حبيب العازمي** وابن مشيط (طاروق عنيف)

[مرزوق الجعيد]

حــبــيــب الــعــازمـــي

ياجاهل فـي عتيبـه يستـر الله عـلاك *** عتيبه ابناء سعد وايظـا خـوال النبـي
وانا مالومك مادام انـك هـذا مستـواك *** لوقلتلـك ويـن ربـك قلـت فابوظبـي



مـحـمــد ابــــن مـشـيــط
ماني بجاهل وعلمي ياولـد روق جـاك *** لوكنت خال النبي يالعازمي فـي شنبـي
الأرض ماهيب لك والعرش ماهو سماك *** ولا يجهل الله تعالى غيـر مثلـك غبـي

حــبــيــب الــعــازمـــي

هذا حديـثٍ موثـق وأعتقـد ماخفـاك *** واللي يعارض حديث الصالحيـن يهبـي
ليتك مادام السعـه عنـا تدربـى وراك *** وانته لوانك ذكي يمديـك جيـت تحبـي

مـحـمــد ابــــن مـشـيــط

يالعازمي هد نفسك وأعتذرك من خطـاك *** دامك توضح حديث من النبـي وشتبـي
ماجزت عن طبعك الماضي يامال الهلاك *** تبغي تسلطن ولا يدخـل معـاك أجنبـي


حــبــيــب الــعــازمـــي

أرجع على الحق وأسلم كان ربي هـداك *** وان كان ما أسلمت قدني واصلك يا صبي
انته ليا جيت في نجران جـاك اشتـراك *** ما أدري من المكرمي ولا مـن الأكلبـي

مـحـمــد ابــــن مـشـيــط

ابلشتنا مع عتيبه وانت مغشـوش مـاك *** غير العصا ياذلول ابليـس ولا اشربـي
ان رحت وان جيت علمي يا حبيب دهاك *** امعرب منسبـي مانـي بـورع صلبـي

حــبــيــب الــعــازمـــي


لا بالله انته مصفى ميـر بلعـن ثـواك *** بلاش ترفع يدك وانتـه تحـت منكبـي
ياشين شكل الكبير اللي عليـه ارتبـاك *** انا اعرف منسبك وانت تعـرف منسبـي
مـحـمــد ابــــن مـشـيــط

ان كانها بالحكي ما حدن تمشـى معـاك *** وان كانها بالفعل منزلك تحـت اركبـي
قدلك تهرب عن ابن مشيط والله رمـاك *** ولا عندنا ياحبيب غيـر صتـم حلبـي
حــبــيــب الــعــازمـــي

ياقدر ليتك مغطى مـا كشفنـا غطـاك *** ركبـك ياجعلهـا بالـداب والعقـربـي
تحدنا بالخطا يـا ليـن نبحـث خفـاك *** واللحيه اللي نقـص تقديرهـا تتربـي

مـحـمــد ابــــن مـشـيــط


ياحارس القول كورتك اسقطت من يـداك *** سددت صوبك قذيفـه والهـدف لولبـي
انت المعزب وانا ضيفٍ تعشـا عشـاك *** وأثرك في صدرك الواسع حكي مختبـي


حــبــيــب الــعــازمـــي

أعطيتك المصحف الطاهر ومسـواك راك *** وأثـرك لامسلـمٍ مخلـص ولاغيهبـي
بلاك ضيفٍ ما صنت معزبـك مـن رداك *** تقـف مابيـن الوجيـه الغـر وتكذبـي


مـحـمــد ابــــن مـشـيــط


رجعتلك مصحفك وأهديت معه السـواك *** مطلبك هذا يابوفيصـل ماهـو مطلبـي
الطيب طبعي مادام أن الردى من وفـاك *** لو يختلف مذهبك مـا يختلـف مذهبـي


منقووووول

[رايـق الروقـي]

الجعيد

تسلم يابوي

موضوع مميز

تحياتي

[مرزوق الجعيد]

رايق

يسلم راسك

انت المميز

تحياتي

[_الثبيتي_]

محااوره طيبه ولاهنت
ولكن بعض المحاورات تثير الزعزعه وياوسع صدر حبيب

[لافيزي]

محاورة جميلة جدآ وفيها احتكاك قــوي

ياليت مثل هؤلاء الشعراء يتقابلون دايم

[مري وافتخر بربعي]

مشكوووووووووووور وبالله نزله صوت اذكانت عندك الله لايهنك

[الرتوعي]

والله انها فضيحه على شعار كبار
البيوت قوية والمعاني منحطه
مير مثل ذا المحاورات تسبب الهواش
والزعل بين الشعار وهذا اللي ما نريده
مشكور يا مروزق الجعيد ولا هنت

[عندليب الجهراء]

لاهنت يا القرم على المحاوره المتميزه

والصراحه متميزه

بن مشيط الى الامام

[واسفاه]

محاوره هابطه
المفروض ماتوصل هالمواصيل اي واحد منهم يجلس ولا يرد يكون احسله

[الـثـقـفـي]

مشكور يا الجعيد واتمناء تعطينا المقطع سوا فديو او صوت ياذيبان
ابن عمك...(عزيز الثقفي)