الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 22-Sep-2011, 08:06 PM رقم المشاركة : 1
معلومات العضو
فيصل المسعودي
مشرف عام
إحصائية العضو





التوقيت


فيصل المسعودي غير متواجد حالياً

افتراضي ديوان الشاعر والراوي/ بجاد بن محمد أبو دية الحافي

بسم الله الرحمن الرحيم

إخواني رواد هذا الصرح الكبير بإسمه ومحتواه

السلام عليكم ورحمة الله وبركاته

أقدم لكم في هذا المتصفح قصائد عطرة جزلة لأحد شعراء هذا الصرح الشامخ

شاعر وراوي في أن واحد

جند نفسه لخدمة القبيلة من خلال الروايات التاريخية لقبيلة عتيبة وأفخاذها

ووظف فكره وقوله في طرق أبواب الشعر وميادينه

هو الشاعر والراوي/


بجاد بن محمد أبو دية الحافي العتيبي

فيسرني ويطيب لي أن أقدم بعض نتاجه الشعري في هذا المتصفح العزيز بوجودكم


قصيدة وطنية



حنا عرب فينا كمال العروبه=من وقت ابونا ادم الى اليوم حنا
ماعندنا في عز الانفس صعوبه=ومن سنة المبعوث فينا نهلنا
وكتاب ربي حافظينن وجوبه=و بموجبه دستورنا في وطنا
أن دارنا هبت علينا هبوبه=هبت علينا خير منا ومنا
متعودين ولابعد منه نوبه=شفنا القصور ولالك الله زعلنا
نجهل على الجاهل ليخطاء دروبه=ونعلمه من علمنا وان جهلنا
قلنا ترى شين الدروب محجوبه=يعني دروب ماتحقق لاملنا
لولاك يابعض الرقوم محسوبه=مكان في بعض المواقف كملنا
ولولاك يابعض الحروف مغصوبه=مكان هذا حالنا في زمنا
حالن عموم الناس فيه اهتنوبه=حالن قرار ومنه طبنا وأمنّا
قدامنا جدانا رحبوبه=قالوا هلا بالعدل عدل شملنا
مانتبع الضايع ونعطي دروبه=نتبع لحكام الجزيره واهلنا
كنا نطالع للسحاب ونصوبه=ويمه تعلانا وعنده نزلنا
مهما نخوض من الحرايب حروبه=ارواحنا تفدى مكانن سكنا
كب اللذي فالقاع قامت تجوبه=وتضرب على طبل الخراب وتمنّا
اشجعهم اللي راح يُومي بثوبه=يقدم صفوف الهيجنه ويتثنا
واعقلهم اللي فالبلاد العبوبه=ناس عسى منها المنايا تدنا
مافيك يابعض الحضاره عجوبه=وش غيرت في شامنا مع يمنا
اوطان راحت من سببها شبوبه=ناراً عسى الله من شررها يمنا
يضرب شماله بالقنابل جنوبه=والشرق فيها صاح والغرب غنا
شرا كبير والعباد بلشوبه=احاط بوطان العرب وامتحنا
حكامنا قدامنا قد دروبه=ومنه حفظونا لايزعزع لامنّا
في دولة وسط القلوب محبوبه=ومن عدلها كل(ن) تقول يحسدنا
وبالخير في كل الليالي رحوبه=ياما يداها بالجمايل عطنا
ومن غيرها في كل عين مهيوبه=عز وكرامه وارتفاع يبنا
دولة هل العوجا ملوك العروبه=تكرم كرامه عن حنين ويحنا





ببدي سما في نايفات المراقيب = ودي على راس الطويلات حزات
من عادتي مالاح في عارضي شيب = واليوم شايب والمواجيب عادات
من كون الدنيا ومن يعلم الغيب = غير الذي من فوق سبع السموات
الواحد اللي رتب الكون ترتيب = نرجى رضاه ومن يداه المسرات
يحمي وطنا من هل الزيف والريب = دارن بها الوافين عدل ومقامات
لوطانا حق الثنا والمطاليب = ولملوكنا مني جزيل التحيات
حنا فداى لوطانا والمعازيب = وحنا نحب الدار من خالص الذات
المخلصين من النشاما مناصيب = يعني حمات احماه في كل الاوقات
دارن ربتنا وحضتنا عن العيب = ومن خيرها عز النفوس العزيزات
من شانها شلنا السيوف المحاديب = على العدو مايلحق الراس شرهات
فرسانها يوم القصى واشهب الذيب = وجنودها يوم الرخى والملذات
ومن منتدى الهيلا حمول المواجيب = الشامخين عن الردى والمذلات
الخادمين لدوله العز والطيب = المخلصين بكل شتى المجالات
قلت القوافي في وطنا تراحيب = وحباً بسوقه فوق يم المجرات




(للمرجلة مبنى طويل على ساس)




للمرجله مبنا طويل على ساس =وللمنقصه مينا وللشين نيه
وللعمر جلابه وللبحر غطاس=وللعز طلابه واللذنب سيه
وللموت حزاته ومن ذاق له كاس=من مر لذاته فرق شوف حيه
ياربعنا ياللي على قب الافراس =اليوم خلي للعصاء والمطيه
ليل ونهار وفوقها الربع جلاس=ومركين ايسار عن كل شيه
تموت نفسي لو يعيشن الانفاس =ماصافحت خمسي ليمنا ونيه
للشر مقباسه والنار محساس =ولليل مدباسه وللعز فيه
وفي وجه ابو مره كائبه ووسواس=واقشر ماضره ماتت المعنويه
وان قلت جنبها عن العمر مقياس =ساعات انبها تتمكث الروح حيه
نيّة ردا دايم على الراس تنحاس =ونية وفاء فيها الثناء والحميه
ماطاعني لين احترق حرق قرطاس=في وين نار جمرها مجثويه
كسر العظام اللي على هامت الراس =بكره حرام تصير غصبن عليه
هذي من اقرب واحدن لي من الناس =والعفو يانفسي لونك دنيه
ولا بعد مافيك نخوه ونوماس=ومحدى عليك من الظروف القويه
يوم انجرحتي جرح خافي وحساس=قمتي فرح في حملة عالميه
وكنتي سوى وياه في بنك الافلاس=الخاسر اللي فيه يلعن خويه
لو جاء يعاتبني ترى مابها باس =لكن من شين الفعوول الخطيه
على الكريم وراعي الطيب حساس =قد لاتكون وقد تكون البليه
أخطاء علي وقلت يحامل الفاس =الله عطاني للفياض الخليه
الله عطاني ديرة مابها باس =فيض الضماير وانوايا النقيه
هي سيرتي لوجات من بين لاقواس =فيها سماء عزي ونفسي هنيه
لاهوجس الخاطر بها نوب هوجاس=قلت ايه عدي فالمبان العليه
عدي يارجل بجاد عن بعض الاجناس =ورسي على الامجاد صبح وعشيه




(وعيني اللي طرفها تقل مطروف)


واجفني اللي مايوني رفيفه =واعيني اللي طرفها تقل مطروف
من جمها مباقي الا غريفه=هداجها الفائض من النزف منزوف
غابت عن العين الحياه المريفه=واقبل عناها واستضامت من الخوف
كيف الخروج من السنين الكليفه=اللي بها قلبي معذب وملهوف
اوراء الجلدظاهر ونفسي معيفهّ=عزاه انا من جور الايام مكلوف
دنوا الي الصفرا الشراع العسيفه=العلم واضح مايبي رمز وحروف
بقطع عليها لليفاف المخيفه=واما عطت وادي عطت راس شفشوف
والاشرفت في راس عيطا منيفه=وامست على قفرا من النزل مزلوف
قفراخلى غادا سوات القطيفه=بكر عليه السوم و اليوم مصيوف
بقفي عليها لو عيوني كفيفه=ولو واجهت نفسي عواريض وصدوف
بعد الديار ولا النفوس الضعيفه=ماني على سجات الاقدام موقوف
حرصي على جزل الهروج الطريفه=بعد العتيم بحضرة اكرام وضيوف
بعدي عن اصحاب الهروج الصخيفه= هذارة المجلس على غير مصروف
وحبي لمحبوبا حيله وصيفه=ريميتا قادت ثمانين مألوف
ولو فارق المالوف شوفت وليفه=جاله على البيداء عواريض واصدوف
لي صاحباً عيني تسلى بطيفه=بالليل ولا لصحبت شافته شوف
وكل لياجيته توشح لسيفه=ولو رحت مطريته يقولون معرُوف
لاتنشد المشطون عن كيف كيفه=فالوجه شارات تدلك على الجوف
وانا من اسلافه مانيب بحليفه=وانا المولع في هوى ناهي النوف
ولو ماعقول اهل الموده نظيفه=لتاق عقلي وانخطف خطف مخطوف













قضِت من سماها












هل الديره اللي طال ماكان مطلبها=عليِّه كبير وفي فنا العمر منظوره
على قربها نفسي لقت من عجايبها=كلاماً يقال ونصف الافعال مخشوره
خشر قومها فيها نفوسًٍ تدق ابها=حياة الوزاء يوم المقادير ماموره
رعاها المحل لوجادها المزن معّشبها=ولا ذعذعت فيها هبوبه على نوره
مقام الضعوف اللي عسى الموت يطلبها=قضت من سماها و ارضها النفس معذوره
قضت مابقي فيها كريم يقيم ابها=سوى واحد لجله ترى الرجل مجبوره
ابصبر على شانه ولاموا ت تندبها=بعد صبر قلبا يصدع الصدر مقدوره
تجملت يانايف ونا اشوف يغضبها=بعض ناس فيها الطيب من كثر ميسوره
يبونك على ماقيل بقعا تصاحبها=على شاكلتهم في قصا العسر ومروره
عليهم هبوب الريح تومي مراكبها=على جال جرفٍ هار والناس مضروره
جواد المراجل كان مانته بمتعبها=متى هقوتك تلقاه وتعيش بقِصوره
مقام الثنا من فوق ممطر سحايبها=مقام ديار الطيب من ماه ممطوره
انا مطلبي غالي والامثال تكتبها=عن الحاضر المشهود في هاجسي صوره
تجي حاجتي ساعه ونا احيان بحجبها=لا تظهر لبعض الناس وان قلت مستوره
صحيح وعليها الزين كسوة مناكبها=تبختر زها وتقول مانيب مغروره
ترى صحبتي عليا عن الشين اجنبها=ولي رفقة من طيف الاطياب مغموره
اساساتها عندي كرامه ومذهبها=على سلم ابوي وسلم جدي وماثوره
ليا قلت يافيحان ترفع حواجبها=كذا طبعها تسمو سما اسمه وفي طوره
رفيق الوفا موفِ الرياجيل واجبها=سليل الرجال اللي على العز مخبوره
فدى شاربه يمناً عن الطيب يتربها=ابو هقوة في منتهى الهون مثبوره








أعز ( شخصه )




كان الغريب اللي يانايف نشوفه= شكل التباعد فالمواجيب لأباس
درهم على درب السبوق وتطوفه=في ليلةٍ مافيه للماد مرواس
لاعاد تطري لا غزيت النكوفه=ان كان ماسموك قطاع الارماس
حلات وقت وّقت نور وكسِوفه=وليل ونهار ومثلها ناسٍ اجناس
ماهيب ضلعاً قد تورى كهوفه=عن نور عيني لا تلافٍ الادماس
هذاك تجهلني يانايف ظروفه=ومن حيرة امره صابني منه وسواس
ليت القسا عند الضروره مّروفه=للهل القلوب اللي على العّرف تنقاس
قلباً رعّاع وقلبٍ أدنى صدوفه=قتلاه من سيفه هل الهون واليأس
خلفه تقول ان الهموم محذوفه=هاك الهموم اللي عليها الونَا داس
لامنّها قامت وحدها تحوفه=سكر صناديق الضماير بمحباس
وينه وين من اشهب الوقت خوفه=لولا الزمان اللي وراء الموت عساس
هدّ الطويل المعتلي في وقوفه=اللي بناه الطيب ساسٍ على الساس
و وّنس وكابد وحتمل ومعروفه=صبره على نفسه وعّزه عن الناس
قلباً ليا جيته ليا وسط جوفه=مثل الغريق اللي على تال الانفاس
ببكيه حي ولو توفى حسوفه =وبرجي له اللي يكشف الضّر والباس
خالي و في عّزي نوادر سيوفه=وله حشمة عندي من الراس للراس
اعز شخصه عّز وفرح بشوفه=وبادله طيب الرياجيل نوماس
اللي على العيا نشاير قطوفه= ( زلٍ حمّر وتقول في نقشته ماس )
واللي عن الشينات نفسه عزوفه=هذا وفيه من الوفاء قدر وقياس
ومن راس شيخٍ له زمانه ونّوفه=شيخٍ تعرفه بالقاء قبْ الافراس
اللي ليا جيته لا اكثر ضيوفه=قومٍ علاها من وراء البيت حراس
يوم الزمان اللي تناطف كفوفه =دمن حمّر والذيب للرؤس فراس
( زايد ) ومنّ راسه تساق معسوفه =بِِيض المراجل في قَرا كل عرماس
ومن حّد سيفه لا تعد الكلوفه=هو فيه حالٍ دون الارقاب ينقاس



المناوي


انا للي مانويت ابني وراء سود البيوت بيوت=انا في منزلاً ماتأصله فوق النداويّه
ليا هزت مناكبها تبي لمشوهقاً مصُلوت=تبي فوقه تبات وترتفع الراس الرهاويه
وقمت بعالي العلياء مقامي والرعود سكوت=اوازي مزنها منزال لو كانت سماويه
بلد عزي بناه الله حفظني والليال سبوت=على شهب الحزوم الظاميه وشموسها الحيه
كساني فوقها غار البشوت الضافيات بشوت=كساوى الغناه اللي تمناها الغناويه
وصلت من البحور الخضر غبات سكنها الحوت=وأخذت من المنازل درها مثني ومثنيه
على راس الردي غاري على راسه يفوت الفوت=ليا زانت له ايامه رقد في بارد الفيه
اذا ما شوت في وجه الرداء كوم الرزايا شوت=فلا عندي تصور للخطاء من صالح النيّه
اشوته وان ذلف ولا وطيته بالقدم والبوت=كذا مال الردى عندي مقام وحالته سيه
شطبت اللاعب اللي يحسبن للعبته كبوت=علّي وقام خسران الوصول النقطة الميه
على كرت الدخول اللي يشيله من ثمان كروت=حذفت الرقم لجل يصير لاهذي ولا ذيه
يعيش الضبق والحال البخيل وسكت المروت=حياة كلها هاللون فاروحات والجيه
غفل عن كل شيئاً في حياته والحياه بخوت=يقوله والهموم يقول تال العمر منسيه
هوى عقلاً تهشم في رضاه العاجز المكبوت=يسوق الناقصه مملوكته ماغيرها شيه
انا مانيب ربه والهوى يسري بوسط خبوت=يجي شرقي وغربي وجهته بالحيل عاديه
لكنه لاجتول تحت المحاني طار منه الكوت=كذا بعض القلوب للروسها مافيه ماويه
ياليت الكل قلباً مثل هذا في يدي ريموت=اديره حيث اشاء وعدله سر وعلاينه
لكني بنصحه وعلمه من نصي المثبوت=كتبته واعتبرته خير مرسوماً بمطويه
متى ماجيت ياسبع الخلا لين السباع صموت=ترى وحي الصموت بحالة الجوعان ماريه
نخاف من المراجل مابقيلك غير مثل الموت=عليها تنكوي نفس الشجاع ولقمته نيه
تموت اما قدرت الطيبه معنى وقوت صوت=ولا دركت الكرامه في حجاء الروح السنافيه

(الخفايا)

قصيدة بين الحقيقة والخيال


تحملت يابعض الليالي وراك : صدوف=على الحاضر اللي داربه كذب وّوشايه
ظهر فالخفايا عن جديد العلوم حروف=لها كاتب مجهول وعيون قرايه
ظهر والمنايا في سليم العظام اوقوف=اذا ماتعجل كسرها كسر لمرايه
ورى بعدها ماكان لي ناظراً مكلوف=خفايا نفوس الناس ومسايف الغايه
بلاوي زمان اليوم سود بوسط كهوف=عليها الظلام السرمدي والبصر تايه
نطل فوقها جلبابها من لبيد الصوف=عميل يصور كلما شاف لحكايه
بديت اعتبرها شي في خانة المالوف=تشوبه وكم شيئاً ليا بان لك بايه
تمنيت لو غيرت في حالها المنتوف=تمنيت قبل يصير في صيخ شوايه
يلوفه على صلو اللهايب محاله لوف=لا والله يلفه لفّ في بطن برايه
قطعت الجريده ولتوى تحتها الكرنوف=قعد يابسٍ في نخلته مانقص مايّه
تصرفت فيها ماحسبت الظروف ظروف=ولا هقوتي في جذعها يختلق شايه
لويت العواتق ليِّه المقط للمكتوف=وانا ساعدي من دون راسي ومبدايه
اذا ما نرد الكايده والخطاء المردوف=علينا تهون امور والقوم زرايه
ولا همني عند العرب كثرة المصروف=إلهي ويدريبه لو الناس نسايه
متى مابغيت من العلوم الكبار صفوف=بنيت البيوت بكيفتيّ عرف ودرايه
مقام الرجال الفاضله لي مقام ونوف=وانا من صباي لغاية اليوم لي رايه
رفعت لسماها فوق يوم الضعوف اضعوف=على راس مرقاب الوفاء عدل وهوايه
عليها كتبت الطيب والطيبين اتشوف=هذا ساس عنواني ولي صفحة جايه
امد الجزيله واشفي الهاجس الملهوف=واسوق الثمينه سوق من طيب يمنايه
وعهد قد قطعته بين قلبي وبين الخوف=معزة ضعيف وضدة الهون : لعدايه
بغيت انظر الماضي ليا الحاضرالمكشوف=يبي عندنا ثنتين تأويل وروايه
يبي واضح مشهود ومجرد معروف=نهار الوغا ويساند الخيل رمايه
اذا الطيب عند اصحابنا ماعليه احسوف=فلا باس لو دفوه في ظهر مشايه
انا خابره ماتملكه باليدين اكفوف=ولا قدره عاقل ولا ساس به رايه
هذا الطيب يوم الطيب ولا الوفا محذوف=اذا ماعليه من الرداء بيت ووصايه
[/quote]











انا سجين المحبه وانت سجاني=بوقتن كسرني وصبري بان تاثيره
علي زاد وحقيقه طال وجداني=وهذي بلاوي زماني يالله الخيره
عشرين عام وكاد وغيرها ثاني=وقت سبقها يخون البال تقديره
مهيب قولت تقول القلب وألهاني=في واحدن تختلف عندك معاذيره
تقفي على مايصيبك منه وتعاني=ياعونة الله حياة كلها حيره
كم ليلة بات منه الجفن سهراني=عدة لليالي يعذب من مقاديره
والطيب بالطيب يجزاء عدل وحساني=والجود مبداي والماجوب تسويره
ياعود ريحانة من ماه رياني =في فيّة بالضحى للظهر والديره
وياعين حر وحش في راس مزباني=يرقب لجول(ن) تحدر للوطى طيره
والخد برق المزون الغر لاباني=لعيون من فالدجاء تنظر مزابيره
وصفا وصفته ونا بالحيل غلطاني=وصفك ورى كل شي(ن) فاق تصويره
منساك ساعة حياه و كيف تنساني=تنسى الوفي مّوفي الماجوب من خيّره
الخيره اني عرفتك عرف وكداني=عرف(ن) تفهمت منه الواضح السيره
لصار مايلحق المخلوق نقصاني=مافيه شي(ن) يضيق الصدر تفسيره
ومهما تصورت وقت راح عناني=بصبر على ضدته ويزين تدبيره
حددت شي(ن) على الدنيا تحداني=وبا لطلب الله يسهلّي تدابيره
ولاني عتيبي وذاك الزين قحطاني=ولا بعد ديرته مهيب لي ديره
قلب(ن) يهزه غرام الشوق والهاني=ومولعا فيه لا في واحدن غيره
والنظره اليوم يمّه شكلها هاني=والقلب عنده ليما غاب تحضيره
قد لايكون الزمان الزين هناني=وقد لا تكون الصراحه في تعابيره
لكن انا ويش اسوي صرت بالشاني=قلب(ن) مولع بحي(ن) زاد تقصيره
والعمر محسوب والميزان ميزاني=والعدل عدلي على عسره وتيسيره
والظلم مكروه والجافي على شاني=مالان قلبه وقلبي زاد تعزيره
والله ما ارضى على الدنيا لخذلاني=لو شفت يوم المنايا دق لي زيره
صحيح عشق العذارى موت وأحياني=يمكن تكون السعاده في مخاسيره
ياللي على بارد القرهود ضميانيي=ماشفت تقعه ولا وايقت في بيره
دلوي طويت الرشاء فيها ولا سقاني=من ماه من شال ماه وساق لبعيره




ان كان ياعيني بغيتي تنامين=نامي بعد نيل الثنا والمرامي
وامشي على درب االهدى لاتهابين=وامسي على النايف طويل المقامي
مانيب قايلك ونا ادري وتدرين=وين المقام المعتلي للكرامي
ولانتي بحيه لجل دايم تعيشين=العمر قافيه الفنا والهدامي
اما حياة الزين والا عسى الشين=يقفي وراه ولا عليه السلامي
عيشي على عّز(ن) عليه العزيزين=عاشوا حياة ماعليها ملامي
خلي على بيبان بقعاء محازين=بين الحلال وبين مثل الحرامي
يعني على عسر الليالي مقيمين=متجمعين في سواد وظلامي
مصارعو رؤس الصعاب المساكين=اللي علاهنه عجاج وعسامي
وللي وراهن ما تموت العناوين=واللي بعدهنه تسمى الاسامي
هذاه وانتي للحقيقه تشوفين=اللي عليها يلتوي كل ضامي
كفي عن الشينات مهما تكونين=كفي وعفي والجراد التهامي
يمسي بوديان السناء حين ويحين=يوما تشوفينه على الجو حامي
والطيبين الغانمين الكريمين=غير الضعوف اللي تحوش الاثامي
عنهم تعلي فوق مثل الشياهين=اللي تبات بعاليات الزوامي
عيني ونا مانيب صانع قوانين=لولا السلوم اللي سوات النظامي
ماكانت الدنيا على العسر واللين=طاعت لمفتول الذراع العصامي
عيني كفاني خير سيمى هل الزين=المخلصين الصادقين الحشامي
واللي مع الله كل الاوقات موفين=للدين حقه من صلاه وصيامي
هذا ونا ياعين في خاطري شين=عليه ماتقفي طيور الحمامي
مخفيه من وقت قديم له اسنين=مايلحقه من غير علمي كلامي
والله ولاحتى قلوب الفطينين=نقرى لحرفه بين نون ولامي
تنشدو في ذاك يومن على وين=راحو يسقون النضاء والجهامي
ناس منول في وطنا مقيمين=واليوم مدري عقبهم وش علامي
اخذ وفكر وتذكر ثمانين=مره ومره ويتعذر منامي
احيان اقول احباب عـــــــــــيني بعيديــن=واحيان اشوف ليا المحبين امامــــــــــي



(يا فيحان)




جاك قلبي يافيحان الحقيقه مارده=عنك بعد الديار وعنك طول المقام
يشوف بعض الكلام بهاتفه مايسده=عن لزومن يباها بين رمح وحسام
قلبي اللي يهيم وله ورى العام مده=عان صبحه يلوح وعان دربه سلام
حاسبن للمسافه بين نجد (ن) وجده=خطوة يابن عمي بينا بالتمام
ماعن الطيبين من الرياجيل صده=وانت طيبك على الطيب سوات الغمام
كل شيا على الدنيا ضديده يضده=وانت ضد التباعد فالنفوس الكرام
تدري البعد وين يصير لا وصل حده=وسط قلب الحقود وسط قلب الخمام
الردي يارفيقي فالقساء لا تعده=الردي ماوراه مع االردى الا الملام
مرجلة من حياته دوك هاته وده=مثل بيتا قديم يحتري للهدام
باقين فيه عود ينتظر يوم هده=ويتكسر عليه الوقت مثل الطمام
ضايقا من زمانه واللذي مايوده=كل مكان حوله ماعليه احترام
هرجة في قفاء والا كلامن يرده=اقشرن مايروده غير وقت المنام
وانت شيا كبير في سماْ المجد جده=بانيله على طيب المبادي خيام
وفي حوال كثيره قد تكون الموده=مار ناس بنور وناس تحت الظلام
مالنا ياولد ناصر على الشين لده=مثل ناسن تشيله فوق صم العظام
واحدن يوم اشوفه هرجة الناس ضده=هو علامه على الناقه وراس السنام
عقل ام الزهاب اللي عليها يشده=شال عنها الشداد وفك منها الخطام
احسبنه شجاع ويثني العلم رده=يوم جاته جموع مثورين العسام
اثره اللي على غبراء زمانه تحده=حاجة في فواده بين كسر وحطام
حاجة ماوراها غير عسرا يمده=والله انا بخير ولالنا فالكلام
مار بعض الخلايق بيح الحقد سده=لين ساق الظوامي فوق رؤس الحيام
لو قعد مثل جده عند ذوده وده=واحتزم بالعمامه وارتكاء للمقام
فوق عد رواه وجنب اليوم عده=عد والله عدوك في نهار الزحام
كان يمسي بخير ويفصل الثوب قده=وش يبا ب الثياب اللي ثمنها حرام


(احفظوا عني علوم الرياجيل)


ياقوم انا مانيب راعي طويله=مير احفضوا عني علوم الرياجيل
العمر يدني في زمانه رحيله=ومن الموكد فالسنين المقابيل
مدري متى مال البنادم وسيله =امرا مقدر والليالي محاميل
كل العلوم الفاضله للقبيله=مانيب مغرقها على جاري النيل
اللي على بعض العرب مستحيله=مهما تصورها كبيره وبالحيل
كم ليلة تسوى ثمانين ليله=ليلة ثناء فيها علوم وتعاليل
وفيها الرجال اهل الوفاء والفضيله=الغانمين الكاملين المشاكيل
على الردي في عزها ماتجيله=واليا بغاها ما لقاله مداخيل
جيت وحضرت ولي يدينن طويــله=وفيها ظهر دوري على الجدي وسهيل
ماجيت افتش في حياة الفشيله=ولا تعلق في همول المهابيل
كنت اتصور للعصور الجميله=اللي خذاها الوقت جيل بعد جيل
واكتب وادون في سجلي دليله=وللطيبه عندي مقام ودواليل
واوفيت من عرفي عقولن ثقيله=كانت مراجلها على سبق الخيل
و سيفن شراع وحد شلفًا صقيله=والله يجنبنا عن الشين والميل






عــزة الــنــفــس




الله عطاني عزة النفس ياسعود=عزه ولا هي في مقامات عزه
اكبر من العزه على نايف الطود=الشامخ اللي ما الهبايب تهزه
لو تنقص ايامي لها الطيب مردود=وزودي على نيل الثنا كل حزه
مانيب مسكينن على الشين محدود=ولابعد شكل مزيف ورزه
دايم على العلياء ليا ذعذع النود=تسبق على قلبي من الطيب فزه
مثل الحصان اللي على الجود معهود=وحدا يد الظفر المجرب تكزه
ساعة سخط فيها الوفاء شامخ عود=عن كل منقود زمانه يعزه
اما رفع يمناه ماينحني زود=دايم على راس الجبل فوق رزه
يشفي طنا قلبا من الضيق ملهود=مثل الاصيل اللي ينومس ملزه
للحب مكنون الضماير من الخود=وللتبغ من رؤس الغلايين مزه
وللجود مداته وناراعي الجود=وللعز حزاته على كل حزه
وللحرب في يوم الوغاء حشد وجنود=وياكبر حرب واجهة ناس غزه
كني على حامي لضاء النار موجود=والحال في بعض المودين عزه


رمي الــخــطــاء



رمي الخطاء مايسبب غير الازعاجي=ترمي ورميك يوقع من وراء الدشه
في صلبها دق مسماري على عاجي=الكلمه اللي تجي من يمكم هشه
خليتها تنثبر في وسط الادراجي=ولاهوب انا اللي رفيقه لاظهر حشه
أنا مقامي سماء عن كل هراجي=تقعد هروج الردي وتموت في عشه
كيف اتوقى عن الخشنات ديباجي=وانا اظرب القاسيه فالراس و الخشه
كنه وبعض الفعول الهوج محتاجي=ياحاجة ماتساوي فالبحر طشه
هاك الرفيق الردي مثل الوجع لاجي=تحت الضلوع المحاني ينطوي غشه
والعلم والله بسيل مثل الامواجي=أول مطيحه على رؤس العرب رشه
بحر يهيج وسماه المزن ثجاجي=تغرقبه القافله والحي يقتشه
لابو حيات(ن) عليها النفس تنعاجي=والعين من زيفها فالناس منغشه
لو قلت يا خاطري من فوق الابراجي=مرسا للراسك سواه عن النظر مشه
جيتك على الشام ونت اليوم حجاجي=طرقيتن كل رجلين نقل قشه
مع سكت الطيب يا ليل الدجاء الداجي=مالي علومن وراء البيبان منخشه
لاقمت ولعت في ظلماك لسراجي=وما تغداء الثناء والاّ معي عشه



روس الــمــراجـــل



ر
ؤس المراجل مادْوّر بالاسواق=ولا المال في كل المواقف وسيله
والله ثم والله لولاي مشتاق=للعاليات من الجبال الضليله
اللي عليهنّه مقادير ورزاق=واللي تحتهن الحياة الذليله
مانّظر كذا من فوق همات واعناق=بعض الرجال اهل الثناء والفضيله
لي فالمواجيب الكبيرات ميثاق=عهدن عليه من سنينن طويله
وان كانها بعد المواجيب تنساق=قد سقتها في كل يومن وليله
في ساعة قدام حزات الاشراق=على القدى مفاختت للدليله
زيزوما وحمولها فوقها اوساق=حامي وغاها في نهار الدبيله
دليلها وان لاح للطيب براق=راع الوفاء ياهل الفعول القليله
لعهودها مانيب خاين وبواق=مهما تكون امورها مستحيله
تصورو فعل الكرامه والاخلاق=والطيّبه والطايله والجميله
منذ الذي سطرلها بيض الاوراق=لين اشهدوا فيها كبار القبيله
هيهات ياعمرن غدى كنه احراق=تفنا فعوله ويتدنا رحيله
والعمر الاخر يضمحل بين الاحداق=اصغر من الذره مقامه وحيله
عمرين في دارن لها سور واطباق=العاتيات من الهبايب تميله
ماشلتها يوم الرداء جاله اشناق=مليتها من فوق حام المليله
طيري معي مافيه برقع ومسباق=وكفي على روس المعالي تشيله
والله ولاصدري من السالفه ضاق=صدرن مراويح المخايل تخيله



(أنا مانيب للشينات راعي)





انا مانيب للشينات راعي=ولا لي نية فيكم ونيه
ولو ماداعني للطيب داعي=ونا نفسي على الدنياء صبيه
صبيه عمرها عقب الرضاعي=تعده فاليدين الحاتميه
مكان اليوم حققت المساعي=ولا رجلي على العلياء رهيه
ولي عقلن عن الغرات واعي=يدبر الصائبه قدم الخطيه
لكن القلب وضلوعي وجاعي=كواهنه من الغالين كيه
على عمر قرب منه الوداعي=غدت فيه السنين السرمديه
بذل فيها الوفاء دايم ذراعي=عطاء للغاليه مثل الهديه
لي ما ذا القساء سلم وطاعي=وطيته بالقدم صبح وعشيه
رفيق الطيب والفعل الشجاعي=صديق الجود واليمنى النديه
متى بعض العقول الهوج ضاعي=لي العقل الثقيل عن الرديه
على رؤس العلى مبنى شراعي=ونا راع المراقيب العليه
تعشى من يدي جوعا السباعي=نهار فيه ينخون الحميه
نهار فيه ضاع الصبر ضاعي=على العاقل وأبو يمنا قويه
سواد اليل مايقصر الباعي=ما ييمس فالصحارى المهمهيه
على صفرا تجي وقم الرباعي=نهار العيد في نجد العذيه
عليها كلما أ شد النزاعي=تفضه بالنحر والشمس حيه
يسابق فوقها للعز ناعي= ولا تثني عزومي عنه شيه






لاعاد من هم ظهر في فوادي=يضرب على نفسي ويؤذي صفاها
همن كبير كان له وقت غادي=واليوم بادي والليال اقتفاها
يالله ياربي عليك اعتمادي=وعليك ياربي مبادي وفاها
ارجيك في عجل الليال الجدادي=اليوم همي ظاهرن في خفاها
كل البشر من حضرها والبوادي=لو في تقاليد السلوم احلفاها
مهما تكون انواعهم والعدادي=لو كل منهم بالوفاء قد لفاها
ماغيرو فيها بياض وسوادي=مهما تقبلها على من نفاها
نفس صبوره لو تجوب الحمادي=على قدمها ماشتكت من حفاها
ونفسي كريمه لو عطت بالايادي=ما تملكه من مالها ماكفاها
تعطي وتعطي والحقيقه عتادي=في نفسي العلياء وعزن رفاها
ونفسي شجاعه لاغدت للعنادي=مادرهمت عوج النضاء في قفاها
عنها السنين وحرها والبرادي=والزمهرير اللي يذوب ابدفاها
معاد حاديها على الضعف حادي=لو كلبو حين بقلبه جفاها
سبحان شانك ياعزيز المبادي=انت الامل ونت الرجاء في شفاها











عداك الرداء يناظرن مايجيك النوم = على ناظرن نومه ليا ضيعه همه
عليك وعلى شرواه فوق النجوم نجوم = لها يمة القادي ولك غيرها يمه
الى اي حال يصيرك فوق السلوم سلوم = تلومه ملامن يلحق الوجه وتذمه
تلوم الكريم اللي عن الناقصه معصوم=تذم الشجاع وتشعل النار في دمه
تشب اللهايب لين جاء فالعلوم علوم = ولين احتزم شره المطاليب في كمه
كفاها وضوح السالفه مثل شمس اليوم= وش اللي تقول لصاحب المعرفه سمه
تناعق على مبنى سكنها طيور البوم = ليا طار منها واحدن حام فوق امه
لهم مثلها روسن تراوغ بدون اخشوم = تحت ريشها المشبوه ومرمد الغمه
عليّ اليمين الجزم لولا الحيا واللوم = على لحيتي وأخاف لاتلحق الذمه
لقول الحقائق حق ومسلسله بالرقوم = على شان مايظهر على شكلها غمه
ابو هقوة فيها تسوق الرخوم ارخوم= على ماتهيا تجتمع لو على الرمه
متى صافح اليمنى الكريمه وضد القوم = متى عائلن بالخير والعاطفه ضمه
متى ساعد المحتاج والا انصف المظيوم = متى ورد الضامي على صافي الجمه
يعض اليدين البيض لو مابها مطعوم = حريصن يشوف لمابهن وان ظهر خمه
عسا بعدكم ياهل العقول الضعوف يدوم = دوام الحياه لمن تعلى على القمه
هي اللي حيات الهون والمقعد المذموم = لكم كلها بالخير والشر مالتمه
تخيرت عنها النايف العالي المزموم = خلاوي خلى عن راعي الشين والنمه



(يقول بــجــاد أبـــو ديـــة)



يقول بجاد ابوديه سلامي = على فيحان بن ناصر نديمه
على زبزوماها في كل ساعه = متى ضاقت على عين اليتيمه
حفيد شيوخنا واف الخصايل= وريث امجادها لوهي عديمه
على غيره وغيره وش تصور = سواته بالوفاء هطال ديمه
بكورن ماتخلف من مطرها= ولا عودن خضر من دون تيمه
خلاف اللي لهم بالذكر باقي = ابذكرهم ولو فالراس شيمه
ترفع عنهم النفس العزيزه = ولا فيهم القاصدهم غنيمه
ابستاذنك يافيحان توحي = حباك الله عن راع النميمه
ابو وجه يابو فيصل تغير = على بعض العلوم المستقيمه
على بعض العلوم اللي لهلنا = على وضح النقاء مثل الوسيمه
ابو وجه تغير لين عود = على مردوسة الجد القديمه
حناه الساس الاول وستدارت = محالة وقته الحاضر هزيمه
تقفاني ونا اللي لوحضرته = اخلي حضرته مثل البهيمه
تجاهلني ونا اللي ماجهلني = كبير القوم والراس الصتيمه
يقدر فالمواجيب المقامي = وابو مره حياته مع حريمه
يباريهن بفجاله وكنه = حداهنه ليا جات القسيمه
هفا حضه ونا حضي تعلا = سماء كنه يباري راس غيمه
تعلى اليوم في عال المعالي = على عزن عساء ربي يديمه
جزاك الصده الصده وعني = جزاك من العرب هون وشتيمه
وعنك النفس تعلو ماتنزل = ولا تلحق مدى الروح الكريمه
سواتك مايساوي نصف طيبي = انا دايم نديم اهل العظبمه
عزيزن من عزيزينن عوارف = لهم في ساحة الامجاد خيمه
بناها جد جدي ثم سكنها= ولازالت على الدنيا مقيمه
رفيعين المقام عن الرخامه = كبيرين البخوت عن الظليمه












ود عيني تنام ود قلبي يطيب = ودها مار ودي مابرى ودها
كن شمس الوفا عني سناها يغيب= كلما شوفها مقدرعلى ردها
اتمنى لقاها فالزمان القريب= واتصور وراء نور السماء بعدها
منوتلي على السنه وربي رقيب= جعل متاقف الاقدار لي ضدها
كلها كل شين فالرجاء والنصيب= لاسواها ولا فالناس لي ندها
طعنه في حياتي مالها امرآ مصيب = كان نفسي عليها ماضحك غدها
العيون السهارى والفؤاد العطيب= هي سببها ولا تدري والبطى لدها
يسري الليل ياما ليل أمس حطيب= ينحني فيه هم الروح ويضدها
شيبت في حياتي قبل وقت المشيب = فرحة في عيون ماذبل وردها
في حنايا الضمايرصوتها يستجيب= للحبال الوثيقه وانقطع مدها
واحفرت في فؤادي مثل بطن القليب= فجوة ينسدح سرحان في حدها
وكن فيها من اولاده ثمانين ذيب= تحفر الطرافها وتقوم وتهدها
كيف كني على الدنيا بعدها غريب= بين ناسي وجدى من عرب جدها
بين رجوا حياه وبين شكوا وريب= وكل هذا وأنا مقدرعلى صدها
اتأمل واقول الجرح يمكن يطيب= واتزلف كلام الناس من قدها
وش يقولون مافيها من الله عيب = درة يستضل النورفي خدها
يستحي من حياها كل قلبن لبيب= والبني تستضيف الزين من مدها
اصلها من سلايل شيخ قومن مهيب = واصلها ماتويق الناس في سدها
جدها جدها مروي كعيم الحريب= جدها والجد الاقصى صقر في عدها








مايلحــق الطيـــب هروج ومــسبه = اللــي بعد فرقاه قد خاطري ضــاق
ماهقوتــــي قلـــبن يحبــه يكبـــه =لو طالت ايــام المشــقـــه والافـــراق
عسى السحـــاب اللي تنطـــح مهـــبه = ثم دن رعاده وبراقـه آنــســآق
يســقي مواطنهــم ركاماً يصبــــه = من وآبــل مزنـــه مزابــيــر وآدراق
من مآه مآوآدن يصــب آمصبــــــه= على صــحاح القاع يجري بدريــاق
الغثو فوق القشع من عقب غبه = رؤس الغصون اللي بها زهـر وورآق
يالله يــارب القــلــوب الحبـــــه = يآخآلـــق الدنــيــآ ويآمعطـــي آلآرزآق




جــزالة شعري







شاعر ومن عادات شعري جزالته = حيث انتقي جزل المعاني والالفاظ
وبعض القصيد اليا ترديت حالته = جنبت عن واديه لو بالعطاء فاض
واما استنارت فالمواقف جمالته = ماقاملي بيت على مثل الانقاض
لي معرفه وشلون اربي سلالته = والياء حماها الله من سو الاعراض
ماحققت في راس مالي خسراته = مجمل عطاياها طويلات واعراض
مهما تكون ايام عمري سعادته = دايم على كيفه ونا بالشهب القاض
ضميا الضعاين مركب له محالته = على قليبه لين يقفى عن الحاض
مصدر معارف طيب ياللي شماته = وصلتني البارح ونا منه مغتاض
ياكبرها والله عليه جهالته = نور الحياء في ناظره كيف ماناض
عميت عيونه والعماء من رخامته = ياميت النار انته مثل قرشة الباض
اللي على حيده ...... دجاجته = المصدر المعرف في جلب الامراض
انا مثل نور القمر في مدارته = والخوض كلن في ميادينا خاض


البارحه واللي بعد قبلها كان = لي خاطرٍ بين النديم و ندِّيمه
الصاحبيِّن اللي على شكل خلان = الطيبيِّن ليا دعوا للوليمه
الناصحيِّن لبعضهم بعض الأحيان = في غير دعوىَ للثناء و الغنيمه
وجهانّ وجهٍ يملكه قدر وإحسان = والوجه الآخر له سماتٍ ذميمه
وجهٍ تشوف بِه السخاء شوف الاعيان = وجهٍ على متنه تموت اليتميه
هي حاجةٍ وحده لها قلب واللسان = وعلى الضعيِّف لو ملكها عظيمه
قَد لا تكون وقد تكون أصل وأركان = ويمكن تشيّخ وفوق علياء وريِّمه
قبل يتقسم كامل الرأي لأثنان = بين الحلال وبين مثل الجريمه
واحد يقول العلم لو زان لك شان = وأنته وانا مثل الزعيم وزعيمه
والثاني المقهور من سيف راكان = وضعه ضعيف و مُرغماً بـ الهزيمَه
يالأدمى مايلحق الراس حقران = راسٍ هدم بيداّه بيت الظليمه
حطّم مقامه وانتهى منه و إنهان = وانصَك باب مروجين النميمه
ناسٍ تدس السم في صحن الاخوان = لولا الردى مالا الرديّين قيمه
ياقيمة النقصان وحده وثنتان = منتي لوافين الرياجيل شيمه
واللي يقول الناس بُنيه وسيسان = ميراث جدٍ عن جدودٍ مُقيمه
معادنٍ متجانسه وزن و أثمان = كانت كذا مُمكن سنينن قديمه
لطيّب عشاقه ولأشيّن قشران = كلٍ عطى وادي غرامه يهيمه
كم شفتلك من واحد شهَم وإحصان = راعي مقام وله صفاتٍ وسيمه
البيَّنه والخافيّه للونها ثان = ماتظهر الاّ ياصل العلم تَيَمه
يضفي عليها مشلحه لجل ماتبان = في مذهبه سلعة خصيم لخصيمه
كم واحدٍ من نظرتك فيه غلطان = عجٍ قفى دربه من الغيث ديّمه
وأخضر جناب القاع و القاع ظميان = ولولاك يالماء ماتجدد هشيمه
حنّا نرام المجد من غير نقصان = في غيرنا ويدينا به كريمه
نسمو عن الهين ليا شانّ مازان = الله عطانا علو شان و عزيمه
شاره تحقق حق في كل ميدان = تبني على رؤس الطويلات خيمه
في مُعتلى روسٍ عليات وأزيان = روسٍ تحيط بها الجبال الطميمه
وعلى بعيد الدار مانيب بلشانّ = كم لليلةٍ فيها قطعت الخريمه
خليت ابو مُره ومُره ومَران = يموت وقته طايحٍ مع حريّمه
والاّ ترى خطوَ السنافي ليا بانّ = ماينثي طوعاً لفعلٍ يظيمه
لين يتبيّن كل شيءٍ بوكدان = أما طناخة راس والا غنيمه
هذاك والله كامل العقل : فيّحان = غيثً من المشرق يطقه نسيمه
يمطر من لحرّه الى الجو ساقانّ = برقه جلا ليّله ويرزم رزيمه
لاتحسبونه عند هاك الجوا هان = لا والله الا يحجب الشمس غيّمه
متمثنيّن نجد العذيّه والاوطانّ = وَبَلَهَ حقاقَ وُجَهته مُستقَيمَه
غاد تحت كبد السماء عدة اللوان = وبين الزراق وبين مثل العتيّمه
وصفٍ كتبته لأبيض الوجه عنوانّ = اللي على غيّره وصوفه عديمه















رد مع اقتباس
غير مقروء 22-Sep-2011, 08:22 PM رقم المشاركة : 2
معلومات العضو
ولدعساف

مشرف سابق


الصورة الرمزية ولدعساف

إحصائية العضو






التوقيت


ولدعساف غير متواجد حالياً

افتراضي

صح لسان الشاعر المبدع بجاد ابو ديه .. وبيض الله وجهك يافيصل















التوقيع





قال أبوبكر الصديق - رضي الله عنه -
( الموت أهون مما بعده، و أشدّ مما قبله )

اضغط على الصورة لرؤيتها بالحجم الطبيعي


حسبي الله ونعم الوكيل

كتبت وقد أيقنت يوم كتابتي .. بأن يدي تفنى ويبقى كتابها
فإن كتبت خيراً ستجزى بمثله .. وإن كتبت شرا عليها حسابها
رد مع اقتباس
غير مقروء 22-Sep-2011, 08:35 PM رقم المشاركة : 3
معلومات العضو
سعد بن مطلق المقاطي
شـــاعــر

الصورة الرمزية سعد بن مطلق المقاطي

إحصائية العضو






التوقيت


سعد بن مطلق المقاطي غير متواجد حالياً

افتراضي

صح لسااااااااااان الشاعرالقدير بجاد محمد الحافي طرق ابواب الشعر وجاد

وبيض الله وجهك يافيصل على هذا النقل وشكرا لك















التوقيع
رد مع اقتباس
غير مقروء 24-Sep-2011, 04:02 PM رقم المشاركة : 4
معلومات العضو
مرزوق سيف غافل بن دبشي
عضو فعال
إحصائية العضو






التوقيت


مرزوق سيف غافل بن دبشي غير متواجد حالياً

افتراضي

صح لسان الشاعر والراوي / بجاد بن محمد أبو ديه الحافي شاعر متميز وقدير
ومشكور فيصل المسعودي على النقل















رد مع اقتباس
غير مقروء 24-Sep-2011, 05:51 PM رقم المشاركة : 5
معلومات العضو
متعب الند
عضو ماسي
إحصائية العضو






التوقيت


متعب الند غير متواجد حالياً

إرسال رسالة عبر مراسل MSN إلى متعب الند
افتراضي

بيض الله وجهك يافيصل.......وشاعر غنا وكفو...............جات في وقتها...




وتقبل ..زخالص التحيه















رد مع اقتباس
غير مقروء 24-Sep-2011, 06:26 PM رقم المشاركة : 6
معلومات العضو
أبن حشيان
شــــاعــر

الصورة الرمزية أبن حشيان

إحصائية العضو






التوقيت


أبن حشيان غير متواجد حالياً

افتراضي

صح الله لسان اخينى


بجاد ابو ديه ومشكور اخي فيصل مع العلم اني عاتب على المشرفين


والاداره لم تعطينا الفرصه لتعديل الاغلاط وتطلع قصايدنا معاقه


تحياتي الك















رد مع اقتباس
غير مقروء 28-Sep-2011, 11:40 PM رقم المشاركة : 7
معلومات العضو
فيصل المسعودي
مشرف عام
إحصائية العضو





التوقيت


فيصل المسعودي غير متواجد حالياً

افتراضي

اقتباس:
المشاركة الأصلية كتبت بواسطة ولدعساف مشاهدة المشاركة
صح لسان الشاعر المبدع بجاد ابو ديه .. وبيض الله وجهك يافيصل
صح بدنك يا ولد عساف

ووجهك أبيض يالغالي

لا هنت على مرورك وتواجدك المشرف

تحياتي















رد مع اقتباس
غير مقروء 28-Sep-2011, 11:41 PM رقم المشاركة : 8
معلومات العضو
فيصل المسعودي
مشرف عام
إحصائية العضو





التوقيت


فيصل المسعودي غير متواجد حالياً

افتراضي

اقتباس:
المشاركة الأصلية كتبت بواسطة سعد بن مطلق المقاطي مشاهدة المشاركة
صح لسااااااااااان الشاعرالقدير بجاد محمد الحافي طرق ابواب الشعر وجاد

وبيض الله وجهك يافيصل على هذا النقل وشكرا لك
وجهك أبيض ياسعد

لا شكر على واجب يا غالي

كل الشكر لك على مرورك الطيب

لا هنت

تحياتي















رد مع اقتباس
غير مقروء 28-Sep-2011, 11:43 PM رقم المشاركة : 9
معلومات العضو
فيصل المسعودي
مشرف عام
إحصائية العضو





التوقيت


فيصل المسعودي غير متواجد حالياً

افتراضي

اقتباس:
المشاركة الأصلية كتبت بواسطة مرزوق سيف غافل بن دبشي مشاهدة المشاركة
صح لسان الشاعر والراوي / بجاد بن محمد أبو ديه الحافي شاعر متميز وقدير
ومشكور فيصل المسعودي على النقل
هلابك يا مرزوق

لا هنت على مرورك الطيب ياغالي

كل الشكر لك

تحياتي















رد مع اقتباس
غير مقروء 28-Sep-2011, 11:45 PM رقم المشاركة : 10
معلومات العضو
فيصل المسعودي
مشرف عام
إحصائية العضو





التوقيت


فيصل المسعودي غير متواجد حالياً

افتراضي

اقتباس:
المشاركة الأصلية كتبت بواسطة متعب الند مشاهدة المشاركة
بيض الله وجهك يافيصل.......وشاعر غنا وكفو...............جات في وقتها...




وتقبل ..زخالص التحيه
هلا فيك يالند

كل الشكر لك على مرورك المشرف

وجهك أبيض ياغالي

ولا هنت

تحياتي















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:14 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي