ديوان قصائد الشاعر العلم الشيخ ناصربن بتال الشغار (حصري)

[الدماسي 2007]

ناصربن بتال الشغار

هوشيخ قبيلة الدماسين من الروقه من عتيبه.والذي لازالت توجد الآن مشيخة القبيلة في حفيدة الشيخ بدر بن محماس بن محمد بن ناصر الشغار رئيس مركز أبوجلال في محافظة الدوادمي وشيخ القبيله .ًلأن ليس له سلاله سوى في حفيده ابناء محماس الشغار ويعد الشيخ ناصر شاعر علـــــــم يمتاز بالحماسة والشجاعة والفروسية وهكذا كان شعره, له قصائد عدة لم يحفظ منهــــا الرواة ﺇلا القليل*. ومن أشهرها قصيدته في فرسه التي كسبها في ﺇحدى غزواته يرثيها عندما شربت لبن وماتت بسببه0

يا لله ياللي نطلبه كـل حتنـي=ياخيراً تعط العطايـا الجزيلـه
تعوضني في سابـق حسفتنـي=راحت ولا في دبرة الرب حيله
العام هذا حولهـا يـوم جتنـي=ياعنك ما دامت ليـال طويلـه
يفرح بها يوم اللقى كـل فتنـي=ولا ليا جاء السبر يومي شليلـه
وأنا أحمد الله ما رفيقي شمتني=والعوج مـا عقبتهـا بالقبيلـه
كم من سباع بالخـلا رافقتنـي=و أنا لعكفان الشـوارب دليلـه
وكم من هنوف بالهوى راودتني=والشاهد الله زولها ما أستخيلـه
وليا بغى هاف البخت يبتهتنـي=ينشد طياب الذمـة الله يزيلـه
أنا ليـا مـن البـلاوي بلتنـي=أصبرعلى شيل الحمول الثقيلـه
ولا أصد عنها كل ماواجهتنـي=ورجواي بالمولى منشي المخيلة

***************************

(*) وذكرذالك الشاعر الكبير طلال السعيد في ديوانه الموسوعة النبطيه لأعلام الشعراء



وهذه القصيده يشكر فيها ربه بعد أن أدى فريضة الحج لخامس مره:

لا واهني من حج و أوفى جمـاره=وفى جمار الحج وأطـاف بالبيـت
هذاه خامس حـج ماهـي سـراره=يا رب تقبل حجتي يـوم حجيـت
والله علـى كـن فيـهـا ذيــاره=تطوي صحاصيح الخلا طي عفريت
ليلة ثـلاث الخـال بـادن سمـاره=وعردان خله عن يمينك ليا أنحيـت
الشول عندك تحتلب مـن غـزاره=وليا وصلت أجله علىالنير فارهيت
تلفي علـى قـوم سـواة النمـاره=أرجي عساهم سالمين ﺇليـا ألفيـت
يا مسـوي الفنجـال كثـر بهـاره=يقعد عماس الرأس ريحه أليا شفيت
لازل بالفنجـال يشـدى حـمـاره=أشقر كما زهـم النعـام الأفاويـت
وعده على اللي يحتمـل للخسـاره=جمال التخوت وخل عنك المشاميت

************************

وهذه القصيده في أبنه عيد عندما سمع أحد جماعته يدعى عيد فذكر الفارس

أبنه متأثرا وقال :

بالله عليكـم لا تنـادون يـا عيد=وليا طرا لي عيد واحش روحـي
خيال وأن ركبوا دقاق العجاريـد=شر على الفرسان عرض ونطوحي
ويا عيد والله لو مكانك مية عيـد=ما أنساك مادام الهبايـب تلوحـي

*****************************
وهذه القصيده في رثاء ﺇبنه عيد أيضا :

ألا وا ولدي بواج الخلا مرذي النظاء=يبوج الخلا لـو مـا معـه رديـف
ولدي مقيله بالخلا وسـق عوصـاء=وان دوجرن البيـض الكـل وليـف
أبواردي وأن يبست الريق في الشفاء=خيال وأن جات الجمـوع صفيـف
أول فعل ولد الهدى حـزت النـدى=ذبـح عقيـد القـوم فـوق عفيـف
وأيضا ليا من البـلا حـرك البـلاء=يمنـاه تـورد بالسـهـوم ذريــف
في كون أبن عبودعشا أشهب القرى=مع دربـه الحيـزا تـرف رفيـف
يالله عضني فيـه ياللـي خـذيتـه=يا عايض الـوادي السنـة بالريـف

**********************

وهذه القصيده في رثاء أبنه عيد ويقصد بالعقاب أبنه محمد :

وجدي ولو ﺇني توجدت ما أنلام=ضيعت لي حر يصيـد الجليلـه
طيري بعيد الطلع ماهوب حـوام=طير الطيور ولايهـاب الخميلـه
وغيره عقاب لأبرق الريش قصام=عيا يجي يمـي وعييـت أجيلـه

************************
وقال هذه القصيدة الشيخ ناصر الشغار عندما نزح عنه أبنه محمد ببعضً من أفراد القبيلة وأقوام من قبائل الروقة يتزعمهم في غزواته في عالية نجد بعيدا ً عن والده الذي منازله هو وقومة في ضواحي المخامر والهييشة ووادي الرشا وقد تزوج محمد حصة بنت المزيني الخراص العطاوي العتيبي الملقبة ببكرة التيه وقد قال الشيخ ناصر هذه القصيدة في إبنه يستدرجه على العودة إلى قبيلته وعدم تفريقها وأتخذ من زواجه من هذه المرأة أنها سبب إبتعاده عن والده ولما سمع إبنه محمد هذه القصيدة من والده عزم على الرحيل بزوجته وقومه إلى والده ولم يطلقها كما ورد في بعض الروايات.







ي

الله ياللـي كـل حـيً يراجـيـه=ياعـالـم بالبيـنـه والـسـريـره
ان ترحم اللي لـه جنيـن معاديـه=ياحيف كيف أبني غدا لـي نحيـره
على رجاك ولا أحد غيرك أرجيـه=الديـن والدنيـا عليـك اتعبـيـره
ابني نـزح عنـي بلاشـي مقزيـه=ترك هواي وطاع لا ريـا عشيـره
غدت به اللـي كنهـا بكـرة التيـه=لاهايفـت لـه قـام يطمـا زبيـره
نـوبً يناجيهـا ونـوبً تناجـيـه=وعزي لمن زين الوسايـد شويـره
شدت على نضو من الزمـل تتليـه=فوق أشقح يقطـع بطانـة مريـره
ذيب الطراد أنجاه حل القضاء فيـه=مايسنح المركاض يضرب عويـره
خالـه وابـوه أمشبحينـه باياديـه=ولولا شبوحه كـان مـاراح ديـره
الدرب أله مـع كـل ريـع منقيـه=والبذر مـا يخلـف نباتـه بذيـره
ليـن القبايـل كلهـم خايلـوا فيـه=وخيلتـه اللـي كالمهـاه الحذيـره
أصايـل مـن فيدنـا ماتعـب فيـه=علـط الرقـاب يسابقـن الذخيـره
والله يالوهـو والـدلـي ماخلـيـه=في والدي والله مااطيـع المشيـره
واتبع هوى نفسه واجي في مراضيه=والعمـر صيـور الدوايـر تديـره
الحـر يقضـب ماكـره مايخليـه=يقطع مـن النيـات نفـس تديـره
حرً ومـن ماكـر حـرارً مجانيـه=ياحيـف يالـولاه عمـي البصيـره

ويقول أيضا ً:

هجي عن الرديان ياعنـق الأشبـوب=وأدري ترى الرديان حقرين الابيـات
ليا أخطى دروب المرجلة كل سبسوب=لاقايـلً عطنـي ولاقـايـلً هــات
وأرميه مثل اللي رمى سهلة الثـوب=وأرميه مثل اللي رمـى ميـتً مـات
ياكثر ما نرخي على العضد عرقـوب=حرايـرً نرخـي عليهـن الأصـوات
جا لي سنة وأنا على الكور مصلـوب=من أول دخول الصيف لين أقبل السات
ماني بغـزايً ولا رحـت مركـوب=ويامرحبـا يادبـرت الله أليـا جـات
وأنا لقيـت المرجلـة لـي وتعـوب=ولولا تعوب المرجلة كـان ماجـات

وفي هذه القصيده يخاطب أبنه سلطان عندما كبر سنه وأصبح غير قادر على المشي :

يالله طلبتـك ياولـي الـولاتـي=ياقايدً حبل الرجـا تفتـح البـاب
اليوم ياسلطـان عايـن سواتـي=اليا عقبت البيت أخثع بألاطنـاب
متحريً بالموت عقـب الحياتـي=أيضاً وعقب الموت قافيني حساب
ياطول مانعطـي بهـن الغتاتـي=مثل الفهود وفوقهن نرم ألاسلاب
كم طارفـة بـدوً يخـلا شتاتـي=نهوي عليه أهواي حرً بمخـلاب
وناخذ غزايز كـل قـرمً زناتـي=ونعطيهن اللي يحترينا بالاوجاب
ولاني بمن يقدم علـى الفايناتـي=ويجذي ليا وردت عليه أم غصاب
يعنـك مانصبـي بعنـد البناتـي=نصبي ليا بايلهـن راس مرقـاب
وعلى النبي أختامهـا بالصلاتـي=وبعز رب البيت مانـي بكـذاب

هذه القصيدة قالها الشاعر الشيخ ناصر الشغار ابتهالا ً إلى المولى عز وجل وقد تحققت له بفضل الله حيث أن آخرها وفاته من بعيره الذي وقع منه عندما نهض به بعد تقدمه في السن وسقط على الأرض وقد فاضت روحه رحمه الله وكان ذلك عام 1312هـ تقريبا ً.

يالله طلبتك في الضحى خمس طلبات=كل طلبـة يـارب عطنـي ثمنهـا
الأوله عطنـي عشايـر و خلفـات=اللي يعيشـون العـرب فـي لبنهـا
والثانيه عطني من الخيـل صلفـات=صفـرا تصاغيهـا لبابـة رسنهـا
والثالثه عطني من الجيـش دمثـات=رديفهـا بالقيـض مـا مـل منهـا
والرابعه عطني من البيض خدرات=يا من بها قلبـي أليـا غبـت عنهـا
والخامسه تحسن وفاتي ﺇليـا جـات=ليا قربت نفس الفتـى مـن كفنهـا

وهذه القصيده يرثي فيها أبنه سلطان أخر من توفي من أبناءه الخمسه,حيث

كبر سنه وقام على رعايته حفيده محماس بن محمد الشــــغار , وكان صغيرا

وغرس فيه صفات الشجاعة والفروسية, حيث كان من القاده اﻹخوان الذيـن

شاركوا مع الملك عبد العزيز في فتوحاته لتوحيد المملكه رحمهم الله جميعا:

*

ياشعيل وين أتلى النجوم الربيعي=اللي لهم طرح المجوخ ولاعـه
اليا اعتزوا رفعه وجوزا جميعي=الخيل ما تأخذ بهم ربـع ساعـه
على نفي يا شعيل خلي وضيعي=حطوه بين المقبره و الزراعـه
تبكيه شقحا للموده تريعي = ألهـاعلـى خشـم النويـع أرتاعـه
وتبكيه بيضا ما لهجها الرضيعي=حزاين من طيب سـده و ناعـه
ومن عرض مايبكيه صفراطليعي=تبغى عقاب الخيل في الانهزاعه
ماهوب خبل بالمشاعيب صيعي=يفرح ليا قالو هل الخيـل فاعـه
وانا علـى مادبـرالله مطيعـي=وارجي ثواب الرب يوم شفاعه
يارب تسمتنـي بحبـل منيعـي=عدة ليـال محسبيـن البضاعـه

**********************

(*)
نجوم الربيعي ويقصد بهم أبناءه الخمسه, علما بأنه لم يكن لهم سلاله
سوى ﺇبنه محمد الذي أنجب محماس وحمس






ومن قصائده أيضا :

يالله ياربي كان مانـي قطوعـي=ولاني بمثل اللي يحب القطاعـه
ولاني بفي عورات ربعي د نوعي=و لا أرخيت رأسي بينهم بأنهزاعه
وأفرح ليا صكوا عليـه ربوعـي=وأرفع لهم بيت و سـاع رباعـه
وعندي لهم مثل البطاط الوقوعـي=كيف لشـراب القهـاوي ولاعـه
وغيره ليا لحقوا هل البل فزوعي=أنا من اللـي يقلعـون القلاعـه

************************

وكذالك أيضاً :

عندما اصيب احد جماعته ورجعوا اخوياه به يقول

ياهل الركاب اللي نكستو برفاع=اللي برفـاع الكسيـر أنكفنـي
القابله تلفون مـع قذلتـه بـاع=وهوه يبا ينشدك ياصقر عنـي
قله على هجنن طويلات الأبواع=يسرن طول الليـل مايمرحنـي
مقيالهنـه بـاول الفـيﱢ لاراع=وليا درج في العصر روحنـي

وهذه القصيده كان مع جماعته في احدى مغازيه ولما سموا على غداهم الا والقوم معهم على عقيد مطيري يسمى فالح ويقول في هذه القصيده

سمـا علينـا فالـح=سما عقـب سمينـا
واخذ علينا ساعـه=منها تقول اوشينـا
وجاء للسيوف معالج=انـا اشهدنـا بلينـا
وجاء ردة من ربعي=وماسوى الله سوينـا
كم من طريح منهـم=من غير مافي يدينا

وكذلك له قصائد اخرى لايزال البحث جاري عنها ومن يعرف عن قصائده شئ الرجاء ان يرسلها لي عل الخاص
ومنها

يا قلبي اللي دافنه من ورى الحيد=مقادٍ البكـري مخـلاً خـلاوي

الرجاء عدم نقل هذه القصائد الا بأذن من ناشرها رجاء خاص

تم نقل الموضوع من منتديات الدماسين

[الدماسي 2007]

الاداره المؤقره

او المشرفين الكرام آمل نقل الموضوع الى منتدى امراء وفرسان

حيث انني وضعته على عجاله

[الامير حريبيش]

ونعم بالشغار بيت فروسيه وبيت اماره

[محب الهيلا]

مشكور وماقصرت

[عبدالله هادي ناشي الفليت.]

صح

لسانك


ونعم في الشغار وجماعته الدماسين

[الدماسي 2007]

الامير حريبيش

محب الهيلاااااااا

عبدالله بن هادي بن ناشي الفليت

مروركم مشرف وبيض الله وجيهكم

دمتم بعز

[خيال الجريبا]

ونعم بالشغــار وبالدماسين كلهم

[الدماسي 2007]

يا قلبي اللي دافنه من ورى الحيد=مقـادٍ البكـري مخـلاً خـلاوي

المشرفين الكرام آمل حذف هذا البيت من الصفحه الاولى حيث انني وجدت زميلنا في هذا المنتدى النايع قد نسبه لناصر الشغار في موضوعه عن البكري الجبل

وبعد بحثي وتقصي عنه وجدته انها لمهال الجحفه الدماسي

وهى عندماتوفى ابنه وهو اخرابنائه وكان ذالك قرب جبل الحيد
المعروف

واطيرى الى دافنه من ورى الحيد=قبلية البكرى مخلا خلاوى
طر(ن)غذيته لين جت حروة الصيد=ونجع وخلانى مع الناس اعاوى
عز الله انى امسند ه بالمسانيد=متخير(ن) له فىملم البداوى
امسند(ن)مابين فهادوفهيد=ومحمدالى مايهاب المضاوى
وامه كما شيهانة(ن)كيدها كيد=ماطورقة بعيونها للهواوى
ولاصبحت جيرانها بالقواميد=ولاسيرت بين النساء بالحكاوى

فهاد وفهيد ومحمد يقصد خوال الابن وهم البلمان من الدماسين


وهو كذالك صاحب القصيده التى يسندها على الشيبخ ناصربن بتال الشغار
عندما توفى اخر ابنائه وهو الشيخ سلطان بن ناصرالشغار

تكفى يابن بتال ياماضى الافعـال=تعال انا وايـاك نبكـى جميعـى
انت ابك خيال(ن)لايجنه ارسـال=تزبنـه رع الحصـان الشجيعـى
وانا ابكى الى مامضى منهم افعال=غران(ن)غدوا للقلب المولع ربيعى

آخر تعديل الدماسي 2007 يوم 16-Dec-2007 في 01:25 PM.

[الدماسي 2007]

راع الجريبااااااااااا

الف شكر على مرورك العطر

تحياااااتي

[الصمصام]

الدماسي بيض الله وجهك

والشغار شيخ ومعروف يستاهل النعم هو وجماعته الدماسين

الله يرحم ميتهم ويبارك في الحي منهم

تقبل مروري