يشوف الرجال الي تجاهد بدون حدود (كتابة وبالصوت)

[ابو ضيف الله]

قصيدة معبرة وفي اثنائها قصة مؤثرة جـدا واتمنى ان تعجبكم

رابط صوتي للقصيدة
http://www.anashed.net/audio/sef_ashaja3ah/ala_allah.rm

على الله ولا غير الله الواحد المعبود =نصير الضعيف وعالي الشآن سبحانه
هو اللي يفك الطوق ويذوب البارود =له الاولــه والثـانية وسط ميــزانــه
يشوف الرجال الي تجاهد بدون حدود =ولا هزهم صـوت المـدافع ونيـرانه
رجال معاه قلوب اقسى من البارود =والايمان يسري في وريده وشريانه
وفوق التزامة الرجولة يهون اركود =ماخانو ا بوضع ينجي الروح بخــيانة
لنا حق فيهم نفتخر فعلهم مشهود =بوجه العدو اللي تزايد بطـــــــغيانه
قليلي العدد بس انت يا ربنا موجود =بك الحـــــول والقوة وفزعــــتك مليانه
تدور المعارك وفزعك للنصارى يهون =جيوش وسلاح فاتك انصنع ببلاده
ولا غيرك انت يساعد اخواننا بجنود =تعاليت لاتبقى على الكفر واعوانه
فلا ينتصر مخلوق من رحمتك مطرود=بلا رحمتك ما تنفغة قوة ايمانة
ولا ينهزم شخص لو انه بدون اعضود= مادام انت ذكرك في فؤاده وبلسانه
مضى ما مضى والسالفه حبلها معقود =ولا غيرك انت يحلها وانت سلطنه
فلا عاد باقي غير الاطلال بيض وسود =ودمعة عجوز تشتكي فقد ورعانه
دمار وجثث وسط الشوارع كلاها الدود =ظلام مخيف وبسمة ما لهل خانه
وجاني من الاخبارعود لقاله عود =تحت ظل طوفة مسجد هد بنيانه
وقال اسألك بالله وش معك وش مفقود =عسى ما خسرت ارواح قال العصا عانه
وانا ما بقالي غير ربي وهذا العود =عصى والعصى في راس من زاد عصيانه
خسرت اللي ماكان له ناظر معقود =وهو يعيش من شاني وانا اعيش من شانه
عجوز تسامرني وكل العباد ارقود =واذا حس فيني حاجة تدمع اعيانه
عجوز ولا لي غيرها والد أومولود =عجوزن ربيع القلب شوفه وبستانه
عجوزن بيمناه الفرح والاماني سود =مضى لي معاها عمر ياصعب نسيانه
اذا جيتها تعبان تبذلي المجهود =تحاول تريحني وهي حيل تعبانه
وفي يوم جيت وشفت بيتي وهو مهدود =وقلت العجوز أكيد في بيت جيرانه
سألت و سألت ولا أحد رد لي مردود =أثاري عجوزي ميته وسط مسكانه
وانــــــا باذن اللي جعل عمرنا ممدود =هو الواحد الفرد الصمد عالين شانه
لخلي طريق الكفر قدامهم مسدود =بالالغام ولا في عصى العود وضغانه
مآسى كثيرة والله يصبر المظهود =ويكتب لنا نصرن والاسلام عنوانه
وترجع لنا ايام طواه الزمن وتعود =بها الكفر خسرانه والاسلام ربحانه

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[صعاط الجن]

بيض الله وجهك وجه من يقرا

ماقصارت