راح للعمر ما راد = على رحول العمر لا أهوى صروحه
حلو محله حل للصدر كداد = على أطلاله كل ساعه لحوحه
سال الدمع له دم و الدهر مرصاد = عصر الوداع و كل صحرا طموحه
سره و مره دمع دره درر صاد = حدر السما حول الحما له سموحه
أرسى حدود الود حامد و حماد = علم سداه الدهر لأعلى سطوحه
إهمال آمال الهوى مر و إسهاد = مما رأى الآمر لدوس مدوحه
لو عد عده عد ما عد عداد = ما أعد عده عاد لو عاد صوحه
مصادم للدهر أمرار و آحاد =
وأحلى موده لدها لد كوحه
القصيدة الخامسة عشر / بعنوان ( ضجت ولجت )
ضجت و لجت و إرتطم بالسما عج = وشالته إرياح الهوا جوف عاصوف
متحمل بغبار و الصوت لا ضج = كن الأذاني وسطها قصف و دفوف
تشوه البيدا على خافق سج = من العشا حتى الصبح جاك مكلوف
عمد تعامد و الفضا لجته لج = جبال تناقل جوفها رعب و صروف
يا رب أنا في خاطري للحرم حج = قبل الليالي تشغل الراس بضروف
مخطي و دربي تابعه وين ما دج =
بأول صباي ولحظة العمر منصوف
يا رب شفت أيام و أرسام و حجج = وشفت البشر أنواع وأصناف وحلوف
كم من هموم رمحها بضامري خج =
أتلى تلاياها قتيل تحت طوف
أسري و هاجوس الضماير معي رج = رج الخيول إليا إجفلت من سبب خوف
ماكل من شال القلم للحبر زج = ولا كل من يسهر مع النجم ملهوف
كم واحد شوك السدر ينتله شج = كنه على كبده يحوفه شقا حوف
أسهر وأناظر مشرق الشمس لا فج = و كم واحد قبلي سهر علته جوف
إخذ الخبر توكيد كنه جبل وج = من لايعه وقته عرف كل معروف
بشهب الليال المظلمه هج من هج = ومكتوبها ياتي على الوقت وتشوف
القصيدة السادسة عشر / بعنوان ( الفحاحيل )
يآجف قلبي مثل جف المحاحيل = اللي قضى ماها نهار المقيضي
على الذي شفته بسوق الفحاحيل = من شوفته و القلب جاله جضيضي
شيهانة ٍ تعبر بحور السحاحيل = ما والفت صقار و لا أحدن بغيضي
القلب مطحون وطحن الرحى حيل =
طحن سطي القلب يرجع مريضي
ورد تبع له كل نحل النحاحيل = وأنا أعشق الورد النقي بالمفيضي
بمدعوجها كحل ٍ يغيض الكحاحيل = ولثامة ٍ للعز فيها النقيضي
في ديرة ٍ عنها نويت الرحاحيل =
لعلي ألقى دار عنها تعيضي
القصيدة السابعة عشر / بعنوان (طويق)
يقول إبن دلبح على زام نحتوت = ضمر الليالي يابن أبوي أقبلني
نجومها لا حولت تسبق الصوت =
وعروقنا من بعدها يرجفني
طرقه وأعرف البحر في غبته حوت =
وأعرف علوم الباديه لا أوصلني
طويق فوق الأرض راسي ومثبوت = وإليا نطحته جاء حصاه إمتدني
إنفض شليلك وإعرف الشعر طاغوت = سبكه على حبكه بدبكه خذني
متجول شايل على متنه القوت = وحدود قافي بين إنسي و جني
وإليا تعرضني من الناس سربوت =
أمطره جمر لو يشوفه يوني
أعدي الأولى و للثانيه فوت =
و الثالثه يشتالها غصب عني
أجيبها من بحر سباحه يموت = موجه ضرب نص البلد حسب ظني
لوني أصد إحذر ترى الصدر مكبوت =
لا تجرحه و أبلشك من سوق صني
إليا ضربنا الضلع يجيك مفتوت =
و الروح لا راحت للأرواح غني
سم سقطري ذوق مالك معي توت =
خله معك جوف العظام إن سرني
أطرح عمود البيت ساطي بريموت = زر يفجر في جماجم رمني
وأنا ما أحشم كل صايع و مفلوت = حشيمتي لله ثم من طلبني
و إلا لأخليها تساقط براشوت =
و الأرض ملغومه على من بهتني
يا حر يا معود من الصيد كتكوت = ترى السما غارات غيبه تشني
من يبحث الخلات بالناس مبهوت = بكره تجيه صدوف بقعا تعني
الوقت مايصفي يا أبو فكر مشتوت = والطيب من كف المراجل يحني
ما هد لجدار الزمن نقش منحوت = غبر الليال فالزمن روعني
ولافاد في قلب الوطن سحر هاروت = و وش فايدة سني إذا طاح سني
خذها لا أسريها دبل ثم كبوت = و يموت نجر ما سمعته يدني
من طلقة البندق إخذ طلقتي شوت = لا تفتح أبواب الهياكل و تبني
بعض الوجيه إلها مقامات و سموت = و بعض الوجيه إفراقها بالتمني
وبعض الرجال بفعلها تلبس بشوت = وبعض الرجال مثل النسا لا أقبلني
ياللي في برد و حر مع مشلحك كوت
= شمس الحقيقه شوفها قبل فني
طراق من كف الزمن شلته بيوت = من لا هوى نجمه على القاع يدني
و الكبر يابن آدم على القلب ساحوت = الكبر لله و أنت إرتاح طعني
القصيدة الثامنة عشر / بعنوان ( راعي القاف )
هات القلم وإكتب وأنا راعي القاف =
للألف همزه وأسفل الباء نقطه
من خاطر صافي ومن فكر خطاف = لا جاب جاب العلم لو كان ورطه
عالي معلا ما حدر قاع صفصاف = سوقه ينافس سوق الأسهم وخطه
سحب تراكم جوفها برق وإرجاف = على الصحاري والبحر جاه هطه
ياهاجسي شلع على راس مشراف =
لو البحر مالح على الشط بطه
أشوف دورات الزمن ليل تنشاف = والصبح توحي لك مع الناس خبطه
من علمه وقته درى بحكم عراف = واللي جهل جاهل ولو زاد بنطه
ياذيب جاك الجوع في راس ما ناف =
ولا عندي يا ذيب الخلا غير حنطه
إقلط وأنا أعشيك ياذيب ما حاف = عذر الكريم ما جاد و ما جاد حطه
لو أنهب حوار المحرج أبو واف = أوفيه حقه دون منه و قطه
ياذيب سولف لا يجي العين ذراف = هات السوالف دون سطه و مطه
يا ذيب علم بالوانيتات و الهاف = من مر منها يتبعه جمس شرطه
كم واحد للحق و الطيب وقاف = وكم واحد دون المواقيف سقطه
وكم واحد آمنك وكم واحد خاف = وكم واحد همه على الرجم نطه
يون من جور الخطا مثل الإسعاف = وأنت تعوي لا شفت لليل هبطه
بأصلي المغرب على الضلع وإخلاف = الليل نسري بأسود غط غطه
نضرب على الدنيا بتصريح من عاف = أقشر على القشرا و قشرا تنطه
ما شفت فيها غير هموم وإتلاف =
وجرح تزيده سود الأيام شطه
لا نمت صحاني من النوم هرجاف =
ولا قمت قال العفش بالله وطه
نذوق علقمها مع مر وإزعاف = و لو نرفضه بقعا علينا تقطه
درست فيها وأصبح العقل خفخاف =
ماهي دراسة من يشيلون شنطه
تقطع بها الأرحام يا عمر قصاف =
وكل على الغافل يخطط لخطه
يومي لها الجاهل على الخد صراف =
يبى لها حبه وجاته بلطه
فقير أفقره الزمن فقر وإعجاف = وغني أغناه الولي وشاف غبطه
يبست غصون ولا بقى غصن غرياف = في وقت بين فيه باسه و قحطه
سوالف أول روحت تبع الأسلاف = والقيض يشكي من برادك ياشبطه
ياللي تشيل الحمل إثقال وإخفاف = فرعون عادى بين شعبه وقبطه
دنيا تقيد يد و تكتف أكتاف = وفي دبرة الله لو تجي ربع إقطه
يالله يا رحمن يا منزل قاف =
القلب شب بخافقي شب أرطه
إبرج لعبدك قد مشى كل محراف =
وعرف دروب بين بيضا ورقطه
أنت الذي منزل تبارك و الأحقاف =
ترزق فقير باسط إيديه بسطه
أمرك يتم و بادي الأمر بالكاف =
كاف وبعدها عالي النون نقطه
القصيدة التاسعة عشر / بعنوان ( جحافل الهموم )
ما لوم عين ن سبات النوم فارقها = من سبعة شهور نوم العين قطاعي
لا غابت هموم صاحت مع مشارقها = كنها جحافل تسوق الشر بأنواعي
إذا غفينا صحينا من مطارقها = لو تضربه بحجر جاله تمزاعي
ما لها بديل يا كود الدمع غارقها = وذنب الرعيه يشيله من هو الراعي
سبة غزال نظر عيني يسارقها = من سبت الأقدام حتى الخد لماعي
وآكبدي اللي بعد فرقاه حارقها = دم يفيح عروق القلب بأوجاعي
أسري مع الهاجس اللي جاك طارقها = وأضوي مع الهم و الغربال مرتاعي
في غربتي ما حسبت اللي يأرقها = لو أحسبه ضاع عمر ما بعد ضاعي
يا عود ريان شف نفسي يمارقها = موج المحبه بلا بابور و شراعي
يا نور عيني شعق للمزن بارقها = والعين هلت دموع ما لها داعي
الروح راحت و سهم الحب خارقها = جرح تجدد سبب فرقاك وإلتاعي
في نحر الأيام نذهب في مدارقها = ننحد على الضيق يوم الناس بوساعي
القصيدة العشرين / بعنوان ( ول يا رفيق )
يالله يا رب السما والأراضي = يا عالم غيب البشر غيب الأقدار
أنت الذي بين المخاليق قاضي = وأنا بعفوك لا يجي جلدي النار
كم ليلةن ماني بيم الغماضي = أقاوم هجوس ن لها عام تندار
يتلني معها سواد و بياضي = وأومي لها شماغي على شبة النار
ول يا رفيق قال مانيب فاضي = ولا نشد عن صاحبه ويش الأخبار
من أول مثل الذهب ما يعاضي = واليوم يبتاعه على أقل الأسعار
دنياك لو كانت زهور ورياضي = لا بد ما تتبع حلاوتها الأمرار
خلك على المقسوم قانع وراضي = والدنيا دواره على كل دوار
عش حاضرك وإترك عنا كل ماضي = ولا تبدي علومك إذا قيل وش صار
ولو تقضي العازه تزيد المقاضي = ولا يقضي الحاجات يا كود جبار
سود الليالي بينت كل غاضي = بصدور ناس تخفي أخبار وأسرار
صوت الرعد نسمعه والبرق ناضي = لكن ما شفنا على الدار الأمطار
الدهر ميراده على كل حاضي = والناس عبار على درب عبار
واللازمه خلها لقلب إنتفاضي = من التجارب قاطع كل مشوار
القصيدة الواحد وعشرين / بعنوان (من الحيا)
إهداء للأخ عادل زايد الدلبحي
من الحيا مبطي عن إرسال الإرسال = يا مسندي يا قوتي يا حزامي
ألين ضاقت بي ثيابي و الأحوال = وجيتك وأنا مكسور كسر العظامي
جيتك أعرف الدار حل ن وترحال = وأصبحت جاهل في الخبر و الآسامي
مثل الغريب اللي نظر يم الأطلال = سالت له الدمعه ورد السلامي
وراح يتهشم بالصدر ألف ولوال = من بعدها ونه لها الموت قامي
تعرض على عيونه قديمات الأجيال = ويومي براسه عقب شاف الحطامي
بعد الله أكبر يازمن وش ذا الحال = راحت حياتي كلبوها عدامي
شربت من كدر الزمن ألف فنجال = وغيري على فنجال وحاله تمامي
أصبح على همي وأمسي بغربال =
ومنصاي لله غايث كل ضامي
ثم زبنت اللي على الطيب مدهال = مثل الجبل شامخ كما ضلع زامي
حر ولد حر على شمخ الأقذال =
تخمر طيور الجو لا قيل حامي
من قوم لها بالمجد صوله وتجوال = عادل إبن زايد رفيع المقامي
وأبدع مثل من قال في زين الأمثال
= قول بديع فيه جزل الكلامي
إن عشت ياراسي لك شماغ وعقال =
وإن مت ياراسي فداك السنامي
ذخيرةن عند المواقف و الأفعال = نوره مثل نور القمر بالظلامي
بحر علا موجه بلا ساحل وجال = بحر ملاه الطيب و الموج طامي
الدلبحي للطيب رجلي و خيال = عادل على الفزعات حر قطامي
أنصاه حيث إنه على الطيب نزال = صميدع صنديد مطنوخ سامي
طناخته بالراس ماهيب بالمال = طحطاح للوقفات مثل الغمامي
شعشاع براق على الطيب همال = وتبادله عسر المواقف غرامي
طلبته الفزعه وفعل مثل ما قال = هو سيفي البتار وقت الخصامي
يا عزوتي لو قلت من عم من خال = أنا أشهد إنك عز خال وعمامي
عادل إبن زايد على عز وإجلال =
دق الصدر ثم جابها بالتمامي
أبيض وجه للكايده مثل زلزال =
في ماقفه معروف نادر عدامي
تعجز يديني شكر ولاني بمحتال = ألا الدعا لأهل الوجيه الكرامي
وإلا الردي يرتاع في ضي وظلال = لو تنغزه بإصبعك جاه إنهزامي
واللي عقد للحبل لا بد حلال = والقاف له مرمى وأنا له رامي
أصخره وأوزنه مثقال مثقال =
وأنحته نحت جبال سود التهامي
وأجيب من شعري وما مر بالبال =
بيت ن ختامه مثل مسك الختامي
سود الليالي مغربلة كل رجال = غربالها يزداد في كل عامي
وصلاة ربي عد ماهل همال =
وإعداد من لبوا بشهر الحرامي
القصيدة الاثنين وعشرين / بعنوان (ضحك و فراغ)
ما يجيك الصيت ألا من تعب =
ولا يجيك العز من ضحك و فراغ
ولااا تقص السيف عيدان القصب = والحكم من قلب و لسان و دماغ
هدهد سليمان في راس الهضب = ولا على المرسول ياا كود البلاغ
لا تلد العين في عيار الذهب =
دنيتك كالسلك في هل الشماغ
لا تغرك ضحكتك عقب الطرب = وآ عذابك كان رآغ الوقت رآغ
ما عرفت الريح لا هب المهب = طاغيه والرمل وسط الريح طاغ
الكرامه دونها سيف و غضب =
وكل شي ضدها مكتوب لاغ
ردت المعروف في فعل وجب =
المروه شيمتي و العود صاغ
إحفر الخندق على الماضي و كب = كل جواب تحسبه ما يستساغ
العقل مقدار و الله قد وهب =
التفاوت بين ألوان الصباغ
وأرجو أن تكون قد نالت قصائد
الشاعر / غربي العتيبي
على القليل من إعجابكم
وترقبوا ديوان ( غربيات 2 ) 
« آخـــر الـــمـــشـــاركــــات »
13-Jul-2008, 02:49 PM
ديوان الشاعر / غربي بن غلاب بن حجي الدلبحي العتيبي ( غربيات 1 )
العرض العادي
