الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: قصيدة الشاعر ظافر بن عاطف القحطاني في الامير محمد بن تركي الهيضل (آخر رد :نايف الهيضل العتيبي)       :: تصميمـ: للمنشد سيـــــف عتيــــق الثبيتــي..صوت الحجاز.. (آخر رد :ابو ساره)       :: تصميمـ :للمنشـــد فــارس عيـــاد الثبيــــي...صـوت ثبيت... (آخر رد :ابو ساره)       :: مجاناً : " 30 دورة " تُطلقها جمعية قطرة النسائية بـ عنيزة ..! (آخر رد :ابو فيصل العطاوي)       :: سعد العازمي دكتوراً في تخصص اللغة العربية بتقديرممتاز سعد العازمي دكتوراً في تخصص ال (آخر رد :ابو فيصل العطاوي)       :: مظلات وسواتر الاختيارالاول(مشاريع مظلات للمواقف السيارات-مظلات المدارس-مظلات الحدائق) (آخر رد :مظلات وسواترالاختيارالاول)       :: حال الربيع (آخر رد :أبو عبد الملك الرويس)       :: تصميـــم الشاعر عبدالمحسن نوار الثبيتـــي (آخر رد :ابو ساره)       :: تصميم /لشيخ سفر ابن سفر الشهيب الثبيتي .صاحب فكره ملتقى قبيله الثبته. (آخر رد :ابو ساره)       :: تصميم الشاعر/ عبدالمحسن نوار الثبيتي (آخر رد :ابو ساره)      

إضافة رد
 
أدوات الموضوع انواع عرض الموضوع
قديم 19-Jun-2007, 04:50 AM رقم المشاركة : 1
معلومات العضو
ابوبندرالشيباني
عضو فعال
إحصائية العضو





التوقيت


ابوبندرالشيباني غير متواجد حالياً

Thumbs up ديوان الشاعر بندر بن تركي الشيباني


هذا هو ديوان الشاعر بندر بن تركي بن هليل بن غلاب العفين المرشدي العبدلي الشيباني
وعمر الشاعر 67سنه وقد التحق الشاعر بالحرس الملكي
على وقت الملك سعود طيب الله ثراه عام 1376هجري
وكان يمارس الشعر من ذالك الوقت ولكنه تجنب شعر الرد
وهوايته شعر النضم وقد خدم في صرح القوات المسلحه
من ذالك الوقت متنقلن من الخميس الى تبوك الى جيزان الى الرياض
عودتا واستقر فيها في الخدمات الطبيه للقوات المسلحه متنقلا في الرتب العسكريه
من جندي الى ان انحال لتقاعد في عام 1409هجري برتبة ملازم اول
والان يمارس نشاطه العقاري وهوايته في الشعر النبطي وهذه سيرته
من اولها حتى هذا التاريخ
اضغط على الصورة لرؤيتها بالحجم الطبيعي
اول قصيده نبتديبها هي وطنيه لين الوطن غالي علينا جميعاً وهي رباعيه


يقول الشعريعجز كيف ياصف وطنا =اللي على غالي ترابه سكنا
اجدادنا عاشوا عليه وحضنا=يالله ياربي تكافيه الاشرار
تحمى حمى مكه وتحمى المدينه =وتكيد للكايد وتقصر بدينه
ولاخاب من يطلبك وانته عوينه=ياجامع بين المهاجر والانصار
حناوطنا مهبط للرساله =نمشي على سنة نبي العداله
نمشي على نهجه ونتبع مقاله=نمشي على خط(ن) محمد معه سار
بقيادة اللي ناهج نهج الاسلام= يمشي على الخطه مع الدرب قدام
في كل عام نشوفه احسن من العام=عبدالله اللي ماش مثله ولاصار
اللي عيونه ساهره ماتنامي =دايم يدينه دون شعبه حوامي
يفرض وجوده باسم بطل السلامي=كونه يداري دونناكل الاخطار
وللشعب في الداخل يراعي ظروفه=ينشدعن المحتاج حتى يشوفه
الكل منا قدوزاه معروفه=نزف له شكرالمواطن فالاخبار
ليت الجرايدتنشراللي نقوله =عبرالوطن ياعلي عرضه وطوله
في الشعب عبدالله ياماجمل فعوله=حبه سكن بقلوبنا كبار وصغار

هذه احد قصائد الشاعر بندر بن تركي بن هليل بن غلاب المرشدي تعبر عن احساسه


الله من قلبٍ همومه تزفه = زفت غريقن جاهلٍٍ في السباحه
وايق على موج البحر مع مهفه =والجاذبيه عجلت في مطاحه
من قوها ياعلي عجلٍ مهفه =ماينفعه لوصاح قوة صياحه
عليه طال الوقت مالحق شفه =يعد وقته في مساه وصباحه
يكفخ كما طيرٍ كفخ فوق رفه =ومن التوجد زايداتٍ جراحه
يانقص عليه الي يمده بكفه =للي يجي محتاج ماهي سياحه
ومن غيرها واجد علومن تحفه =تحول مابينه و بين انشراحه
يالله يلي كل خلقه بضفه =تعين منهو قالها بالصراحه

هذه مراسله بين الشاعر بندر بن تركي بن هليل و الشاعر عساف بن نعيس الشيباني
عندما كان الشاعر بندر في تبوك عام 1384 هجري وكان الشاعر عساف قد زار الشاعر بندر
في تبوك ومكث عنده وقت من الزمن وعند رحيل عساف الى الرياض أستحثه بندر في أرسال الاخبار
العاجله عن ربعه وفي وقت قصير لكنه في نضر الشاعر بندر طويل أرسل الشاعر عساف هذه القصيده


ياراكب اللي مشيته تقطع اللال =سبق اللهبوب الى أشعفت في مخيله
يركب عليه الي تقد بالقذال =قرمٍ على قطع الفيافي دليله
يلفي بني عمي هل العز والطال =الاد مشيب كاسبين الجميله
رجالهم يسوا ثلاثين رجال =من غير أسب اهل الكرم والجميله
لكن ربعي كلهم عندي أبطال =والناس مثلي كل حالٍ تحيله
ابن معين الله يعينه من المال =ويزود في عمره ليالٍ طويله
مشاء معي فالطيب في كل الاحوال =في ماقفه ماهس مده طويله
وعبيد خصه يالمقهوي بفنجال =وثنه لبندر شوق ناقض جديله
شوق الهنوف اللي كما ضبي الاسهال =لحازه القناص زيد جفيله
وهل المراجل مثل رجلي وخيال =واحدٍ يفك البوش يوم الدبيله
وحدٍ يقصر مشيته صيفت الذال =دوبه يعيش نفيسته والحليله
وحدٍ كما سيل المناحي ليا سال =من كثر وبله ضاق بالماء مسيله


وهذا رد الشاعر بندر


وراك ياعساف ياطيب الفال =مارسلت دق علومكم والجليله
مارسلت لي بعلومكم دق وجلال =يوم أني أتنى خطكم وتعجيله
يوم أتحرى وأتململ تملمال =عسى يجي شخصٍ بخطك يشيله
عن ربعي اللي تسحق الهيل بدلال =وهروجها تبري الكبود العليله
من بعدهم حالي من البعد ينحال =وصابر على عجفى زماني وميله
ويالله ياللي لصعيبات حلال =مافيه غيرك واحدٍ نشتكيله
انت الخبيراللي عليمٍ بالحوال =ماغيرك أخبرلي نجاه وسيله
أشيل حملي ماحدٍ معي شيال =اقوم وقعدبه وحطه واشيله
يارب ساعدني على حمل الاثقال =لاتجعل الشده عليه طويله
وان كان عن ربعك تنصيني سوال =كلٍ مكانه والفرج يحتريله
ابن معين القرم فالدار نزال =ياخذ ليال وداس راع الخميله
وعبيد هو مابين الاقفا والاقبال =الى أستكن اليوم بكره يجيله
ومحمد يخصك بالتحيه والأجلال =والضيف عنا فالبلد يرتكيله

السلام عليكم هذه(3) قصائد جديده للشاعربندربن تركي بن هليل الشيباني .
اولى هذه القصائد/ قصيده قالها الشاعرفي احداصدقاءه المقربين من قبيلة
مطير(معجب المطيري)عندما انقطع عنه فتره من الزمن
يقول فيها
ياعلي شوف الباب ماجا مسايير=ابطو علينا ياعلي وش بلاهم
ياعلي اخاف انك حصل منك تقصير=تقصير سبب عنك قصرة خطاهم
ياعلي لاجوك الوجيه المسافير=اكثر هلا ياعلي واتبع رضاهم
كثرهلا ياعلي للي بهم خير=واقض لهم الحاجه وسر في هواهم
ثم قال علي الهرج جا فيه تكثير=وانا على نهجك وشفق(ن) علاهم
لكن اصاحيبك نحو عنك لمطير=وانته مدوخني توجد تباهم
ادعي لهم ياجعلها لهم مسافير=ياابوي وانت شوف ناس(ن) كماهم
ثم قلت انا ياعلي عندي تدابير=ابتخذها ياعلي في حراهم
ان كان ابوغازي نصا ربعه مطير=ربعه ذراه اللي يذري ذراهم
ربعه مطير اللي تهد الطوابير=ماظنتي ياعلي يسلا بلاهم
لكن نرجو في الليالي المناحير=يجونا والا نسير علاهم


مرثيه /لشاعرنا بندر في صديقه ورفيق دربه
(علي بن ملحاق بن قويسي المرشدي الشيباني) الله يرحمه
ومناسبتها ان علي وهو يسكن في الامارات كان كل ماقدم للسعوديه
ينصا شاعرنا ابتداء"وفي العام1408هـ وفي آخر زياره شاء القدر ان تكون
وفاته بين يدي شاعرنا فانشد هذه الابيات

ياعلي وين اللي الى جا تنصاك=هوايته ماجا لقضيا لزومي
مامرتن ياعلي مر وتعداك=يعلم غلاه ومايكن معلومي
راحت به الدنيا وقفا وخلاك=ارتاح وانت اللي تقاس الهمومي
اللي على اسمه ياعلي جا مسماك=ياعلي قفا صدق والاحلومي
انا بكيته كان ياعلي ماابكاك=والله لتبكي لوتعرف العلومي
اعز صاحب ياعلي من دناياك=شهم وكريم وللقرايب رحومي
ياعلي من بعده بيحمل خطاياك؟=ويشد عضدك يوم تزري تقومي؟
ياعلي من جا بعدموته وعزاك=وقالك دنيا نافده ماتدومي
قله صحيح ولاحصل عندي اشراك=لكن ابا ابكي لين اغرق هدومي
ياعاذلي لاتعذل القلب يعصاك=خله يبرد بالدموع السمومي
مالك ومالي طالبك واترجاك=خل الدموع تسيل والقلب يومي

اما ثالث هذه القصائد/خواطر للشاعروقد ذكرت مطلعها في موضوع سابق،، يقول فيها

القلب تاجر والبضاعه تفاكير=دايم يفكر في الحياه ونكدها
الكل ياخذ في حياته مشاوير=احد زهق منها والآخر حمدها
و احد يقول ويمتني لو يجي طير=هذا هوا نفسه وغاية سعدها
و احد يحب الطلع يوم المخاضير=يوم الحرار يحين موعد هددها
و احد يحب الشر و احد يبا الخير=اشكال وانواع كثير عددها
و احد عزوم ويحتمل للمخاسير=و احد حقوق الله لغيره جحدها
ولا كلن ادرك ماتمنى المناعير=هذا يبي ينقض والآخر عقدها


اما مناسبة هذه القصيدة أن الشاعر بندر عزم أبو جمال وهو( حمد الفليو الشراري)
من كبار قبيلة الشرارات فرفض إلا أن تكون مجرد قهوة وحليب خلفات فبعدما حضر أبو جمال
إلى محل الشاعر استأذنه الشاعر بهذه القصيدة في ذبح الذبيحة لأنه سبق أن حلف عنها
وفعلا أذن له ابو جمال بعد قصيدة شاعرنا بندر بن تركي المرشدي

حنا نحشم الضيف حشمة بمقدار=ونجعله الواجب وهو بختيارة
مانستطيع نجيب مع شبة النار =والبن مايحلى بليا بهاره
وليا اختلط هيلن وبن ومسمار =جوف الدلال اللي بجال المنارة
لا بد مانروح بعد ريحه إقتار=يازين مابين النشما إقتاره
وحليب خلفات مقدر بمقدار=جاين كرم للجار من عند جاره
واليا اكتمل والهرج مابينا دار=سوالف مابين جد وعياره
بوجود منهو للجزيلات يختار =متمكن بين الرجال بجداره
أبو جمال اللي يريعله الشار=كم واحد يمشي على ضوء شاره
مقدم شرارات لهم في العرب كار =ودايم يقدم في القبايل خياره
وأنا معرفه بس شايع بالأذكار=والرجل تنبي عن فعوله خباره
مرت به الدنيا على الربع مرَار=للي سبق عاشوا معه في دياره
وأبى أطلبه وأطلب من الربع الأخيار=انه يرخص لي ويلغي قراره
وهذاه مطلوبي وكل الذي صار =وأنا مجهز وأنتظر للإشارة

وهذه قصيده أخرى لشاعر بندر بن تركي بن هليل أرسلها الى
أبن عمه مسلط بن مسيلط بن هليل رحمه الله في جيزان

خط لفاني زاد قلبي جناني =ونا مكاني جايني من عطانيه
بعد قريته في محله طويته= وقول ليته ياعرب جاب راعيه
وارسلتلي مرسول في ضرف مشيول= أقول ليته ياصله لين يلفيه
خط نصا جيزان ينشد وعجلان= ينصا من العربان من ينوثق فيه
خط شريفي من ضمير حسيفي= دايم يهيفي كل رجمن يعديه
قلبي من الافراق معاد يطاق= يومي كما المسباق والهم طاويه
بعد ربوعي كيف أذوق الهجوعي= قلبي يزوعي مير الاضلاع ترخيه
أهل المباني كاملين المعاني= من زارهم عاني يحصل مناويه
يضيق بالي فوق صبح الدلالي= النقص في حالي ولو جيت أبكنيه
وأرجي ردوده في ليال معدوده= قلبي يزوده يوم يسمع بطاريه

وهذا رد الشاعر مسلط بن مسيلط رحمة الله

خطن لقيته في البريد وقريته =عرفت بيته يوم بانت معانيه
شقوا زروفه وضهرولي حروفه =وأفرح بشوفه مير ماني بقاريه
ياجعل مابك باس خطك على الراس=ذكرني الهوجاس والقلب ناسيه
طرا علي أفكار والقلب محتار=كنه بشعلت نار والبعد حاديه
خلك على معناك وافكر بدنياك=قد جى العرب ما جاك محدن تخليه
غبر الليالي تدرج بالمحالي =كم راح من غالي وكم دار تخليه
بللغ سلامي للربوع اللحشامي =القلب ضامي والخبر منك يسقيه
أهل الفعايل كاسبين الجمايل =لطامت العايل ليأخط مواطيه
وأرجي الردايد في الليال الجدايد=ماهوب كايد بين مرسل وداعيه

وهذه مرثيه قالها الشاعر بندر بن تركي بن هليل في محسن بن سعيد الشيباني

لي صاحب ما ضنتي ياعلي بنساه =تداهمني العبرات لارحت ابي بيته
تداهمني العبرات لامرروا طرياه =وله لاهب باقصا المعاليق حسيته
فقيده على ربعه وبيته ومن ينصاه =يفرج همومك لاتعنيت ثم جيته
بعد راح ماجد واحدٍ صيفته وحلاه =وعلى شان ذلك صافي الدمع هليته
وقالو علامه ليش يبكي وش ابكاه =علامه تزايد كل ساعه تناهيته
وانا ابكي على اللي ودع الدار ثم خلاه =انا ابكي ومن جاني من الناس بكيته
ابوشاكر اللي لاوصل كل علم اقصاه =يفرج كروب اللي تنصاه في بيته
ابو شاكر اللي حرق القلب من فرقاه =علومي الاصعبة عليه تمنيته
تركله فراغ ماحدٍ ياعلي يملاه =ولاشوف له صوره ولا صوته اوحيته
وانا ارجى من الله يصلح اللي بقوا وراه =لسد الفراغ اللي بعد راح حسيته
عيالٍ على دربه ويمشون في ممشاه =وله صيت لن جادوا بقى بالدهر صيته
عسى جنة الفردوس محسن تجي مثواه =ولعله من أهل الخير ياعلي ياليته

هذه القصيده قالها الشاعر بندر بن تركي بن هليل رد على
رسالتن وصلته من سمي له عاتب من الدنيا يقول فيها

نقدر القيفان ياعلي تقدير=من واحد (ن) جتنى عزيز (ن) جنابه
جتنى أنتقاداته تدافع طوابير=وحنى نقول اهلا ويامرحبابه
رجل (ن) عزيز ومن رجال (ن) مناعير=خلاه هذا الوقت يفقد صوابه
وقت تقدم فيه بعض المواخير=وشبعت حصانيته وجاعت ذيابه
وأنا بعد مثلك وادير التفاكير=احدن رقد واحدن بليله سرابه
اللي سراء تصبح حياته تسافير=واللي رقد ياعلي ضاع الدواء به
يابندر افهم مايبى الوقت تفسير=كل(ن)يعشي حيث تمسي ركابه
تاخذ هواك ألا أن جا منك تقصير=من خنذف انته كنت ولا شبابه
الناس ماتنظر لبو زيد والزير=تنظر لمن نال العلا في شبابه
خلك حكيم وطور الفكر تطوير=وساير زمانك ضمن حين مشابه
البدو يابندر ليال المخاضير=مايرتعون ألا بدرب السحابه
تلقا بيوت البدو فيها دواوير=ومشروبهم رسن عذين شرابه
ماهوب وقتن راح ذا وقتنا غير=لازم على قد السوال الاجابه
وقت (ن) مضى نرتع جنوب من النير=صوب العلم ننزل علاوي شعابه
بيوتنا مثل الهضاب المزابير=مدهال للاقصين هم والقرابه
نيرانهم في الليل مثل الفنانير=يفرحبها الطرقي ويضحك بنابه
يلقا دلال هيلها فيه تكثير=وأشناق حيل وبيت ماصك بابه
ذوي هليل مكرمين الخطاطير=ريف الضعيف والمكابر عذابه
ذولاك عماني وابوي المشاهير=اللي لهم بين القبايل مهابه
اللي لي جات المحاضر جزازير=فعولهم عند الملاقا تشابه
اثارهم جاله على النفس تاثير=ليته بعدهم جاه سيل غدابه
ونصبر على ضيم الليال المدابير=والصابرين الهم على الله مثابه

من قصائد النصح لشاعر بندر بن تركي

اللي لحومه تدخله في المتاهات=احسن يقال انه بليا لحومي
وكل(ن)لابد انه يجي منه هفوات=لكن من بعد التعثر يقومي
ويقاله بعد التعثر سلامات=ومن بعدها عن كل عثره يشومي
يشوم عن درب الخطر والمذلات=ويقضي على نمات بعض الرخومي
اللي تقطع وقتها في النمامات=دايم السانه في النمامات يومي
شغال يجمع بين الاحيا والاموات=مايستحي والذوق منه معدومي
نصيحه مني لبعض القرابات=اللي لهم جعل المعزه تدومي
مابغى يبين الهم للانذال عورات=لوكان اغطيها بضافي هدومي

هذه قصيده يحكي فيها الشاعر بندر بن تركي بن هليل عن ذاته

أهين انا نفسي على شان صاحبي=انهان من شانه مابيه يهان
أصبر على مابي على شان خاطره=وان قيل ماذا قلت انا الغلطان
وان اطلعت ابشي من غراته=ما بين الهفوات للعدوان
هذه عيوبي كان هي تعيبني=و فيه عيوب غيرها ماتبان
ان كان جا يشكي على احواله=اوازره لو كان انا تعبان
ما يكتشف مني ردات احوالي=لو كان انا واطيني الزمان
و يشهد علي ماقول معظم ربعي=ويشهد لي المحتاج و الفقران
وهذه صفاة من و هائب ربي=اللي منحنيها عظيم الشان
ويوجد وصايف مثلها في غيري =و ياكثر ما يوجد من القشران
تفكروا ياناس في خلق الله=فيهم صحيح وفيهم العطبان
و يالله يامعبود تغفر ذنوبي =انت محل العفو و الغفران

هذه القصيده موجهه لخواله السمره ونهار المذكور هو نهار بن محيا بن سمير المشهور
في عصره وهوى خال الشاعروهليل المذكور هو جد الشاعرهليل بن غلاب المرشدي
المشهور بمواقفه البطوليه مع ذوي عبدالله الشيابين ضد اضدادهم

لومي عليكم يالرجال العزيزين=منكم علوم جاتني واذهلتني
قالوتقسمتوا ورحتو فريقين=من مثلكم ياليت ماكان جتني
وانتم الى راحوا منول حفيفين =الكم مواقف ثابته معجبتني
تذكروا فعل الرجال القدبمين=وقفاتهم مع بعضهم هيضتني
وانابناخيكم على العسروالين=واتبع رضا من بالبراير غذتني
ماانسى خوالي كان به ناس ناسين=مادام راسي ثابت فوق متني
خالي نهارمن الرجال العظيمين =له شهرتن بين العرب شرفتني
وجدي هليل من فروع الشيابين =له سطوة من عظمها حيرتني
من عظمها تخضع رقاب الشجيعين= وانا لها كان البلاوي بلتني
واليوم في حكم السعود متعافين =تعطيك حقك يوم حقي عطتني
وان كان تبغى خشرهم مستعدين =لاجتني اخبار المساوى افرحتني
وان كان بين هاضمن حقه حسين =ويقول الي عنده حقوق غبنتني
يروح لكبار البخوت الرباعين =ويقول هذى فعلته وازعلتني
حتى يقال لمخطي الدرب مخطين=وتنهى مشاكل بينكم عقدتني
انتم خوالي دون الادنى والاقصين=وكثر المشاكل بينكم جرحتني
وفي شونكم لاتسمعون السفاهين=اللي تفرق بينكم كل حتني
مال الردى بين الرفاقة براهين=كثر التجارب في الزمن علمتني

وهذي قصيدتان متبادلتان بين الشاعرين بندر بن تركي هليل المرشدي
وعبيدان ابن ثامر ابن مبيريك الشيباني يقول عبيدان

يابندرارواحك نغير من الضيق = نويق رجمٍ معتلي فوج غازي
ونشوف دارٍ يم هاك الطواريق = اخير من دار سكنهااحجازي
ثم قال بندر روح اناماني مويق = ماني بمثلك ياعبيدان قازي

هذه الابيات الثلاثه حركة شجون بندر ورد عليه قائلا

انالمبداء الرجم في العصرماطيق =ماطيق ياعبيدان مبداء النوازي
وشلك ومبداء النايفات الشواهيق=تجرح وفي قلبك يصير احتزازي
ويكفخ كماطيريتل المسابيق =شاف الحباري في البطين متوازي
وإلي طرى(ن)لك لابسات العشاريق=اللي يشوفن الغيا في القزازي
وش لون تدله عن هوىالبيض وتليق =والله ليحصل في الضميرا هتزازي
وهذامنعني معك في الرجم لاويق =لوكا ن لك مبداه في العصر جازي
لكن سافرجعلها لك توافيق =وأنحر شبيه اللي من الريح حازي
واركب على اللي كنهن الزواريق =اللي تخابر في السماء بالجهازي

الشاعربندربن تركي يلخص لنا تجارب الحياة في ثلاث مراحل عمريه
يتوجب على القاريء أن يتمعن فيها ويرمقها بعين
البصيره ليخرج برؤية واضحه ونظرة للامور
ثاقبة تعينه على تدارك عمره وتدقيق حساباته ولملمة ماتبعثر من اوراقه ليجمع شتات
العمر ويجهزراحلة الحياة بكل زاد يوصلها لمبتغاها بأيسر الطرق،وأسلم الدروب
ويمهد لها تضاريس الدنيا،ويصل في النهايه الى حيث لاندامة،ولاملامة
حين يسأل يوم القيامه عن عمره فيما أضاعه فيلقى هناك الكرامه..
والآن إليكم قصيدة المراحل

أنا أبنذر اللي تجهله سيرة الأيام=عساه يتسمع فِيِِ حتى يسايرها
حياته مراحل كان عمَر وعمره دام=ثلاث المراحل واسمعوا يوم أفسرها
أول مرحله طفره مع الوقت ما ينلام =يروح ويجي دنياه يجهل سرايرها
إلى مابغى حاجه يجيبونها الخدام =جميع النواقص شايبه له يحضرها
وإلى قيل شد الحيل درب العلا قدام =الأيام تمضي ماأنت قادر توخرها
تبسم وقال أرفق تراني لحم وعظام =ترين العلوم صغار وأنته تكبرها
أنا كيف أجي وأروح وأدرس وكيف أنام =ومشاغل خفيه كيف للناس أظهرها
وثاني مرحله في العمر تنتابه الأوهام =ويطري عليه علوم ماكان فاكرها
يبا مير فات الوقت ما ينفع الكلام =وقام يتندم من فعول تذكرها
رجع يدرس اللي فات ويقول ياحرام =سنين مضت مرتاح تعبني آخرها
ياليت الليالي تعود والعمر عشرأعوام =علشان أفكر في حياتي وأطورها
وأنا بعد هذا الوقت وقَعَت بالأبهام =لمن ينصح الجهال لاشاف مظهرها
وثالث مرحله للعمر مرتع مرض وأسقام =سببها علوم عزة النفس تقهرها
يريد ويريد ولاحصل مايريد وقام =يبا عند بعض الناس يحكي ويشهرها
وحداه الحيا لايظهر الضيم لو ينضام =يخاف ظرَوي بين الأنذال ينشرها
وصبر مايعلم ألا الولي ربه العلام =وقام يتذكر سيرته ويتدبرها
يغيب ويجي بالفكر يسرح مع الأحلام =مشاكل حياته بالخيال يتصورها
يشوف الجفا في الوقت دايم على الدوام =وتالي حياته ضيم الأيام بعثرها
وبقى ينظر أهل الخير زلت به الأقدام =خسر في الشباب وباقي الأيام يخسرها
حتى راح حاله بس باقي جَلد وعظام =ثمار السنين اللي لعبها وغادرها
صور للمراحل وأفكروا ياأمة الإسلام =عسى غافل يصحى ويدرا مخاطرها
يسير بطريق النور ما يتبع الظلام =على شان تالي أيام عمره ينورها
نصيحة مجرب في الدهر سابحٍ عوَام =يعرف الدروب وفاهم في معابرها
ضحك ثم بكى وأفطر وبعض الليالي صام =عبر بعض شي وبعض عجزان يعبرها
وسلامي عليكم فآخر القول والسلام =وعليكم شفوق ودمعتي فوق ناظرها

خواطر لشاعر بندر بن تركي بن هليل الشيباني

قالوا علامك شكلك اليوم زعلان=منك فقدنا الضحكه العايديه
يابوعلي نبغا الخبر منك وش كان=وان كان منا الضيق حقك عليه
ثم قلت انا افكر بدورات الازمان=وقت(ن)خوي الجنب يترك خويه
سنين مضت وانتم بهالبيت ورعان=غذيتكم باللي تحوشه يديه
الى مرضتوا قمت لوكان تعبان=بعد الطبيب اروح للصيدليه
ابغا ليا قمتوا وانا صرت عجزان=تكفونني كل العلوم القويه
واليوم افكر جعل ماني بخسران=تكفون يالاولاد ردو عليه

وهذه من نصائح الشاعر وشفقته على الشباب

ياعيال لاتعطون درب الجهاله=حيث الجهاله دربها غير مامون
كم جاهل يندب وينتف سباله=يبكي على مافات والاهل يبكون
نادم على سيات ماضي فعاله=كنه صحى من بعد ماصار مجنون
فات الزمن والوقت ماشي ناله=كنه عن الطالات فالحبس مسجون
من الندم تصفق يمينه شماله=مايستطيع مساير الوقت مغبون
عن هومت الطولات تقصر حباله=لو هو بغا يحتال مافي يده لون
وهذا مصير اهل الجهل والرذاله=عند اخر المشوار مايستطيعون
ماينفعه لوصاح عمه وخاله=حتى اخوته وبوه منه يتبرون
لو سال ماواحد يجاوب سواله=واهل النمايم في مسيره ينمون
ويصير مافال الاجاويد فاله=يتيه من جملت ضعوف(ن) يتيهون
نصيحتن من واحد راس ماله=وهوايته لاجو لمكه يلبون
في طاعت اللي وامرن بالعداله=اللي لعفوه كل الامات يرجون
في موقف(ن)لاظل الاظلاله=يوم الاقارب من بعضهم يفرون
وتكبر على الوالد خسارت عياله=لاصار عن درب الرجاله يتيعون
يمشون في ديره ويمشي لحاله=عنهم ماهو راضي ولا عنه يرضون
وصلوا على المعصوم راع الرساله=عداد مال البيت ناس يحجون

قصيده بعنوان المرجله للشاعر بندر تركي هليل الشيباني

النهر لولا الرافد اللي يغذيه=لابد له ياسعود مايضمحلي
والرجل وإن جازت لربعه شواريه=يبقى كما الحيد الطويل المطلي
يسعد عيون اللي يحبه ويغليه=والخصم كنه فالوقايد يملي
اهجوس قلبي يالبناخي وطاريه=ترهج عليه لين تبحث خفى(ن)لي
تقول عط هذا وهذا تخليه!=تأمر وتنهى!ويش ابعطي واخلي؟
والبيت الأول واضحات(ن)معانيه=دور بديل(ن)في محله يحلي
دور بديل(ن)ماتعثر مجاريه=يجوز لك وأنابعد جايز(ن)لي
كلام من قلب(ن)همومه تقزيه=من واهج التفكير عيا يملي
عيا يمل ويعلم الله مشاكيه=الله يثيب اللي لوضعه يحلي
الجادل اللي جايز(ن)لي تخطيه=اللي كلامه يالبناخي يسلي
ولعه لشغموم(ن)عزومه تهقويه=وهو معود بالدلع والتغلي
ويوجد ثلاث دروب يمه توديه=ونبغى الطريق المستقيم المحلي
نضمن به الجادل ونأمن بلاويه=واللي تمنيته عساه يحصلي

الشاعر بندر بن تركي بن هليل يستعرض مع ابنه مشاكل الحياه

ياعلى لاتجهل على الربع الادنين=ربعك الى جا الحمل فوقه اوساقه
أرفق عليهم ياعلي كان مخطين=لاتتخذ معهم طريق الحماقه
ثم قال علي الربع فيهم شياطين=يسعون بالنمات بين الرفاقه
نوب على الفطره ونوب مجانين=ماتنضبط معهم يابوي العلاقه
ثم قلت دام الربع ياعلي نوعين=أصبر ما دام ان الك بالصبر طاقه
اصبر على شان الرجال العزيزين=اللي مقابلهم لمثلك شفاقه
كلامهم كنه يجي بالموازين=مثل العسل ياعلي حلو مذاقه
ثم قال كيف أصبر لبعض المصاخين=اللي على قلبي تبين ارواقه
ماتحتمل هرجه كبود البعارين=عاله على ربعه وقطاع ساقه
ثم قلت شكله في القبايل كثيرين=اللي يعشقون المشاكل اعشاقه
ودنيا الفناء ماهم عليها مقيمين=أصبر عسى ربك يحقق أفراقه
وتسلم منه ونت وربعك على زين=وتسلم من الشرهات بأسباب عاقه
الرجل ربعه منه ماتسمع الشين=من شان تنمو في الجميع الصداقه
ارفع نضرك عن الضعوف المساكين=اللي تعلم في بعضها الحلاقه
وحنا على جمع الرفاقه حريصين=ويفرح بنا اللي صوبنا الدهر ساقه
حنا على نهج الجدود القديمين=اللي تناصر من تخبث وفاقه
اللي لهم موقف مع العسر واللين=ماعكروا ياعلي صفو الرفاقه
دائم على حل القضايا جديرين=وراع النفاق أنخالفه في نفاقه
ومنزالنا بافرع فروع الشيابين=ودايم على الطالات فينا انطلاقه
ولايستوي قولا بليا براهين=ابن ابليهد جابنا في سياقه
سجل لنا تاريخ بين الدواوين= لأنا فتحنا يمة المجد طاقه
هليل رساء بين الرجال العضيمين=هليل ولد غلاب جاله أشراقه
وحنا على دربه للامجاد باقين=ونحلم على الجاهل ونرفاء بواقه
لسنا على جهال الاقراب عجلين=نرفق عليه وناخذه بالرفاقه
حيث ان كل الربع ياعلي غالين=لو كان جافي البعض منهم نزاقه
ربعٍ على ماراح منهم حزينين=ونصبر على جور الزمن وصطفاقه
نضحك قليل ومعضم الوقت باكين=للي قدم واللي مؤكد لحاقه
وان جالنا مطلب على الناس الاقصين=مع خصمنا تمشي الأمور ابرواقه
الا إلى صاروا علينا عنيدين=نبت في الموضوع لو باحتراقه
وصلاة ربي عد من جو ملبين=على الرسول اللي تمطى براقه

هذه القصيده قالها الشاعربندر بن تركي بن هليل الشيباني
بمناسبة شفاء الشيخ فيحان بن هذال بعد عمليه اجرية له في القلب


نبعث تهانينا الى الشيخ فيحان=من بعد مازال المرض من عروقه
نيابه عن ربعي الادشيبان=اللي كريم النفس توفي حقوقه
اميرنا اليومه وفي ماض الازمان=ساس الاماره ثابته في عموقه
حفيد شيخ(ن)يوم روغات الاذهان=يفوق في الميدان محد(ن)يفوقه
هذال اخو هملا يروي شبا الزان=له بارق(ن)في كل ديره يسوقه
يوم القبايل تصطفق مالها اوطان=تمشي ورى مزن(ن)تلاعج ابروقه
نوب(ن)ينصيها الى دار قحطان=يرعا الخطر مافيه شي(ن)يعوقه
ونوب(ن)ديار امطير وجموع دوشان=برقا معه ويضا معه جمع روقه
واليوم ابو نواف يمشي بثبتان=يكفخ كما حر(ن)طوال(ن)سبوقه
وحنا معه دايم على الحق عوان=مافيه سوق(ن)عندنا غير سوقه
في راي عبدالله وتحت امر سلمان=ذخر الملوك اللي علينا شفوقه
وصلات ربي عد ماكاين(ن) كان=على نبي(ن)ذوقنا تبع ذوقه

كتب القصيده الشاعر بندر بن تركي بن هليل الشيباني
ردا على قصيدة (يابوي)للشاعر السامر

قالوا علامك ساهر تالي الليل=ساري بك الهاجوس والاتسلي
إشرح ظروفك ضيم والاتعاليل=يأبو علي عن بلغة العلم قلي
قلت إنشد السامر وتلقى الدواليل=وش شاف يومه بالعيون متحلي
إنظام من شوفه وأناإنظمت بالحيل=وقامت دموعي فوق خدي تهلي
أكفها وهي تسابق هماليل=وأثر المظام من البكا مايملي
من شان شيخ(ن)للنشامى مداهيل=من ضامته دنياه جاه متدلي
سعود شيال الحمول المثاقيل=يشلها لاوقفت ماتشلي
وانا اشهد انه صادق القول لاقيل=(يحل عقدة واحد(ن)ماتحلي

اما قصيدته هاذي فهي نصح الى احد بنيخيه ويقول فيها

يا مرحبا بالقاف واللي مسويه = ترحيبا(ن)اكثرمن نفيض الجرادي
قاف(ن)شكى من ضيم الايام راعيه =يقول هم الوقت شربي وزادي
والوقت اله دورات ياجاهل فيه = مثل فصول القيض حر و برادي
وقت(ن)تجدد كل ساعه بلاويه = يظهرمشاكل كل يوم(ن)جدادي
وأنصحك ياماجد بشي(ن)تسويه =واذافعلته طبت حسب اعتقادي
صوم رمضان وكل وقت(ن)تصليه =في طاعة المعبود رب العبادي
والى قضيت الفرض ربك تناجيه = يازين تال الليل رفع الايادي
تطلب منه واللى طلب منه يعطيه = ويحطله من كل ضيق(ن)منادي
يصير عون اله ويسمع مشاكيه = وياقف معه في المعضلات الشدادي
هذه نصائح خال يغلي بناخيه = ويحرصه في الجد والاجتهادي
وانصحك تباع الردى لاتماشيه = يوقعك في المحضور شيئا وكادي
ماينتهض رجل(ن)تقوده مشاهيه = ولايفتهم من ضاق لاقلت غادي
الرجل اله عين وقلب(ن)يقديه = والنفس جاهدهاشديد الجهادي
امسك كلام اللي زمانه مخليه = امقيد(ن)رجله بليا قيادي
ولاطاوع النفس الرديه توديه = للتهلكه وبربنا الاعتمادي
والعبد ماصابه من الله راضيه = يرضخ لحكم الله بصبر وجلادي
يصبربحكم الله ويرضخ الواليه = والعمرماقافيه غيرالنفادي
والرجل يازن في مسيره مواطيه = ويصير في بعض المواقف احيادي
والوالدين الهم نصيب يوديه = تقوم به لوحال دونه حوادي
حق(ن)لهم رب السماوات مبديه = قم به الى خلاه خطو الربادي
وصلو عدد مزنن بدى من مناشيه=على محمد قبل حادي وبادي

اما قصيدة شاعرنا هاذي هي عباره عن رائه
في الشعر في مجلة اليمامة عام 1409هـ

اهدى التحية لليمامة=عبر الرسائل في البريد
وابدي لها الاعجاب مني=واقول انا منها سعيد
انا مجدد في النبط=امشي على النهج الجديد
امشي معة لانة معي=واخاطب الماضي البعيد
اخاطبه لانة مضالي=واخذ من امجاده واعيد
اخذ من امجاده نوادر=وامزج من الحاضر وازيد
والشعر توجده الظروف=لو كانت ابوابة حديد
ولا حد يجيده كون شاعر=بظروف واحساس شديد
هاذي شروطه لاكتماله=حتى لمستمعه يفيد
والى اكتمل وزن ومعنا=كل يسمي مايريد
كلمة قديمة ماتهمه=ولا همتة كلمة جديد
هذاه راي في النبط=راي وانا ماعنه احيد
واللي يخالفني براية=يجيب برهان اكيد
يرسل برايه للمجلة=عسى يجي رايه سديد
وانا ماقول الشعر منهج=يمشي على الخط الوحيد
اقول كل له اسلوبه=يجيد والاما يجيد
احد على بحر الهواي=واحدعلى صخر الجليد
وانا ترى ماسب احد=من كل شاعر نستفيد


(خواطر شاعر) قالها الشاعر بندر بن تركي الشيباني

انا ماقول الا ليا جاء مجالي=قالو تكلم قلت دنيا عجيبه
اهتال فيها يوم افكر لحالي=احد(ن)تقفيبه ولا اخر تجيبه
وين الجدود وين بعض الاهالي=تفكرو ياهل القلوب اللبيبه
ومادام مكتوب(ن)علينا الزوالي=وكل لابد يذوق فرقا حبيبه
اعطو طريق الحق درب العدالي=درب الرسول أحسلنا نقتديبه

وهذه قصيده اخرى للشاعر بندر

ياللي لفرسان الجزيره تعدون=الله يسامحكم يامكثر خطاكم
لتركي وضيف الله وراكم تعدَون=وهم نجومن ساطعه في سماكم
ومسيلط اللي فالمحاضير مجنون=تنشدوا كان العلوم تخفاكم
ذوي هليل كانكم ماتعرفون=لعل تلقون الحقايق عساكم
اخذوا من الشيبان من قبل يفنون=حتى مع التاريخ تثبت خطاكم
شيبانكم عن كل مافات يدرون=تزودو منهم لأجل منتداكم
المنتدا لاجاه زوار يقرون=يزداد معلومه ويثني علاكم
عسى لتوضيح الحقايق تدلون=وعن هضم حق الناس ربي حماكم

وهذا رد الشاعر عوض ابن سحمان على قصيدة الشاعر بندر
حييت ياقافاً على الطيب موزون = يطربله اللي عارفن مستواكم
من شيخنا اللي بالمواقيف دندون= رجلاً على كل المراجل تحاكم
ابو على زبون من كان مغبون = يثبت لها وان عودت للملاكم
هو ذخر جدي لا عدمناه مليون = جاريته وعجز القصيده على (الاكم)
فزعه لربعاً بالعذرجوه يسعون= تواقتن لرضاه دون المحاكم
والعلم سهواً واكثرالخلق يسهون= ولجله نسوق الشعر بالعذرجاكم
مطلوبهم للعذر وانتم تعذرون = غايتهم الاولى تحايل رضاكم
وتركي وضيف الله كما راس غليون= معهم مسيلط طيب الله نباكم
اعيال من نزح ابركي عن الكون = وخلا الرويضه تهتني ماخفاكم
ال العفين اللي كما رمح مسنون = من حبهم ياشيخ زايد غلاكم
اعمامي اللي باللقاء ما يذلون = اجاوبك بالصوت ساعة نداكم



هذه القصيده رد الشاعر بندر بن تركي بن هليل الشيباني على قصيدة
الشاعر عوض بن سحمان بن هميل الشيباني


ماني من اللي للعرب مايعذرون=مابه قصور وبيض الله لحاكم
انتم على درب الحقيقه تسيرون=فالمنتدا دايم يذري ذراكم
ماتابعه لكن ناس(ن)يقولون=منصور والنادر وسعد(ن)معاكم
انتم للم الشمل دايم تحبون=وألشكر موصول لباقي زملاكم
وعوض نخصه والمخاليق يوحون=ماحسبه الا واحد(ن)من حداكم
أطلب له اللي عالمن خافي الكون=وعلام ماوسط البحور يتراكم
اللي عباده في رجاه يتحرون=يبرج لبوه ومنكم اطلب دعاكم
منائي والاحباب معي يتمنون=رجواي والله لايخيب رجاكم

هذه القصيده مهداه من الشاعر عوض ابن سحمان الى الشاعر بندر
يابو علي حاشاك ما انته بورطان = انته سمو المجد تحمل شعاره
ياذخر جدي بان للعرف برهان = في مجلسك ياشيخ ثابت مطاره
فيك الكرم فيك الحميا بليهان = ياحر يانادر ياساس النداره
في مدح ربعك صغت للمجد عنوان= واللي مدح ربعه يعلا وقاره
بالمرجله رابح ولانته بخسران = تسلم يمينك ماتجيها الجباره
قلته محاول رد شكراً وعرفان = والطيبه مسجد لها باستخاره
احث رجلي يمها جد عجلان = والاش مالي بحكيته واعتذاره
اجي خوي اللي على الطيب شفقان= وعرف الرجال يقال فيها تجاره
الا الردي عرفه شتيمه ونقصان =واعن الردي اشوم وابعد دياره
لو كنت انا وياه في منزل اخوان = النار سبتها بداية شراره
ويابو علي يوم الوصل شبه ذبلان= وحبل الوصل تسدل عليه الستاره
عممت ماخصيت والكل حيران= وطلبت راي موثقن بالعباره
ياصلك رداً عن هميل ابو سحمان= ومن ينتسب لاهميل طيب وجساره
منطوقهم واحد على قلب والسان = لابنا العمومه حب زايد غزاره
لو الظروف اتحد من كان نشطان= ومشاغل الدنيا تقلل مزاره
يبقى لربعه داخله كبر جمران = تقديراً احلا من حليب بغضاره
لو يجمحه قدام كل الملا بان = يبين للي فاهماً للشطاره
وباق الجماعه طيبهم عد نديان= يروي عطاش مرودمات الفقاره
ال العفين اقرب قريبين يافلان= بعيوني الثنتين هم ساس اماره
لفريسهم يذكر نهاراً لقطنان = واسهيل جندل كل خصماً يساره
اقولها ماني بخايف وخجلان = شهادتي فيهم جريحة نعاره
هم محزمي عن غدر بايق وخوان= شبري بهم يطغى بكل الشباره
واللي بعدهم بعتبرهم سند ثان= لاصكت الهيحاء وعتم نهاره
وقفاتهم لو حددت مالها اثمان = ولو تنكتب ماتنحصي باستماره
الاد شيبان ان وقع حرب وارهان= امجادهم بالسيف ماش استعاره
هذه القصيده قالها الشاعر بندر بن تركي بن هليل الشيباني في ذوي دخيل من الشيابين وهي تعبر عن نفسها.
موصوله بشيبان الذي ينحدر منه هذا الفخذ.


عوض نشع قلبي وأنا كنت نعسان= وقمت أتذكر حلوها والمرارة
يوم أتذكر وقتنا ماضي الأزمان = وقت مضى مابين جد وعياره
بين الرجال اللي لهم ياعلي شأن = تمكنوا في الطايلات بجدارة
لو جيت أعددهم عن العد عجزان = ذوي دخيل كلبوهم نماره
وذوي مغلب مثل غالب وسحمان = ذوي هميل أهل الظفر والسطارة
أوالله مافوت مدح مقرش وحمدان = إلى جالها خلف الركايب كرارة
وذوي عويمر في المحاضير ظفران = ياطيبهم في البادية والحضارة
منهم فتن وحسين وأيضا صنيتان = ومحسن نعده كل وقت بحرارة
وذوي عمر خالد ومخلد عظيمان = فقدانهم بين الجماعة خسارة
وذوي رديفي نعم ياهاك الأخوان = بالمرجله يرمز لهم بلأشاره
وذوي سهيل أخوان نوره وقطنان = لا جا نهارٍ مدلهم غباره
وذوي قويسي نعم ذربين الأيمان = الكل منهم ساير في مساره
وأنا ما أفوت مدح عامر وغيلان = ياعلي نعم فيهم أخوان سارة
وقاسي ماأذمه أخو عامر كحيلان = من جملة الظفران فيهم نعاره
وذوي زنيبع في المحاضير شجعان = تفرح بهم لاجا على البوش غاره
أو منشط ونشاط نعومك عيال عفنان = نعم (ن) بهم لا شب للحرب ناره
وأيضا ذوي غلاب وافين الأفنان = مدارهم مثل القمر في مداره
في عدهم ياعلي ماني بغلطان = في عصرهم والعز وج ازدهاره
والخير كل الخير في أولاد شيبان = الفرع من جذعه حلاوة ثماره
واليوم والله معلم اليوم وش كان = لكن أشوف الوقت جابه غياره
اشوف جيران ولاهم بجيران = الجار والله مايسير لجاره
وان جاك صدفة ياعلي قلت زعلان = تقول في الخاطر زعل وانكساره
مدري بلاه انه من الخير شبعان = ولا منه شيلت حصاة المرارة
وانا ماأخص فلان ولا فلنتان = كل (ن) بعد ذا البيت يعلن قراره
اما يقول انه صحيح(ن) أو وكدان = ولا يبرهن للجماعة بشارة


هذه قصيدة للشاعربندر بن تركي

تحكي بعض مايعانيه المجتمع في ظل حملة التغريب والعولمه

مما جعل التواصل يقل بين افراد الاسره الواحده

واستسلام المجتمع لذلك وعدم مقاومته بالرجوع

الى الهدي النبوي ومقاومة طغيان المادة على تعاملات البشر

مما نتج عنه هذا التفكك والانشغال بالذات وعدم القيام بالواجبات الاجتماعيه

المنوطه بكل فرد مسلم من افراد الامه المسلمه

واليكم القصيده:

إلى دق بي هاجوس أخذت القلم والبوك = أسطر لي أبيات(ن) تهمك معانيها
وبعض المرار يدك في خاطري داكوك = وأحط القلم والبوك ماأكمل وأخليها
علوم على بالي مرار(ن) تجي وتصوك = إلى أوجستها الأبيات ماأكملت تاليها
أفكر بدنيا(ن) شيلة أبوك حط أبوك = وأقول القلوب النايمه كيف أصحيها
أخاطب ضمير(ن) في زمانه يجيه شكوك = يقول السنون عجاف أنا كيف أجاريها
يغير بها الرجال دربه وياطا الشوك = كثير الرجال اليوم حفيا مواطيها
أخاطب زمان(ن) شتت الناس ثم نسيوك = علوم(ن) كثيره واقعه تفتكر فيها
أعدد بعضها وأترك الخافي المتروك = عسى الله يعين الناس من شاية(ن) فيها
لو إنك تناديهم تبي حاجة(ن) ماأوحوك = عيون(ن) تزالم مير هي وين أذانيها
وعيالك ليا قدروا على حالهم خلوك = ماغير أمهم في البيت عندك تناديها
تعالي عطيني قالت أرسل عيالك دوك = عندي شغلة(ن) في البيت بلشانة(ن) فيها
عيالك مربيهم ،عن الناس هم ماأغنوك؟ = وصاكت علي قمت أبوسم وأهاديها
وبعد إرجهنت قلت هذا الزمن مبروك = وأنا بقدرة الله في ياعلي راضيها
وهذه قصيده قالها الشاعر بندر بن تركي بن هليل الشيباني وهيا حوار بين الشاعر وبين قلبه
الله من قلب(ن)يهوجس ومحتار=يرتاح نوب ونوب يقلاه قالي
نوب(ن)تشالاه الهواجس والافكار=ونوب(ن)يسال النفس انا وش غدالي
ياقلب ريح خل عنك التذكار=عذبتني ياقلب وشغلت بالي
وشو غدالك يوم تصدع بالاشعار=وش حستك ياقلب جاوب سوالي
انته بلاك من الدهر جاير(ن) جار=ولا وش اللي صار يابن الحلالي
ثم قال قلبي لاتسال عن الاخبار=تعلم الايام هي والليالي
وان كان ماتعلم ترى الوقت دوار=دورات وقتك مثل دور المحالي
ابا أنشدك عينت وافين الاشبار=عينت باتحديد جدك وخالي
وعينت ثم عينت عينت وش صار=دنين مرددها الفنا والزوالي
واليا انتهت خوف البنادم من النار=يالله يالمعبود حسن العمالي
كل(ن) يفكر في طريقه ويختار=درب الرسول اللي ومر بالعدالي
ماعاد ينفع شي الا جات الاقدار=لو كان تكتض البنوك بحلالي
وختامها صلوا على سيد الابرار=عداد ماهبت هبوب الشمالي
وهذه قصيده اخرى للشاعر بعنوان فرصة العمر
فرصة العمر للشيبان هم والشباب=لاغتنمها حد ن منهم رصيده يزيد
يوم عرضن على الخالق بليا ثياب=والله انه بخلقه فاعل مايريد
انت شيبك يجي بعد اكتمال الشباب=ثم تراجع حسابك ويش عندك رصيد
وش توقع الى راجعت كشف الحساب=فرحت(ن)زايدة والا عذاب(ن)شديد
من حداهنه لزوم انك التلقاالجواب=مير كانه عذاب افتح حساب جديد
الحساب القديم الغه بموجب خطاب=والرصيد القديم الغه وبالك تعيد
فرصت(ن) يغتنمها من بغاها واناب=دام هو يستطيع ومعه عمرن مديد
الخطايا تعدل مع طريق(ن)صواب=كان وافق على التعديل رب العبيد
الشاعر بندر ابن تركي ابن هليل يستعرض مع ابنه مشاكل الحياه


ياعلى لاتجهل على الربع الادنين=ربعك الى جا الحمل فوقه اوساقه
أرفق عليهم ياعلي كان مخطين=لاتتخذ معهم طريق الحماقه
ثم قال علي الربع فيهم شياطين=يسعون بالنمات بين الرفاقه
نوب على الفطره ونوب مجانين=ماتنضبط معهم يابوي العلاقه
ثم قلت دام الربع ياعلي نوعين=أصبر ما دام ان الك بالصبر طاقه
اصبر على شان الرجال العزيزين=اللي مقابلهم لمثلك شفاقه
كلامهم كنه يجي بالموازين=مثل العسل ياعلي حلو مذاقه
ثم قال كيف أصبر لبعض المصاخين=اللي على قلبي تبين ارواقه
ماتحتمل هرجه كبود البعارين=عاله على ربعه وقطاع ساقه
ثم قلت شكله في القبايل كثيرين=اللي يعشقون المشاكل اعشاقه
ودنيا الفناء ماهم عليها مقيمين=أصبر عسى ربك يحقق أفراقه
وتسلم منه ونت وربعك على زين=وتسلم من الشرهات بأسباب عاقه
الرجل ربعه منه ماتسمع الشين=من شان تنمو في الجميع الصداقه
ارفع نضرك عن الضعوف المساكين=اللي تعلم في بعضها الحلاقه
وحنا على جمع الرفاقه حريصين=ويفرح بنا اللي صوبنا الدهر ساقه
حنا على نهج الجدود القديمين=اللي تناصر من تخبث وفاقه
اللي لهم موقف مع العسر واللين=ماعكروا ياعلي صفو الرفاقه
دائم على حل القضايا جديرين=وراع النفاق أنخالفه في نفاقه
ومنزالنا بافرع فروع الشيابين=ودايم على الطالات فينا انطلاقه
ولايستوي قولا بليا براهين=ابن ابليهد جابنا في سياقه
سجل لنا تاريخ بين الدواوين= لأنا فتحنا يمة المجد طاقه
هليل رساء بين الرجال العضيمين=هليل ولد غلاب جاله أشراقه
وحنا على دربه للامجاد باقين=ونحلم على الجاهل ونرفاء بواقه
لسنا على جهال الاقراب عجلين=نرفق عليه وناخذه بالرفاقه
حيث ان كل الربع ياعلي غالين=لو كان جافي البعض منهم نزاقه
ربعٍ على ماراح منهم حزينين=ونصبر على جور الزمن وصطفاقه
نضحك قليل ومعضم الوقت باكين=للي قدم واللي مؤكد لحاقه
وان جالنا مطلب على الناس الاقصين=مع خصمنا تمشي الأمور ابرواقه
الا إلى صاروا علينا عنيدين=نبت في الموضوع لو باحتراقه
وصلاة ربي عد من جو ملبين=على الرسول اللي تمطى براقه
وهذه قصيده لشاعر بندر بن تركي بن هليل الشيباني
مهداه لمقام خادم الحرمين الشريفين وولي عهده والنائب الثاني بمناسبة مرور مائة عام على تاسيس
المملكه العربيه السعوديه وقد نشرت في جريدة الرياض الجمعه 19شوال 1419العدد11183


سلام الله على الشعب السعودي من ضباط وأفراد الجنودي من الداخل ومن كل الحدودي=سلام الله عليهم بالسويه
ونا منكم وعنكم باتكلم عن اللي عمر بلاده وعلم وقف مع كل من جاه يتظلم=من الجيران وافراد الرعيه
بسط حكمه على قاصر وطايل وحدها بعد كانت قبايل وقال العدل وارفض كل عايل= يرددها بكلمته الجريه
شمل بالعدل سكان الجزيره محد يقدر على ماصار غيره يشاور بالكبيره والصغيره=تفضلبه علينا الله هديه
شملنا بالابوه والرعايه وقال الشعب كله في ذرايه محد يقدر يطوله من ورايه=ومن يخطي يفهم بالخطيه
وانا لاقلت صادق في كلامي رحمك الله يالحر القطامي مئة عام مضت عام بعامي=وحنا في حياة واقعيه
رسمله خطه تسعد بلدنا وطورنا وزود في رغدنا اخو لكبارنا وابو لولدنا=علاقاته مع افراده قويه
سياساته على نهج الشريعه حفظ ربه وربه مايضيعه يطيع الله ويكرم من يطيعه=وزاد العز ميه بأثر ميه
وضع للحكم سيسان وقواعد ونهضات البلد قامت تصاعد قوم عزنا اللي كان قاعد=وخلا الذيب يمشي مع طليه
هذا عبدالعزيز اللي جمعنا على التقوى وزود في ورعنا على سنة نبي الله أطعنا=عرفنا الله وناصرنا نبيه
من بعد التناحر والحرايب ودنيا بيننا كانت نهايب جمعنا الله وصيرنا حبايب=على يد فارس يرذ المطيه
على شان المواطن ساق ماله لدفع الظلم عنهم والجهاله خصال فيه اورثها عياله=وصار الكل من بعده حليه
صفاته بعده اورثها سعود كريم النفس ولشعبه يجود ولد في يوم تاسيس السعود=ونحن اليوم نسعد في مجيه
وجا فيصل على نفس السياسه عظيم في سياساته وباسه سياسي عبقري ياطيب راسه=يسهلها ولو كانت قضيه
وجا خالد على نهجه وزايد جعل للشعب ميزات وعوايد عساه بجنة الفردوس خالد=بخيراته شمل كل الرعيه
وجا من بعدهم حامي حمانا فهدنا عزنا قاهر عدانا حماه الله من جور الزمانا=شملنا بالمحبه والعطيه
ننام وعين ابوفيصل سهيره شمل عطفه بلاده مع قصيره يحل ازمات بالعالم خطيره=محد غيره اذا كانت قويه
بعد حرب الخليج اطلق شراره وشب الحرب في الجيران ناره صدر من راس ابوفيصل قراره=بحشد سلاح جو ومدفعيه
وصار ازعيمها واخذ الزعامه وصد المعتدي وابرم خطامه ومن بعد الطمع يبغى السلامه=جزى للي سياساته رديه
ونذكر معه عبدالله عظيده ولي العهد نضراته بعيده صعيبات القضايا ماتكيده=يفكر في الصعيبات برويه
وسلطان المحبه والصداقه لكل الشعب في حبه علاقه يواسيهم ولايبدي الحماقه=رضي والنفس تنحب الرضيه
هذا شي من اللي في ضميري وباقي ماعجز عنه تعبيري عن السيره وصناع المسيري=سلاطين السعود اهل الحميه
وصلاة الله على صفوت اعباده كريم الخلق نشهدله شهاده تبلغنا منه بالكرم عباده=محمد صاحب النفس الزكيه
هذه القصيده للشاعر بندر بن تركي بن هليل مهداه الى صاحب السمو الملكي الامير خالد بن سلطان ال سعود

يابوي انا ناجح وبالحيل فرحان=مير النسب يابوي صارت قليله
واللي نقصني تكمله ياكحيلان=حيث ان الك خبره وخدمه طويله
على الشرف خدمتك في ماضي الازمان=والابن بعد العود يخدم بديله
ثم قلت ودي مير انا فيك حيران=عليك نقص ولك علوم(ن)جميله
بلشتني وانا مع الناس بلشان=وانته تبيلك حاجة(ن)مستحيله
ثم قال دورلك على الوقت عوان=لانجاز موضوعي وباقرب وسيله
دور هل العادات قضايت الشان=اللي يشيلون الحمول الثقيله
مع خدمتك يابوي في ماض الازمان=مالك رفيق حاضرا تشتكيله
ثم قلت شكواي على علي الشان=اللي عباده كلها تشتكيله
لكن ابعرضها على طير حوران=وشوف رايه فيك ويش تحليله
ابن وزير اجيوشنا ابن سلطان=مافيه غيره واحد ينعنيله
خالد زعيم المعركه يوم الاكوان=كل الجيوش الزاحفه تنتميله
يقدها يوم اضلم الجو دخان=يوم ان نار الحرب صارت وسيله
قاد الجيوش اللي لنا فعلها بان=وصارت على منهو غزانا دبيله
في راي ابوفيصل ملكنا كحيلان=فهد ليا صارت علينا ثقيله
انا اشهد انه عبقري وافي الافنان=لاجا نهار فيه عدله وميله
وصلات ربي عد ماكاينن كان=على الرسول اللي دعا للفضيله
هذه القصيده كتبها الشاعربندر بن تركي الشيباني

في الملك فهد بن عبدالعزيز رحمه الله

وقد نشرت في جريدة الرياض العدد(8779)

بتاريخ7/محرم/1413هــ الموافق 7/يوليو/1992مـ







هذا الفهد ياللي تنكرت مده = انته وانا لو نجتمع كيف نحصيه
جسر الوفا في كل شعبا يمده = واجب عليه شروط الاسلام تمليه
وقفات له للي ضروفه تحده = يعطيه مقدوره بعد مايواسيه
عقيدته واصول دينه تشده = للمسلم اللي في الشدايد يناديه
بفعل جميل ولايبا احد يرده = خالص لوجه الله وربه يجازيه
مانستطيع احصا جميله وعده = كل الشعوب اضفا عليها حسانيه
في الشرق باكستان وافغان مده = وبلدان يعسرنا التحدث باساميه
جتنا رسايلهم الى قصر جدة = كل يعبر عن سروره وامانيه
تاصل فهد حتى تسلم بيده = شكرا لمنهو تفعل الخير اياديه
افعال ابوه اللي ورثها وجده = بيت الكرم والجود من طلعته فيه
يفرح بفعله كل شخصا يوده = ويفرح به اللي عاسراته لياليه
الا الحسود اللي حسد رغم خده = ماله جدا لو كان يسمع باذانيه
والمملكة خلف الفهد مستعدة = نمشي وراه وواجب الله نلبيه
هذه القصيده للشاعربندرتركي الشيباني (نصيحه).

نشرت في جريدة الرياض

يوم الجمعه 10/ربيع الآخر/1420هــ الموافق 23/يوليو/1999م

العدد(11351)









ياعلي فكر في زمانك وسايره = والنفس لاترضى لها بالمهونه
لاتحوجك حاجتك تخضع لمن طغى = ربك كريم يخايلنك عيونه
الى طلبته سربينك وبينه = ماحالوا الحساد ياعلي دونه
قم واطلبه لاتطلب الخلق حاجه = ياكيف تشحذهم وهم يشحذونه
يعلم خوافي العبد لو مااشتكى له = وعلام مابصدوركم تكتمونه
الى اتقيته خائفا منه مرتجي = يكفيك شر مقردآ يجحدونه
ويرزقك رزقآ منه مااحد يمنه = ولاخابوا اللي ياعلي يرتجونه
جزل العطايا يعطي اللي يسأله = خيره كثير الخلق ماينقصونه
ياعلي هو خالقك من شان طاعته = اوجد عباده لاجل هم يعبدونه
ارادته ياعلي هذه ومقصده = ويحلم على خلق كثير يعصونه
ياوسع حلمه ياعلي لو تفكر = الرزق من عنده ولا يشكرونه
ابليس قال إنه عدو لأبوكم = تراه يغريكم فلا تتبعونه
وخلوا كلام الله وسنة نبيه = وراحوا وراء الشيطان ويقلدونه
يا ويلهم ناس فضيخه قلوبهم = الموت واصلهم ولايذكرونه
ياناس بعد الموت نارا وجنه = والعمر بين اصباعكم تحسبونه
ما فيه منهو في حياته مخلد = هذا كلاما كلكم تعرفونه
ولا فيه من يعمل وتهمل فعايله = ما تعمله ملائكة يكتبونه
ولو قلت انا وحدي وجالس لحالي = جميع ماهوجست به يفهمونه
مادام هذا تعرفه مايغرك = اقبض على دينك وطبق اركونه
للعبد يوم فيه ربه يسأله = يوم صعيب الناس ماينفعونه
أول سؤال العمر فيما قضيته؟ = والمال قال من إيش ماتكسبونه
ومن ربك اللي تعبده في حياتك = وما دينكم لعلكم تفهمونه
ومن النبي اللي بعث بالرساله = يسأل وأنتم لازم تجاوبونه
ياسعدكم كان الاجابه صحيحه = نظره الى الرحمن وتقابلونه
ومن غير هذا جنه مستديمه = يحضر لكم جميع ماترغبونه
وان كان جاوبتوا بلاأدري ولاأفتهم = موقف عصيب ومنظر تكرهونه
لوعند واحد مبلغ يفتدي به = هيهات لاينفع ولايقبلونه
وإن قال أعيدوني علشان أصحح = قالوا مضى وقتك ولايرجعونه
وكل حصد زرعه بماضي حياته = وياويلهم من بعض مايزرعونه
هذه حقائق كلها واقعيه = واللي فعلتوا لازم تواجهونه
يقوله اللي واقع في الخطايا = لكن يرجي الله يخفف ديونه
وصلاة ربي عد ماهبت الصبا = وعداد برقآ يلتعج في مزونه
على شفيع الخلق يوم الهوايل = يوم ان كلآ شاطحات عيونه

هذه قصيده لشاعر بندر بن تركي بن هليل بن غلاب الشيباني يقول فيها


ياللي تعدون المشايخ والاكوان=تسمعوا ياربعي اليوم فيه
من قبل نظهر عندنا اخبار وش كان=نعلم عن اللي صار فالجاهليه
مافيه حاكم فيه خيل(ن)وفرسان=وغارات من كل القبايل قويه
كل(ن)يحاول في اللقا كسب الاضعان=ويضيف لركابه ركايب خويه
ماذمهم فيهم شيوخ(ن)وشجعان=وافعالهم ياربعنا عنتريه
احد(ن)من الغارات فايز وكسبان=وحد(ن)طريح وغارق(ن)في دميه
وحد(ن)خذوا ماله وهو صار فقران=بعد الغناه اصبح يصفق يديه
ثم جا معزي حط للعدل تبيان=وتباشروبه فرحت(ن) في مجيه
قال اسمعوني وانتم اليومه اخوان=وبعد السرايا ضمهم في سريه
وصاروا بفضل الله على الحق عوان=وكل(ن) تفهم غلطته والخطيه
واميرنا ياربعنا اليوم سلمان=اللي عطانا حقنا بالسويه

مع تحيات اخوكم ابوبندر

وهذه قصيده لشاعر بندر بن تركي بن هليل الشيباني
يقول فيها


انا بها الدنيا كثير التفاكير=يوم اتفكر بالزمن وامتحانه
احد(ن) يجيه المجد يمشي طوابير=واحد(ن)زمانه كاشرن عن سنانه
واحد(ن)سنافي من رجال(ن)مناعير=يازن نظر عينه ويازن لسانه
ماهوب في منصب ولا شغلتن غير=محد(ن) بصوبه بايرن به زمانه
وحد(ن)يجي ياعلي ظمن المشاهير=وكل(ن)تعاظم شهرته من مكانه
ان كان في منصب يجيله جماهير=وهو كفو للمجد يطلق عنانه
المجد اله وقفات تبغى مخاسير=ويبغى رجال(ن)ماتخون الامانه
ويبغى تواضع للوجيه المسافير=لا جو بها الدنيا يبون الاعانه
ويبغى نزاهه عن دروب المثابير=حتى من الهفوات يكسب حصانه
ويبغى مع المحتاج ياخذ مشاوير=حتى يخفف هاجسن في كيانه
ويبغى دلال(ن)كل وقت(ن)مناحير=يفوح ريح الهيل مع زعفرانه
ويبى خراف في صحون متابير=متمريع(ن)من فوق رزه دهانه
والى فعلها صار ضمن المشاهير=وكل(ن)شهد له بالوفاء واستعانه
وان كان في منصب وشكله معيثير=محد(ن)بينظرله ولاله مكانه
وكم واحد(ن)ينعد ضمن الهوامير=وفالوقت تقصر فزعته عن اخوانه
وباقي صفات ياعلى شكلها غير=لكن يكفي ماتوضح بيانه
والناس ترغب كل من يفعل الخير=والا الردي ماشان الاجواد شانه


هذه القصيده للشاعربندرتركي الشيباني (نصيحه).

نشرت في جريدة الرياض

يوم الجمعه 10/ربيع الآخر/1420هــ الموافق 23/يوليو/1999م

العدد(11351)


ياعلي فكر في زمانك وسايره = والنفس لاترضى لها بالمهونه
لاتحوجك حاجتك تخضع لمن طغى = ربك كريم يخايلنك عيونه
الى طلبته سربينك وبينه = ماحالوا الحساد ياعلي دونه
قم واطلبه لاتطلب الخلق حاجه = ياكيف تشحذهم وهم يشحذونه
يعلم خوافي العبد لو مااشتكى له = وعلام مابصدوركم تكتمونه
الى اتقيته خائفا منه مرتجي = يكفيك شر مقردآ يجحدونه
ويرزقك رزقآ منه مااحد يمنه = ولاخابوا اللي ياعلي يرتجونه
جزل العطايا يعطي اللي يسأله = خيره كثير الخلق ماينقصونه
ياعلي هو خالقك من شان طاعته = اوجد عباده لاجل هم يعبدونه
ارادته ياعلي هذه ومقصده = ويحلم على خلق كثير يعصونه
ياوسع حلمه ياعلي لو تفكر = الرزق من عنده ولا يشكرونه
ابليس قال إنه عدو لأبوكم = تراه يغريكم فلا تتبعونه
وخلوا كلام الله وسنة نبيه = وراحوا وراء الشيطان ويقلدونه
يا ويلهم ناس فضيخه قلوبهم = الموت واصلهم ولايذكرونه
ياناس بعد الموت نارا وجنه = والعمر بين اصباعكم تحسبونه
ما فيه منهو في حياته مخلد = هذا كلاما كلكم تعرفونه
ولا فيه من يعمل وتهمل فعايله = ما تعمله ملائكة يكتبونه
ولو قلت انا وحدي وجالس لحالي = جميع ماهوجست به يفهمونه
مادام هذا تعرفه مايغرك = اقبض على دينك وطبق اركونه
للعبد يوم فيه ربه يسأله = يوم صعيب الناس ماينفعونه
أول سؤال العمر فيما قضيته؟ = والمال قال من إيش ماتكسبونه
ومن ربك اللي تعبده في حياتك = وما دينكم لعلكم تفهمونه
ومن النبي اللي بعث بالرساله = يسأل وأنتم لازم تجاوبونه
ياسعدكم كان الاجابه صحيحه = نظره الى الرحمن وتقابلونه
ومن غير هذا جنه مستديمه = يحضر لكم جميع ماترغبونه
وان كان جاوبتوا بلاأدري ولاأفتهم = موقف عصيب ومنظر تكرهونه
لوعند واحد مبلغ يفتدي به = هيهات لاينفع ولايقبلونه
وإن قال أعيدوني علشان أصحح = قالوا مضى وقتك ولايرجعونه
وكل حصد زرعه بماضي حياته = وياويلهم من بعض مايزرعونه
هذه حقائق كلها واقعيه = واللي فعلتوا لازم تواجهونه
يقوله اللي واقع في الخطايا = لكن يرجي الله يخفف ديونه
وصلاة ربي عد ماهبت الصبا = وعداد برقآ يلتعج في مزونه
على شفيع الخلق يوم الهوايل = يوم ان كلآ شاطحات عيونه
هذه القصيده للشاعربندرتركي الشيباني بعنوان (دورات الاجيال)

نشرت في جريدة الرياض العدد(13257)

يوم الاحد بتاريخ 26/شعبان/1425هـ الموافق 10/اكتوبر/2004م




المال لبن اد م مقاييس الأعمال = تقيس معقولة على قدر ماله
تقدر تعرفه كان في الثوب رجال= ما ينتفخ راسه لكثرة حلاله
لو كان من ماله للأجواد بذال = يصغي لمن دونه ويقبل سؤاله
يتحمله لو زاد في القيل والقال = ماكنه إلا واحد من عياله
هذه صفات النشامى والأبطال = أهل السموت مجنبين الجهاله
وتقدر تعرفه كان من نوع الأنذال = فصيلة الأنذال فيها دلاله
تلقاه نفاخ وللهرج نقال = ومامر في باله من الهرج قاله
والناس تسكت له لها قصد وآمال = وكل(ن) تحمل زلته لأجل ماله
والنذل في العاده مخيب للآمال = لوتطلبه مثقال يكثر جداله
شي(ن)مجرب عبر دورات الأجيال = هذي صفات النذل لا جامجاله
لاصار مابيته للأجواد مدهال = حتى أيش لو ينفخ ويكثر رياله
جعله فداء اللي للأزمات حلال = اللي إلى حملك ثقل عنك شاله
هذه القصيده مهداه من الشاعربندر بن تركي الشيباني

الى صاحب السمو الملكي الامير خالدبن سلطان بن عبدالعزيز

بمناسبة توليه منصب مساعد وزير الدفاع والطيران والمفتش العام للشؤون العسكريه

وقد نشرت في جريدة الرياض العدد(11915 )

بتاريخ 12/ذوالقعده/1421هـ

الموافق 6/فبراير/2001م واليكم القصيده:



تهانينا نقدمها لميرا مفخره والجيش له تذكار = ولا مسعدك من وقتنا نقدم به تهانينا
تهانينا لابن سلطان خالد خيرة الاخيار = ثقة مولاي في خالد مناوي من مناوينا
عن القوات ارحبك على الصفحات بالاشعار = لعل الصحف تنشرها وتنقل لك تمانينا
تما نينا بعودتكم لنا ومواصل المشوار = تحت راي الفهد والرايةالخضراءتبارينا
وابو متعب ينومسنا إلى جات العلوم كبار = يفتح له مشاريع من الخيرات تعطينا
وابو خالد حبيب الشعب والايتام والقصار = الى منا بغينا شيء مديناله ايدينا
وانا بقول ماجتكم ثقةمن غير شيء صار = ثقة تتبع ثقة يوم الكويت اصبح ينادينا
وعاصفة الصحارىصرت قائدها وشبت نار = وحتى المعتدي بعد التعالي صار مسكينا
بعد حاصرت قواته تقهقر وانحدر وانهار = واظن الدم عنده قد توقف في الشرايينا
لحيث انه يكابر ما انسحب يوم ان جاه انذار = وهي صيفة قليل المعرفة والخلق والدينا
خسر جيشه وماله يوم ضاعت عنده الأفكار = بعد ضربات خالد صار بحساب المجانينا
رفعت الراس يا خالد وذوقت العنيدامرار = نفاخر بك ونعتز بك في كل الميادينا
تكبدت المعارك ما تحسب الهول والاخطار = وبعون الله ومجهودك نجحنا في مساعينا
وانا ما قلت غير الصدق لأنك قائد جبار = ولد بطل مجرب يوم رجحات الموازينا
ولد سلطان ابو خالد الى جاء في الغيوم غبار = وزير الجيش لو يامر ضربنا ما تدرينا
نسالم من يسالمنا وشر بحت للاشرار = الى منه تحدانا نجحنا في تحدينا
وانا استريت يوم اني سمعت الأمر في الأخبار= سرور اللي طلع بالعفو من سجن المساجينا
وأختمها بذكر الله عدد ماهلت الامطار = على صفوت قريش اللي نجح بالخلق والدينا
وهذه من غزليات زمان لشاعر بندر
وهذه احد قصائد الشاعر بندر بن تركي بن هليل الشيباني الغزليه
وهي قبل اربعين سنه واتمنى ان تحوز على اعجابكم


وصل سلامي يانفيض الحمامي=واشرح كلامي لين يفهم معانيه
اشرح لها باسلوب من غير مكتوب=واوضح لها المطلوب واحذر تخفيه
عطه الحقايق في ثلاث الدقايق=كلام رايق لاحد(ن)منك يوحيه
لاحد(ن)يشوفك يوم تشرح ظروفك=من خوفك الحساد لاتطلع فيه
حسودها المجهول ياعز مرسول=لايطلع فالقول تكثر بلاويه
بعده ماطيقه علمه بالحقيقه=وشوف الطريقه يمه اللي توديه
وخذلي الميثاق من مدمج الساق=قلبي لها مشتاق وش بصرها فيه
قل خبريني بالكلام اليقيني=ياسعد عيني كان وافق وقال إيه
ولا تقبل المعذار قلبي على نار=تلعبه الاقدار وهو لعب فيه
لاتقبل الا القول مع ضحك معسول=هلا بذا المرسول مطلبك البيه
ان كان قاله من بهرني جماله=اللي دلاله سمني مع تغليه
جتني مناتي مطلبي في حياتي=قبل المماتي صار غالي وغاليه
اللي وصوفه تمتحن من يشوفه=تزمي ردوفه والجدايل تغطيه
من شاف نظراته زهد في حياته=يظهر وصاته كان ماهوب راجيه
نظرت عيونه تذبح اللي يجونه=ماشفت انا لونه ولاحد(ن)يحاليه
ذكره يجيني قبل اشوفه بعيني=ظبي البطيني يشبهه في تخطيه
متوسط القامه بصدره علامه=بيض الحمامه صيفته طالع(ن)فيه
يادق مثناته وماكثر حلاته=ماحد(ن)سواته فالحلا الله محليه
وباق الوصايف فالجديل الصفايف=على الردايف يفجع اللي يراعيه
ياويلهن باللويل بالعصر والليل=لاجا سوات سهيل يازن تخطيه
خافق بروقه كل قلب(ن)يشوقه=ياحلو ذوقه ليت الايام تدنيه
ليته يصافيني على اللي يجيني=بيح كنيني جعل ربي يجازيه
وألآ يرد اخبار لوهي بالاسرار=يقول الي مشوار ماني مخليه
هذي قصيدة المطيري
قالوا سلامه قلت مامن سلامه=ماخوذ وانا سالم المال كله
وخيذ شخص(ن)ماعرفنا نضامه=قام يتحداني ولحدن فطله
يرسلي الموت الحمر ببتسامه=ونهظت حجاجن لظماير تتله
ياليت تسهل جيته مع كلامه=ارب قلب(ن)طار يركد محله

ورد عليه الشاعر بندر بن تركي الشيباني يقول
ماخوذ ياقلب المطيري علامه=والله ماصدق كان هذا حصله
قلبه يترجم لي فنون الحمامه=هرج(ن)يشوق القلب والله مامله
وقلبي يشارك قلبكم في هيامه=والحل ماقدر له وانا عارف له
وش حيلتي وان لد وغفل لثامه=قصده يداويني وانا ازداد عله
من لفتته يزتاد قلبي ندامه=وقفا بقلبي في يدينه يشله
ولو كان قلبي منه حصل مرامه=ماهمني لو في الملايل يمله
لكن قلبك لايطاوع حلامه=هون على قلبك ودربك تدله
مالك ومال اللي تنكب اوسامه=وسام الجمال مع الشرف وهبتله



هذه الابيات قرأها الشاعر بندر بن تركي بن هليل الشيباني
على صفحات الجزيره(لحظة احساس)لشاعر راشد ابن جعيثن وهي عام 1408
يقول راشد...
ان كان جرحك للقلوب الموده=ينفعك فجرحني وكثر جروحي
اصبر على تجريح قلبي وامده=لك تجرحه قدام تلحق بروحي

ورد عليها الشاعر بندر يقول

قاف(ن) قريته هز قلبي وشده=ماباقي الا اسرار قلبي تبوحي
لاني جريح ومن ضحايا الموده=حيران مدري وين ابنهج وروحي
يابن جعيثن كان قلبك تعده = وتقدمه متأثر بالجروحي
كم واحد(ن) مثلك ظروفه تضده=اسباب من بعلاج روحه شحوحي
يصبر على مابه من اللي يحده=لوناح هو ويش ينفعه لو ينوحي
يضمد جراح فالحشاء مستجده=والصاحب الجراح ينظر ويوحي
يوحي الكلام ولا تفضل برده=ليته لنا بالسرار قلبه يبوحي
وافراحنا واتراحنا مستمده=رهن اتجاهات الغزال المزوحي


هذه قصيده غزليه قالها الشاعر بندر بن تركي بن هليل الشيباني
قبل ثلاثين سنه تقريبا واتمنى ان تحوز على اعجابكم


انا غريق(ن)غارق(ن)غبت الهواء=كما من سبح وامواج بحره تشايله
غريق(ن)بحب اللي بقلبي تمكنت=ورسومها فالقلب ماهيب زايله
ياعلي مدري كيف الايام جت بها=حتى اوقعتني فالغرام وحبايله
وانا احسبني قبلها متولع=ولا اطلقت نظراتي لشخص(ن)تخايله
خايف من اللي صار والله رمابي= مع واحد(ن)فيه التواصيف هايله
لو جيت ابا ابدا في وصوفه واعدها=ماشفت فيها ربع مثقال مايله
الله مسويها على كيف مشتها=سبحان رب(ن) ماتعدد فضايله
ياعلى انا ياليتني ماعرفتها=لجل ضروف(ن)بين الاثنين حايله
ضروف تمنع ما عرفنا نحلها=معقده مايندرا كيف قايله
ان كان مارب السماوات حلها=نصبر على ميل الزمان وهوايله
لو كان انا ماعاد عندي مناعه=عليه جدران الفواد متمايله
ياعلي انا للناس اقدم جمايلي=اساعد المحتاج لله مسايله
واليوم ابا من يشترك في قضيتي=بعد الجمايل فيه ابا من جمايله
شخص(ن)وقفنا معه وقفه قويه=يوم ان كل(ن)بالقصايد يحايله
واليوم معنا ياعلي كيف موقفه=ياهل ترى وش يتخذ من وسايله
ان كان ساعدنا لحل القضيه=البيض تكسي غرته مع جدايله
ومعناي لايفهم على غير مقصدي=ان كان شفه صوب غيري محايله
انا ضد من ينحاه عن غير وده=ويقول هذا ماتحصل بدايله
خله على شفه ومشهات خاطره=وتصرفاته صح لو كان عايله
انا ضد من عن شف باله يحده=ضبي العلم مايرتع الامسايله
الضبي مايرتاح في غير موطنه=والادمي وش يضهره من قبايله
وش فايدة من ينصحه عن شفوفه=ويجيه بهروجن قصيره وطايله
يبا على شخص(ن)من الناس يجبره=وهو دموعه فوق الاوجان سايله
يافاعل هذا تحمل ذنوبه=الذنب من رب السموات نايله
خله على كيفه يقرر مصيره=ان جازله ولا على الله بدايله
انا لو هواه يمزق القلب والحشاء=وهو يبى غيري تركته مسايله
اصبر على مابي وخليه ينتحي=واكتم همومن بين الاضلاع جايله
ماسلى بجانب وحده ماتودني=لوحبها فالقلب يفضى خصايله
اسف لها لو كان مني تضلمت=واخلي الطريق الها وللي تخايله
والله يعوضني بمن هي تودني =لو من رسوم الزين تحمل قلايله
واعيش معها في حيات سعيده=مبغا نزاع نكتوي في ملايله
يقوله اللي غارق غبت الهواء=يوم يتمثل ينسجم مع مثايله
ولو من عشقته قلبه اقوى من الحجر=لابد ماتنظر عيونه لسايله


من غزليات زمان للشاعر بندر بن تركي الشيباني
يقول فيها

ياقلب ريح لايجي فيك هوجاس=في غبت الاوهام مالك لزومي
يالعبك التفكير مع كل مرواس=كلش معك وانت تقول محرومي
مالك ومال الحب ودروب الاتعاس=نجمك معك وانت تخيل النجومي
ثم قال انا في غبت الحب غطاس=ماباقي الا امشي ورمي هدومي
اغوص بحر(ن)فالهواء ماله اقياس=اوقات اغوص وبعض الاوقات اعومي
اسباب شخص(ن) فالعرب ماله اجناس=قليل جنسه فالعرب ومعدومي
حواجبه مع نظرته مثل الاقواس=نظرات يرسلها سوات السهومي
ومع الجمال بعيد عن درب الادناس=محد(ن)عطاه ولا خذاله علومي
قالوا بعيد وحايل(ن)دونه اللياس=ثم قلت في رجواه ابقعد وقومي
قالوا كلامك فيه يظهر مع الناس=وتحرف اسلوبه عيال الرخومي
قلت الكلام اللي نقوله على ساس=حب(ن)شريف ونطلبه بالسلومي


هذه قصيده قالها الشاعر بندر بن تركي بن هليل الشيباني في حبه لنجد
يقول فيها
ياللي نصيتوا نجد في ايام الاعياد=ردوا سلام اللي يحبه ويغليه
تكفون ردولي سلامي يالاجواد=عداد وديانه وجملة صحاريه
قولوا يقوله من سكن بحر الابعاد=وان جا يزوره له ضروف(ن)تعديه
عندي محبة نجد من عصر الاجداد=واليوم احبه لجل شخص(ن)سكن فيه
لو علقوا فالقلب للحب عداد=والله ليعجز مايعده ويحصيه
قامت محبت نجد فالقلب تزداد=هواي احبه مير انا كيف ابا جيه
ياليت جانا من عرب نجد رواد=احب من جا منه وحب من فيه
اعلن محبة نجد في رووس الاشهاد=الحب قلبي يعلنه مايخفيه



قصيده غزليه للشاعر بندر بن تركي بن هليل الشيباني
قالها قبل اربعين سنه
بندر بدا اللي عاليات(ن)مبانيه=في قصرا(ن)احسن من جميع المباني
وغنا بقاف(ن)كل الامات توحيه =جميع من حولي سمع بالاذاني
قالوا علامك قلت قلبي مخليه=يمشي على كيفه ويشغل لساني
مير انشدوا قلبي عن اللي حدث فيه=وتراه يعطيكم جميع المعاني
ثم قال قلبي كل مافيه ابديه=وأشكي عليكم من حدوث الزماني
الي وليف(ن)كل الامات ترجيه=وانا طلبته مير ماحد(ن)عطاني
وهذا اللي فيه يجدد مكاويه=وأن جيت ابى اقعد مالزمني مكاني
ياصاحبي ريحان ريحه وطاريه=وأحسن من الريحان عوده لياني
ياصاحبي يابعد دار(ن)مشاء فيه=ماتاصله عوص النضاء ياهواني
ماياصله ياكود فرت(ن)يقديه=ركابه اللي باخص(ن)فالمعاني
ركابه اللي لامشا مايداريه=وليا عطا الرقراق صابه جناني
وليا لفيته علمه حين تاتيه=قله تراني غارق(ن)في زماني
قله تراني كل عام(ن)وانا ارجيه=وأن ماشتفع فيه ترا الحال فاني
الصاحب اللي كل ماجيت احليه=ماله حلي الا سهيل اليماني
ماشفت فالعالم سواته يحاليه=ماله وصايف لادخل فالجناني
قلبي معه في كل درب(ن)يباريه=الصاحب اللي بالعذاب ابتلاني
راعي جديل(ن)فوق الارداف ساديه=شقر(ن)على ردف الحبيب ثواني
والخد براق(ن)تزايد تواشيه=براق وسم(ن)زايد(ن)بشعلاني
برق الوسوم اللي بدا من مناشيه=ينوض برقه بالغبا والبياني
اتلا العهد بحبيبي يوم انا اجيه=اتلا العهد به في ليال الرمضاني
مانساه لين الورق نوحه يخليه=ولا يشد الضلع ضلع قحطاني
ياعين حر(ن)طالعن من مجانيه=نادر حرار(ن)طالعن من مجاني
وياعود موز(ن)واسود الجم يسقيه=وجدي على لاما رهيف الثماني


قصيده غزليه لشاعر بندر من غزليات زمان


ياعلي وين اللي عيوني تمناه=اللي ليا سجيت ساعه طرالي
اللي غدى بالقلب والجسم خلاه=حكمه علي ابقى من القلب خالي
ياقسي حكمه ياعلي ماقويناه=أعلن قراره مادراء وش جرالي
وان كان يدري قاسي القلب مقساه=مانيته ياعلي ينضر بحالي
ياواصلينه كان منطوقي اوحاه=هو ويش مردوده الى جاء مجالي
ان كان مايشعر بشين شعرناه=وشبه خياله يقترن مع خيالي
ردوا علي وضحولي نواياه=ياليت محبوبي يجاوب سوالي
ليته يجاوب ويش في قلبه اخفاه=اربي افهم ميلتي من عدالي
ثم قال كل اللي نضمته سمعناه=لكن ويش اغواك مالك ومالي
وراك تجرحلك عيون(ن) مشقاه=من دونها قد صر حدب المحالي
لو في يدينا شي حنى فعلناه=لكن مربوطين ربط الحبالي
اقنع بمقسومك وحنى رضيناه=ولاحدا لمقسوم(ن) لغيره ينالي
ثم قلت كل اللي ذكرته فهمناه=لكن عيا القلب ماهوب سالي
ياقلب ريح خل عنك المعاناه=لافات فايت مايسر الجدالي
مالك ومال اللي ودادك تناساه=خله يروح وسج لو كان غالي
عساك تلقى فالقبايل حلاياه=وتصير مسرور(ن)ويرتاح بالي
عنده ضروف ومنه عذره قبلناه=والبيض واجد كاملات الجمالي
ثم قال قلبي كيف ومنين ابنساه=وانا معه مشدود شد الحبالي
انا مبي غيره ولا غيره اهواه=هو منوتي من لابسات الشيالي
مالله خلق مثله ولا مثله انشاه=سبحان خلاقه عزيز الجلالي
لكن قله عن كلامي ومعناه=قله عليه معلقين الامالي
وان كان عذره حبل شخص(ن)تحداه=ياما قطعنا من قوي الحبالي
واليوم انا حيران والفكر مالقاه=بين الحبيب وبين قلب(ن)غدالي

قصيده لشاعر شرف ابن عمر النجمي ارسلها الى الشاعر بندر بن تركي المرشدي
يقول شرف
يابوعلي ممسيت عيني سهيره=اسباب خلن تل قلبي من اقصاه
ان كان جيت الزين يرحم اسيره=ويلطف بحال اللي زمانه تحداه
حتى ايش لو دقت عليه ...=اسهيل يابعده عن الجدي بعداه
تقول انا ازين من مشى فالجزيره=وادرس ثقافه واكتب الخط واقراه
واقول كذب الزين في كل ديره=بالهون يامن غره الزين واغواه
الزين عنق الجافل المستذيره=لانتي بلامثله ولا انتي بحلياه
هاف الحشى راع النهود الصغيره=اللي على ضبي الزباره مسماه
مادنسوها سايعين العشيره=حيث انها درب الشكاله مرباه
رشحتها بسم الجمال ومديره=راعي جديلن فوق الارداف يسداه
رده عليه الشاعر بندر بن تركي
يقول
يابو مشاري كان جايك حشيره=من صاحبن خضب كفوفه بحناه
لاتشتكي وابكي تضيع البصيره=انته تويل منه وانى اتمناه
الجادل اللي بالوصايف عسيره=اللي سطا بين الضلوع المحناه
لاهيب نعنوعه ولاهي قصيره=تجرح فواد اللي عيونه معناه
اخذتلي مشوار معها وسيره=وقتن مضى بين المحبين محلاه
خلن مسوي شي حتى استشيره=يمشي على كيفي وانا اصايد رضاه
مابيننا دايم نبوح السريره=واهل الهواى دايم تسوي كذياه
وياعزتي للي يباني نصيره=في مثل هذه قد تحملت ماجاه
ابكي سواته بالدموع الغزيره=وان قال ياوجدي سبقته وقلت ااه
يابو مشاري من هنوف قديره= الحب فاهمته وتعرف مزاياه


هذه من ارشيف1400
قصيدة شرف ابن عمر ابن حياد الشيباني مرسلها الى شاعرنا بندر بن تركي بن هليل الشيباني
انشهد ان الحب كله بلاوي=لاعاد يومن فيه جانا وشفناه
قولو لغض العود يرحم وياوي=بعد البطى لايحسب انا نسيناه
ارجيه رجوا ممحلين الشواوي =للواحد اللي ينبت العشب من ماه
حتى يعالج حاميات المكاوي=اللي بقلبي كل ماحل طرياه
يابوعلي دور عذاب الهواوي=زين الوصايف غاية القلب ومناه
اتلى العهد به معطين له نزاوي= من فوق جمس يشرح القلب ممشاه
مدري نصى الظهران ولا الصداوي=ولا توجه صوب نجد المسماه
ولها على نزل الدفينه حراوي=وعفيف مره وانشد اقصاه وادناه
انا على مضنون عيني شقاوي=وهني من شافه بعينه ومن جاه
ابوعيون مثل عين النداوي=حرن وحش يجفل من الصوت لوحاه
لوشافها الفنان عيسى الحساوي=والله لتخطي دقت العود يمناه
وهذا رد الشاعر بندر بن تركي الشيباني
يقول
يامرحبا باللي كلامه قصاوي=كلامه اللي يلحق القلب قصياه
اللي عليه من المحبه مهاوي=من واحد وصف الغزيل حلاياه
مريض يبغاله طبيب مداوي=وخم المداوي وانطلق منه واخطاه
يابومشاري كان جالك عداوي=عن صاحبك حتى اختفى كيف نلقاه
ريمن مع الاروام يمشي خلاوي=لوهو فرق بوصاف جسمه عرفناه
وان كان ردفه مع حشاه متساوي=اسمح لنا مانعرفه لو وجدناه
نبغا من اللي يخلفن الهقاوي =لامرن العابد زهق من مصلاه
ان كان من غي الصبايا شقاوي=عليك باللي كاملات مزاياه
وانته وليفك صوب نجد العذاوي=ماراح صوب الشرق اهو نجد مرباه
مربا خشيف الريم ضبي المطاوي=وعفيف ضني ياولد ماتعداه
حيثه مقر الزين كان انت غاوي=لا هجت اروام البرايا تنصاه
كلام منهو منسجم غير هاوي=اخذ معه فتره وقفا وخلاه

هذه خواطر لشاعر بندر بن تركي بن هليل الشيباني
يقول

انا ودي انهج وانطح البدو فوق الجيب=اشوف الديار اللي خلت بعد اهاليها
عسى ينشرح بالي ومافي الضمير يطيب=بعد شوف دارن كان ابويه سكن فيها
تركها وانا فالديد واليوم كلي شيب=اعاني امورن كان ابويه يعانيها
ليا ماذكرت نزولهم فالوطا وشعيب=عليه دموع العين تجهش واخفيها
توحش بعدهم ماسكنها يكود الذيب=يروعك مع المغرب تضابح حصانيها


وهذه قصيده غزليه قديمه لشاعر بندر بن تركي الشيباني من غزليات زمان
يقول فيها

ياللي تجي بعلوم منهم واشاعات=القلب منهم واثقن مرجهني
وانا على الماضي كثير الحسوفات=ان كان في ماضي الدهر سال عني
وقتن مضى ماعندنا عنه لمحات=وايامنا بالغيب ماخبرني
مابيننا حالت ديار ومسافات=حتى الليال الخاينات اغدرني
اللي نحني في الديار البعيدات=لين سرقن احبيبي واسرقني
يافاعلين الخير ياهل الجمالات=تدخلوا كان العلوم ادبحني
ان متخذتوا له وسايل سريعات =الوقت فات وصاحبي ضاع مني
اللي ذبحني بالعيون الجريات=نجل العيون السود مايرحمني
حسيت منهنه على القلب لوعات=لا طالعن بسكات ثم سلهمني


مواقف الشيابين فالسنين الغابره وفي الحاضر واشار الشاعر لبعض مشاهير الشيابين الذين لم يعدون سابقا
قصيده لشاعر بندر بن تركي بن هليل بن غلاب الشيباني
يقول
ياللي تعدون الرجال المشاهير= نعم(ن)بهم لكن زودوا عددهم
لو كان منكم ماحصل عمد تقصير=واللي لهم وقفات محدن جحدهم
الاد مشيب فالليال المغابير=افعالهم يحكابها من بعدهم
عاداتهم كسر الجموع الطوابير=ياما على الاجناب رفرف سعدهم
في راي اخو هملا صبي المخاسير=قومن يصبحهم وقومن هجدهم
يقود منهم فالملاقا جزازير=يصعب على الشاعر يعدد ابددهم
واليوم في عصر الرخا يكثر الخير=يوم ان اخو نوره بحكمه صمدهم
راحوا ولايف بعد هاك التنافير=وحد قبايلهم ووحد بلدهم
وحط المدارس نور العلم تنوير=ينهل منه شيابهم مع ولدهم
حتى الذكي منهم جعل موقفه غير=الاذكيا بالعلم كلن حمدهم
كلن بعلمه طور الفكر تطوير=ونالوا مناصبهم بثمرت جهدهم
ومن ساعده حضه يجيله جماهير=واللي بلا جمهور دايم وحدهم
ولو جيت اعددهم كثار المناعير=شهدت انا واجد وغيري شهدهم
ان قلت ساطي قالوا او غيره اكثير=صحيح واجد عاجز احصي عددهم
وايضا عمر خالد حصله محاضير=يومن اهل جيزان بدد وعدهم
وخليل منسى وقفته فالمخاضير=ثلاثتن من جا يبيهم وجدهم
وقفاتهم تازن حصى نجد والنير=لا مثلهم صاروا ولا من بعدهم
يفدونهم ياعلي بعض الهوامير=اللي عن المعروف ياقصر يدهم

والمذكورين هم
ساطي بن فتن المرشدي
وعمر ابن خالد المرشدي
وخليل ابن شبيب المرشدي

وقفات يشكر عليها فاعلوها واعتراف بالجميل تفسر القصيده معانيها
وهي قصيده لشاعر بندر بن تركي الشيباني

ياعلي هات البوك واكتب ماقوله=هواجس(ن)تطري على القلب قلها
طبق كلام الله وسنة رسوله=عساك تاجد عند ربك بدلها
ثم نصها ياعلي رجل الحموله=اللي حمولك عنك قام وحملها
اللي الى انضاموا ربوعه لجوله=فروع ربعه بالجمايل شملها
منهوا ياعلي اللي نعدد فعوله=اللي مشاكل ربعته يحتملها
معقده وتجيك منه محلوله=ولكن الك ياعلي حاجه عملها
يحلها من حكمته ومعقوله=ولاهوب يحكي عن جميله فعلها
هذاك هو ساطي وهذي حلوله=زيزومها لاجات ويضا جملها
ياللي مشيتوا نجد عرضه وطوله=سهولها وهضابها مع جبلها
قولوا عليه البيض بندر يقوله=حيثه لاجت قالت(ن)صار اهلها
في غير ساطي مدحنا ويش هوله=ساطي جمع كل الحقوق وكفلها
يحل صعبات الامور بسهوله=لو جت لغيره كان يكثر جدلها
ربعه ليا ضاقت عليهم مشوله=عن الوعر يمشي بهم مع سهلها
ياعلي من ساس الصخى والرجوله=ابوه قبله كل قمه وصلها
يشيل حمل اللي تعب مع حموله=اللي بها الدنيا يغوص بوحلها
اللي شكى ميلت زمانه وهوله=عليه دنيا الوقت شدة رحلها
ماقول وحدي كل ربعه تقوله=وقفات ابو عادل لربعه جعلها
ومدحي ماهو للي معاهم سيوله=للي الى جا قالتن قال انا الها
وشعر النبط لاجت تعده فحوله=قوالبن ياعلي رفرف نحلها
قوالبن للطيبين معموله=ياحلوا منضرها ومحلى عسلها
المقصود بالقصيده
ساطي ابن فتن المرشدي الشيباني


هذي قصيده لشاعر بندر ابن تركي الشيباني موجها لشاعر عساف ابن نعيس العمري الشيباني

ياعلي ماجانا على الوعد عساف =ياليت ندري عنه وشهي خباره
طاف السبوع ومعه باقي الشهر طاف=وانا حسب ماقال لي في انتظاره
ياعلي وقتك من شواريه ينعاف=ماهو على مجراه جابه غياره
اعز صاحب فيه ماعاد ينشاف=وان قلت ليه وليه تكثر عذاره
ياليتنا ياعلي نسكن بالارياف=من شان جار البيت يقلط لجاره
وانا مقوله حاصلن هجر وخلاف=لكن ابا مجلس وضحك وعياره
سوالف مضمونها عدل وانصاف=للي سعوا لطيبات بجداره
ياعلي وصلها لمن يسخر القاف=ابو فهد مانغتني دون شاره
ثم استفد من خبرته واخذ الاوصاف=ويكفيك من منطوقت الحر اشاره
يشرح عن الماضي وعن كل ماشاف=وقتك يفسر ويش غير مساره


منقول من منتدا الشيابين الرسمي
ونشكر كل من ساهم في جمع قصائد الشاعر بندر بن تركي بن هليل بن غلاب المرشدي الشيباني وهم النادر والعبدلي والسكب
مع تحيات اخوكم ابوبندر















آخر تعديل ابوبندرالشيباني يوم 06-Oct-2007 في 02:30 AM.
رد مع اقتباس
قديم 19-Jun-2007, 05:21 AM رقم المشاركة : 2
معلومات العضو
ابوبجاد الرويس
عضو مميز

الصورة الرمزية ابوبجاد الرويس

إحصائية العضو





التوقيت


ابوبجاد الرويس غير متواجد حالياً

افتراضي

مشكووووووووور

والله يعطيك العااافيه

ولاهنت على النقل الثصيدة لشاعر بندر بن تركي الشيباني

وصح لسانك

وبيض الله وجهك















التوقيع
اضغط على الصورة لرؤيتها بالحجم الطبيعي اضغط على الصورة لرؤيتها بالحجم الطبيعي
mb6mb@hotmail.com
رد مع اقتباس
قديم 19-Jun-2007, 05:32 AM رقم المشاركة : 3
معلومات العضو
ابوبندرالشيباني
عضو فعال
إحصائية العضو





التوقيت


ابوبندرالشيباني غير متواجد حالياً

افتراضي

اقتباس:
المشاركة الأصلية كتبت بواسطة ابوبجاد الرويس مشاهدة المشاركة
مشكووووووووور

والله يعطيك العااافيه

ولاهنت على النقل الثصيدة لشاعر بندر بن تركي الشيباني

وصح لسانك

وبيض الله وجهك
ياهلابك يابوبجاد الرويس
وصح بدنك يالغالي
وشاكر لك مرورك الكريم
والله يعطيك العافيه















رد مع اقتباس
قديم 19-Jun-2007, 05:42 AM رقم المشاركة : 4
معلومات العضو
مستشار القبيلة
عضو ماسي
إحصائية العضو





التوقيت


مستشار القبيلة غير متواجد حالياً

افتراضي

اخوي

ابو بندر الشيباني

بيض الله وجهك

و وجه الشاعر بندر بن تركي المرشدي العبدلي الشيباني

ديوان اكثر من رائع وقصائد تدل على شاعريته والله يزيده

والله يوفقه ويطول في عمره

نتمني اخوي ابو بندر ان لا تبخل علينا بقصائد الشاعر بندر بن تركي

يعطيك العافيه

وتسلم يمناك يالغالي















رد مع اقتباس
قديم 19-Jun-2007, 05:45 PM رقم المشاركة : 5
معلومات العضو
ابن مشيب
إدارة أقسام القبيلة

الصورة الرمزية ابن مشيب

إحصائية العضو






التوقيت


ابن مشيب غير متواجد حالياً

افتراضي

نعم واكرم بالشاعر بندر بن تركي , قصائد اتسمت بالجزالة وإبداع في نظمها , وسلمت على هذا الجهد الجبار يابوبندر , ونتمنى ان لاتحرمنا من جديد الشاعر بندر , وسوف يضاف رابط هذا الديوان , لدواوين شعراء قبيلة عتيبة في اعلى القسم للأخ ذيبان


تحياتي















التوقيع
اضغط على الصورة لرؤيتها بالحجم الطبيعي
رد مع اقتباس
قديم 26-Jun-2007, 01:30 AM رقم المشاركة : 6
معلومات العضو
عباس مشعل الشيباني
موقوف لمخالفة الأنظمة
إحصائية العضو






التوقيت


عباس مشعل الشيباني غير متواجد حالياً

افتراضي

تسلم والله يابو بندر

وصح لسان الشاعر بندر بن تركي بن هليل بن غلاب


نعم الشبل ابن وحفيد الجد الشيخ هليل بن غلاب

من اشجع فرسان الشيابين


وديوان رائع

تسم على هيك طرح يابو بندر

اخوك

عباس مشعل الشيباني















رد مع اقتباس
قديم 26-Jun-2007, 03:25 AM رقم المشاركة : 7
معلومات العضو
احمد المقاطي

رابطة محبي الهيلا

إحصائية العضو





التوقيت


احمد المقاطي غير متواجد حالياً

افتراضي

صح لسان شاعرنا بندر بن تركي الشيباني
ومشكور يالشيباني على الديوان
تحيااااتي















رد مع اقتباس
قديم 30-Jun-2007, 02:17 AM رقم المشاركة : 8
معلومات العضو
ابوبندرالشيباني
عضو فعال
إحصائية العضو





التوقيت


ابوبندرالشيباني غير متواجد حالياً

افتراضي

اقتباس:
المشاركة الأصلية كتبت بواسطة مستشار القبيلة مشاهدة المشاركة
اخوي

ابو بندر الشيباني

بيض الله وجهك

و وجه الشاعر بندر بن تركي المرشدي العبدلي الشيباني

ديوان اكثر من رائع وقصائد تدل على شاعريته والله يزيده

والله يوفقه ويطول في عمره

نتمني اخوي ابو بندر ان لا تبخل علينا بقصائد الشاعر بندر بن تركي

يعطيك العافيه

وتسلم يمناك يالغالي

ياهلابك يالمستشار
وجهك ابيض وشاكر لك مرورك العطر
والله يعطيك العافيه















رد مع اقتباس
قديم 30-Jun-2007, 03:00 PM رقم المشاركة : 9
معلومات العضو
عمر الراوي
(مصـمـم)

الصورة الرمزية عمر الراوي

إحصائية العضو






التوقيت


عمر الراوي غير متواجد حالياً

افتراضي

تسلم على هالموضوع الروعه ولا هنت















التوقيع
يا معتلي راس الجبل اتشوف خلق الله صغار=كنت ماتدري ترى من تحت انشوفك صغير
اضغط على الصورة لرؤيتها بالحجم الطبيعي
رد مع اقتباس
قديم 02-Jul-2007, 08:40 PM رقم المشاركة : 10
معلومات العضو
ابوبندرالشيباني
عضو فعال
إحصائية العضو





التوقيت


ابوبندرالشيباني غير متواجد حالياً

افتراضي

اقتباس:
المشاركة الأصلية كتبت بواسطة ابن مشيب مشاهدة المشاركة
نعم واكرم بالشاعر بندر بن تركي , قصائد اتسمت بالجزالة وإبداع في نظمها , وسلمت على هذا الجهد الجبار يابوبندر , ونتمنى ان لاتحرمنا من جديد الشاعر بندر , وسوف يضاف رابط هذا الديوان , لدواوين شعراء قبيلة عتيبة في اعلى القسم للأخ ذيبان


تحياتي
ونعم ابحالك يابن مشيب
والله يعيطك العافيه وشاكر لك مرورك ياغالي
وتسلم على التثبيت وماتقصر















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:57 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2014, Jelsoft Enterprises Ltd
اتصل بنا تسجيل خروج   تصميم: حمد المقاطي