شاعرً ملك من الا بداع الشي الكثير كون لنفسه مدرسه خاصه به ومستقله
اطلق عليها مدرسة ((شبيه الورد )) بزغ نجمه منذو ضهوره على الساحه الشعريه
اوجود نفسه بين زخم الشعراء وبقوه كون له قاعده جماهريه لا ترضا الا بعدالله السميري
ابحر في بحور الشعر لكي ينتقي لنا الجواهر المكنونه
واليكم اعزائنا أعضاءمنتدى الهيلا وزواره هذه الجواهر الفريده من نوعه
قصــــــــيدة الابــل
جعل الخيال الي تكاشف بروقه=
المملكه يسقي ثراها سحابه =
ينشي مغيب وقدرة الله تسوقه=
يحمل زضاه وخالي من عذابه =
يضفي على شبه الجزيره حقوقه=
نوخشومه تشتبك في عقابه =
ويصدق على نجد المطنخ صدوقه=
تسيل وديانه ويروى ترابه =
يقض رمله من طوارف عروقه=
وينزل خفاف الحصى من هضابه =
خمسة عشر ليله وتنتب طروقه=
والعشب يكسي بالخضار الدعابه =
تلقى البدو في نجد برقا وروقه=
وخنذف ومعهم من قبايل شبابه =
تشوفهم كلاً حلآله يسوقه=
في روض أخضر يسعد اللي مشابه =
كل بدوي يمشي على شف نوقه=
يتبع هوى أبله لو يطول غيابه =
أبله مغاتيراً نضرها تشوقه=
خوات أبو واوصافهنه تشابه =
وضح عليهن الكبود محروقه=
من دونها الرجال يرخص شبابه =
وضح على صوت الموده شفوقه=
ليا صاح راعيها يجيها طرابه =
واليا بطح ما حدً طمع في لحوقه=
مشيه يضيع هقوة الي هقابه =
وبقدرة الحي العزيز مخلوقه=
الحكي يعجز وصفها ماوفابه =
والا مجاهيمً كلامي تفوقه=
اوصافهن سؤال من غير أجابه =
سود تقول أرقابهن محلوقه=
ووجيههن تشبه وجيه الذيابه =
ليا أرزم جملها تجتمع ولف فوقه=
كن الفحل فالذود ريس عصابه =
الضيف فأدناها يحصل غبوقه=
عقاير الي جاير الوقت صابه =
عند البدو وأهل الحلال معشوقه=
دايم وراعيها عزيزً جنابه =
والامعه شعلاً خطاها سبوقه=
مثل الذهب والا عنه بالنيابه =
أغلى من الدم الحمر في عروقه=
من دونها الموت الحمر مرحبابه =
مال الزبون بقيمة الشعل طوقه=
مثمونها كل الزباين تهابه =
كسبان راعيها وربحان سوقه=
يحسب حساب أبله ويحسب حسابه=
كم شاعرً منها تحرك خفوقه=
نالت أستحسانه ونالت أعجابه =
والا بذودً صفر وأبسط حقوقه=
للمركز الأول يتم أنتخابه =
ماله حلي غرب البلاد وشروقه=
ذودً خيار وحظ راعيه جابه =
قدامهن العشب ماحداً يذوقه=
والماء هن أول من يغثبر شرابه =
ليا سرحن من يم هضبة خنوقه=
يمسن بالراحه حبر والغرابه =
وليا شافها المشتاق يزداد شوقه=
وأن شافها العاقل يضيع صوابه =
هذا هوى بالي وشفي وذوقه=
لابوه ذوقً غيرها ويش أبابه =
ليا سقتها معيه طحاطيح روقه=
ربعً لهم فالأرض قدر ومهابه =
عدوهم مايدخل النوم موقه=
ورفيقهم ينسى الحزن والكآبه =
وأنا من الي عهدها ماتبوقه=
الاد سامر لآبة وسط لآبه =
رجالنا يمنا عطاه مخروقه=
سيف يكفي سلة عن نصابه =
وأختامها يارب عبدك ونوقه=
من الدعى وأنته عليك الأجابه =
الـــــــــعرب والـــــــــقــــــــدس
سر ياقلم واكتب ابيوتٍ من غضب نسقتها=
ابيوت لو ماهي قمم خليتها تطلع قمم=
باجمل لغه وثقتها باحلا لغه طوقتها=
وثورت بركان التحدي والزلازل والحمم =
كتبتها في وقتها وارسلتها في وقتها=
وضمنتها علم وخبر وابلغت هيئات الامم=
ان العرب يد واحده لو الدول فرقتها=
اخون في الاسلام والدم والمبادي والذمم =
وان العرب ساس الوفا والصدق لاصادقتها=
ماينقضون العهد والميثاق عالين الهمم =
وان العرب والقدس عمله نادره مابقتها=
ورثٍ ورثته من رجالٍ كفو ماهو من رمم =
ولأمينها الدايم شرحت السالفه والحقتها=
ترا التكر والعلو والارتفاع من الشمم =
حنا عرب واصحاب حق وكلمتي سوقتها=
واللي مايسمع كلمتي ياجعل سمعه للصمم =
يا شــــــهـــــــــرزاد العرب
ياشهرزاد العرب ياشمعدان العجم=
انا من الغره الشقرا مصابي جلل =
تعال ندخل سوا جو الهوى ننسجم=
ليه التفاكير ليه الحزن ليه الملل =
دامك نجم فالجمال ومعك شاعر نجم=
يصرف جنيهات من شعره مايصرف هلل =
ننزل من اعلى رجم متعه ونرقى رجم=
مانغبط اهل القصور الفاخره والفلل =
ارجم هموم الحياه خلاف ظهرك رجم=
والبس من المتعه اجمل ثوب واغلى حلل=
والصبح سولف وحدثني عن اللي نجم=
وردد معي yes للراحه و No للكلل =
ماقول من شاف زينك في الضحى ينجم=
اقول من شاف زينك صاب فكره شلل =
انت بمساحه حياتي تملك اكبر حجم=
شيدبها برج وابن بها قصور وفلل=
ربـما أو ربــما
يا بنت حبك شاربة لي عام وأكثر شرب ماء=
واليوم حبك ثالث الاثنين دمي و النسم =
يا بنت حبك في فياض القلب وارجومة نماء=
أكمل نموه وانتقل فجأة على كل الجسم =
الحب يجري في القلوب العاشقة جري الدماء=
الحب يحرج مهجة العاشق ويآسمها وسم =
الحب بلوه معشر العشاق معميهم عماء=
الحب سمٍ سم حالي وأنت زت السم سم =
كنت احسب ان الارض تقبل مايطيح من السماء=
والارض في وجه السماء من ظلمها ماتبتسم=
السالفه ماعاد فيها ربما أو ربما=
أخذ القرارات السليمة واحسم الموقف حسم=
اما كما كنا سوا نبقى سوا والا كما=
قسمت لي قسمٍ من التعذيب تاخذ لك قسم=
ياشينها تذبحني المويه وانا ميت ظما=
وادهى وامر انك تخون العهد لآديت القسم =
جيتك نويت ارميك في حبي لكن الله رما=
قلبي بحبك وامتلكت القلب يوم الله قسم=
عطني غلاك برغبتك وارضاك ياظبي الحما=
واطلب حياتي كلها وقول حاضر سم سم =
أبـــوي و أمــــي
مسموح ياروحي اذا اخطيت مسموح=
منك انت بالذات الخطأ مايهمي =
انت الذي حبك يسيطر على الروح=
يستوطن عروقي ويسقييه دمي=
ماغيرك انسانً له القلب مفتوح=
حبك مثل حبي لأبويه و لأمي =
ماهب حب اهداف واضحوك وامزوح=
حبي لك يستحوذ على كل همي =
حبك حكمني حكم لا أجي ولا أروح=
حتى حرمني لا أخطب بنت عمي =
وأن كان حبي لك على غير مصلوح=
قل لاني بيمك ولاأنته بيمي =
ماأبيك تجرحني وأنا منك مجروح=
وأطلب دؤاي ومطلبي مايتمي=
يرضيك أجاوب نايح الورق وأنوح=
وأسهر ودمعي فوق خدي وكمي=
والا يصير أمري مع الناس مفضوح=
وأطيح ما واحد عليه يسمي =
عليك جاه اللي بجاهه نجا نوح=
تتعوذ الشيطان وتلد يمي =
وأن كان ناوي تطلع الروح وتروح=
أسلم وسلم لي على أبوي وأمي =
مــاء عيــــــني
قولوله ,اللي ذبحني ذبح , قولوله=
يكفيني ,اللي حصلي منه , يكفيني=
يبدوله ,اني نسيت العهد, يبدوله=
ولا ناسيني, خساره كان, ناسيني =
معقوله, الخل ينسى الخل, معقوله=
ياديني, ودين دين اللي على, ديني =
وشهوله, احلف واقول اغليه, وشهوله=
وعيني, ماء عيني عليه تغار من, عيني =
من طوله, اللي تبيه النفس, من طوله=
من بيني, وبينه اللي بينه, وبيني =
بسهوله, اللي يجي ويروح, بسهوله=
يغنيني, اللي خلقني عنه, يغنيني =
مقفوله, ابواب قلبي عنه, مقفوله=
ويني, ووينه وهو وينه وانا, ويني =
قولوله, اني عزيز النفس, قولوله=
ديني, وديني يادين اللي على, ديني=
همــــزة وصــــل
يابشت الغيد همزات الوصل في يديك=
بيني وبينك ياعيني خل همزة وصل =
ارجع مثل قبل الي منك ومني ايليك=
وراك لك وقت لاتاسل ولاتتصل =
وانا ابرك ايام عمري كلها يوم اجيك=
واسعد حياتي اذا قالو حبيبك وصل =
من كثر ماغليك ابيع الي معي واشتريك=
ومن كثر ماهواك عن كل البشر من فصل=
ومن كثر حبي عليك اغار من والديك=
واحقد على الطالبات الي معك في الفصل=
لي عام كامل وانا افكر وسرحان فيك=
تدري بعد كل ذا التفكير ويش يحصل =
اقرر ابكي على الي في وابكي عليك=
واصبر وهمي معي طول السنه متصل =
احبان لاقلت ياحضي خيالي نسيك=
اتخيلك في عيوني صورتين واصل =
تعال قابلك ياعمري بعمري شريك=
تبيني اعطيك وصل اعطيك عادي وصل =
ماتوقع اني بيوم اقول معاد ابيك=
وانا الي اشفق على كلمتك يوم تحصل=
نذرا عليه لو الي منك جاني يجيك=
لتبيع باقي حياتك لو بخيشة بصل =
اقول لك شي اقول الله بس يهديك=
والا انت يومك سنه واسرع دقيقه فصل =
حـــصــة
ياكتاب عمري وعنوانه ويانصّه=
اخذ الجسد خاتمه والروح عنوان =
واقسم على اثنين قلبي قسم مع نصّه=
خذ نص فهرس .. ونص اجزاء وبيبان =
ياللي مزاياك بالتعذيب مختصّه=
عذّبني احيان .. بس ارحمني احيان =
في الحالتين انت فيني صايدٍ خَصّه=
قل ليه ؟ أقول لْك بأن الوضع خربان =
حبّك ملكني خلاص وخربت الرصّه=
لو ما أنت سلطان .. بس الحب سلطان =
درست في مدرستك أربع مية حصّه=
وخليتني ملك بايدينك على شان =
اضحك واجاملك لو مدري وش القصّه=
واصير غلطان لو ماني بغلطان =
قدرت مني حماس القلب تمتصّه=
بديت تكسب رضاي ان كنت زعلان =
وقدرت تقطع شريط القلب وتقصّه=
وانا اتفرّج واصفق لك وفرحان =
على عماها وانا مدري وش القصّه=
ماني بغلطان .. لا مليون غلطان!=
البارحه كلمتني بنت مبليه
البارحه كلمتني بنت مبليه=
معاملتها صراحه معي تعبانه =
قالت كيف الحال قلت اهلين يابنيه=
قالت بغيت البنات وقلت غلطانه =
قالت بلاشي دلع ورح ناد بدريه=
وان كانها نايمه صوت لسلطانه =
قلت بصراحه ترى حنا عزوبيه=
والكل منا يابنت الناس في شانه =
قالت تغشمر وقلت احكي بجديه=
انا رجل والرجل ممسوك بلسانه =
قالت ابسولف معك لو تسمح شويه=
تراي قبل اتصل بك كنت طفشانه=
قلت اهرجي معي زين وصفي النيه=
وانا ابسولف عليك بنيه زانه =
قالت بغيت اسالك وش بعد سوريه=
والهند كانك ذكي وش كثر سكانه =
قلت بصراحه ماعرف الا البجاديه=
واعرف من حد مكه لين غيلانه =
قالت تحب قلت احب اللي حواليه=
واحب ربي واحب الكنج واخوانه =
واحب ديني واحب ارض السعوديه=
محبة ماعطاها الخل لخلانه =
قالت بضحكه ليه اخلاقك تجاريه=
اصلا انا يوم ادردش معك خسرانه =
وانت بدوي ماتعلمت الرومنسيه=
كل بدوي حياته مالها خانه =
قلت اسمعي زين ان كنتي طبيعيه=
لكن اظنك يابنت الناس .... سكرانه =
انا بدوي ماحنيت الراس موليه=
الا لربي عزيز الجاه سبحانه =
انا بدوي تفتخر كل العرب فيه=
انا بدوي يموت العهد ماخانه =
حنا بدو بدو بدو ان ثارت الهيه=
نثبت ليا خالط البارود دخانه =
حنا بدو لنكشف ستر السنافيه=
يفرح بنا اللي خذو ذوده بحيرانه =
حنا بدو ان كوينا ننضج الكيه=
يفرح بنا اللي يشوف الضيم باعيانه=
حنا بدو بدو دايم نارنا حيه=
نزعل ليا صك راع البيت بيبانه =
حنا بدو لالفو من بعد طرقيه=
نفرح بهم فرحه الغايب بورعانه =
ياللي تقولين بدو اقول يابنيه=
الاصل حنا وعز البيت سيسانه =
من كمـك الى كــمك
كان انت من سوق الاسهم فايرٍ دمك=
انا على شان عينك رايحٍ فيها =
انا اسهر الليل افكر وانت ماهمك=
الا الاجازه تفكر وين تقضيها =
من قدك الملح خالك والحلا عمك=
والحاجه الي على بالك تسويها =
والزين كاسيك من كمك الي كمك=
هبلت بالناس قاصيها ودانيها =
وانا على همّ وقتي شايلٍ همك=
وازعّل الناس لعيونك ولا أرضيها =
ياقرّة عيون ابوك .. اصبي عين امك=
النار ماتحرق الا رجل واطيها=
ليــه من غير لـــيه
الصاحب اللي ملكني بالهوا والغرام=
بالله يااهل المنامه سلمولي عليه =
ردوا سلامي على اللي يستحق السلام=
اللي شراني وانا مثله مشتريه =
الصاحب اللي معي مخلص رفيع المقام=
يحبني حب من قلبه وانا اموت فيه =
من فضلكم قدروه وزودوه اهتمام=
عطوه مايطلبه منكم ومايشتهيه =
خلي يحب الهدوء ويموت في الانسجام=
حاكوه بااسلوب طيب والخطا لا يجيه =
خلوا سواليفكم قدمه باأدب واحترام=
ولاتسألون الحبيب الا سؤال وجيه =
ولياتكلم لااحد منكم يرد الكلام=
خلوه يكمل كلامه ليه من غير ليه =
خلي كلامه ومنطوقه على مايرام=
كأن العسل يوم يتكلم على شفتيه =
والله ماادري بعد فرقاه وشلون انام=
همي ذبحني وقلبي شبت النار فيه =
ياناس لاتلحقون اهل المحبه ملام=
من لامني في المحبه والله انه سفيه=
ياناس كسر الخواطر والله انه حرام=
خلوني اعيش جوي؟ليه من غير ليه=
دمــــار شــامل
في أبها عسير العام في الصيفيه=
الأرض خضراء والمطر يتهامل =
في سكتي صادفت خوش بنيه=
الحسن فيها والحلا متكامل =
بكل طيش تمارس الحريه=
تمشي دلع وتفرقع الانامل=
من عفوها تتصرف بعفويه=
ومن كبريائها ماتعرف تجامل =
ومن الغرور تحارب الحنيه=
وبكل عنف مع البشر تتعامل =
قلت بسببك الشعب راح ضحيه=
خافي من الله فيه ياأخطر عامل=
شبابنا عزاب و زكرتيه=
اصغر مخيم فيه فوج كامل =
قالت شايفني قنبله ذريه=
قلت بصراحه لا دمار شامل =
« آخـــر الـــمـــشـــاركــــات »
05-Jul-2008, 07:34 PM
عـبـدالله الـسـمـيـري
العرض العادي
