...
..
حبيّب بن دغيّم بن حبيّب العازمي العتيبي
اسم اقترن بالنجومية والابداع شاعر جمع بين الجزالة وسلاسة المفردات
شاعر يذهل العقول ويبهج الصدور في نفس الوقت اشتهر بأنه يقدم اجزل المعاني
في قالب فكاهي.
دخل عالم المحاورة ليكون لها قاعدة جماهيرية لم تعهدها من قبل اثبت وجوده بمقارعتة
كبار فطاحلة القلطة وتعجيز بعضهم ليصل الى القمةفي فترة قصيرة
بتوفيق الله ثم بـ(ذكاءه و اخلاقة)
شاعر اتقن الفتل والنقض وتميّز بأبتكار الالحان واجادة فن الشقـر
ومما يميز الشاعر حبيب العازمي أنه يتمتع أيضاً بموهبة شعر النظم فقد كتب العديد من
القصائد الجميلة والمتميزّة يقوة المعنى وسهولة الفاظها
ونقدم لكم بعضً منها عسى ان تنال استحسانكم ورضاكم
وهي على النحو التالي
قصائد غزلية, و قصائد الحكمة, و قصائد متميّزة من ابتكاره , وقصائد وطنية
الــقصائـــد الــــغــــزلـــية |
°ˆ~*¤®§(*§ ياطير السعد §*)§®¤*~ˆ°
ياطير يا طير ياطير السعد يا للي ترف الجناح =لا واهنيك ليا ضاقت عليك الأرض خليتها
وإن رحت وإن جيت ياطير السعد تسبق هبوب الرياح =وأظن ما فيه ديره فوق وجه الأرض ما جيتها
ما نته بمثلي تجي وتروح ما يصعب عليك المراح =لكن ياليت جنحانك معي ياطير ياليتها
كله على شان ازور اللي رماني بالعنا واستراح =اللي على شانها الاقدام عنتني وعنيتها
في ماض الأيام أشوفه قدم عيني فالمسا والصباح =واليوم حتى العلوم اللي تجيني عنه ما أوحيتها
وليا نشدت العرب ما حدن يعلمني عنه وين راح =وأتعبت نفسي وبالنشدة كثير الناس بذيتها
لا ووجودي على شوفك ولو مره يا ظبي البراح =ياللي على شانك العبره على الخدين هليتها
يا بو عيونٍ هدبها يزرق العشاق زرق الرماح =ذبحت روحي على كفك برمش العين واحييتها
°ˆ~*¤®§(*§ العالم المجهول §*)§®¤*~ˆ°
الايالعالم المجهـول حدثنـي عـن المجهـول=انا احس الحياه اسرار والعالـم تعيـش ابهـا
انا اكتب فيك شعري واتسأل وانتـه المسئـول=عـن الفكـره وشاعرهـا وقاريهـا وكاتبهـا
تعبت اطرح سوالاتي وافكـر مالقيـت احلـول=ماغير اطرح سوالاتي على نفسـي واجاوبهـا
لياقلت الخيال احلـى يامـر الواقـع المعقـول=اصدق نظرتي وارجـع الـي الواقـع واكذبهـا
تضاريس الحياه ارمال واجبال اووعر واسهول=سرحت ابها بامان وخفت يوم اني سريت ابهـا
مشيت امع الطريق اللى يبذ الرجل عرض وطول=طريقً شاب راسـي منـه وامثالـي مشيبهـا
طريقً فيه عز النفس يشهر سيفـه المسلـول=وقال النفس ترضـى الـذل ماتـدرك مطالبهـا
ليامنك بغيـت العـز قـل للشامـخ الغرمـول=انا شم الجبال اللي علـى متنـك رقيـت ابهـا
وانا شاعر مشاعر والمشاعر ماعليهـا اقفـول=ليافاضت تسابـق ساعـة الوقـت وعقاربهـا
تمر اثقل من اللحظه على اللي ينتظر مرسـول=لكن اسبق من العبـرات يـوم انـك تحسبهـا
وقلت ارجوك يكفي لاتزيد الشرح شرح ايطـول=انا كل الامور اللـي تشيـر الهـا مجـر ابهـا
انا سباح بحرٍ فيه مـن هـول القيامـه هـول=سلاطيـن المعانـي فيـه مرسيـةً مراكبـهـا
بحر في عمقه الاهوال والفاعل مـن المفعـول=لياحصلت سلامه منه حض اللـي يفـوز ابهـا
بحر في عمقه اللؤلؤ على كف الصدف محمـول=تجارة رابحه فالبحـر جابتنـي وجيـت ابهـا
سنين اجمع من اللؤلؤ واعد الحول بعد الحـول=وصفيته علـى يمنـاً بدهـن العـود اطيبهـا
ونظمته عقد في جيـداً وراه يسبـح المجـدول=وقدمـه مزنـةً غـرا وبـرقً فـي جوانبهـا
وفوقه بادياً مبدا القمـر مبـداً عليـه ايحـول=شعاع الشمس في يوم امس لحظه قبل مغربهـا
هذا وصفً تحلابـه عشيقـة عاشـقً مذهـول=يعيش ابحبها وايهيم فـالارض ويهيـم ابهـا
يجاذبني هواها وايتجاذبها شـرف واووصـول=شريفه فـي مذاهبهـا عريبـه فـي مناسبهـا
تسال العالم المجهول مثلـي والجـواب ايقـول=لياجاوبتـك اول شـي بامكـانـك تجاوبـهـا
وانا اقول الله الباقي وغيره كـل شـي ايـزول=هذا سلم الحياه اللي يعيش ابهـا يمـوت ابهـا
°ˆ~*¤®§(*§ لاتحدّاني §*)§®¤*~ˆ°
جيتك مسلّـم مسـا لـم لاتحدانـي=أقول لك كلمة ماهـي علـى بالـك
أقول الأول تراه أنته وأنـا الثانـي=في سيرة الحب أوقع لك على ذلـك
ياصادق الود ليه أعلنـت هجرانـي=أن كان من جـد فـال الله ولافالـك
ماني مصدق ولو أتغيـب تنسانـي=وإذا تناسيت تأثيـرك علـى حالـك
صحيح أبا اعيش في لوعه وحرماني=لكن أبا أصبر ولجمع صبري ألا لـك
أنا عطيتك عهد والصبـر برهانـي=وأن كان فكرت أبا أنسـاك إتهيالـك
وأنا مفوضـك تأمرنـي وتنهانـي=عيوني لخاطـرك والقلـب منزالـك
°ˆ~*¤®§(*§ الهنوف §*)§®¤*~ˆ°
الهنوف اللي ملامحها تشـد الناظريـن=قابلتني كيف مـدري كيـف اناقابلتهـا
المهم اني وقفت وكان عنـدي كلمتيـن=قلت وحـده مرتبـك والثانيـه ماقلتهـا
قلت كلمة من خايف كنت اباكمل منيـن=مير ياحسرة لضيـق الوقـت ماكملتهـا
كل مافالامر نظرة ساحرة من طرف عين=ارسلتها لـي وانـا رد اعتبارارسلتهـا
قلت اباكتب قصتي في جملة"للعاشقيـن=ماطلعـت بجملـة" تكفـي اذا حللتهـا
واختصرت الامر صبرا" يامعين الصابرين=واعرف اني معك ياقلبي نعـم طوللتهـا
والغلا ياقلب تذكـر وقتهـا وداك ويـن=لو معك حيلة قبل تضحك علي احتلتهـا
يامعاتبني معذبني على طـول السنيـن=رحلتي من حيـث ماوديتنـي واصلتهـا
°ˆ~*¤®§(*§ حسبي الله ونعم الوكيل §*)§®¤*~ˆ°
بعد ثالث ثلاثه حـل والوقـت ليـل=كل عين" من العبـرة سقـت خدهـا
ارتعـش واتثبـت والعبايـر تسيـل=لقـدر اقـول ليـه ولقـدر اردهـا
واقف" وقفت المحتـار وقت"طويـل=انظـر لواقعـي بالعيـن واصـدهـا
مقدر اهرب من الواقع على المستحيل=تقصر الرجل خطـوه قبـل لامدهـا
بين حزن الوداع وبين هـم الرحيـل=كـل لحظـه تمـر بهـم واعـدهـا
حسبي الله على الفرقا ونعم الوكيـل=هددتني وانا مجـروح مـن ضدهـا
اشهد الجدي في مبداه واشهد سهيـل=قصتـي تبنـي الاهـرام واتهـدهـا
ماشفالي جـروح ولابردلـي غليـل=صادت الروح روحا" بيحـت سدهـا
كلما قلت شـده قلـت يمكـن تزيـل=وكل ماقلـت راحـة قلـت لابدهـا
شرهت القلب عدل ونظرة العين ميل=اقنع النفـس ميـر النفـس ماودهـا
المشاعر لهـا بيـن الحنايـا صهيـل=والخواطر تحـز النفـس واتحدهـا
اكتب الشعر من دمي ودمـي ثقيـل=كـل ماجيـت امـد القافيـه شدهـا
اقربي يالقوافـي واشربـي سلسبيـل=من نهورا" يذوب الذوب مـع ندهـا
وذعني للحقيقـه واشربـي حنظليـل=من بحورا" يساقـي جزرهـا مدهـا
مايشـح الكريـم ولايجـود البخيـل=كـل نفـس" طبيعتهـا علـى قدهـا
°ˆ~*¤®§(*§ خواطر ليل §*)§®¤*~ˆ°
خواطر ليل نكتبها تحت نـور القمـر ولاّ=تحت جنح الظلام اللي حجب نور القمر عنا
خواطر ليل وش هاالليل لابقّـى ولا خـلا=يدبر مايحـب ومايريـد ولا اعتـذر منـا
ونحن معشر العشـاق لونضحـك ونتسـلا=مجاريح الغرام وعاشقين الليـل ابـد حنـا
نهلي به لكـن يـروح لارحـب ولاهـلا=بعكس اللـي نقابـل بـه اذا قابـل يقابلنـا
مشاعرنا تفيـض بالسعـادة والفـرح كـلا=تعاملنـا بصـدق ولا لقينـا مـن يعاملنـا
وهذا طبعنا مهما حصـل بالصبـر نتحـلا=الا ياكثـر مانسـمـع ولـكـن تحملـنـا
ولو انـا تغلينـا مصيـر العشـاق يتغـلا=علينا ثم يحطمنا مـن ايسرنـا الـى ايمنـا
درينا كم غلا عشق طغى وعن سكته ضـلا=تذكـر يـا ناسينـا وتعرفـنـا ماتجهلـنـا
ليا منك ذكرت اللي بقى واللـي بعـد ولا=عرفت انك بدون احساس ماتقدر توادعنـا
°ˆ~*¤®§(*§ استفزك §*)§®¤*~ˆ°
قال الوداع وقلت وين انت ماشي=قال استفزك قلت طلعت روحـي
قال امتأكد قلت رغـم اندهاشـي=ارجوك قدّر موقفـي لاتروحـي
قال استريح ومن عظيم ارتباشـي=اضحك فرح وانا دموعي تفوحي
قال انت تضحك ليه والدمع جاشي=مدري كلامك جد والا مزوحـي
قلت انتفاهم قـال ليـه النقاشـي=اسمح لقلبي بالصراحـه يبوحـي
هذا صحيح الحـب والا بلاشـي=ياحبـي الاول وبلسـم جروحـي
ياغيث قلبي من صدوق المناشـي=يفداك برق" في جبينـي يلوحـي
رمش" لك الحاف"ورمش"افراشي=يامنتهى عزّي وغايـة طموحـي
°ˆ~*¤®§(*§ بالخط العريض §*)§®¤*~ˆ°
عطيتك غالي الاسرار يا اغلى من يجئ ويروح=وابي منك التجاوب والصراحه ماحصل ذلـك
كتبت السر بالخط العريض وقلت انا مجـروح=وكنك ماقريت ولا خطر علمـي علـى بالـك
ابيك تخفف الاهات وتعالـج جـروح الـروح=وتروف بحال من يدري قبل حاله على حالـك
قبل تدري عن القصه ترى عنك الخطاء مطروح=وعقب انك دريت اليوم سو اللي يـورى لـك
انا حظي كذا وانته عن اللـي تعملـه مسمـوح=ولكـن انـك تاكـد ماعطيـت النيـه الا لـك
ولن فكرت او قررت كل اللي يصيـر مـزوح=انا اقول الك جد وجـد والعكـس يتهيـا لـك
اباكد لك وتكـد لـك عيـون بالدمـوح تفـوح=وفكر حافظ صورتـك فـي حلـك وترحالـك
وقلب كن في جوفه صدى صوت الحمام ينـوح=طلع مضرب مثل تضرب به الامثـال لامثالـك
دخلت القلب وحدك باعتبـاره منـزل مفتـوحع=سى الله مايكدر نزلتك فـي وسـط منزالـك
ولن بشرتني بمواجهك عشت بسعـد وفـروح=ولـن بشرتنـي بفـراق فـال الله ولا فـالـك
°ˆ~*¤®§(*§ صدى صوت الغرام §*)§®¤*~ˆ°
ياصدى صوت الغرام وترانيمـه=يامراويس الغلا اللي برا حالـي
الغلا اللي في ضميري تقاسيمـه=تمضي الايـام والغالـي الغالـي
من بدايةوجد وافي علـى شيمـه=اتوجد مثل الاول علـى التالـي
والمحبـه حاليـه مالهـا قيمـه=مرها يحفظ لهـا قيمـة الحالـي
مايهز القلـب ويزيـد تحطيمـه=غير يومُ فيـه فرقـا وغربالـي
كـل طقـه فالمحبـه بتعليـمـه=تفرض الصادق على كل محتالي
ياحبيبـي حبـك اقـرا مفاهيمـه=كل مايطري فراقك علـى بالـي
ارتعش من قد حبـك وتعظيمـه=واعترفلك كـل شـي ايتهيالـي
وان حصل من نظرة العين تسليمه=صرت مثل الشامخ النايف العالي
ياسنـا بـرق الحيـا يامقاديمـه=غيث قلبي كل مايشعـل اشعالـي
°ˆ~*¤®§(*§ على فكرة §*)§®¤*~ˆ°
على فكره تراني كنت ماشي من قبل لاجيك=ولاكن افتكرت اني لابد اقول لـك ماشـي
تباتزعل وانا ماعاد ابي شيئا" بقي يرضيـك=والايانايرا" عني ترانـي عنـك منحاشـي
مدام اني على طول الليال الماضيه مغليـك=وترخصني انا مجبور ابيعك لـو ببلاشـي
اباامسح ذكرياتك من خيالي وافتقد طاريـك=على وضح النقا ماني مثل شرواك غشاشي
هذاه اخر قرار وكان يامغـرور مايكفيـك=مابي فرقاك بالتقصيد ابي فرقاك بالكاشـي
انامبغيـك انامبغيـك انامبغيـك انامبغـيـك=وراس" ينحني للمهزله لاعـاش لاعاشـي
على فكره تاكد مستحيل انـي افكـر فيـك=انا مانيب لاش ومن رجع في كلمته لاشـي
جزا"الك لارضا"لك ودي اعذبك واجازيـك=وهاذي عاقبت من يسمع النمه من الواشـي
°ˆ~*¤®§(*§ برق السراب ولابريـق المرايـه §*)§®¤*~ˆ°
احلم ترى ماصـار فيـه الكفايـه=العفو عند المقـدرة وانـت قـادر
ان كان لك رغبة ومقصد وغايـه=حققتهـا لكـن بالعـفـو بــادر
من البدايـة ليـن حتـى النهايـه=وافي معك ماكنت في يوم غـادر
والعكس بالهجران تحسن جزايـه=ومجندٍ لك فـي حياتـي كـوادر
يامنتهـى درب الشقـا ياشقـايـه=انته من انواع الشقا نـوع نـادر
اكسب رضا نفسك وترهن رضايه=مدري متى عنك التكبـر يغـادر
مدري خطاك الصبر ولا خطايـه=نبا نتأكد مـن جميـع المصـادر
وان كان سميت النهاية....بدايـه=يحسب غريق اللي مع السيل حادر
مايرتفـع للعز..بـالـذل رايــه=يـاواردٍ للعـد صاحبـك صـادر
برق السراب ولابريـق المرايـه=ارحل وجعلـك بعدنـا ماتكـادر
°ˆ~*¤®§(*§الناتج تونتي 20 §*)§®¤*~ˆ°
ياغـلا كـل الغـلا تستاهلينـه=كيف أفرط في الغلا والغالي أنتي
أشهد أني في غلاك أول رهينـه=واشهدإنك وحدك بقلبي سكنتـي
يمكن أكثر شئ عنـي تعرفينـه=أني أعرف موقفك من حيث كنتي
والصحيح الاكثر اللي تجهلينـه=ولوعرفتي كامل الموضوع منتي
قـادره كـل الكـلام تصدقينـه=والسبايب يوم بالامر استنهنتـي
مير قلبي مخلـص الله لا يهينـه=ما حسبها شرط والناتـج تونتـي
قلبي اللـي كـل يـوم تعذبينـه=ماكتفيتي يوم بالغيـر استعنتـي
يكفي إنـك بالمحاسـن تفتنينـه=ويكفي إنك غير قلبي ما فتنتـي
ويكفي إنك ما قدرتي ترحمينـه=ويكفي إنك بالعهد والوعد خنتـي
°ˆ~*¤®§(*§ بنت ابدوية §*)§®¤*~ˆ°
ودعيني بالسـلام ورحمـة الله وابركاتـه=واذكريني كل ماتطري على البال التحيـه
واتركيني للحنين اللى شعوري معجزاتـه=اتركينـي بالجـروح الابجديـه يابجديـه
اتركينـي عاشق"يكتـب بدمعـه ذكرياتـه=من شعورٍ صادقه ماهيب نبـره عاطفيـه
عاشقٍ مخلص ولاخان العهد من طيب ذاته=كل يوم ايقول تجديد العهـد حـق ٍعليـه
كان ابه عاشق تأثرت وتفاخرت بصفاتـه=قيس منهو قيس وينه قيس وين العامريـه
ماصفى وقت الهوا لاهل الهواوده وهاتـه=قالو العشاق سنه واكثـره ذنـب وخطيـه
اشهدو بالله مايرخص على الدنيـا حياتـه=كود رجال ابدوي مثلي عشق بنت ابدويـه
°ˆ~*¤®§(*§ بدون مجاملة§*)§®¤*~ˆ°
يالغالي اللي عليك الشـوق يدفعنـي"="ياكبر شوقي وروحي منك ملهوفـه
تبي الصراحه بدون أمجامله يعنـي"="مشاعري منك مجروحه ومكسوفـه
انته يحق ألك تطعنـي وتوجعنـي"="لاكن أنا من غلب حبه على خوفـه
وأناترى اللي على حبـك يشجعنـي"="وقتِ مضى في خيالي دايم أشوفـه
أراجع الحب والذكـرى تراجعنـي"="وأقرأ سجّل الغـلا وقبّـل حروفـه
أستقبل الطيف والـرؤي توادعنـي"="تلحق على الركب في مسراه وطوفه
وأخاطب الصبر بالحسناويخدعنـي"="وأقول ليته قضى وأشوف معروفـه
الصبر ياغايتـي ماعـاد ينفعنـي"="عقب أصبحت لحيتي ماهيب مخلوفه
وش ينفع الصبر كان الوقت ضيعني"="وأخطيت من يطعن الخفاق بسيوفـه
°ˆ~*¤®§(*§المزنـــة §*)§®¤*~ˆ°
المزنه اللي وجهها أبيض من الشاش"="والبرق فيها مـن جميـع النواحـي
لوماسقا الظميان من وبلها أرشـاش"="لاشاف بارقها العطش عنه راحـي
الله يجنبها عـن الخبـل و الـلأش"="ياكود شوفت برقهـا يـوم لاحـي
والشوف بالعينين مسموح وبـلاش"="والمشي جايز فالطريـق المباحـي
واللي يطمن هامةالـراس ماعـاش"="وأن عاش حبراً فوق قرطاس ماحي
ما أحدٍ يقول لموفي الكيل غشـاش"="وماأحداً يقول ألفاقدالعقـل صاحـي
وأنا الذي من دوش الأيام منـداش"="أبستريح وخاطري مـا أستراحـي
كيف أستريح وعبرتي تحرق الجاش"="والصبر مـا باقيلـه الأ جناحـي
أيوالله اني ماتوّجـد علـى مـاش"="وجدّي زعيم الوجد والسـد باحـي
سبحت غبات البحروالبحـر طـاش"="وشفت الصعوبه فالمجّي والمراحي
ولقيت لي درة بحـر دوب تنـاش"="كم واحداً من دونهـا قـام طاحـي
وأناماألوم اللي عن البحر ينحـاش"="وألوم من مايعـرف أنـه ملاحـي
والدره اللي مثلها بيـن الأرمـاش"="من قال عنها قلـت عنهـا يلاحـي
روحي ثمنها وأدفعه فالطلب كـاش"="وأن مـت منهاماطلبـت السماحـي
°ˆ~*¤®§(*§ سلام الموادع §*)§®¤*~ˆ°
سلّم سلام الموادع رافعٍ كفه =واغضى بنجلٍ تقول النوم داخلها
وأنا عيوني تهل الدمع.. وتكفه =أكف دمعي بكفيني وأنا ملها
كله على شان ما أشوش على شفه =أخشى يشاهد دموعي ويتخيلها
غالي وابغليه واقف معه في صفه =وأطاوعه لو أضيم النفس وازعلها
يا روح روحي وروح الستر والعفه =اركن عليّه همومك واتحملها
مالي وليفٍ عليه الروح ملتفه =إلا أنت ياللي عليك الروح باذلها
وان كان في صالحك ما ترجح الكفه =وش خانة الحب والعشره من أولها
شبيت ضوك وأنا ما قلت لك طفه =أصبر ولا أقول طف النار وأشعلها
°ˆ~*¤®§(*§ الساحل الغربي §*)§®¤*~ˆ°
مرت الايام يالساحل الغربي=مانسيت الذكريات وطرايفها
الله اكبر كيف الايام تغدربي=واتجاهل كل وقفه واصرفها
ماهتنا زادي ولايهتني شربي=ولااعترف بالاغلبيه ولااعرفها
والعيون اللي خجوله تناظربي=والمنايا كلها في طوارفها
في بحر جده من العام تبحربي=واتراجع وادفعتني مجادفها
ياحبيبي كان قصدك تعذربي= انت فيك الناس كثرة سوالفها
لاتقفلي وقفة الحزن في دربي=استريح وحضرتك لاتكلفها
تعبت اقدامي من البعد والقربي=ولامشيت بخطوةٍ ماتشرفه
°ˆ~*¤®§(*§ خل الغلا يذهب §*)§®¤*~ˆ°
خل الغلا يذهـب وتذهـب بقايـاه=علـى حطـام الذكريـات القديمـه
ماعـاد يعنينـي ولا نيـب ويــاه=عفيّت عنه وعفّـة النفـس شيمـه
عشق الترف مهمـا تعـدد مزايـاه=في قائمة بعـض الروابـع عقيمـه
مثل السراب ادناه يطرد ورى اقصاه=ونهايتـه كلـه يـذب الخريـمـه
لايسقي الضامي ولا يختفـي مـاه=الا ليـا مـره مـن الغيـم غيمـه
ياقلـب لاتنـدم عـلـى ماتمـنـاه=بعض الندم على حسابـك جريمـه
كم مر من هـمٍ علـى الله مشكـاه=لكن مايبني علـى الصبـر خيمـه
ياقلب من دور علـى شـي يلقـاه=واللي بـلا قيمـه لا تعطيـه قيمـه
ليا متى المخطـي تحمـل خطايـاه=و ليا متي وانتـه عذابـك ظليمـه
كان الغلا يقتـل وينعـى ضحايـاه=اكيـد ماينعـى ضحايـا النميـمـه
والحـب يلقالـه محبيـن تـرثـاه=وانـا رثيتـك يالدمـوع اليتيـمـه
ونهايـة الغـدار تكشـف نـوايـاه=ولا تجيـب لـه العواقـب سليمـه
يـــتــــــبـــع
« آخـــر الـــمـــشـــاركــــات »
27-Jul-2006, 03:40 PM
ديوان الشاعر/ حبيّب العازمي .. اهدائي لكم
العرض العادي
