بسم الله الرحمن الرحيم
مشرفي وأعضاء وزوار هذا الصرح الكبير
السلام عليكم ورحمة الله وبركاته
كما نعلم أن قبيلة عتيبة تحتضن العديد من الشعراء الكبار في الساحة الشعبية وبقت أسماء هؤلاء الشعراء كرموز يشار لها في محيط الشعر والأدب
ولهذا أحببت أن أنقل لكم ديوان احد هؤلاء الرموز الذين تفتخر بهم القبيلة في مجال الشعر والأدب
شاعر تمتاز قصائده بالقوة والرصانة في اللفظ
تمتاز بالجزالة والإبداع الأصيل
هو الشاعر العلم والشاعر الكبير/
نجر بن فيصل العصيمي العتيبي
هذه القصيدة للشاعر نجر بن فيصل العصيمي في صاحب السمو الملكي الأمير / خالد الفيصل ال سعود عندما كان أميراً لمنطقة أبها
ســـلام يـــا امـيــر دعـانــا وجـيـنــاه=دعـــوة تـعــارف والنـشـامـا جمـعـهـا
شاعـر ويشـعـر فــي كــلام بدعـنـاه=واليـا بغـى صـعـب القـوافـي بدعـهـا
وكــل الـعـلـوم الطـيـبـه مـــا تـعــداه=نسـمـع عـنــه وعلـومـنـا يستمـعـهـا
ولـه موقـفٍ يصعـب علـى مـن تمنـاه=وحـب الوطـن بقلـوب شعبـه طبعـهـا
غيث الجنوب اللي علـى ابهـا نثر مـاه=امطـر علـى اشجـار الجنـوب وزرعهـا
خـالـد وابــوه الفيصـلـي ذاك مـجـنـاه=الـلـي رقبـتـه لـلــدول مـــا خضـعـهـا
وياخـذ مـن الـراس المحنـك سجايـاه=راس الفـهـد عــز الـريـاض وسنـعـهـا
فـهـد فـهـد تستـاهـل الـمـدح يمـنـاه=وقـلــوب عــدوانــه تــزايــد وجـعـهــا
مـن هيبتـه يحشـم وتحشـم رعـايـاه=عــيــنٍ يـداويـهــا وعــيــنٍ فـقـعـهــا
وصــوت ومـشــروع الـتـعـاون تـبـنـاه=وصفوفـنـا بـيـن الـعـداء مــا صـدعـهـا
وابـوه قبلـه سيـس الحـكـم وارســاه=وحـول علـى روس السبـاع وسبعهـا
عبدالعزيـز اللـي خضـع نـجـد لحـمـاه=طـيــب وكـــل الـطـيـبـات اخـتـرعـهـا
والذيب يشبـع فـي صباحـه ومسـراه=والـنــاس تـتـبـع جـرتــه مـــا تبـعـهـا
يـا بعـد تفكـيـره عــن الـنـاس بـعـداه=مــا ينـخـدع لسيـاسـة مـــا بـدعـهـا
وشـبـه الجـزيـرة بالـسـعـادة تـحــراه=وركــايــز الاتــــراك مـنـهــا شـلـعـهـا
وحـكــم بــشــرع الله ونـفـذ ومـشـاه=والبـدعـه الـلـي تنـحـرف بــه منعـهـا
حـكـم بـعـدل وسـلـم الـعـدل لابـنـاه=امـانــة مـــا مـنـهـم الـلــي قطـعـهـا
وفيصل واكرر فيصل العرب مـا انسـاه=كــم دولــة اســـلامٍ فـقـيـره نفـعـهـا
يمشي مع المحتاج لو طـال ممشـاه=وبـاب لقضـاة العـدل فــي مجتمعـهـا
شعـوبـنـا تـبـكـيـه والـعـيــن تـنـعــاه=والقـلـب حـسـرات الـمـراره جـرعـهـا
ودايــم خــدم عـمـه ونـفــذ وصـايــاه=وطـــور مـشـاريـع الــبــلاد ورفـعـهــا
خـلا غـريـب الــدار يسـلـى وينـسـاه=مـصـيـف يـرجــع لـلـقـلـوب بـولـعـهـا
ويمشي باامان ومن بغى الحق يلقاه=والسـيـف لاصـحـاب الجـرايـم ردعـهـا
سيـف العدالـة يوصـل الـحـق مـجـراه=واضعـاف الانفـس ردهـا عـن طمعهـا
هذه ارمـوز السيـف والسيـف شفنـاه=سيـف الــي شــق الجريـمـة رقعـهـا
وابهـا يباهـي فــي جمـالـه ومـحـلاه=مـثـل الهـنـوف الـلـي تـزايــد دلـعـهـا
تلـبـس دلــع وكـفـوف يـدهـا محـنـاه=والـلـي يبـيـهـا بـالــردا مـــا خـدعـهـا
وعشيـرهـا راس الـفـهـد لا عـدمـنـاه=وارجالـهـا فــي حــزة الضـيـق معـهـا
وعسيـر فيـه الخـيـر والامــن بـارجـاه=ولــو تنصـنـع طـيـب العـوايـد صنعـهـا
هــواه يكفيـنـا عــن الـغـرب واجـــواه=وسفيـنـتـه عـبــر الـتـقــدم دفـعـهــا
دار الـعــرب دار الـوفــاء والـمـســاواه=شجـرة وفــاء وعروقـهـا مــن فرعـهـا
نعـم الـرجـال الـلـي تعـيـش بـزوايـاه=نـاس علـى الشيمـة سـريـعٍ فزعـهـا
شيمة عرب ساسـه وراسـه ومبـداه=وقـــام يـتـقـدم والـعـوالــي طـلـعـهـا
وختـامـهـا مــنــي تـحـيــة ومــهــداه=لـلــي دعــانــا والـنـشـامـا جـمـعـهـا
وهذه مساجلة بين الشاعرين العلمين /
عبدالله بن نايف بن عون ونجر بن فيصل العصيمي
قصيدة عبدالله بن عون
يا نجر انا حاولت اجنب هوا الغيـد=وعيت يدي لا تنطلق مـن شعفتـه
وعمرت له بالنفس يا نجـر تخليـد=لعلي اقضي ما بقـا مـن حسفتـه
أثر العرب معهم مـع العلـم تاكيـد=عـودٍ قسـى ماتنتـعـدل هدفـتـه
وبالصدفه اللي ما سبقهـا مواعيـد=وفالموقف اللي ليتنـي مـا وقفتـه
عرضت شناح الطول مسلو به الجيد=اللي بهـا مـن قايـد الريـم لفتـه
يانجر عـادت لـي ليـال التواديـد=واحيـت بقلبـي ذكريـات شعفتـه
ومن عقبها ذقـت العنـا والتناكـي=دوسهر الليال اللـي يطـرا عرفتـه
واليوم ابا ارفع لك من العلم تسنيـد=حيث ان رفع العلـم يبـرد حسفتـه
يالشاعر اللي مـا تـدوس المناقيـد=وصرح الكرامه معتلي فـي شرفتـه
ويوم اني اسند لـك وافنـدك تفنيـد=قـدام ذا جربـت غيـرك وعفـتـه
ماتنتـنـوخ للحـمـول المفـاريـد=وجنيف انا وش حاجتي في جنفتـه
يانـادر مـا فـي هـدادك تصاديـد=فعله ينومسنـي لـو انـي كتفتـه
مانته هذاك اللي ليا ازرا عن الصيـد=عود علـى راعيـه ينقـل علفتـه
انا ادري انـك يـا نزيـه المواريـد=فنجال عـذري الهـوا قـد رشفتـه
وعشقك هو عشق الفاضلين المحاميد=اللـي حصيلـه مـا يلاقـي كلفتـه
وانا ليا جـا مـن طرفـك المراديـد=امـا هجـرت العشـق والا ردفتـه
واقبل تحياتي مـع اطلالـة العيـدب=اللي عليـك مـن المكـارم عطفتـه
واغلا نقود سيـق مـا راح بزهيـد=لو البضاعـه غاليـه مـا صرفتـه
رد نجربن فيصل على عبدالله بن عون
حلو الهدايا من يديـن الاجاويـد=من الكريم اللي بسط لي صحفتـه
عبدالله اسند لي من الشعر تمهيد=لبس الشرف عيدت به والتحفتـه
واختصني من بد كـل القواصيـد=قصده يعبر عن ظـروف صدفتـه
وهجدتني فآخر صيامي مهاجيـد=واشتلت حملٍ فوق متني نسفتـه
وشكى على وزادني منـه تعقيـد=راي يناسبـنـي وراي حذفـتـه
راي الهدا يامجرد السيف تجريـد=كمل على مشوارك اللي نصفتـه
والحب قبلكك ساق عنتر وابا زيد=وانته بعدهم يابن عون استضفته
ورقيت فوق وفي سنامه مجاويـد=وبنيت له صرح رفيـع وسقفتـه
ذكرتني باللـي جرالـي تراديـد=عهد من الماضي وحلـفٍ حلفتـه
والله ما اخبر لك عن الحب تجليد=لوعنه يوجـد عـلاج وصفتـه
وليا حصل فيضة ربيـع وتجديـد=زان الطرب واللي تبا العين شفته
وانا ثلاث سنين لا انقص ولا ازيد=ارخيت في حبل الشداد وجعفتـه
قالوا علامك قلت يالربع ما اريـد=يوم الهوا دشوه نـاس عسفتـه
والا انت حبك معتلي فوق وبعيـد=في راس عيطا ثابته ما شطفتـه
واخفيت خافيها على زيد وعبيـد=والا ترى ما فيـه ذنـب اقترفتـه
ما انته بعارضها لرمـاي وقعيـد=وخبل على النمه تزايـد رجفتـه
والناس فيهـم طيبيـن ومقاريـد=اللي يدق الصيـخ اللـي يعفتـه
وانته وانا مشوارنا يقطـع البيـد=وشوفي بعيد ومركز الخوف طفته
جنبت عن عرعر وحزم الجلاميـد=وجنيف ما اعرف قوته من ضعفته
ويا وسع نجد ليا عطيت الجراهيد=والتمر يعرف طيبه مـن حشفتـه
ياللي علي تعمـد العلـم تعميـد=الراي جاك وسرهـا مـا كشفتـه
قصيدة
نحمد الله وارد الستين عانه
نحمـد الله وارد الستيـن عانـه=وارد ٍ قبـل الحديـد يـوردونـه
ما يعبا من شراب القيـز خانـه=ولا وقف وسط الكراج يوضبونـه
المكينه مطـرق ٍ مـن خيزرانـه=كامل بالو صف والشمعة عيونـه
والجما الكبوت والبـوري لسانـه=والمساعد ياولد حربـة سنونـه
والاديتر صرته مظـرب ابطانـه=ديتره يا بو سهل مـا يلحمونـه
وان ركب راعيه ما ملـه مكانـه=وان طرش صوب البلد ما يجرونه
وان عطا جو الخلا زين اهذبانـه=وان تعرض رملةٍ مـا يسعفونـه
نمرته وسمه علـى خـده بيانـه=وان وطاله مركز ٍ مـا يسألونـه
وارد الرحمن يا زيـن اسهيانـه=يعجب اللي فوق وسقه يركبونـه
خالقـه ربـه وخالقنـا اوزانـه=ما يورد مـن بعيـد ٍ يصنعونـه
مير شان الوقت واقفى به زمانـه=وانقطع شقران يا اللي ترغبونـه
وتم قولي بذكر رب ٍ عـز شانـه=ذكر رب كـل الامـه يشكرونـه
وهذه إحدى روائع شاعرنا أيضاً
اسمعي ما قلـت يابنـت الرجالـي=من هواجيـس يصبحنـي قشرهـا
قالهـا نجـر العتيبـي بالكمـالـي=والبيوت المستقيمـه مـا كسرهـا
يا هني اللي من الهاجـوس خالـي=ما يصارع له امـور مـا قدرهـا
شيخة الزينات مدري مـن هبالـي=مـرت الشـارع ونورنـا قمرهـا
لبسها حشمـه وممشاهـا اعتدالـي=لو تمر الدبدبـه يخضـر شجرهـا
عين حـر طالـع ٍ والقـاع خالـي=كن زهر الورد فـي لبـة نحرهـا
صبحتني مثل ابـو زيـد الهلالـي=يوم عاند صبـح القـوم وكسرهـا
ان سكتنـا جرنـا تـاج الجمالـي=وان تكلمنـا غرقنـا فـي بحرهـا
صفقت قدحـان غـزلان السهالـي=مثل راعـي طبخـةٍ قـام ونثرهـا
واسمحوا لي يا كريميـن السبالـي=لين ابين عن شعوري من سكرهـا
تستحـق بزينهـا كـل المـدالـي=والصحافه عمرها ما اخذت صورها
من بنات البـدو فرسـان القتالـي=لا نقربـهـا ولا نبـعـد ديـرهـا
يا عنود الصيد قولـك سـم حالـي=يابعد قشراً تحـودب مـن ظهرهـا
ما نويت ادعمك يا عنـق الغزالـي=لو تسدحنـي ويـا طانـي كفرهـا
والفرامل جاهـزه والزيـن غالـي=والبريك امـا انفقـع والا قهرهـا
وسرعتي وسطى وانا قايـد مثالـي=والمشاكـل كلهـا عنـدي خبرهـا
وقسمة الله جاريه في كـل حالـي=واطلب المولـى يعدينـي خطرهـا
وهذه مساجله بين الشاعرين/
سويلم الرشيدي وشاعرنا نجر بن فيصل العصيميقصيدة سويلم
ياشاعرالجيلين وشلـون الاحـوال=قللي وخبرني عسا القلب مبسـوط
هوتاب قلبك عن ملاحضة الازوال=والاعلى مافاتلك كـرت مخطـوط
سلتك بمن سواك ياطيـب الفـال=جاوب سوالي واترك الكذب مقطوط
عد الصراحه خابرك بين الابطـال=فايز وقبلك من هوى البيض ملعوط
ياهل ترا دينت عن لابس الشـال=والاتقد ملـه مـن الوردوالنـوط
وختامهامنـي بالـلاف واجــلال=وقلبك مع الخفرات اله عام ملقوط
لكن ياويلك يوم تقسيـم الاعمـال=لاشفت قلبك داخـل النارمربـوط
رد نجر
جاني بيوت ٍمـن بعيـدات الاميـال=من شاعر ٍماهو من الشيب مشمـوط
تـوه شبـاب و ناشـي ٍبالتبهـلال=يضحك ويضحكني وعاقل ومضبـوط
يبايساجلنـي بحـلـوات الامـثـال=و يسأل عن احوالي واناضارب ٍشوط
سبـت ثــلاث ٍصوبـنـي ولازال=صوابهن في داخل القـب مغطـوط
والثالثه منهـن لهـا القلـب ميـال=ام اشقر ٍمن غالي الريـح ممشـوط
و من لايحب البيض ماهوب رجـال=حب ٍعلى وضح النقا شرط مشـروط
مـاهـوب تقلـيـد ٍولاهو تخـيـال=مثل العسل صاف ٍولاهوب مخلـوط
ماهوب حب مـزود البطـن مكيـال=حب ٍمحبة كرش والقلـب مفـروط
هذاك ياسويلم نحطـه علـى البـال=نعطيه دين وراعي الديـن مزنـوط
و تسئل واناخابرك فارس و خيـال=من حبهن كنك على الكبـد مشلـوط
و ياللي شربت من الهوى ربع فنجال=اناشربت من الهوى عـدة شطـوط
وذ قت الحلا والمريـاذرب الافعـال=و جنبت مـع درب ٍامهـد ومبلـوط
و تجند وللحـب شيبـان وعـيـال=احد ٍنجا واحد ٍمـع الحـب خربـوط
اليـوم كلـه نـوم والليـل جـوال=يجمـع رقـوم عنـده السر مبطـوط
وزنه ثقيل وزايـد الـوزن بهبـال=لاواخسارة حـب ابوعنـق ممعـوط
والحرالـه عندالرياجيـل مـنـزال=ماهوب حنديـه ولا فـرخ شبـوط
وقاف ٍعلى الطابين طلعه ومحـوال=ماينتجنب عنـه والقـاف مشحـوط
ومع هذه الجزلة لأبو حجرف
اسمعونـي يابعيديـن المدالـي=كلمة ٍمـن راس شاعرها نطقهـا
سلمنا بجيوبنا والسـوق غـالـي=والدروب الطيبات لمن عشقهـا
قالها اللي عارف ٍسلم الرجالـي=والمثايل من زميلـه ماسرقهـا
يوم بعض الناس عايش بحتيالي=وان سمعله كلمة ٍقشـرا زرقهـا
يترك الصافي ويرجـع للحثالـي=والقدور البايتـه يشـرب مرقهـا
عارفين سهيل والقطب الشمالـي=والنجـوم الباقيـه كـل ٍفرقهـا
والد هر ممشاه ميلـه واعتدالـي=كم رجـال ٍعـن مواقفها فهقهـا
دورنا خلا الثعـل صوتـه يلالـي=والسباع الضاريه يجلس شنقهـا
وان ركب حبل الرشا فوق المحالي=دش في جحره وجنب عن غرقها
وان لقاها بـارده حدرالضـلالـي=له يدين ٍطايلـه ماحـد ٍسبقهـا
يا مفرقت العـدال مـن الميالـي=ما رزقتو نـاس ربـي مارزقهـا
ومن يريد الطيبه عـدى العوالـي=والرديـه فـي ملفـه ما رفقهـا
والـردي يتبـع رداه ولايبالـي=والنشامى طيبها يسبـق حمقهـا
وان زبنت ازبن طويلات الجبالي=استريح عن المشاكل في درقهـا
فـي ذراها لاجـواب ولا سوالـي=مــن بغا يصعد عليها ما لحقـهـا
وان مشيت مع الخلا والقاع خالي=احذر الصبخا وجنب عـن زلقهـا
لا تغرك لمعـة القـاع الموالـي=لو ملاها السيل ماينبـت ورقهـا
وهذه مساجلة بين الشاعرين الكبيرين /
نجربن فيصل العصيمي و متعب بن مطيع الديري الحربي
يقول شاعرنا
أبا ألبس عن العجه مناظـر ودرع وطـاس=واخيـل المـزون اللـي هواهـا يجاذبـهـا
وابا اكتب من الذكرى حروفٍ على قرطـاس=وابا انشد هواجيسي ويـش اللـي مسببهـا
كتبت وقريـت بصـورة النـاس والخنـاس=عـلاج الصـدور اللـي مرضهـا يعاتبهـا
وابا اسند على روحي واجنب جميع النـاس=اجنـب جميـع النـاس مخطـي وصايبهـا
اباافصل على قدي وابا اعرض على الحساس=ومـن يفتهـم لحـروف الاعـراب يعربهـا
يا متعب نبي كلمـه بعيـده عـن اللـولاس=على قمـة الموضـوع مـن راس شايبهـا
وانا عادتي ما البس ثيابـي بـدون قيـاس=اقايـس علـى طولـي وعرضـي وارتبهـا
ولي مع هل المعروف والعـرف كلمـة راس=واشـوف الصباخـي يـوم تلمـع واجنبهـا
واليا شفت حفار الجحـارة يديـر السـاس=ابـو لحيـةٍ مـا ياصـل المـدح شاربهـا
هدمت الجحارة لين تصبـح عليـه ادمـاس=علـى شـان مـا يلقـى منطـه ينطبـهـا
وعقود الذهب يا حلوها مع عقـود المـاس=وحديـد التنـك يلقـى حـديـد يقاربـهـا
واحب الحرار وكل شوقـي مـع القرنـاس=ولا نمـدح اللـي سلـم المـدح عاقبـهـا
لو النـاس تفهـم كلهـا بالخطـا لا بـاس=تشـوف الـدروب العـوج قـدام تقربـهـا
ابـا اصفـي الناتـج بعيـد عـن الافـلاس=عسـى السالمـي معنـا يصفـي غرايبهـا
وحلاة الغرايب عنـد متعـب قـوي البـاس=خبيـر الذخايـر قبـل تاصـل ضرايبـهـا
ومعاليق قلبي منـك يـا بـو فهـد يبـاس=عديـت ومشيـت وكـل سكـه تجربـهـا
عرفتـك بحـام القيـظ ياالسابـح الغطـاس=تحـب السبـاحـة والسبابـيـح تتعبـهـا
وانا ما لمستك وانـت تلمـس ورا اللمـاس=بيمـنـا شريـفـه طـايـلاتٍ مخالـبـهـا
وكبير العرب ما يحـرق البـن باالمحمـاس=يحافـظ علـى الحمسـة قبـل لا يخربـهـا
نبي عذر طيب ما نبـي عـذر ابـو نـواس=على شان نرضـى بـه ونحمـد عواقبهـا
ولو انـا نحبـك ياالمشاكـل ملينـا اكيـاس=نبـي قطـع سلـك الذبذبـه مـع تذبذبهـا
رد متعب الديري
هـلا مرحبـا ترحيبـةٍ تبعـد الهـوجـاس=عن الصاحب اللي حـس بحسـاس لاهبهـا
لمس والتمس وادنا الفتيله مـن المقبـاس=يبي نـار حاسوسـه قبيلـه يحـس ابهـا
اسندها على نفسه واخذ صاحبـي مـرواس=وعرضهـا عليّـه يـوم شلفـاه خظبـهـا
وعقب ما شبك سلك اللغم وايقـظ الحـراس=يبـي متعـب الديـري ايعالـج مصايبهـا
وانا مستعد ابـذل جهـودي ولا بـه بـاس=واصفلـه عـلاج جروحـه اللـي يناسبهـا
على شان اشاعة عكسها تكشـف العكـاس=جروحـن عرفـت اعلاجهـا لا تسيبـهـا
انا اعطيـك راي وانتـه المفتـي الـدراس=اتحلـل رمـوز حروفهـا قــدم تكتبـهـا
حروفـن معانيهـا علـى مقرهـا غـلاس=وتعيـض وتغيـظ وجانـب العـز جانبهـا
لكن يا بو حجرف لايمس الرشـا المسـاس=تقطـع ابتوتـه والبـل القيـظ حاظبـهـا
يعارض محطه واحدن مـن نشـاط النـاس=يحـاول يبـي تخليصهـا ليـن ينشبـهـا
نشيط وشميط وعنده السيف مثـل الفـاس=ويحـط الايديـن بحلـق الافعـي يجربهـا
وتحـذر مـن المتعافـي الارفـل القبـاس=مكسـر شـداده لارنبـه قبـل يقضبـهـا
تخير طريـقٍ عـن طريقـه وتاجـد نـاس=رجـالٍ تبـيـع نفوسـهـا دون واجبـهـا
هل المذهب الطيب هل البـاس والنومـاس=شريفين الانفس مجـذب الطيـب مجذبهـا
انا اعطيك رايي وانت رايك بعيـد ارمـاس=رجـال الوفاوالطيـب بالطيـب تكسبـهـا
وانا اللي اليا هبـت هبـوبٍ بهـا نسنـاس=اعرف السباع الشهـب واعـرف مدربهـا
وادرج اخطاي الثابتـه نحـو راع الكـاس=طبيـب المعانـي كـان شبـت شبايبـهـا
وابا اخذ معه واعطي على صفحة الكـراس=بيـوتٍ معانيهـا هـل الصنـف ترغبـهـا
بعيـدٍ عـن الشكـات والدبـس والدبـاس=وسيمـةٍ معانيـهـا رصـيـد لمكاسبـهـا
وانا ما احرق الحمسه ولا اغفل عن الحماس=وانقـي بكـفـي هيلهاقـبـل لا اشربـهـا
وانا ما لمستك وانت لا تطـاوع الوسـواس=مامون الحجج مامـون مـا خـان كاتبهـا
وانا وانت يا نجر العصيمـي لنـا نبـراس=ينـور طريـق ركابنـا فــي معازبـهـا
ولا فكر على ما قلت في عذر ابـو نـواس=وادل السبـاع جبالهـا واعـرف شعبـهـا
وتقبل تحيـاتٍ بهـن طـب كـل اعمـاس=فداك المعـادي واجمـع العقـل واقصبهـا
وهذه أيضاً مراسله بين الشاعرين الكبيرين/
نجربن فيصل العصيمي و متعب بن مطيع الديري الحربي
يقول شاعرنا
اليوم خليت القلم يرعـف ارعـاف=ويكتب على بيض الورق من قصيدي
هاض الضمير وجبت قافٍ ورا قاف=قافٍ جديـد وفيـه معنـاً جديـدي
واباسند المعنى على ذخر الاشـراف=اللي لهم بالكـون باسـن شديـدي
وناخذ مع الموضوع هده ومحـراف=والسر يبقى عنـد سـاع البريـدي
ليا صرت صرافن وفي سوق صراف=يزيد من عرفـي ويكثـر رصيـدي
يا متعب الديري رسمت الك الاهداف=وانته هدفك مـع الرمايـه بعيـدي
وابا شتكيلك هـدة الطيـر عسـاف=طيـرن يهـد وللحبـاري يصيـدي
يطب غبـات البحرفـوق مجـداف=و يقربلي اقرب من حبال الوريـدي
يا طيري اللي حاسبه قبـل عـراف=يزيدنـي حمـلـه ولا يستـزيـدي
في كل يوم يزيدها ضعف الأضعـاف=يكفخ بجنحانـه علـى مـا يريـدي
يكفخ بجنحان السعد قـدم واخـلاف=ويضرب بشلفا خالد ابـن الوليـدي
وانا معنزهـا علـى راس مشـراف=والحبـل بيدينـي قويـن جويـدي
مبغيك تفزع لـي ولا نـي بخـواف=ولا انت كفون للفزع يـا عضيـدي
ابغيك تحكم بيننـا حكـم الانصـاف=حكمٍ فريـد وعنـد رجلـن فريـدي
حكم العدالة ما نبي حكم الاجحـاف=يوم انت لاضاوي و لا انت القعيدي
قبل انتقاسـم بيننـا رد الاسـلاف=وتصفي على عنتر وعبد المجيـدي
ويجيلهـا مدقـر وتـزداد بطـراف=وسوالفـن منهـا العـدا تستفيـدي
والرفقه اللي تجرح القلـب تنعـاف=والطق يكسـر مبهمـات الحديـدي
حل المشاكل يا بعـد كـل مزهـاف=اخترت رأيك يـوم رايـك رشيـدي
وتمت بذكر منـزل الغيـث هتـاف=يا مخزي الشيطان لو هـو مريـدي
رد متعب الديري
يا مرحبا عـداد مـن حـج واطـاف=ترحيبتـن فيهـا المـوده تـزيـدي
عـداد همالـن يجـي مزنـه ارداف=بامر الـذي لـه يسجـدون العبيـدي
ترحيبتـن فيهـا البراهيـن تنشـاف=براع الجواب اللـي جوابـه سديـدي
اللي طواريقـه لهـا عـدة اصنـاف=بحال ابتحل وبحال منهـا استفيـدي
نجر العتيبي عقب مرويـن الاسيـاف=نطاحـة الواجـب كعـام الكنـيـدي
يشكي علي الطير مسمـوم الاطـراف=اللـي يـهـد ويستـبـد ويعـيـدي
بحلان في طبعـه وهـو فيـه رواف=هذا حسب عرفـي وحسـب تحديـدي
و شرحلي الموضوع عن كل ماشـاف=و عد العديد وطـاف شـي ٍعديـدي
والعلم بـه لفـه وطفـه ومعطـاف=و نجر عنيـد وراي طيـره عنيـدي
ونجر حسب قوله ما هو خابر خـلاف=منشـان يشـارك كايليـن الثميـدي
طيـره بقالـه بالخضيـرا ترفـراف=فـوق الهضـاب النايفـات البعيـدي
وهاف وتهايف واعتلا راس مهيـاف=وبطلعتـه زاد العـقـود اتعقـيـدي
و نجرحسب قولـه ماهوخابرخـلاف=من شان يشـارك كايليـن الثميـدي
ونجر طلـع هـداف والطيـر هـداف=هذا الصحيـح وذا الكـلام الزنيـدي
واهدافهم بهـا طعـم سـم الاتـلاف=سمن يحش عروق خضـر الجريـدي
و الكل منهم بالجنب مسرف اسـراف=واحترت من بيـن النـذر والوعيـدي
وانا لبو حجـرف وللطيـر عسـاف=وارضا خواطرهـم ربيعـي وعيـدي
ولا ودي انياب الجمل تصل الاظـلاف=و الكل يبقـى فـي حياتـه سعيـدي
ويا نجر انا ابا صفلكم بعض الاوصاف=وانته تعـرف العلـم منتـه بليـدي
ما طال مـا جـا للمواقيـف ميقـاف=مالك ورا القطـب الشمالـي فقيـدي
لا تذلهـب الغـاره ورا كـل حـواف=و تبيـد ركابـك وحيـلـك يـبيـدي
و يبرزلراع الحـذف مليـون حـذاف=وجمع الزناتـي يلتقيـه ابـو زيـدي
وتمت بذكر مكـون النـون والكـاف=محيي الهشيم اللي عروقـه هميـدي
« آخـــر الـــمـــشـــاركــــات »
19-Jun-2008, 11:27 PM
ديوان الـشـاعـر الـعـلـم / نـجـر بـن فـيـصـل الـعـصـيـمـي الـعـتـيـبـي
العرض العادي
