السلام عليكم ورحمة الله وبركاته :
يسرني ان اقدم لكم ديوان الشاعر الكبير / عبدالرحمن بن ماجد بن ربيعان ..
واوالها مساجله بين الامير عبدالرحمن بن ربيعان والشاعر سعد بن عبدالعزيز بن سبيّل الباهلي
...
قال من غنى جديـد البيـوت وشالهـا=كان به شيطان للشعرشيطانـي مريـد
مزنة ٍ هلت مطرهـا وسـاق خيالهـا=علت عروق ٍ ضماياوهل لي من مزيـد
والخبارالممحله قـام يصفـق جالهـا=وام سالم غردت بأعذب الصوت تغريد
وقمت أنقي من رياض الورود أشكالها=وجبتها باقة ورود ٍ تشوق أهل القصيد
لوحـة ٍ بالشعرياحـي والله فالـهـا=ياسعد من كف صاحبك ماجتك ببريـد
وأنت يامشكاي لاجتك فأنت أولى لهـا=أدري ان أبوسبيل ورى الهقـوه يزيـد
ياسعدقم معي وانسـج علـى موالهـا=هات مـاورث عميدالقوافـي للحفيـد
الرجال الى أمـس تقديرهـا بأفعالهـا=ووقتك الحالي تقدرحسب كثرالرصيـد
والحمـول الكايـده خابريـن جمالهـا=يدي شرهه ماتعنزعلـى خضرالجريـد
ولايلوق لكـل أصيلـه مثـل خيالهـا=كم صبي ٍ يأكل تراب بالعلـم الوكيـد
والبلادالعامـره خابـريـن رجالـهـا=أعتزي يأم المداين بهـارون الرشيـد
من لها غيره الـى زلزلـت زلزالهـا=وارجفت سوق النحاسه بصقلات الحديد
وليتنـي يـوم الكحيلـه تجرحبالهـا=كان ثانـي رجلهـا والتمنـي مايفيـد
لازبنت أزبن رجـال ٍ يـذري جالهـا=من قنص بالتبع بالصيد ماوالله يصيـد
وياسعـد ماأوزابـي الاكـلام أنذالهـا=:ويش أسوي بس بمجابه النذل البليـد
وياسعد ياويل روحـي علـى قتالهـا=جرحه ألأول الى طاب جا جرح ٍ جديـد
وياعذاب الحال ياخوك مـن مانالهـا=دوك جرح الغبن بالصدرغاد ٍ له صديد
وياسعدمايكحل العيـن شـوف قذالهـا=سيرة ٍ ماجت بمالون مع عنق الفريـد
ولوبغيت أنوض رجلي ثناهـا عقالهـا=بين تزيين ألأماني وحظ ٍ لـي عنيـد
واحمـدالله عقـدة ٍ حلهـا حلالـهـا=:والرجاء بالله هوغايةالـرأي السديـد
والصـلاة الكاملـه والسـلام كمالهـا=كلهاعلـى محمـد مـن الله الحمـيـد
رد سعد بن عبدالعزيز بن سبيل الباهلي
غيبـة ألابـداع طلّـت وهـل هلالهـا=والمشاعربيـن قطبينهـاذاب الجلـيـد
ودارت غروب ٍ توقـف زمـن محالهـا=وانتعش شريان شعرالجزالـه والوريـد
واللحون العذب يطرب صـدى موالهـا=صاغها من يصخر القاف وبجيله عميد
بالوفاء زيـن المعانـي وفـا كيالهـا=عني وعن كل خلق الله الله لـه شهيـد
نـادره مـن نـادر ٍ نـادره بأمثالهـا=من شواردكل بيـت ٍ بهاوحـده شريـد
قبلها والشعرفـي حالـة ٍ يرثـى لهـا=وقطعت ياسه هناديب شيطـان النشيـد
يوم كدر نبع صـاف القصيـد حثالهـا=وأنفتح باب الحداثـه بلاشـرط ٍ وقيـد
سلعة ٍ بالرخص تجلـب علـى دلالهـا=والـدواويـن أتخمتناوصالحهازهـيـد
مسرحيـه نجهـل اخراجهاوأبطالـهـا=من عرضهاوهي عن لـب واقعنابعيـد
والليالـي كـل نشـوة فـرح تغتالهـا=والسيوف معلقه عقب سيف بن الوليـد
والعرب ترخص ذممها لخشـم ريالهـا=مثل كون مسيد الاسياد مثلاالسيدسيـد
والعيون العمي عميت عمـى كحالهـا=والحديد الصلب يصمد ولو يصمد يبيـد
والهوى من ورث الأجداد ورث أنجالها=مالنـا يابوعمرعنـه مجنـاب ومحيـد
وجارحتك ان ماطرحهاشبك نسعى لهـا=كل قاسي قلب ٍ يليـن كـان الله مريـد
وكان مشبوكه وأنا أخوك جزعن حالها=لاتجوّد غيرفـي حبـل بعـدالله جويـد
ويوم بيبان الرجـاوي بـدون أقفالهـا=ماطرقت الباب وأعلنت قبل العيد عيـد
وعقب ماقفت مع ضعونها تبـرى لهـا=الهوى مغويك وابليس والحـظ العنيـد
وجملة العذال مالـك ياشيـخ ومالهـا=اترك المسكيـن طـراد ولذاتـه طريـد
وعقدتك حلت وطـاوع معـك فتالهـا=عس في نفسك منازلك من قبل الشديـد
الله يحقـق لشـرواك كــل أمالـهـا=أرض بالمسقوم واقنع عسى عمرك مديد
والختـام اعـداد ماهـل مـن همالهـا=اصلاةالله على الشافع بيـوم الوعيـد
وهذه في صاحب السمو الملكي الأمير :نايف بن عبدالعزيز آل سعود ..
وزير الداخليه ..
آخذ واعوّدعلى كساب الامداحـي=لعل بمعزبـي مايختلـف ضنـي
يانايف الجود انا مانيب مرتاحـي=الا أني انخاك تكفا قم وشل عنـي
انارفيقك قبل لا اسلـم اسلاحـي=على النقا والجهات الست يدرنـي
من فعلناكم عديم ٍعـط بصياحـي=سحم الضواري على راسه يحامني
والمنه ألكم بعد ربي بالاصلاحـي=و بيض الايادي بمثلي ما يضيعني
وهذه أيضا في سمو وزير
الداخليه ..
ياشكي ٍهمـه علـى غيـر حلحيـل=مارجـلـك محصـلـة ٍالاتعبـهـا
ازبن على الطيـب لياضـدك الميـل=اردالعيالـم والـرسـوس اجتنبـهـا
ومعـزبـي لعلهـالـه تسـاهـيـل=والله مـابـه طـالـة ٍماكسـبـهـا
نايـف رجانـا فالـيـال المقابـيـل=الله يـا مـال ٍ بـه يقودالرجابـهـا
ونابـف لياعدوزحـول الرياجـيـل=نايف سعد عيـن الرفيـق وعجبهـا
ونايف هواللي بـه تزيـن التماثيـل=معزتـه ورثـة فحـل ماغتصبـهـا
من راس زيزوم السرب مرذي الخيل=مشبـع جيـاع ٍطـال قبلـه سغبهـا
عبدالعزيزوخـل عنـك الدهـاويـل=النعمـه اللـي نعيشهـا هوسببـهـا
يـاالله يامنشـي صـدوق المخاييـل=ياخالـق النملـه وسـامـع دببـهـا
تحفظ لنـاروس الرجـال المشاكيـل=ال السعوداللـي عـريـب ٍنسبـهـا
هـم روسناالاخيارجيـل ٍبأثرجـيـل=وش عـاد ياللـي كلمتـه ماحسبهـا
قصيده ترحيبيه في صاحب السمو الملكي الامير سلطان بن عبدالعزيز آل سعود ..
حييـت ياعزالـبـلاد وسعـدهـا=ياللي لياجابالوطـن حلبـه نـور
تحيـة ٍمـاوالله احصـي عددهـا=ابديتهامـن خاطـر ٍزادبـه نـور
يامرحبابك عد مـا ارزم رعدهـا=وتاريخنامعكم يزكي عن الـزور
ادنـى مواقفناوطـارف بـددهـا=ميصال جدك من ورا سبعة ابحور
زرناه يوم النـاس ونـي ٍجهدهـا=ولاردنادونـه مخافـه ولاشـور
وانتـم عمارالداروانتـم عمدهـا=وانتم لجاحي ٍمن الخوف مذعـور
والله يخلـي للجزيـرة فهـدهـا=اللي لهاظل ٍعن الظلـم والجـور
ليث ٍعيون عداه يطـول سهدهـا=ورث ٍلبـوه وورث كابرلمكبـور
كم جادل ٍسمت على اسمه ولدهـا=تباه مثلـه بالمهمـات صاطـور
هاذي بلاده كـل حـي ٍحسدهـا=وحكم الشريعه مايقارن بدستـور
وولـي عهدالمملكـه هوسندهـا=مسقاًحليب المجد من مشة الزور
وانت الذي سيرتك كـل ٍ حمدهـا=جعلك تدوم لساير الشعب مذخور
قصيده لصاحب السموالملكي الاميربندر بن سلطان بن عبدالعزيز .
ومجاراة الامير :عبدالرحمن بن ماجد بن ربيعان له ..
ياالله ياللي كل مخلوق يرجيـك=ياعالم ٍحالـي عزيـز الجلالـي
يامستجيب لدعوة اللـي يناجيـك=تفرج لمن كنه على حر صالـي
قدقيل قبلي من هرجلك هرج فيك=وخلاك تكره واحد ٍكـان غالـي
خلاك تكره واحد ٍكـان يغليـك=لوكان من ربعك قريب ٍموالـي
والجدمايرفع مقامـك ويحييـك=لياصرت في كل المواجيب خالي
والخال لاضاعت سموتك يخليك=حتيش لوقلـت ان ابوزيدخالـي
واناولدمن هو يحـل الشرابيـك=يذكرلياعـدو فحـول الرجـال
ولاني عشيرٍللرخوم الصعاليـك=ارابع اللـي يلحقـون التوالـي
وهذا رد عبدالرحمن بن ربيعان :
والنعم يابندر لياحـل طاريـك=مال الردى يامير يمك مجالـي
انتم هل الطولات مافيه تشكيـك=شوحاتكم توردقصار الحبالـي
ماقلتهاراج ٍندى فيـض آياديـك=حاشاك هذي ياكريـم السبالـي
لاوالـذي يقدريميتـك ويحييـك=ماهوب انا اللي شوفتي قد حالي
انا اللي لطيبك محبك ومغليـك=وفعلك ينومس يابوزيد الهلالـي
ولعل من هيض قريحتك فاديك=لوهوقريبي ماحسبه راس مالي
وكبار الانفس نقص لوماتدانيك=كل ٍعلى جنسه من الناس مالي
وراع النميمه جنبـه لايماشيـك=ومال ٍبلا معروف حدرالنعالـي
ويادارنامالـك حلـي يحاليـك=لاوالذي ينشي حقوق الخيالـي
محمدالهادي نشاء في مرابيـك=خيرالبشرياداربـاول وتـالـي
وكريم يابرق ٍسرى عزواليـك=جعله على دار الكرام متوالـي
دارالملوك اللي تحل الشرابيـك=حكامنا مقدم زحـول الرجالـي
وياطيرياللي عاليـات ٍمجانيـك=ياطاهر الاردان يبـس البلالـي
ثقة فهد واخوفهدفيـك تكفيـك=مال الحمول الا صبور الجمالي
وكل الوطن لا جا مجالك يحييك=سمعتك عند الناس مثل الريالي
خذها مشاعرصادق ٍمعجب ٍ فيك=واسلم ودم نجم ٍبالافلاك عالـي
وهذه قصيده لشاعرنا الامير : عبدالرحمن بن ربيعان .
ياصاحبي دوك كبـدي زد مكاويهـا=مابي ليا ارضاك جرحي ذرة احساسي
نفسي ولاعـاد عنـدي دبـرة ٍفيهـا=واللي يجي منك من عيني على راسي
رخصت لك مهجـة ٍلـولاك مغليهـا=وحطيت لك منزل ٍماهـوب للناسـي
بلاي يوم اكحل ابك العين واعميهـا=مواحـع ٍمنتهاهاقلـبـك القـاسـي
أي والـذي يعـلـم الدنياومافيـهـا=أن الك فالقلب حـب ٍمالـه أقياسـي
ومساجله اخرى رائعه بين الامير عبدالرحمن بن ربيعان والشيخ نواف بن عبدالعزيز بن رازن
وكانت البدايه من الشاعر عبدالرحمن..
ياشيخ نـواف سامحنـي=تراك غالي ولوماجيـت
واللي يفرحـك يفرحنـي=والمعـذره يابعيدالصيـت
من دونـك البعدشايحنـي=والطايره ماتجي حليـت
وجريدة عمان تطرحنـي=والا احذفتني براس كميت
وكانك تباالجـن تذبحنـي=السحريبطـل لياسميـت
وكان رد الشيخ نواف هو :
ياهاجـس الشعرصارحنـي=والشعرعطنيه بيتـن بيـت
في مدح شيـخ ٍمناصحنـي=مقدم عتيبه عمـود اثبيـت
مدحـه وشوفـه يريحنـي=احب حيه واحـب الميـت
البعـد شاحـه وشايحنـي=وماينفع الناس قولت ليـت
ومدحه وشـاح ٍيوشحنـي=تاج ٍعلى الراس مثل الليت
ياشيـخ عـذرك امالحنـي=وافي عن الطيب ماصديـت
وهاجو س صدري يسرحني=واقــول يامرحباحيـيـت
وهذه ابيات فخر رائعه ..
امير وابو ي قبل اميـر=وجداني العشره ومـراء
امـارةٍ تطلـق الاسيـر=وتحجي ويلقى بهـا ذراء
يوم أن حبل الردي قصير=وليا تقـدم رجـع وراء
قصيده رائعه اخرى ..
ياقليل العرف عنـدالله سعـه=والحقيـقـه مالناعنهاغـنـاه
عـارف ٍٍخافيـك لوماتطلعـه=والغلايازيـن مافيـه اشتبـاه
يوم انامثلك بعد عنـك امنعـه=حرصي الزايدعلى عرفك محاه
فك سبق الطيروارفـع برقعـه=لاتسويبه سوات اللـي شـواه
كـل حـي ٍ للمقابرمرجـعـه=ميزة المغرورمايدرك خطـاه
قدراللي فيـك عمـره ضيعـه=يشتكيلك منك وافعـل ماتـراه
والتكلف منـك دونـك يمنعـه=عزنفسه عن مطاليبـه حـداه
سوّبه معروف حـاول تنفعـه=والكريم يجود من ماالله عطـاه
وهذه رائعه ايضا ..
النارياكامل الاوصـاف تكوينـي=قامت تزايدبوسط القلب شعلتهـا
كله من اسباب بعدك يانضرعيني=وان طال بعدك حياتي مثل قلتها
ابكي على مامضامن حاضرٍشيني=روحي غزتها التعاسه واستحلتها
لاتجرح الروح فيها اللي يكفيني=الروح احبتك والفرقا حصيلتهـا
يازين احبك وحبيلـك معنينـي=حالي عليله وحبك راس علتهـا
وقصيده رائعه من نوع آخر ..
ياالله اللي ماسألـك احـد ٍ وخـاب=ياواحد ٍ فوق الخـلا يـق معتلـي
اسألـك بالقـرأن وبـأم الكـتـاب=وبحب عبـد ٍ منـك جانامرسلـي
وبحب أله فيك وبحـب الصحـاب=وبأني مااتخذت مـن دونـك ولـي
اسالك تهديني طريق اهل الصواب=ابـي بكروعمروعثمـان وعـلـي
واسألك توفيق ٍبه اقض الصعـاب=والعافيه والخير والمخـرج ملـي
واسألك ياللي عنك ماغيب ٍ يغـاب=تفرج بلطف ٍمنـك يامـولاي ألـي
يقوله اللي من صروف الوقت شاب=وعينه تعاف النوم لا نـام الخلـي
ماهوب والله من هوى تلع الرقـاب=لواننـي منهـن اصبـت بمقتلـي
يوم الهوى قايم وانا اطردلي سراب=والليـل مهماطـال لازم ينجـلـي
بيدت رجلينـي وبيـدت الركـاب=حرايـر ٍتهـذل وضـار ٍيهـذلـي
احيان ٍ آطالـي علـى حيّـة وداب=واحـيـان لاوالله زل ومخمـلـي
واحيان اروّح ماتوارت بالحجـاب=واحيان ارد قبـل القطـا للمنهلـي
لا كني انقى من جديـدات الثيـاب=ياورد يامحـلاك لـو لـم تذبلـي
الله ياعصـر ٍمضالـي بالشـبـاب=ياحلوسلمـى بالزمـان الأولــي
عذرأطروب ومـع بشاشتهاكعـاب=عودالاراكـة فـي أديـم ٍ ممتلـي
احـلام لـيـل ٍكنهامرالسـحـاب=سيـان يادنيـا ادبـري اوفاقبلـي
دنياًنعمرهـاوتـالـيـهـاخـراب=احـد ٍبهاراحـل والاخرينـز لـي
وأحد ٍعلى مارادطابت له وطـاب=وأحـد ٍ بالابهرخجتـه بمشلشلـي
العلم و الله يـوم اوارى بالتـراب=وخلو ني اصحابي وخلو ني هلـي
ياربي اعوذبك من سـوء العـذاب=من لاسواكا لاإلـه الا انـت ألـي
اعوذبـك والـوذ وإليـك المـأب=ماخاب من لـك ياإلاهـي يسألـي
ومن روائع الامير عبدالرحمن بن ربيعان ..
ليت المصنف يوم هجـرس وغنـا=جنب عن الشبهه وجنب عن الضـن
وش جـاه منـا بالقصيـد امتحنـا=شرهات ربعه كيف عنـده يهونـن
يوم ازعلـه ورع يتجاهـل زعلنـا=ويقول انا واناولد هـن ابـن مـن
حنابنـي عمـه وطـالاتـه الـنـا=وليـاجـهـل فاذكارنامايـغـطـن
لوالـجـبـال بمامضايشـهـدنـا=معتق وابـان ووارده وش يقولـن
وام الحضايروجبـلـه لوحـكـنـا=ويوم مباحيص وغال والمسح وصلن
وشهـود يـوم قنيـفـذه يـاردنـا=واخوان موضي يوم الارياق يبسـن
وهاذي عنيزه تطلـب الصلـح منـا=وسبع الوجيه وقبلنا مـن سهجهـن
عـلـى النـقـاوام الحويرتحـنـا=فزعاتنالمعلـق الهـرس يشـفـن
وعندالبيـور ارواحـنـا يجحـدنـا=لاواذعارالخيـل يالـلـي تنـوحـن
غاراتنـاوادمـيـنـا يثـلـغـنـا=دقلاتـن خيـل ٍبالمسميـن يرمـن
ماجـاك عـن ساجروخيـل ٍتعـنـا=الا ان غــارات الضحامـايـعـدن
ابــوك لـوكـل الاوموريخفـنـا=انشدعن أجوادالعرب بس هـم مـن
سترالعتيـبـيـه ليـاطـارحـنـا=والاالجروح اقصاص والسن بالسـن
وألبنـت ابـن عيـده بأملهاضمنـا=تسعين قرن بواسط البيـت يومـن
و يـوم المطيـري للملاقـا تمـنـا=جيناه وبيـوت ابـو مسلـط يكفّـن
وعلى نفـي مقـدم عتيبـة ضعنـا=يتلون ابن سلطان والـوادي ألمـن
و تركي كلامه يشهد ان سلت عنـا=وهـذال اخوهمـلا لياسلـت ياهـن
و الا الخرينـق يـوم قـام يتمنـا=وش قال وانشدعـن كـلام المقـرن
و ابيـوت مطلـق باقيـه مامحنـا=وبخيـت وابيـوت ٍلنامـي يشالـن
وربـاح وقـت ٍفـايـت ٍمامكـنـا=وقول العصيمي في محصن مـدوّن
الاولـه مـن طالـب الصلـح منـا=والثانيـه وابهـا الجذايـب يسمـن
وابن حمـد يـوم الجهـل ماشحنـا=عـدة مـرار نحـن قتلـه ولاحـن
مـاوالله ابـه احـد ٍعلينـا يمـنـا=الاوحناكـان ينصـف هـل الـمـن
حناليـامـن السنـيـن اخلـفـنـا=من طيبناشينـات الانفـس يطيبـن
وحـنـا ليـامـن الخبـرردعـنـا=ابـنـا المناياللمعـاديـن يــردن
وحناليـامـن الجـمـوع زبـرنـا=ابنـا العشايرفالمهـالـك يتيـهـن
وحـنـاولابــه خـيّـرالاومـنـا=وسيوفنـادون الرفـاقـه يحـامـن
وحنـا هـل الفنجـال فيناومـنـا=وحنامقاديـم الـعـرب مابهـامـن
وحنامنزحـت العـدا عـن وطـنـا=وابيوتنافي موقـع الخـوف يبنـن
وحناوكـم مـن حـاكـم ٍقدزبـنـا=اربع مـرار ٍلأربـع ملـوك مزبـن
والنامردالـعـلـم بامرالمـجـنـا=والناكروش ودرمة الحـاج يعطـن
وانتـم ليامـن الشـفـي يبّسـنـا=بسم الله الرحمن حرز ٍعـن الجـن
ماذمكـم وافيـن فـي كـل فـنـا=وان قصرت الايدي يداكـم يطولـن
ميراستـرح مـاودي انـك تعـنـا=وافخربناوبلـيـس يبعدويـلـعـن
الامرمـصـداره ومـيـراده ألـنـا=ولانشكـرالا اللـي عطايـاه يغنـن
واليـوم كـل ٍغـازي ٍمـع مهنـا=والكـدش قامـن للاصايـل يلـزن
وأيمـان خطـلان الايديـن قصرنـا=والعجزلهـل الفضـل مايستـقـرن
ماهـوب حـق انــك عليناتعْـنـا=لاخيربسيـوف ٍفالادنيـن يسـطـن
والله يثبّـت ديننـا فـي و طـنـا=وارجي عسا أيامن مضن مايعـودن
ابيات من ذهب ..
كل ٍ يقول ابوي و يقـول جـدي=ويعد نفسه خالـد بـن الوليـدي
لا صار مانته بالمواقـف تعـدي=ذكر القبور الفانيـه مـا يفيـدي
ليا قيل ويش الراي كسب التحدي=نبيـد وامهـال الليالـي يبيـدي
قصيده رائعه من نوع آخر ..
الله يـا عالـم خـفـي الغـيـب=اسالك بسمـك يـا كريـم تجيـب
حقق لي اسبـاب السعـاده كلهـا=واعوذ بك من شـر كـل طليـب
ومن بعد ذا يا راكباً فوق حمـرى=فجـا العظـود وعظمهـا صليـب
من ساس عيرات ٍ قديـم ٍ صيتهـن=نجايـب ٍ منجوبـة ٍ مـن شيـب
حمراً نواظرهـا تقـول خلاصـة=جمـرة غظـاة ٍ ولعـت بشعيـب
كـن الحيايـا تلتهـب بجنوبـهـا=وليا اهرفت تهرف هريف الذيـب
مدارها الجمـال واوجـر فوقهـا=مرباعهـا مــن وارده لمغـيـب
واخترت لي قرماً مثل ما اخترتهـا=نجيـبـةٍ ركـابـهـا نـجـيـب
من عندنا تسرح مساريـح القطـى=ليا طاب نـوم السلهـدي السيـب
ازكى تحياتي مع اخلص مشاعري=معـه ولا احـد يوصـي النديـب
ومن بعد خمس وجاب خمس ٍ مثلها=فيهـا المبيـت ومـارد القلـيـب
تلفي على فرز الوغى منقع الصخا=الطيب راع الطيب ساس الطيـب
معربـاً مابيـن ابــوه واخـالـه=ولا دق بسلوكـه منابـت ريــب
يا صاحبي عرضتني راس عيطـا=وانا احسب إني من جداك قريـب
وقامت تناهشنـي الكـلاب بنابهـا=وسكـت وانـا لا إسئلـت اجيـب
وعلـي للاصحـاب حـقـاً لازم=غيض البغيض وبهجـت الحبيـب
والا فانـدري وش مصيـر الدنيـا=زوال والباقـي بحـكـم الغـيـب
ومن لا يحوش المرجله في شبتـه=ماهـوب مدركهـا بحـل الشيـب
ومن لا يرى قدر الرجال وفضلهم=يصيـر مسهـاج ٍ لهـم ويخيـب
ومن لا تعب في قولة اهلا ومرحبا=والله ليالقـى قـلـة الترحـيـب
ومن طاع نفسـه ودتـه للتهلكـه=والصبر مبـدى قومـة النصيـب
ولا خير في رجل ٍ يخون امانتـه=عينت عقب الـزود ويـن كليـب
والصيد بالغـرات حيلـة عاجـز=كانك لحالـك قـل علـي رقيـب
لا تحسـب أن الله يغفـل ساعـه=او إن مـا تخفـي عليـه يغيـب
أيامنـا عـدة سنيـن وتنقـضـي=شمس ٍ تبين ألنـا وشمـس تغيـب
كـم فرقـت قدامنـا مـن هجمـه=وكم مهدف ٍ يبكي فـراق الصيـب
وكـم واحـد ٍ فيهـا ولا يدريبهـا=ملي البطن همـه وملـي الجيـب
وكم واحد ٍ دايم حصاتـه حمـرى=وفي حسب باله من عماه مصيـب
وكم واحد ٍ بالصاملـه مـا ينبغـي=وقت السعه يشـره بجدعـة ذيـب
قلته وانا عقب التجـارب واعـي=والله ولي حسيـب كـل حسيـب
وازكا صـلاة الله وازكـا سلامـه=على النبـي المصطفـى الحبيـب
ابيات واقعيه لشاعرنا ..
الدين ألي وابوي قبلـي وجـدي=ما منهم اللي مات ماهوب مديون
لكنهـم يـوم الزمـان مـتـردي=يحجون عن غارات بقعى ويذرون
ولا بان خطو الطاغي المستبـدي=على عرانين الرجـال يتوطـون
وهذه رائعه ايضا ..
يا فاطري ما كسرت الكـور=مير البـلا مـن معازيبـي
حطو مكان الوحش عصفور=والديـك جالـه مخاليـبـي
والله يا لولا العيون العـور=واخاف مـن عالـم الغيبـي
لابيـن الخافـي المستـور=وأصيح باعلـى المراقيبـي
دوري قضى ما بقى لي دور=مخطي ولو إنـي مصيبـي
يا حنيتـي حنيـت الباكـور=صبري على شقـة الجيبـي
ارجي لعل الزمـان يـدور=ويحـقـق الله مطالـيـبـي
وهذه قصيده للشاعر : عبدالله بن محمد العطني الحربي .. مرسله للأمير الشاعر :عبدالرحمن بن ماجد بن ربيعان ..
يقول عبدالله الحربي ..
يامبعـداً ضيقـة الخيّرنخيتـك جهـار=عن واردات الحشايوم علقـت نارهـا
يارفيق مسراي الاطرم غاب والبوح نار=والروح يكوي خفاهاغالـي اسرارهـا
يامالبس من بهيم اليـل فوقـه استـار=وكم ليلـةٍ منحنينـه مـزع استارهـا
مـال المقرروراربـان عجـه قـرار=مطيرربـداً فحااللـحـاق لطيـارهـا
من واهج الجاش عقبه بالنواظرشـرار=وازريت لقطع طوال العلـم بقصارهـا
وجهت لبناخـي الشغـارراع الوقـار=لـه عمـة عمروالرهبـان لحبـارهـا
تالـي الرباعيـن ابوماجدبعيدالـمـزار=عنيت رجلي برجـوى حمدمشوارهـا
يامفني العودالازرق والغنـم والبهـار=سلام من نيّـة ً لـك طـاب مسيارهـا
خذهالوالحيـل منهاماتعـادل عـشـار=من ردتك يـوم تسبرخافـي اغوارهـا
نطوي خفاياخفاناعن وضـوح النهـار=وترمس تحت غبةٍ مجهـول محارهـا
بالرجل جمره وبالهامه صهيل المهـار=مابين هاذي وهـاذي هلـت اعبارهـا
روح ٍ عناهالياهـب الهـوى واستـدار=يفتـق نحرهاحنيـن الخلـج لحوارهـا
تنثربللهاعلى الحجـه وصـك العسـار=فقرى غنـاة امـس سلعـه بيدتجارهـا
اغلي سلوم القبايـل بيـن ديـره ودار=وروس الديرمابـقـي ياكودتذكـارهـا
وجه الدهرمن مخاليبه تموت الحـرار=تزهق عيايوم سلمى تخلـف اطوراهـا
قلتـه وانـالازم جنبـي بمركايـسـار=بدل مراكـي يمينـي جنبـه ايسارهـا
بيت ابن لعبون جابه صوت خفقه وطار=واهديـت روحـي لمخطرنارسيارهـا
عميانباهاتصـيـب ولاطرقـهـاقـرار=ثوب الكبيـره تفتـق منـه بصغارهـا
نصيت ديرة خوالك واول الملـح ثـار=عميت عيوني مـن الايـام واخبارهـا
ادلـه والايـام خافيهاخفابطـن غـار=يارجح العقـل بيـن مضلمـة غارهـا
و رد الامير : عبدالرحمن بن ماجد بن ربيعان .. يقول
بديت بسم الذي لرضـاه بيتـه يـزار=ودالـوب الافكارتومـادق مزمارهـا
ياشاكي الهم مال العرف غيره خيـار=هاذي مراقي هل الطولات واقدارهـا
لاتعجبـك بهجـة الدنيـا تراهابـوار=ماحالف العزمـن لاوالـف اخطارهـا
ومن يستلذالحياة الدوب مثـل الحمـار=والذيب شرواك نال العـز بامرارهـا
وترا المكابرسبيلـه للكـرام انتحـار=وكل ٍ يبا الخيرلولاصولـة اشرارهـا
والصغرماينحـقـر قدفجرالسـدفـار=وتقصرطوال الشبوح ليا اقفت اعمارها
وان كان يابومحمد صاب رجلك عوار=ليابردجرحهـا واطـول مشـوارهـا
وش عذركـاس الحميـا بينّامـايـدار=ماغير اناوانت في حانـوت خمارهـا
العب مع الناس والايام صالـت قمـار=ان ماركبت الهجينه مت تحت زارهـا
وش نحتري والزهر بيح سدودالنظـار=حتى ام سالم بوسطه طايـب ٍ كارهـا
على الاقل الك عند المقبـل ابهاعـذار=اللي يمين الترف قوته مـن اسوارهـا
وعليك بالناقع اللـي ماعلقبـه غبـار=في راس عيطاً ردي النـول مادارهـا
لكن خل المعاني مثـل قطـر العيـار=مدري متى بس شمسك تطلع انوارهـا
وقلبي ولوقلت يالعطني همومه كثـار=وام الكبايـر تجـدا وصـل فجارهـا
ولقحت أبّاعث شقاها يوم حل الدمـار=والفاحشـه مبتداهـا كفـر ديانارهـا
لعاد وين العريـب اللـي يشدالايـزار=والخلج ترزم تحـت ساطورجزارهـا
وعلى سبال الحا تثلـغ دمـي الفقـار=واول خراب الدياربضيعـة اسعارهـا
واللي لمسرى الرسول يدّور اكليل غار=ماشال صورة حنان ولا اكبراصرارها
العز ياطالبه ظـل السيـوف الشطـار=طيورغيمارجاهاالمـوت باوكـارهـا
مادامر ٍ قد وضع حجراساس العمـار=منابت السحت ملي الحلـق بغبارهـا
هذاولاصرت ترقب وقت جني الثمـار=بليس يضحك علـى الايـام وغيارهـا
ولانيب الومك ولابدي لـك الاعتـذار=معك إليـن ام عامرتدخـل اوجارهـا
وان كان مقصدك للميت تـرد اعتبـار=يـارب الايــام تجبركسرتعبـارهـا
بفضل الله تم اكمال الديوان ..
واي قصيده جديده لم تنشر سيتم اضافتها هنا ..
...
« آخـــر الـــمـــشـــاركــــات »
28-May-2008, 10:02 PM
ديوان الشاعر الكبير الأمير : عبدالرحمن بن ماجد بن ربيعان .
العرض العادي
