]الشاعر الكبير مخلد بن شايد الزواري القثامي العتيبي رحمه الله ، شاعر له اسلوب خاص ، شاعر يعتز كثيرا بقبيلته و له العديد والكثير من القصائد التي تسطر شاعرية هذا الرجل ، مخلد له قصائد حربيه يقال انها ممنوعة لانها تصف الوضع في عصره وايضا حروب قبيلة عتيبة المتتاليه وسيطرتها على جزء من ارض الجزيرة العربية بقيادة قائدها تركي بن صنهات بن حميد العتيبي ، و يعد من ابرز الشعراء في عصره لما يتمتع به من قوة في المفردة الشعرية وبخاصة المفردة العاطفية، ملأت شهرته الافاق وتناقل الرواة شعره المتعدد الاغراض ولد عام 1280هـ بعشيرة العقيق التي تبعد عن محافظة الطائف شمالا بنحو 60 كم عاش متنقلا بين الحجاز ونجد حتى وفاته عام 1340هـ.
مخلد القثامي شاعر اصبح في ذاكرة النسيان رغم ما تركه من قصائد شعرية ذات قوة في المعنى والتراكيب حتى ان بعض قصائده وبخاصة قصائد الحكم والنصح بلغت المائة بيت، اشتهر مخلد القثامي من خلال قصائده الغزلية التي كان يجيد فيها التلاعب بالالفاظ الشعرية بالاضافة الى دقة الوصف وادخال اسماء بعض الجبال والاماكن في شعره .
*******
حنا عتيـبــه
مناسبة القصيدة انه عندما جاء الشاعر مخلد القثامي لمجلس ابن رشيد ، وجد شعراء في مجلسه والكل يمتدح قومه ، والكل بما معناه يقول حنا ، حنا ، حنا ، قامو شعراء قبيلة شمر العزيزه يمتدحون قبيلتهم ومفاخرها ، فقام احد شعار عتيبه وانشد حنا عتيبه وزاد لكنه احرج ولم يستطع التكمله ، فقام مخلد على الفور وقال حنا عتيبه ، فقاطعه ابن رشيد ، فقال : اقعد انت كلامك نفس ابن عمك ، فقال اسمع وبعدين احكم ، ثم انشد قصيدته التالية وعندما اخذ يمدح بقوة عتيبه كان ابن رشيد متكأ فتعدل في جلسته مندهشا من هذا الفذ الشجاع وانه لم يجرأ احد على المدح بهذه الطريقة ، وتعتبر هذه القصيدة مفخرة لقبيلة عتيبه العريقة إلى الآن وهي الاولى في الفخر والتمجيد لقبيلة عتيبه ويقول مخلد :
حنـا عتيبـه كـم حريـب لطمنـاه = دقلاتنـا مثـل الخيال الرزيـني
علونا في الحجـز واقصـى قرايـاه = وشرقينـا يـم الحسـا مردفيـنـي
وجنوبنـا وادي الدواسـر رعينـاه = وشمالنـا يـم المديـنـه يميـنـي
حنا تـرى نجـد المسمـى ملكنـاه = وخابت حظـوظ ملوكـه الاولينـي
وادي الرشا غصب على الناس نرعاه = بشلف رهـاف ويقطعـن الوتينـي
تمرجحي في حمضته واشربي مـاه = وتبرهجي يـا مقرعـات الحنينـي
وكم بيت شيخ فـي نحانـا هدمنـاه = وامسـوا مساييـره مـن الخايبينـي
وكم راس شيخ عن متونـه نطلنـاه = وراحت تسير بـه كـلاب القطينـي
والفصل جا فاربـع سنيـن مسمـاه = من عقبها سمـوى القبايـل طنينـي
منها النهار اللي على الضال واقصاه = من عجـه الضلعـان عيـت تبينـي
ومنها نهـار فـوق دلعـه عبينـاه = مع ايسر الهضبـه عساهـا سنينـي
ولد الدويشي فـا لعوينـد كسرنـاه = يـوم عليـه ايشيـب المرضعينـي
وعلى طلال الـدم الاشقـر نثرنـاه = يومنهم جونـا الضحـى سارحينـي
فغضب أبن رشيد ولاحظ مخلد غضبه فأردفها يقول ليمتص غصب ابن رشيد
والله يالولا شيخ وطتنا زكاياه = ماناخذ الرفقه مع الحاربينـي
شيخ تجيله سبق الخيل مهداه = ابن رشيد مـروع الغافلينـي
يجر سيراتـه وذروات تـبـراه = مـن كثرهم يا راحم الراحميني
مثل الجراد اليا تقافت رحايـاه = امسلطه ربي على الظالمينـي
وبذلك هدأ ابن رشيد وقال :
انت يامخلد غرفت لعتيبه من القدر وماخليت لشمر غير القراره
*******
هذه قصيدة ومناسبتها ان بعض القثمه نزحوا على اميرهم شديد العبود من وسط نجد الى الشمال وعندما اقتربوا من مدينة الفرّع وارادوا ان يمدوا الى مدينة الفّرع ، وكان مخلد القثامي ومن معه ولان بعض من قومه ليس معهم ما يركبوه حتى يمدون ، فذهبوا لاميرهم وقالوا له نريد منك تجيب لنا (وجمه : أي مدة (ارزاق ) واحده ) من الفّرع ، فقال : عنيتوا عليه وانا عنيت على الله ، ثم اخذ جمالهم ومد الى الفّرع وحملها من التمر بما لايقل عن ثلاثين حمل ، ثم عاد الى جماعته ، ثم انشد مخلد قصيدته التاليه بعد ان رأى طيب اميره و موصي ابنه غازي :
يقـول مخلـد رد مـن طيّـب البنـا = تماثيـل بيطـار ٍ تنـقـا عجيبـهـا
مـن وقـت هـاض بالـي وحسنـي = أيام علينـا الـرب الأكبـر رضيبهـا
حلنا ومدينـا الفـرع مدهـال الحيـا = وعـزي لنفـس ماتحصـل قضيبهـا
تلفّت في ربعـي هـل الجـود والثنـا = عسى حاجة ٍ مـن واحـد ٍ تقتضيبهـا
تجاوز هل الأمـوال بالقـرش بينهـم = هـذاه يعطيهـا والآخــر يجيبـهـا
وحذراك بنت الـلاش يعجبـك زينهـا = تحنـي كواعبهـا وتنسـع ذويبـهـا
تراها سواة العشب في دمنـة العـرب = حتـى حمـار الحلـس مايرتعيبـهـا
تجـذب خناطيـل ٍ تصافـر عيونهـم = وأخوهـا وبوهـا قاعديـن ٍ لصيبهـا
ترى اللاش مثـل الليلـة الكردسيّـة = كمـا ليلـة أم قبيـس ما ينسريبـهـا
وترى اللاش مثل الليل والنار والمطـر = يومن الهبايـب ليـن يطفـي لهيبهـا
عليـك ببنـت مـجـرّب عارفيـنـه = قروم الرجال اللـي تنومـس نسيبهـا
أتعب لها العيرات وأتعـب لهـا القـدم = وسافر لها لـو هـو بعيـد ٍ مغيبهـا
تراهم يسوقون الكحيلات فـي النسـب = قحص المهار اللـي سريـع ٍ هذيبهـا
تجذب حرار ٍ مـن معالـي وكورهـا = حرار صقـور ٍ مـن معالـي رقيبهـا
كـرام ٍ زعانيـف ٍ جـزال ٍ نفوسهـم = تقضـي لوازمهـا وتأخـذ مصيبهـا
وأنا أحذرك من رأي المره لا تطاوعـه = ترى راية النسـوان تملـك نصيبهـا
وأنا أوصيك في حرش الوبر شمّخ الذرا = كمـا جوخـة ٍ شرّايهـا يكتسيبـهـا
البـل سـاس المـال ياجاهـل ٍ بهـا = لكنـهـا مـاكـل شــي ٍ يجيبـهـا
البـل تبـي قـرم ٍ قـوي ٍ عزايمـه = دايـم عـلـى طرّافـهـا يشتقبـهـا
يازينهـا فـي وادي ٍ عقـب غـبّـه = نـو السمـا نـو الثريـا سقيبـهـا
في وادي ٍ تشوف الزهر فـي جوانبـه = وقامـت دقايقهـا تكاسـر لشيبـهـا
أنا أوصيك ياغازي ترى الروح فانيـه = الأيـام تضحـك لـك ولا يندريبـهـا
تغانـم شبابـك قبـل يلعبّـك الجهـل = تغانم زهرهـا قبـل يابـس رطيبهـا
زهرها الكرم والدين والصمت والظفـر = وخيـار الأريـا لاتجنـب صليبـهـا
أنا أوصيك بالخطّار في هاشـل القسـا = إليـا لفـولـك لاتقـصـر وجيبـهـا
بدهـم بالكيـف والـكـن والــذرى = وقرّب معاميـل ٍ علـى الله نصيبهـا
وعليـك بالعانـي ليـا جـاك عانـي = إذا جاك ناصي راكـب ٍ فـي نجيبهـا
وأنا أوصيك بخصمك على قطع عرفـه = إذا جـات أيـام الطـلابـه طليبـهـا
وترى ربعك الأقصين نصرك على العدا = وقبيلتك ساعدهـا وحـارب حريبهـا
وترى ربعك الأدنين سترك من الشقـى = سيوف ٍ إذا جات الملاقـي تقتضيبهـا
وأنا أوصيك في طنب الردي لا تجاوره = رذال الرفاقـه لا تـجـاور طنيبـهـا
تنشبـك حرمتهـم وينبحـك كلبـهـم = كما النملـة اللـي ماتريـح قريبهـا
*******
( يالله ياربي )
وهذه احدى قصائد مخلد القثامي وهي عن ان مخلد بعث برسول لدياره يخبرهم بالربيع ويصف للرسول المكان وكل شي عن قبيلته ويحث الجميع على القدوم إليه.
يا الله يا ربي عليك التسانيع = وان ضاقت البيبان بابك وسيعي
كريم يا برقا نخيله وراء الريع = ونخيله بأطراف وادي النقيعي
يا راكب اللي من سلايل مرافيع = اسداس حيلا ما تلاهن رضيعي
قطم السماري ما هوتهن مراقيع = تاطا الحثاث و سبتهنه متيعي
إيزوعن إليا بداء الفجر تزويع = ولهن غذاي اليتامى وديعي
ما فوقهن الا العيال القواطيع = طريحهم بالعج ماله منيعي
حط البهار ونطع الليف تنطيع = لين السوالف بين اهلها تريعي
واخذن من غدران حاذه قراطيع = من ماء المطر ما هو بعدا رجيعي
ويازينهنه بالسليله مخاريع = للحيَهنه في اللواحي قضيعي
باطرافهن مثل السباع المجاويع = من ذل اهل ركبا عليهم يفيعي
واليا بدن حلي كشب المضابيع = أدروا عليهن عقب مسرا شنيعي
ولازم تشوف الطرش حمرن مراتيع = والا تشوف النار تلمع لميعي
وزع عليهم ردتي بالتوازيع = وخص العيال وكل قرما رفيعي
ونجل العيون مخوتمات الاصابيع = هيم البطون وخل عنك القظيعي
وان سايلوا عنا بوادي المرابيع = اتراب و الخيبه بهكاء البقيعي
صعوطنا القبعي وعج المدافيع = وان ثارت القله غدينا مزيعي
اخيامنا مثل الطيور المواقيع = ولا ديرتا زينه ولا من نفيعي
والحي لابده يجي بالمراجيع = واللي دعاه الموت يقعد وضيعي
*******
وهذه قصيدة أخرى ( باب الحرم ):
يقول مخلد عند باب الحرم ون = بالمدعى ياعارفين المكاني
أقدامنا واقدام خلي تناصن = فى مطرح عنه الطريق ايحداني
أول عذاب القلب من عنبر خن = والمسك والريحان والزعفراني
واتلا عذاب القلب شقر يهلن = على عنيق كنه الخيزراني
جاني يجر أهدوم مدري وشنهن = لابس على الدفه حرير يماني
أربع سنين اقرع كما يقرع الشن = ياواصلينه علموه ابمكاني
واربع اسنين حب سيدي على ظن = واربع سنين زادنا ما هناني
ودي أسايل عنه واقول من من = به لو كان سيدي خابره ما غواني
ستين منظيه من الجيش ينقن = أيضا ويقفاهن عشر وثماني
عشرين منه مع شفا نجد هفن = وعشرين منه يم وادي اقحطاني
وعشرين منه فى المدينه يرسن = وثمان منه يم وادي اشهراني
والعشر الاخرى فى سويقه يحلن = ويدورونه فالغبا والبياني
أوسط وعد ليلة فطور يهلن = وأول وعد ليلة هلال ارمضاني
وآخر وعد يوم المحامل يدقن = فى لمة الحجاج ليلة ثماني
إن كان جابن الحبيب عليهن = أبا انشر البيضا ولج الغناني
ون كان ماجزيته على الله جزاهن = والموت خير امن الهوى والهواني
عهدي بهم يوم المحامل تصاكن = في لمة الحجاج يوم الثماني
*******
وهذه قصيدة أخرى ( بادي الحيد ):
يقول مخلد بادى الحيـــد الأسمر = في مرقب قدم الضعائن منيفي
يا الله واني في رجـــاك أتصبر = صبر الديار المسنية للخريفي
تعزا لعين دمعها حــــار وأمطر = ينه تهشم حجرها بالذريفي
والله لولا العظم يـــــوم أتعمر = يا كويت العظم عيدي وريفي
ابرد بها عبـراتي اللى تكسر = لا شب في قلبي سواة الصريفي
ولولاك ياطعـم الدلال المنحر = لا ولف القيفان واهرف هريفي
هريف سرحـــان بعد ليل اقشر = هايف ومطرود وتلف معيفي
عليك ياللى حبته كنه الــــــدر = در الصعـــوب ان سلهمت للعطيفي
در الصعوب مكســـــــر فيه سكر = ومبرى في عـــــــارضي رهيفي
لا روحت من وادي نبتــــه أخضر = ين الحــــــرار وغادي له لفيفي
عز الله انه بالهــــــوى جرني جر = جر الرشا فوق المقـــــام المهيفي
عز الله انه بالهــــــوى كرني كر = كر الضـــوامي للقليب الغريفي
من لامني لعــــل يمناه تكسر = يطيح في دقلة خـــويا الشريفي
يالايمي عســــــاك للحر واكثر = زند المحلج وبــــواردي ظريفي
في درجة تحـــذف بخفاف وعشر = ياخذ سنة غمق صوابه مصيفي
ويالايمي طتاولك في عمرك الشر = وتأخذ سنة بين القرايا تضيفي
ويالايمي طــــرحوا عيالك مجدر = ومن بعدهم تقعد ضعيف كفيفي
ويالايمي صـــادوك صبيان شمر = وجونا بعلمك سابقين النكيفي
يازين خلي وان مشى بالمشجر = وثويب السبهان خياطه نظيفي
يامل لقـــــلب يجــــذبه كلما مر = وليا دله بالعين وازنف زنيفي
زنيف دراج الســــواني اذا صر = علي ثلاث يجذبنه صفيفي
كنه هديب الشـــام يوم يتندجر = قدامه المدفع ويـــــرزف رزيفي
وعقيل يتلــــونه على اكوار ضمر = ومشطرين ايمانهم بالـــرهيفي
وإلا مشى له ســاعة ثم هو كر = يسعون خدامه لحكم الشريفي
يا ليت خــــــلي يوم قفا تعذر = ما اقفا على السفهان كنه معيفي
من يمكــــم يا الطـــــيبين اتعذر = تدرون راع الحـــــب قلبه رهيفي
دلا يزايـدني بشــــــقر تنشر = ومحاجر للمــــــوت فيها رفيفي
ولي عشـــــير جرني بالهوى جر = ويجرني جرت مــــــزون الخريفي
وفي عينه اليمنى سيوف تسطر = وفي عينه اليسرى عساكر شريفي
أشكى على حماسة البن الأشقر = أهل النجور اللى ترازف رزيفي
واشكي على لباسة الجوخ الأحمر = من فوق قب ينقان الرديفي
واشكى على اللى يم حائل تومر = تكفا ياخو نوره زبون المخيفي
وان كان اخو نوره لشكواى ما سر = ولا انقطع حبل الرجا من وليفي
ألا حما في نجد بالسيف الابتر = وما طرت البصرة لحد القطيفي
*******
قصيدة (صدر القثامي ) :
صدر القثامي فاح من زود الاقراح = كلا من الشعار عنده هقاوي
ويلا بدعت القـــاف ما نيب زهاف = بيطار في رد المثائل قصاوي
لولاك يا الغــليون لا صير مجنون = وأني لضلى بالزرايب خلاوي
ياتل قلبــــي تل ركب بعد زل = إلي عطا مع راس حزم نقاوي
ويلا عطا المظماه والخيل تنظاه = قافيه بدو ودارع في حساوي
ظلوا يلحونه تقارع اشنـــــــونه = عليه من حب الثميدى هداوي
طقوا حدا هنه اليا والقــــــــهنه = حسن المثار وخرجهن والعزاوي
صدوا بهن يسار للدرب عبـــار = وركبت عليهم ضمر مع نقاوي
صدوا بهن يمين مثل السراحين = ويلا هذا المظهور يتلى الرواوي
وداروا عليهنه و صاحوا بهنه = في حاجر فيه الادامي امتخاوي
جاهم هجاد جد في ليل أسود = عدا بهم عباس مدرى الجلاوي
يا ويلهم بالويل لولا أسمر الليل = يا ويلهم لولا أسم الليل ضاوي
تفاوج الاصباح برود الانشاح = واصبح دليلتنا عن الرسن غاوي
يا ناقض المرجود يا لين العود = أنا معك بالذمة ان كان تاوي
وانا هيامي عام عام وراء عام = ولايبرى الوجعان كود المداوي
يا سم حالي سم غرس بعد زم = بعد شراب الجم غاد حناوي
قضوا حصابيره وطكوا حضيره = وماتت معاويره وخلى خلاوي
تكفون يا هل الكوم والليل حلكوم = ترا عليه من القرانه حراوي
وأن مالقيتوا علم والا انحروا ظلم = عدو لهن في رأس رجم سماوي
لزما تمرونه ولــــــــــزما تجونه = ولزما معارفكم تمضى الشكاوي
*******
قصيدة ( سيرة العشاق ) يذكر فيها شيوخ وامراء قبائل الجزيرة العربية
ويذكر أن الحب لم يعيبهم ..
مخلد بـد حيـد طويـل الاشاذيـب = ذكر علـه وكلمـا بالحشـا جـاب
لو لا اني اجلا عن ضميري لواهيب = في كنة الغليون فـي راس مرقـاب
وملا وحي باكوار شيب المحاقيـب = لغدا حريقة نار فـي راس مشهـاب
علـى عشيـر سدهـاك المراقيـب = عسلج وضلع هدان وكبـاد ونيـاب
ودعتـك الله ياشريـف الخراعيـب = يانافـل بالزيـن تلعـات الارقـاب
العين طفطـوف عـذى المشاريـب = في ماقع عسـر علـى كـل هيـاب
وانهيد خلي ماتعلـق بـه الصيـب = حمر ثمرهن توهن شـق الاسـلاب
يفداه من لـم الحطـب للخراعيـب = خطو السدوح اللي عيونه للاقـراب
يالجتي لجـة محـال علـى شيـب = شيب اعـداوه عفتوهنـه اصعـاب
تقفي وتقبل بـه طويـل المجاذيـب = في عيلهم طولـه ثمانيـن بحسـاب
ويالجتـي لجـة قطيـع مناهـيـب = في كنـه الجـوزا حداهـن ملهـاب
على القليـب يرشحـن المغاريـب = العـد مقطـع والحداديـر هـيـاب
او لجتـي لجـة نجـور تواعيـب = لجة نجور الحاج مـع كـل شـراب
او لجتي لجة مـع الغبشـة الذيـب = لجلاج ذيب يرفع الصـوت قنـاب
يلومنـي بالحـب خطـو الدباديـب = خطو الدحوش اللي تعصا بمشعـاب
والحب ماعذرب شيـوخ الاجانيـب = ولا عاب ابن ظمنه وراكان ماعـاب
ولاعاب اخو نوره مروي المغاليـب = ولا عاب الدوشان عريبين الانسـاب
ولاعاب نمـر حصـان الاطاليـب = اللي عشق وضحا وابا زيد وذيـاب
ولاعاب اخو سكره حما الفطر الشيب = ولاعاب ابن حميد صنهات وعقـاب
اللـي يعزلـون امهـات الدباديـب = ام الجرس والطوق والعفر الاشبـاب
ولا عاب اخو ريا حما الفطر الشيب = اللي يفك الجاذيـه وقـت الانشـاب
و الذين تم ذكرهم هم :
1- فايز بن جريس بن ظمنه "شيخ الصعبه من بني عبدالله من قبيلة مطير "
2- راكان بن حثلين "شيخ شمل قبيلة العجمان "
3- اخو نوره محمد ابن رشيد " شيخ عبده من قبيلة شمر "
4- الحميدي بن فيصل بن وطبان الدويش و تريحيب بن شقير الدويش " شيوخ شمل قبيلة مطير "
5- حصان الاطاليب نمر بن عدوان " شيخ عشيرة العدوان من قبيلة بني صخر "
6- ابو زيد سلامه الهلالي " من شيوخ قبيلة بني هلال "
7- ذياب بن غانم الهلالي " من شيوخ قبيلة بني هلال "
8- اخو سكره خلف المور الهقيش " شيخ عشيرة الهقيش من قبيلة بني صخر "
9- صنهات بن حميد " شيخ شمل قبيلة عتيبه "
10- عقاب بن سعدون العواجي " شيخ ولد سليمان من قبيلة عنزه "
11- اخو ريّا هاجد بن رزيّن بن ظمنه " شيخ الصعبه من بني عبدالله من قبيلة مطير "
وهذه القصيده التاريخيه سيفتخر بها ولن ينساها ابناء الشيوخ الفرسان المذكورين ولا قبائلهم
لأن شاعر قبيلة عتيبه الكبير مخلد القثامي يرحمه الله مدحهم لا لأجل المديح فقط للإستدلال على ثوابت .
CENTER]
*******
[/CENTER][/color]
(يا راكبا حمرا )
وهذي قصيدة لمخلد القثامي يمدح فيها الشيخ هذال بن فهيد ( أخو هملا )
وبما يتمتع به من شجاعة وقوة اهابت كل اعدائه وهو اهل للمدح ويذكر فيها معركة من معارك عتيبه
وهي ( الضال ) ومنها الابيات اللي تقول :
[/color]
ياراكبا حمرا تبوج اشهب الـلال = تهوي كما تهوي فريـد النعامـي
انصي الامير وطقها عنك هـذال = لعـل عـود عقبـه للرخـامـي
تلقى اذا جيته مـن البـن فنجـال = وهيل يكثـر بالـدلال الحشامـي
حر تسلسل من طويلات الاقـذال = نلطم به العدوان شـرق وشامـي
الا شاف ميلات العدا جاه ولـوال = رفرف بجنحانه وكسـر وحامـي
نبيه للـراس المصعفـق اذا مـال = اذا شيلت العطفه نهـار الزحامـي
ام لنسل مضيم ماضيـن الافعـال = واللا العلوا اهل الجموع الزوامـي
يانجد لاترهب من الحرب لو طال = وترا شراع الحرب ما ساع قامـي
ابشر بجيش وخيل وسلاح ورجال = صفرا وجمرا مثل لـون التهامـي
ياما قطعنا فيك مـن راس خيـال = لاثار عـج مغبـرات العسامـي
باكر اليا علك من المـزن هطـال = وشفت الزهر كاس خشوم العدامي
اما تحدرنا من العـرض وشمـال = والا علينـا للطلايـع مـلامـي
مثل النهار اللي على هضبة الضال = فيها الدويش وفيه ولـد الامامـي
ولدوا على خشم القهب سيلها مـال = ناخذ عمـار مجربيـن الاسامـي
1) الدويش :
سلطان الدويش
2) ولد الامامي :
عبدالرحمن بن فيصل بن تركي بن عبدالله بن سعود
*******
هذه القصيدة لمخلد القثامي ولهذه القصيده قصه يذكر والله اعلم انه تقدم عدد
من الشعار لخطبة احدى فتيات البادية وكان من ضمن الخطابه الشاعر مخلد القثامي يرحمه الله وفضلته عليهم :
ياراكب من فوق نساع لـزوار = هجن من الطرفه شلاهيب شيبي
مافوقهن غير الجواعد والاكوار = وقريبتن مرويـة مـن قليبـي
اليا عطن واد من السيل معتار = اخب اقدام الركايـب خبيبـي
وان هب نسناس كما واهج النار = ابرد عليهن عن سموم اللهيبـي
سقوى على عيني الى شفت الانشار = واصبحت قاربة ضعاين حبيبي
كني مثنن لي بحجـة ومزتـار = يزود قلبي زود زرع الركيبـي
ويذكر ان حبيليص ابن عديس الشيباني يرحمة الله كان احد الخطابه
لهذه الفتاة فوجدها فرصة ليداعب مخلد بهذه الابيات :
ماذم مخلـد لـه معاميـل وبهـار = لاشك يبـدع لـه كـلام صعيبـي
وان كان يامخلـد تنـوي بمعبـار = سج الركـاب ونصهـن الحريبـي
الدرب عانه من حصا كشب ويسار = ماطر عسلج والهضاب العسيبـي
لازم اليا وايقـت بالحـزم سبـار = تشوفهـم ببـيـوت والاعزيـبـي
الميد يا مخلد اليـا شبـوا النـار = وحطوا وعدهم في المكان المغيبي
وتطلقوا مثـل السراحيـن عبـار = كل على طلب الرجـا والنصيبـي
احد يجينا بالسرق جـل وصغـار = واحد يحوز عن الخمر والشعيبـي
وحنا طلايقنا يشـو قـن الانظـار = اليا حدوا والمرحان يـم الجذيبـي
كم خيمة من دونها خمر وحجـار = ونضوي ونشلها كما شلـع ذيبـي
وحنا اليا سرنا وحبل الرجا سـار = نقطع عليها الخوف قطع العصيبي
ونعطي قصيرتنا من العرب مغزار = يستاهل الفرحـه وحالـه يطيبـي
ونصنف الدنيا ونبنـي بهـا كـار = يوم الرخوم مـع القرايـا تسيبـي
*******
يقول مخلد القثامي
يا مل قلب تاق من عقب الافـراق = يومي كما المسباق بين المعاليـق
من خل اوما بـه وجـدد عذابـه = او ماي ركب مبعدات المواسيـق
هفايف يوم ان سرو واسرقوهـن = سرو يوم الصبح جالـه تخافيـق
وخلوا نحاهم من على درب ماهن = من خوف يلحقهم رجال الملاحيق
وقفوبهن جلعود مع وقفة العـود = واقلوب اهلهن من طلبهن مشافيق
عطوا بهن اللال ذربين الافعـال = لعيون بيـض كنهـن الغرانيـق
جرو عليهن من غناهم لهـم فـن = لين الطموح يطلق الشوق تطليـق
مخلد بدا المشراف ويعدل القـاف = كنه لبن مشعاف عرب مفاويـق
لولا اشقر الفنجال اوسع به البال = في منصب وادلال بيض مدانيق
لغدي حرايق بن نجـر الـى دن = وان يلتهب قلبي لهيب بتحريـق
علمي بتالي الفي في روضة الني = جاني وشفته عقب لامه وتفريـق
وش مصخف حالي طوال الليالي = وش مغضب بالي وأنا ليس ماليق
ريقه حليب بكار يرعن الاقفـار = عليه بيبـان الضمايـر مغاليـق
*******
(جيت الجمار)
وهذه قصيدة اخرى رائعة لمخلد القثامي عندما شاهد معشوقته في موسم الحج
وهي طبعا غزلية ، فيقول :
جيت الجمار اشتا والناس عراي = وشافت عيوني والخلايق كثيري
باب السلام اخذت لي حوله ايام = مناحر للباب مثـل النطيــري
وجاني يهيف اهداب عينى مرابي = فيه المنايا مثل مـوج الغديـري
جاني يتوق اشقح اردايه وسمحـوق = ومن شاف فرق الزين يصبح عثيري
لبسه غيارا لابعد الله دياره = دفةّ شمالٍ بزرقان الحريري
وزمزم وماه اللي بركةٍ لمن جاه = آلاف يردونه وآلاف صديــري
والحال شد وسال دمعي على الخد = ودمـل طـويلات الخطا للظهيري
عني من سوابي رعاه الجرادي = ديرة سبيع متيهين القصيـري
عني نصا الوديان مدعوج الاعيان = وا هني غرسٍ راح له بالحضيري
وا هني جماره وساقي بياره = وغروسه اللي للحبّيب بريري
وان جاء الربيع وان جات حتون المنافيع = يشرب حليــب معـدلات الدريـــري
اسهاف ذو اشعاف يرعن الاطراف = يرعن لعشب جاء لنبته زفيــري
ترعى القرار ليا اعتقب فيه نـوار = من الرحا ويسار مرضي الفطيري
ويرعن قرار النير واطراف خنزير = ويرعن كير وياصلـن الجريـري
في ظف قب حيل تمشي دحاميل = منزحين العبــدلي والصعيري
وخيل الحروب الها عليهن ماجوب = لاشك حاديهم كمـام الاميـــري
وليا اوجهن ايمين يمن القحاطين = كم حلةٍ خلو عـمـدها نثيــري
طاف الثنية ما نوى البوق فيه = لاشك في نيه وانا وين صيري
في ديرة الاجناب لجاء الانياب = سوات شياهنٍ جناحه كسيري
ان سلت عنا عقبكم ماتـهنى = انا عليك اعوي عويل وذيري
والا عويل ذياب مع جال ملهاب = مع درب قومٍ ييتمون الغريـري
وهرجة طريف إله النشاما مشاريب = ليا طلع فالمجلــس المستـديري
مجلس رجال ليا حضر فيه عقّال = ليا سلم لا يحضره كـل هيـري
يعمى العيون ليا حضر فيه شغموم = في عادته يا مال حوس المريـري
*******
قصيدة الشاعر مخلد القثامي التي جارى فيها مشعان الهتيمي في محبوبته :
بداية قصيدة مشعان الهتيمي :
يقـول مشعـان الهتيمـي تفلهـم = قاف رجس بين الضلوع المغاليق
يا صاحبي من دونه الطير حوم = دونه سراب القيض جا له تخافيق
مجاراة مخلد القثامي :
الله مـن نـواءً مزونـه تهـشـم = برقه على الطارق سرى له تخافيق
اياسـره ظلعـة صفانـة ورمـرم = وايامنـه ظلعـاً يسمـى صعافيـق
يسقى قرارة نجـد ليـن أن نتليـم = ويستر به لا ما القلوب المحاريـق
جلست أنا وياه في الليـل الأظلـم = وجلست لين الصبح بان له تراويق
اليـا طلبتـه حاجتـاً قالـي تــم = في حال والا حال في صدره الضيق
عهدي بخلـي والعراجيـن تصـرم = يـوم العبـاد يـدورون التوافيـق
فـي ديـرة فيهـا العبيـد المحمـم = الهم على سوق الجـزارة تناعيـق
ما يا صلـه يكـود هجـن تدرهـم = فج العضود معرمشـات المساحيـق
بنات عملي بعـض لونـه اسحـم = يا زيـن ذود ارقابهـا بالخفافيـق
*******
وحين انتقلت محبوبته الى تهامة اخذ يصف البعد الذي حل بينهما مدعماً ذلك باشهر الجبال:
يا صاحبي يردن من دونه الحيل = حوّل ورا مكه لرجعٍ تهامي
دون جبال هذيل ويلٍ على ويل = والهِيل من دونه وشلمات زامي
دونه زمت ركبه بعيدٍ جهاجيل = ويسيل لسقاهن صدوق الغمامي
حوفوا على عوص النقا يا رياجيل = وعيبٍ على عينٍ تذوق المنامي
*******
قصيدة نسبت لغيره، لأن طول العهد على وفاة مخلد القثامي جعل الرواة يخلطون القصائد بعضها ببعض
وما حدث لهذه القصيدة ربما يكون امرا طبيعيا ان تنسب لغيره ولكن بعد تقصي الحقائق الشعرية من المقربين
لمخلد القثامي وجدنا ان هذه القصيدة له :
يا عظمي اللي طاح في الخنفريه = ووحيت له في قاعة البير مضراب
خمخمت عظمي وانفلت من يديه = قالوا بعيد وحال من دونه الداب
ناديت يا الظفران وابطوا عليه = العِد طويله والحدادير هياب
يازين شريه في ظهر عدوليه = والا ليا وايقت في راس مرقاب
والا ليا كوعت جنب الوديه = النجر له لعلاع والنار صلاب
*******
(( خاتمــــــة ))
اقول ان شعر مخلد القثامي يعتبر من الشعر القديم الاصيل الذي يحمل في طياته العديد من التساؤلات
للمهتمين بالشعر الشعبي لذا اقول اين الشاعر مخلد القثامي من خارطة حاضرنا اليوم وهو الشاعر
الذي اشتهر قصيده في نجد والحجاز وتناقله الرواه من مكان الى اخر؟ أما آن حفظ هذا الشعر الاصيل
في ديوان يخص الشاعر نفسه؟ ألا يستحق ذلك وهو يعتبر احد ابرز شعراء عصره وربما كان الاول .
:: وأرجوا من كل مهتم بجمع روائع هذا الشاعر أن يضيفها الى هذا الموضوع ::
« آخـــر الـــمـــشـــاركــــات »
13-Aug-2007, 08:28 AM
ديوان الشاعر الاسطوره مخلد القثامي
العرض العادي
