رشيد الزلامي و تركي 2000 ( أنواع المطبات الصناعية والمقالب ) !!!! شي عجيب

[نادر العش]

..
بسم الله الرحمن الرحيم

السلام عليكم ورحمة الله وبركاته



أهديكم هذه االمحاورة بين هامور و صنفرة الشعراء رشيد الزلامي والشاعر الشاب تركي 200
في مهرجان الغاط السنوي بمناسبة عيد الأضحى المبارك وبحضور محافظ الغاط الأمير / سعد السديري.




أخواني هذه محاورة لاتسير على معنى معيّن والمعاني شبه معدومة فيها .. والسبب أن أحد أطرافها شاعر ذو خبرة ضاربة في شعر المحاورة والنظم , أما الطرف الآخر فهو شاعر مبتدئ. والشاعر المبتدئ لا يستطيع مجاراة الكبار والاستمرار معهم في نظام المعنى مما يجعل الشعراء الكبار يحوّلون المعاني إلى الألغام والمطبات الصناعية.


ولكن بما أن هذه المحاورة شبه عديمة في إستمرارية المعنى إلا أنها لاتخلو من الألغام الخطيرة في أكثر من بيت !!!!!!!!

وهنا المحاورة فدققوا النظر فيها :

رشيد:

إسمحوا لي على تركي خليفة مطير=ودّي أمزح عليه بكل حشمة وأدب
تركي الفين تالي الوقت وضعه خطير=يالله إنك تفكّه من عيون العرب

( بداية خبيثة !!)

تركي:

أنت مزحك مع الشعار مزح ٍ كثير=مير صاحبك ماهمّه ولا أطلق شنب
فيه للشر شر وفيه للخير خير=إنتبه ياوسيع المعرفه واحتسب

رشيد الزلامي:

عدّل العوجه اللي في رقبة البعير=ثمّ تعطى قلادة كلها من ذهب

.

من اللي يعطى القلادة ؟

بالزمان القديم وبالزمان الأخير=قيل من قارب الجربا يجيه الجرب

تركي:

أنت رجل ٍ ذهين وبالسوالف خبير=مير في تالي أيامك عليك العتب
إقضب إقضب حدودك لاتجي لي مغير=قدمك النار وأنته من حساب الحطب

رشيد:

تسبح الباخرة فالبحر لو هو غزير=والتّروكي ليا جرَّوا عليه انقلب

:

D :eek

:

لك مع العسر يسر وكل شي يصير=ما أحسد اللحية اللي تستحق الشبب .

( الزلامي يقول: تستحق الشبب!! , هههههههههه , عزالله انه صنفرة الشعراء)

تركي:

أبشر إني على هوني وسيفي شطير=وأذبح العقرب اللي سمّها فالذنب
مير قدّم حبوبك والرحا يستدير=مايفوت بجماد تحصله في رجب

رشيد:

لو نصدقك مالك فالمراجل خشير=مير بالعكس تبت يدك يابو لهب
صاحبك رجل شايب وانت توّك صغير=خلها ترتفع جوختك فوق الركب

تركي:

كل طيرٍ ليا رفرف جناحه يطير=غير ذيك الطيور اللي تجي بالخشب
إقصر السالفة قدام علم ٍ يصير=لاتعرّض عيونك للشقا والتعب

رشيد:

ما أقدر أكسر جناحك عند وجه الأمير=طير ياطير وآخر مرحلة تنّكب
روح ياتركي اسحب فوق دربك حظير=مير لاتنتهي رحلتك وأنت السبب

.

تركي:

أنت ودك بكسره مير كفك قصير=لاتعرّض طريق مطوّعين الصّعب

.


إنتهى ..







.

آخر تعديل نادر العش يوم 21-May-2007 في 04:17 PM.

[الهاوي990]

نادر العش دائماً مبدع في طرحك الرائع الله عليك يا رشيد صدق من سماك صنفرة الشعراء

رشيد:

إسمحوا لي على تركي خليفة مطير
ودّي أمزح عليه بكل حشمـة وأدب
تركي الفين تالي الوقت وضعه خطير
يالله إنك تفكّه من عيـون العـرب



( بداية خبيثة !!)

هههههههههههههههههههههه

آخر تعديل الهاوي990 يوم 21-May-2007 في 07:56 PM.

[حمد بن جوباح]

.
..


نادر






























نادر





















نادر

































دايم في مواضيعك نادر



عز الله ما قصر ابو جميل

واكلها تركي



.
.
.


















تحياتي لكـ ،،

[مرزوق حمدان العتيبي]

والتّروكي ليا جرَّوا عليه انقلـب

والتّروكي ليا جرَّوا عليه انقلـب



..
دايم وانت مميز في في كل مواضيعك
...

الف شكر على ان خليتنا نعيش جو مع ابداع
ابو جميل المبهر ... ولاهان تركي ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نواف العصيمي]

يعطيك العافيه .. ,,

يانادر ولاحرمنا من إبداعك

...

..

..

...

ولك التقدير والإحترام

التوقيع

[سلطان الجـذع]

عدّل العوجه اللي في رقبة البعير=ثمّ تعطى قلادة كلها مـن ذهـب

متى يعدل العوجه اللي فرقبه البعير ؟؟
واذا عدلها وش الجائزه ؟؟؟


يهييييييييييييييييييييب يالبيت هذا

والثـــــــــــــــــــاني
صاحبك رجل شايب وانت توّك صغير=خلها ترتفع جوختك فـوق الركـب


نادر العش تسلم يمناك
على النقل ...

مييز لا تأتي الا بالمميز

[نادر العش]

..

.


الزلامي يقول :

تسبح الباخرة فالبحر لو هو غزير ... والتّروكي ليا جرَّوا عليه انقلـب

البيت هذا عجيب جدا ً في معناه وفي تركيبته ,,لأنه يحتوي على معنى عادي ويحتوي على معنى خبيث جدا ً :



ــ المعنى الأول وهو العادي والمعروف لدى الناس :


التّروكي = يقصد الزورق أو القارب أو السفينه الصغيرة.

ليا جرّوا عليه = يعني إذا زادوا الحمل عليه .

إنقلب = يعني ينقلب في البحر لأنهم زادوا الحمل عليه فلم يستطيع أن يحمل مافوقه .

( معنى عادي جدا ً ومعروف عند الناس وشي واقع ) ..



أما المعنى الثاني وهو المعنى اللي يحتوي على المقلب :


التّروكي = يعني تركي2000 , وهذا إسم تصغير لتركي مثل مايقولون الشعراء أحيانا ً يا ( تركوه ).

ليا جرّوا عليه = يعني ( مقصد خبيث وأنتم بكرامة ) .

إنقلب = يعني ينقلب على ظهره مثلا ً أو على بطنه ( الوكاد إنه ينقلب ).

,,



روح ياتركي اسحب فوق دربك حظير .. مير لاتنتهي رحلتك وانت السبب.
س1: من هو اللي يسحب الحظير ؟


,,,


ثم تعطى قلادة كلها من ذهب

س2: من هو اللي يلبس القلادة ؟


..



رشيد يقول :

لك مع العسر يسر وكل شي يصيـر ... ما أحسد اللحية اللي تستحق الشبب .

تدرون وش هو الشبب ؟ .. واللحية من هي لحيته ؟ .. ههههههههههههه

الشبب هو اللغم اللي يقول ( والتّروكي ليا جرّوا عليه انقلب ) .. لكن الزلامي مايبي يوضح انه يقصد اللغم وعكس الوصف يعني بدال مايوصف اللغم بحاجة شينة وصفه بالشبب ..

واللحية يقصد لحية تركي2000 ,,


وهذا يذكرني ببيت قاله الزلامي لأحمد الناصر :

العلوم الطيبة ماهي على مثلك غريبة ... مير انا قناص ماتوخذ رصاصة من حزامي .




عموما .. ً إبداع الشعراء الكبار لن يتكرر عند الصغار !!!





,,








أخوكم
نادر العش ..



.

[الطنايا]

الف شكر اخووي نادر واعجبني هذا البيت ...


وهذا يذكرني ببيت قاله الزلامي لأحمد الناصر :

العلوم الطيبة ماهي على مثلك غريبة ... مير انا قناص ماتوخذ رصاصة من حزامي

[نادر العش]

..


الهاوي 990


يعطيك العافيه على مرورك ..

لاهنت على الإطراء ..



.

[نادر العش]

..

حمد بن جوباح ..

ما ألومك يوم أكلت الصفحة عن الأعضاء .

الله لايهينك على تواجدك المشرف ..

لاعدمناك ..




.