المساعيد من النفعة ( نسب ، امارة وفروسية ، شعر وشعراء، هجر وديار )

[فيصل المسعودي]

بسم الله الرحمن الرحيم

السلام عليكم ورحمة الله وبركاته

أحببت في هذا الموضوع أن أسلط الضوء على قبيلة المساعيد من النفعة من عتيبة

تعتبر قبيلة المساعيد أحد فروع قبيلة النفعة المعروفة في نجد والحجاز

وتنقسم قبيلة المساعيد إلى قسمين :

1 - ذوي كاسب وهم :

أ- الصفيان
ب- السياحين
ج- الرفادين
د- العدله
هـ- الجباهات
و- العمارى

2 - الدغمة ذوي دغيم وهم :

أ- الهدفان
ب-الفوالح
ج-الملافية
د-المساقية
هـ-العظامية
و-البدرة

&&الشيوخ والفرسان :

قبيلة المساعيد من النفعة كسائر قبائل النفعة وعتيبة برز منها العديد من الفرسان والشيوخ والشعراء الذين ساهموا في تحقيق تاريخ مشرف لقبيلة النفعة وقبيلة عتيبة

ومن هؤلاء على سبيل المثال لا الحصر :

1- الشيخ الفارس / قنيفذ الدهينة:

اشتهر هذا الشيخ بالكرم والفروسيه وله قصه تدل على شدة كرمه لانه قد اضاف اناس في مكان لايوجد فيه حجر واخذ
يذبح من الغنم ويضع رؤوسها اثافي وكل ما اكلت النار تلك الرؤوس ذبح اخرى حتي نضج الاكل .

وقيل انه اغار على احد القبائل وغنم اموالهم وفي طريق عودته قال هذا البيت :

الميسم الحامي كوينا به العدى=يجي الحول حامي ماتبرد ملايله

2- الشيخ الفارس/ سعود بن نافل الدهينة:

شارك الشيخ سعود بن نافل الدهينة في العديد من المعارك التي خاضتها قبيلة عتيبة وهو والد الفارس المشهور الشيخ مقعد الدهينة وقد قال احد الشعراء قصيدة مادحاً الشيخ سعود الدهينة والشيخ الفارس المعروف شبيب بن حجنة من ضمنها هذه الابيات :

شبيب زبن اللي تجاذب بـه الـلاح=وسعود زبـن اللـي تكالـح شفيـه

3-الشيخ الفارس المشهور/ مقعد بن سعود الدهينة:

الكل منا يعرف مقعد الدهينة هذا البطل الذي حقق العديد من البطولات والامجاد

شارك هذا الفارس في العديد من الفتوحات في بلادنا الحبيبة ابان توحيد المملكة ويذكر انه شارك في فتح الاحساء وعمره 19 سنه وكان يعتبر من اصغر شيوخ القبائل الذين شاركوا انذاك وشارك ايضاً في وقعة تربه وذكر عنه انه قتل في هذه الوقعة لا يقل عن اربعين رجل
يقول الشاعر خالد بن عتيق الصفياني :

ذكر الدهينـه يـوم الاريـاق يبـاس=سـوات نـاراً زادهـا الاشتعـالـي
مقعد ليا دارت رحاهـا بالاضراس=يضرس كماتضرس فهـود الجبالـي
ويوم تربه شاهد على الفعل والبـاس=عشرين مع عشرين راحـو زوالـي

الشخصيات السايقه فرسان ومشائخ تولوا المشيخه في قبيلتهم المساعيد من النفعه

ومن الفرسان ايضاً :

1-معتاد بن مفرح الملقب بالطباق من السياحين من المساعيد من النفعة

2-مسعد الوطيرق من الطرقان من الفوالح من المساعيد من النفعة

3-سعيد الوطيرق من الطرقان من الفوالح من المساعيد من النفعة

4-كريوين بن عوجان الملقب بالمعترض من الرفادين من المساعيد من النفعة

5-هلال بن حيلان الملقب بأبا الخيل من الهدفان من المساعيد من النفعة

6-عايض القرط من العدله من المساعيد من النفعة

والفرسان والشجعان كثر في القبيلة لكن هؤلاء على سبيل المثال وان شاءالله نستطيع ايراد المزيد منهم

&& الشعراء :

برز في هذه القبيلة العديد من الشعراء

من هؤلاء الشعراء الشاعر / صنهات بن عتيق الصفياني المسعودي ويعتبر هذا الشاعر من شعراء النفعه المعروفين في الحجاز له العديد من القصائد فقد نظم قصيدة مدح في الملك فيصل رحمه الله يقول في مطلعها :

يقول النفاعي يوم غنى بقافه =ثماثيل من باله تـنـشـط لعـوبهـا
يغني بها من حسة في ضميره=على القلب مثل النار واقوى شبوبها

ألى ان قال :

فيصل زمام الحرب قواد سربة =قواد نمراً مايعد لحسوبها
قواد جمع يوم احلي رفيه= سواة الدبى الكتفى ليا روحوا بها
وليار كب فوق الطليع المفوهة= وديب الظهر مار الدحم في غلوبها

وايضاً لهذا الشاعر العديد من المراسلات مع العديد من الشعراء في وقته انذاك ومن ضمن القصائد التي قالها صنهات الصفياني يخاطب الجبل (الضلع) المعروف في الحجاز
(كنداث) وهذا الجبل كانت عليه مدافع الشريف في زمن حكم الأشراف السابق :

ياضلع ياللي كل يوم وانا ابديك =ماني محصل منك غير العذابي
ياضلع من اللي منول نزل فيك=اهل الشحم واهل الدلال العذابي
ياضلع جعل الغيث ياضلع يسقيك=عساك عند مروحات السحابي
ياضلع بعد الله بفعله فيك= اصبر وترى راع الصبر له ثوابي
ياضلع علمني بفكرك وطاريك =وياضلع لا تكنى علي وتهابي

فيجيب الضلع على لسانه ويقول :

ياناشد انشدني وطاري طاريك = اهل النضا اللي ينطحون الحرابي
راحـوا وجـاي صفـة ماتدانيـك = اهل المعاش محسنين العلابـي
رجالهم وان جاك مايلتفت فيك = وشوفك عنده مثل شوف الذبابي
إلا رجـال وأن العـلـم تشفيـك = وقلوبهـم بيـض سـواة الثيابي
يفرح ليا شافك ويضحك مناصيك = وذكره نظيف من جميع الخرابي

وايضاً من شعراء المساعيد ورجالهم طلق بن مقبل بن رزيق السيحاني المسعودي ويقال انه ذات يوم زاره اخواله من هذيل من البقوم وكان وقتها في داحس فقال :

يامرحبا بهذيل جونا على الجيش = وابرك ساعه يوم جوني خوالي
يامرحبا عداد مايبذر العيش =وعداد ماهبت هبوب العوالي
كان كاذب جعلي والله ماعيش=رزقي كسيف وميتين عيالي

وقال شويمي ال ملوح من شعراء داحس في طلق هذه الابيات :

متى يجينا ابو خليوي على خير = فوق الركاب مصيحات الاشدة
وده بربع سندوا يمة النير = لكن رجال تولع بوده
ولا مع اللي يم حضن على بير = يشرب عليها ورث ماحدا يرده
الاد الهذيلي مكرمين الخطاطير =حماية للجار وان جاه ضده

وايضاً يروى لطلق السيحاني هذه الابيات :

هيضتني غرايس شعر شوف الجهام =واحرمتني من البل بقطع النصيب
ماحلا تبعهنه في رياض تمام= يوم خطو الولد جا في البنادر يسيب

مما قيل في طلق ايضا وهي لعلي بن عبدالله الماضي :

والله لولا البعد ماكسر الدين = في اخوي اللي بالعطا مايمني
ابو خليوي ستر مريوشة العين =عيد الركايب كل ماناحرني
ابغاه يعطيني خطو اللقيين = ولا البكار الصعب اله يكثرني

ومن شعراء المساعيد سند بن فواز من الهدفان من المساعيد من النفعه ذكر له قصيدة يقول في مطلعها :

ياراكباً من فوق مفتول الابواع= حراً هميم بالرسن مطوعاني
اعطى الدروب مع مهاذيب الارواع =فالسيل لا تسقيه يامودماني
اسقه من الزيمه بعد فيها راع =وممساك عند مشيدين المباني
نوخ وتلقى اللي كمولاً في الاسناع=وتلقى دلالاً بنهن يماني
واسلم وسلم لي على الربع في ساع=على الربوع ومن حظر في المكاني

وايضاً من شعراء المساعيد من النفعه شليويح المسعودي ذكر له ابيات مدح في الشيخ مقعد الدهينة:

يا راكب اللي كنهن الغرانيــــــــق= ركابها مع الخرايم كدرهــــــــــا
مسراحها من الحرم فكة الريــــق = والقابلة يم العويند قهرهـــــــــا
ملفاه أخو غزوى عمود المطاليق = كم سرب’ سيقت عليه ودمرها
مدري نواه الله بحكم المطاليــــق = والا نواه الله بحتة ثمرهــــــــــا

وايضاً من شعراء المساعيد من النفعه الشاعر ضاوي بن ثاعي الصفياني ذكرت له قصيدة رثاء في الشيخ مقعد الدهينة من ضمنها هذه الابيات :

وين العديم الفيصلي القطامي = اللي دفن جسمه على حفنة النير
وين الشجاع اللي يقص العظامي=قاس الضروس مسمر الخصم تسمير
وين اللي فعله لعلى الناس زامي = لطام عبسين الوجيه المناكير
وين الأسد وان جا نهار العسامي=وتجمعوا والخيل جتهم دعاثير
واليا دخل فا المعركة واستقامي = يقطع كما تقطع حداد المناشير
لو انهم كثر الجراد التهامي = ترجع باهلها عن كمينه مدابير
ماكر حرارن من فروع المقامي = خيال زينات البكار الخواوير
وكل يعرفه من بحور طوامي = نصر البكار اللي حلقها دواوير
ماكر حرار من سلالة كرامي = بطل من أبطال الدهينات وامير

وايضاً من شعراء المساعيد من النفعه الشاعر طامي المسعودي من الفوالح وردت له ابيات في الشيخ مقعد الدهينة :

ياورع ليتك تشوف طبيق=وديار الاسلم وسنجاره
مع درب مقعد بلول الريق=كم قنع القوم من غاره
مير البلا ما معه توفيق=كل العرب حطته شاره

ومن شعراء المساعيد ايضاً هوشان من الهدفان من المساعيد من النفعه
ذكرت له العديد من القصائد ويعتبر من شعراء النفعه البارزين ولكن للاسف ضاع اكثر شعره ورد له بيت في الشيخ مقعد الدهينه من ضمن قصيدة له :

عينت أبو غازي وعينت شرواه = عينت أبو غازي زبون الحصاني

&&الديار والهجر :

للمساعيد العديد من الهجر والابار في الحجاز ونجد ومن ضمن الابيار التي ذكرت للمساعيد في الحجاز بئر المسعوديه قيل انها لعكام الدهينة
وايضاً لهم بعض الابار والقرى في وادي كلاخ مع ابناء عمومتهم النفعه هناك

ومن ديار وهجر المساعيد في نجد

1- الحفنه ( حفنة الدهينة ):

وهي للشيخ مقعد بن سعود الدهينه رحمه الله وتقع في بطن جبل النير والان يرأسها الشيخ / سعود بن مقعد الدهينة .

2- طينان :

فيه ماء قديم يدعى طينان شرق هضبة النضادية وهو لابن ضاحي السيحاني المسعودي وقد اقام عليه حجر ومساكن له .

3- الرفيعة :

غرب البجادية بخمسة اكيال تقريباً على يسار الخط الذاهب من البجاديه إلى عفيف .

4- الطويلة :

تقع شرق نفود السر شمال لبخه وحويته .

5- ابو عرينة:

ماء قديم للمساعيد من النفعة في بطن جبل النير .

في الختام

الحديث عن هذه القبيلة يطول ولكن احببت تسليط الضوء واعطاء نبذه مختصرة املاً ان اكون افدت الجميع بما كتبت .


للامانه بعض المعلومات في هذا الموضوع تم الحصول عليها من كتاب قبيلة النفعة للأخ / تركي بن مطلق القداح

تحيات

أخوكم

فيصل المسعودي

[نفيع العتيبي]

والله

الف الف الف نعم


عزالله كلهم ذيااااااااااااااااااااابه

والصراحه موضوع متعووووووب علاه

والمساعيد من امرء النفعه

وحبـــــــــــــه على راااسك وحبـــــــــــــــــــــه على خشمك


لاهنت يالقرم

تحاتي لك

نفيـــــــــع العتيبي

سيرة عطرة،،،،، وشجعان يفتخر بهم كل عتيبي

المساعيد أشهر من نار على علم

أهل كرم وطيب ونخوة وشجاعة

ماضي عريق وحاضر عظيم

بحث رائع منك أخوي فيصل تشكر عليه ويستحق الإشادة

ولن نوفي حق المساعيد في بحث ولا في مجلدات

تقبل تحياتي

أخوك

ابن عصيم الحلحلي

[ابن نميان]

الحديث عن هذه القبيلة يطول ولكن احببت تسليط الضوء واعطاء نبذه مختصرة املاً ان اكون افدت الجميع بما كتبت .


للامانه بعض المعلومات في هذا الموضوع تم الحصول عليها من كتاب قبيلة النفعة للأخ / تركي بن مطلق القداح

^^^
^^
^
^
أنااشهد أنك أختصرت .., ووفيت وكفيت,

والله والله والله


ونعم ونعم

ونعم
ونعم
ونعم
ونعم


بـعيال مسعود


بيض الله وجهك يافيصل (والله يذكرك الشهاده ) قل امين..!

لاهنت لاهنت

المساعيد كلهم شيوووخ ...!


دمت بود

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عاشق النير]

والله ونعم بالمساعيد
ومشكور يافيصل المسعودي

[محمد الزايدي]

والله ومليون نعم بالمساعيد


وصراااحه موضوع راااائع



عرفنا على ابناء عمومتنا المساعيد




ولاهنت على الطرح المميز

[فيحان عائض الشلاطي]

يالمسعودي

تبي تعرف رايي في المساعيد

انقر هنا

تقبل تحياتي وتراحيب جاشي

[عبيد المسعودي]

يعطيك العافية يابومنيف
وجهك أبيض على هذا البحث
موضوع مميز
ومشكور على هيك معلومات
مشكور على ابرازك لنسب وفرسان ومشايخ وشعراء المساعيد
يسلمو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فيصل المسعودي]

المشاركة الأصلية كتبت بواسطة نفيع العتيبي

والله

الف الف الف نعم


عزالله كلهم ذيااااااااااااااااااااابه

والصراحه موضوع متعووووووب علاه

والمساعيد من امرء النفعه

واحبـــــــــــــــــــــــــــه على راااسك وحبــــــــــــــــــــه على خشمك


لاهنت يالقرم

تحاتي لك

نفيـــــــــع العتيبي

ماعليك زود يالذيب


وتسلم يالغالي على ردك ومرورك اللي تشرفت به

وهذي حبه على خشمك وراسك بعد يالذيب

شكري وتقديري

[فيصل المسعودي]

المشاركة الأصلية كتبت بواسطة ابن عصيم

سيرة عطرة،،،،، وشجعان يفتخر بهم كل عتيبي

المساعيد أشهر من نار على علم

أهل كرم وطيب ونخوة وشجاعة

ماضي عريق وحاضر عظيم

بحث رائع منك أخوي فيصل تشكر عليه ويستحق الإشادة

ولن نوفي حق المساعيد في بحث ولا في مجلدات

تقبل تحياتي

أخوك

ابن عصيم الحلحلي

تسلم ياغالي

ردك ومرورك واسلوبك الدال على رقي فكرك واخلاقك شرف لي

تسلم يالذيب

شكري وتقديري