نفــــــــــود السر تبكي عتـــــــــيبه

[حفيد تركي]

قصيده للوالد حفظه الله / صقربن شباب العصيمي , لما انتهى هذا الملتقى العظيم في يوم الخميس 20/ شوال وطويت الخيام

التي كانت تمثل قبل ذلك مدينه في قلب الصحراء ارتادها الملايين من الزوار وشهد لنجاحها القاصي والداني اصابنا الوجد

على هذا الفراق فاصبحنا نقف على الاطلال وندعو الله ان يعيده اعوام عديدة.
( نفـــــــود السر تبكي عتيبه )

راحو عساهم مايرحون في شر =عقب النفود الممحله عطروها
طوو خيامن شيدت كنها الجر=ياليتهم عقب الفرح ماطووها
بقيت كما نجم الثريا لمن مر=وان ضاقت صدور النشامى نصوها
مالومهم جو من مرابيع ودير=لجل الفعول الطيبه ودركوها
عدوانهم زعلين قولوا عسا حر=مافالقلوب المنتنه طلعوها
ياطيبهم طيباه يوم اتفكر=حتى سوالفهم اليا سولفوها
ربعن من العارض اليا البحر الاحمر=تقول محميه وهم ماحموها
يرعون قطعان السعد حلوة الدر=لولا غلاها عندهم ماقنوها
عاشوا مع الحكام خيرن بلا ضر=وان جا لزوم ودوروها لقوها
في حبهم لحكامهم ماتغير=بيعت ولاء من يومهم بايعوها

[مشعل الحمراني]

طوو خيامن=شيدت كنها الجر
ياليتهم عقب=الفرح ماطووها

صح لسان الشاعر
ولاهنت يالناقل
قصيده تعبر عن مدى الحب تجاه هذه القبيـله
ولــهذا الوطن

والله يطول بعمر والدك
ويخليه لك

[ابوناصر المقاطي]

بيض الله وجهك

وصح لسانك

( مالومهم جو من مرابيع ودير

لجل الفعول الطيبه ودركوها )

نعم ادركوها بحمد لله وتوفيقه

بيض الله وجهك

[حفيد تركي]

مشعل الحمراني

صح بدنك ولاهنت على المرور

[ابوالطيب]

الله يجيب لها المطر تخضر وتزهر ويعودون لها وتصير مفاليهم

[أبوناصر]

بارك الله فيك ياحفيد تركي على النقل
والشاعر صقر بن شباب عبر عن مايجول في الخاطر
أحساس مرهف وتعبير رائع كما هي عادة أبومحمد الله يطول عمره

عدوانهم زعلين قولوا عسا حر
مافالقلوب المنتنه طلعوها
ياطيبهم طيباه يوم اتفكر
حتى سوالفهم اليا سولفوها

[ناصر العصيمي]

صح لسان قايلها

ويعطيك العافيه على نقل القصيده

[الـثـقـفـي]

ربعن من العرض اليا البحر الاحمر ,,,, تقول محميه وهم ماحموها
بيض الله وجهك ومشكوررررررررر (عزيز العتيبي)

[Man من العتبان]

قصيدة جميله ومعاني رائعه صح لسان والدك وبيض الله وجه

ولا هنت يا حفيد تركي

[حفيد تركي]

ووجهك ابيض وصح بدنك

لاهنت على المرور ياحامد المقاطي